يا فالحات يا مدبرات انقدونى من التفكير [الأرشيف]

التا ئبه لله

12-09-2010, 04:32 PM

السلام عليكم
كيف حال الحلوين اليوم ان شاء الله تمام

يا بنات نبى نستفيد من خبرتكم طبعا ولا سيما

المتزوجات اى ربات البيوت الا ما يشتغلويش

كيف حالتى نبى نستفيد او نستفيدو كلنا

كيف الواحد تكون ست بيت درجه اولى

يفتخر بيها زوجها وابنا ئها طبعا لما يكبرو
انها هيا ام عطيمه كرست حياتها من اجل
راحة زوجها وابنائها بمعنى
انها تكون مدبره اقتصاديه تعرف كيف
تتصرف وقت الازمات ما تكونيش منانه
انى حرمتى روحى من كل شى على خاطركم
انى انى وهالو مجره
نجو للمفيد نبى نعرف كيف الواحده تتصرف
بمعاش راجلها و خاصه الزوج المسرف

يعنى كيف تكونه كيف تحافط على تعبه
وشقه زى ما يقولو كيف تحاول تسرف على الحوش وتقتصد من المعاش لوقت الحاجه من
غير ما يعلم
بالله يابنات اعطونى رايكم عارفه كترة الكلام بلا فايده بس هدا الامر متعبنى لدرجه لاتوصف
لانى زوجى وانى مسرفين لدرجه لا توصف
ونبى خبرتكم ما تقولوليش خشى جمعيه
من غيرها نبى اراء تانيه ارجوكم
وتفبلو مرورى اختكم فى الله:d:d:d

فضااوي

12-09-2010, 04:42 PM

موضوع مفيد تائبة
لي عوده بأذن الله لاني تو طالعه

ليبيا قلبى

12-09-2010, 04:48 PM

بارك الله فيك على الموضوع
لانه مفيد
حتى انا نبى نعرف كيف نستفيد
اشويه من المصروف الحوش

لانى مبذره درجه اوله
هذا كله مازال ماعنديش عيال
لما ايجو العيال كيف ايصير فيه

انا زوجى كل بدايه شهر يعطينى مبلغ نشرى بيه
حاجات الحوش
لما نطلع السوق ماانروح حتى بربع جنيه
مش عارفه اتقول ايبزن فيه

التا ئبه لله

12-09-2010, 05:12 PM

موضوع مفيد زهورة

لي عوده بأذن الله لاني تو طالعه
هههههههههههههههههههيعطيك الهنى يا فضفض
مشكوره لمروك يا عسل مش زهوره العتب على النطر خخخخخ

التا ئبه لله

12-09-2010, 05:17 PM

لانى مبذره درجه اوله
هذا كله مازال ماعنديش عيال
لما ايجو العيال كيف ايصير فيه

انا زوجى كل بدايه شهر يعطينى مبلغ نشرى بيه
حاجات الحوش
لما نطلع السوق ماانروح حتى بربع جنيه
مش عارفه اتقول ايبزن فيه

مشكوره حبيتى ليبيا قلبى والله العطيم زيك

المشكله اوخيتك مدمنه اسواق تخيلى نمشى لسوق
على خاطر المواد الغدائيه ولا المنزليه
مش باش نترفه لا والله قلت اكيد
الجيران يقولى خيرها كل ما نركب من الدرج امتع العماره خشخش خشخش ههههههههههه
الراجل هبلته ما فيش حاجه تجى خاطرى فيها نسيبها

المشكله اسراف او تبديرمع انى

والله العطيم من النوع الانحب نطيب ونتفنن

بس نحس فيه غلط مش راضيه على ندير فيه
قلت بالك ربى يرزقنا بوخيه مدبره نستفيدو منها

SwEeT BeBa

12-09-2010, 05:41 PM

السلام عليكم ورحمة الله

أتشرف اني اكون بينكم أخوات غاليات ... ويسعدني انه يكون اول مشاركة لي في موضوع الغالية التائبه ... اللي ليها وحشـــــــــــــــــــــــــــة وربي العالم

المهم نجوا للموضوع ...

