[مشاركه في مسابقة لا شرقية لا غربية]طبيخه الفول المدشش من مطبخ ام جنى

[ام جنى]

السلام عليكم


http://www.libyan-kitchen.com/gallery/images/pyppyp.gif




هذى مشاركتى للمسابقه هذى الاكله من مدينه درنه
اول شى انحط الفول المدشش على النار يطبخ وبعدها نخلى يستوى نص سوى



http://up.arabseyes.com/uploads/26_01_1213276003171.jpg



ونحط القرعه مقطعه ونخليهم الى ان يستون


http://up.arabseyes.com/uploads/26_01_1213276003172.jpg





وبعدها انضيف ملعقه طماطم معجون وملح وحرارات


http://up.arabseyes.com/uploads/26_01_1213276003173.jpg




وبعدها ندق سنين ثوم وكسبر ونطشهم فى زيت زيتون


http://up.arabseyes.com/uploads/26_01_1213276003174.jpg




وبعدها انضيفهم للطبيخه مع قرن فلفل احمر


نخليهم يطبخو شوى ونطفى عليهما
ونقدمهم مع خبزه الشعير
هذا الرابط الخبزه

http://www.libyan-kitchen.com/kitchen/showthread.php?p=76438#post76438 (http://www.libyan-kitchen.com/kitchen/showthread.php?p=76438#post76438)





http://up.arabseyes.com/uploads/26_01_1213276023771.jpg




تستطيع فى الليل ان تعملى منها فته ان تسخنى المتبقى من الطبيخ وتسكبيها على
فتات خبزه التنور وتاكل بالملعقه روعه دفى فى الشتاء

[أم لينه]

يسلموووووو إيدياتك حبيبتي
طريقتك جديدة عليا أول مرة نشوفها وأكيد حنجربها

[أم لينه]

موفقة إن شاء الله

[روح مغتربه]

روعه مفروض اتحطيها في قسم الاكل الصحي
وما قتيلناش هذي طريقه اي منطقه
يسلموا ايديك وموفقه حبوبه

[أمـ ساره]

اشاء الله ام جنى مشاركة رووووووووووووووووووووعه

سلم ايدياتك حبوبة

وبالتوفيق يارب

بس ياريت تذكري من وين هالأكلة الحلوة



وأحلى تقييييم للموضوع

[ام جنى]

هذى الاكله من مدينه درنه

[ام جنى]

مشكورين على مروركم العطر ام لينه وروح مغتربه
ام ساره الله يبارك فيك على التقييم
قمت بتعديل الموضوع

[زهرة البنفسج]

ماشاء الله شكلها روعة والفول خاصة انحبه مع اي شئ

[الساجدة لله]

ام جنو ماشاء الله لاقوة الابالله

بس حبوبة انا نعرف ان فيها زبيب وتتقدم اول يوم في العيد الكبيرة ؟ انا هكي نعرف انها تتقدم في درنة

وطبق متميز ورائع ويستحق التقييم

[أم ميوسة]

ما شاء الله تبارك الرحمن

طبق رائع طبيخة تجنن

انا نموت فيه الفول المدشش وحنطبقها طبيختك ان شاء الله

يسلموا حبوبة

[Om Saga]

تسلم إيدياتك ياربي ياأم جني
طبيخة تهبل بسم الله ماشاء الله
بوركتي على المشاركة أختي
ربي يوفقك
تستاهلى التقييم حبوبة

[ام جنى]

الله يسلمكم حبيباتى
ساجده هذيك طبيخه الحمص والقرعه اى هذيك طبيخه العيد

[مغتربة 7]

ماشاء الله مشاركة رائعة
سلفتي ادير فيها تهبل طعمتها
تسلم الايادي حبيبة
وموفقة فى المسابقة
احلى تقييم لعيونك

[guidona]

ماشاء الله الحق اول مره نسمعها ونشوفها

[ام جنى]

جربيها طعمتها تجنن

[خدوج]

يسلموا ايديك
نحس فيها بنينة
لان الفول المدشش يعطى بنة مش عادية
وان شاء الله نجربها
بس نحس كمية الفول تكون هلبه صح؟؟
وعن الكسبر قصدك كسبر اخضر ؟؟والا اليابس
واذا مافى كسبر شن البديل لان قليل مايتوفر عندنا الكسبر الاخضر
وشكرا ليك ويسلموا مرة تانية عالاكلة الطيبة
واحلى تقييم

[ام تغريد]

تسلم ايديك ام جنى ماشاء الله

وشكلها حلوة من ايديك وسخينة الله عليها ما احلاها في الشتاء

[نسيبة]

ما شاء الله طبيخة الفول حليوة من ادياتك يا قمر
يسلمواااااااااااااااااااااااااا ام جنو

[lola9670]

مشكوررررررررررررررررررررررررة

[jolia]

سلم ها اليدين ياربى وناس وعرب درنة

[ليبية طيوبة]

يسلم ايديك شكلها ايشهى حتى انا انموووووت فى طبيخة الفول فكرتينى فيها

فى هالصقع توا انديرها :d

[بنت الاشراف]

سلمت يداك

[luba]

تسلم ايديك ماشاء الله بارك الله فيك لك تقييمي