بالنسبة للتسوق شئ والاسراف والتبذير شئ ثاني .. بالنسبة لي اني مدمنة محلات مواد منزلية بشكل لايوصف يعني عندي نتفرج عليهم افضل من محل ذهب ولا ملابس.. هههههههه ممكن تضحكوا لكن هذي الحقيقة

لكن هذا مايعنيش اني لازم نسرف ونشري كل شي ... لا يكفيني اني نتفرج ونشوف شن اخر الادوات اللي موجودة ولو في شي لازمني ويستحق مانتردد ونشريه على طول ...

وفعلا الانسان أحياناً بدون قصد يلقى نفسه صرف كل اللي معاه واحياناً في حاجات متلزمش ...

لكن أختي تائبه نقولك على حل ممكن يساعدك مع انه يعتبر فيه نوع من التضييق لكن المهم النتيجة ومع الوقت حتكوني مرتاحة وتلقي نفسك موفرة مبلغ لابأس بيه وهذا شئ نقوم بيه أحياناً وعن تجربة

الخطة
... يوم اللي تعرفي انك بتطلعي للتسوق خودي ورقة وقلم واكتبي الحاجات اللي محتاجتيها وناقصاتك وحاولي أنك تقدري ثمن كل سلعة حوالي تقريبياً ... وعلى هذا الاساس خودي معاك مجموع المبلغ اللي طلعلك وزيدي عليه من 10 الي 20 دينار للاحتياط فقط ونكرر للاحتياط

صدقيني كل ماتجي بتزيدي شي تفكري انه المبلغ اللي معاك مش حيكفيك وبالطريقة هذي حتوفري

وأن شاء الله ربي يوفقكم جميعاً

ويجعلنا من القانعين

أم أيوب

12-09-2010, 05:51 PM

حبيبة موضوعك حلو ومفيد لكل ست بيت

أنا زوجي مش موظف

تاجر ومسؤؤل على حوشين

يصرف عليا وطلبات حوشنا

ويصرف على أهله وأهله ماشاء الله أسرة كبيرة منهم عيال أخوه متوفي

زوجي مبذر بشكل لا يوصف

بس أنا الحمد لله عندي قناعة ما ناخدش الا اللي يلزمني

من فترة بديت في خطة معاه

ناخد منه مبلغ كل شهر وندسه

زي الحصالة

بسبلة اني نبيهم لعيالنا لما يكبروا

وهي تبي الحق مخليتهم للطوارئ

الواحد مش ضامن الحال مرات تنوضي في يوم ما تلقيش حق الخبزة في جيبك

فكويس ان الواحد يكون موفر للوقت

مش معنى هذا اني حارمة نفسي من شي

بس نقسم في حاجاتي على شهور

مثلا الشهر هذا ناخد كذا وكذا

الشهر الجاي ناخد وهكذا...

ومصروف الحوش لما كان يطلع بروحه للسوق يجيب في حاجات أكوام مش متاع نفرين فالحوش

والله مرات نين يفسدوا ونرميهم

عودته اني نطلع أنا معاه وناخد اللي نبيها لقينا ان ميزانية الحوش وفرنا منها

وخديت الحاجات المفيدة اللي نبيهم

التوفير في يدك انتي حبيبة الا الرجالة ما يوفروش في حاجة

ليبية

12-09-2010, 06:58 PM

موضوع ممتاز جدا
يعطيك الصحة عليه
بالنسبة ليا اني يا غالية عندي نقاط اساية نعتمد عليها باش نوفر:
تبدأ هذه النقاط من اول مايجي المرتب نقعمز اني وياه ونقسموا المرتب الى 7 اقسام
1 لزوجي(يصرف شن يبي منهم من غير مايولي على المال المدخر)
2 ليا
3 للصغار
4 للتليفون والكهرباء
5 للسيارات
6 للحوش (غذائية ومنزلية)
7 الباقي يندس (مال مدخر)
التليفون والكهرباء كل شهر نقيم في 20 دينار في ظرف بروحهم و20 ينصرفوا على النت
وبالنسبة للغذائية نحط قائمة بللي نبيه وعندي طلعتين للسوق في الشهر طلعة اول الشهر وطلعة نص الشهر والخضرة نشري فيها كل اسبوع او عشرة ايام
ومدايرة لروحي بقيمة 10 دينار نشري لروحي اي حاجة خاطري فيها في السوق خاطي القائمة (شكلاته ,حلوة,تشيبس اي حاجة)
ومبلغ تاني لمواد التنظيف كل شهر نجرب حاجة
اما المنزلية اذا كان فيه حاجة ضرورية اوك وكان هذا مانخشش اصلا

وبالنسبة للحوايج مالقيتلهمش حل خصوصا انه التييرات وقفاطين السهرة بدت اسعارهم تعلى اكثر واكثر والله المستعان

يارب نكون افدتكم اكثر واكثر

اللهم بارك لنا في مارزقتنا اللهم انا نعوذ بك من الدين والفقر وغلبة الرجال

ابريكه

12-09-2010, 08:03 PM

التائبة موضوعك جداً مهم
انا نحب نستعمل الورقة معاية
نكتب حويجاتي الناقصات ونجيبهم واروح معاية فلوس زايدات
فكرة انك تكتبي في ورقة حاجاتك مهم جداً
وجربيها وح تعجبك جداً
ربي يوفقنا جميعاً

أمـ ساره

12-09-2010, 08:16 PM

السلام عليكم

موضوعك جداً رااائع أختي التائبة

والله معاك حق مشكلة المصروف مشكلة كبيرة والله والتبذير مصيبة

واني زيك لما نطلع نحب نشري وخاصة المواد المنزلية

لأني نعتبر في نفسي مازال جديدة وما عندي كل شيء نبيه وخاصة للمطبخ

لكن الحمد لله بديت الفترة الاخيرة نحاول نقص على قبل هلبة

يعني قبل ما نشري الحاجة نفكر ستين مرة ونشوف لو ضرورية او لا

لكن مازال والله نبي نشد اكثر

من ناحيتي وناحية زوجي لأنه يحب يشري الحاجات الكويسة ديمة

وما يدور في الاسعار وهذه عقدتي اني نحب نشوف الاسعار باش نعرف شنو نشري

وربي يرزقنا ان شاء الله ويغنينا بحلاله عن حرامه

ومثل ما قالوا الاخوات قبل ما تطلعي من السوق اكتبي ورقة

وحطي فيها الاشياء الضرورية فقط

وان شاء الله ربي يفتح عليك ويوفقك

السمحة

12-09-2010, 08:31 PM

بسم الله الرحمن الرحيم
كان على السوق والله مايخلى فى الجيب حاجة
ان على مانطلع اللى لما نمشى لااهلى معاش زوجى كبير جدا بس الحمد للة هو غير مبذر ولاان مبذرة يعنى ديمة انفكر فى راقد الريح وانقول الحمد للة ومش كل شى انحقة نشرية خللىك اقتصادية بعض الشى الموعين والاثاث وغيرة شى زيف المهم الواح يقدع حوشة مستوار ومتكامل والحمد للة
وفى مثل يقول القرش الابيض ينفع فى اليوم الاسود بعيد علينا
افطنى لروحك واعرفى كيف تصرفى اليوم عندك بكرة ياعالم ومش ديمة الواح صاح ويشتغل
وربى ايدلك على الخير

التا ئبه لله

12-10-2010, 01:48 AM

السلام عليكم
والله وبالله وتالله الا كلامك
درر الله يحفطكم ويديم نعمته عليكم
ولا يخليكم لاحد والله استفد
من ارائكم لان والله عارف ان فى ناس حكيمه وتعرف تتصرف بحكمه فى كل شى الله يجزاكم عنى خير الجزاء

والله بنسبه لحكايه الورقه درتها وما نفعتيش معاى الله غالب البنى ادم ما يعبيش عينه الا كمشه تراب

أمـ ساره

12-10-2010, 01:28 PM

التائبة وخيتي

انتي ديري ورقة وحطي ميزانية زي ما قالتلك الغالية سويت

يعني ارفعي معاك فلوس تستحقيهم بس

ولما تشري شوفي الي تبيه في الورق بس امشي خوذيه وما تقعدي تتفرجي وادوري

خذي حاجتك وامشي طول للمكان الثاني

وحاولي انك ما ادوري في الاسواق هلبة

يعني لما تبي تطلعي امشي لمكانات ثانية مثل الحدايق او الكورنيش او اي مكان تحبيه

المهم يكون بعيد عن السوق

هو الموضوع صعب في الاول لكن والله بالشويبالشوي تتعودي وتصير عادة

وربي يفتح عليك ويوفقك يارب

المهم انك تصبري وتحاولي

التا ئبه لله

12-11-2010, 11:03 PM

السلام عليكم

ام سرورا الله ايبارك فيك يا حبيبه
بادن حاناخد بنصحيك ونعمل بيها وبكلام الاخوات

الساجدة لله

12-12-2010, 12:08 AM

والله ياحبيبة انا احرف منك بس الحمد لله زوجي مش ديما ايطلع فيا معاه يعني انا شن اندير كل فترة وفترة نجمع مبلغ معين ونقوله هدا للمنزليه او للاثات ونشري اللي نبيه بس مع ذلك انا نعترف اني مرات نشري في حاجات ماليهاش لزمة في الوقت الحالي الله غالب هدا الانسان ديما عينه فارغة بس بااذن الله نديرو حل مع بعضنا ونتعلمو من التجربة الناجحة

التا ئبه لله

12-12-2010, 12:15 AM

الله يجزاك خير سجود والله حتى هيا

فكره انهالواحد مش ديمه يطلع احسن حال القيته لكن عارفه روحى ما نقدريش لكن ياريت نلقو حل جدرى

Om Amory

12-12-2010, 11:24 AM

تائبه لله ماوضوعك حلو

وماشاءالله البنات ماقصروا

قالوا على كل الافكار

وان شاءالله استفدتى

التا ئبه لله

12-12-2010, 02:04 PM

هلا والله باام عمورى تى وينك
يا مراء عاد وليت مراء تو وست بيت حتى انتى المفروض تستفيدى منه
مشكوره على مرورك يا عسل

جميلة الكون

12-12-2010, 04:24 PM

هدا يعتمد عليك من انت صغيرة كيف عشتي في حوش بوك هل تربتي علي الدلال ولا علي كيف تكون ربي بيت ناجحة ره لا يبي لا نقاش ولا شي

التا ئبه لله

12-12-2010, 04:42 PM

مشكوره جميله على مرورك
بس بالعكس الواحد ياخد من تجارب غيره
ولو كان فى بيت اهله مدلل بس تفرق لماكنت بنت
على ست بيت عندك مسؤليه ورك ما فيهاش باس
لو الواحد احتاج النصيحه من غيره حلو الواحد يستفيد من اخطائه واخطاء الغير هدى الحياة كل نتعلمو من نفسنا او من غيرنا

Om Amory

12-12-2010, 05:03 PM

هلا والله باام عمورى تى وينك
يا مراء عاد وليت مراء تو وست بيت حتى انتى المفروض تستفيدى منه
مشكوره على مرورك يا عسل

هههههههه ايه عاد وليت مرا هههههه

اكيد ان شاءالله نستفيدوا من بعضنا:)

ليك وحشه

جميلة الكون

12-12-2010, 05:13 PM

تعرفي لا بالعكس اني نقولك علاش لان كل زوز ليهم طريقة معينة في حياتهم الخاصة
وهو صح النصيحة مرات تحتاجيلها لكن مرات نتفديها مرات لا ....تعرفي كل واحد فينا ليه تفكير خاص بيه مهما خديتي من نصائح مهما تعلمتي........ الدينا هدي انت تعلمي منها بروحك متخليش حد يعلمك

التا ئبه لله

12-12-2010, 05:33 PM

ام عمورى والله وانى اكتر كيف حالك يا عسل

جميله والله كلامك مزبوط هدا الاانى كنت انفكر فيه

نقول الواحد ياخد العبره من تجربته القيت روحى الافى الامورالماديه شى ما ستفديش قلت اكيدفى اوخيات
مدبرات عندهم افكار جهنميه بالعكس والله
استفدت من كلامهم هلبه وبادن الله جارى التنفيد
على اقل الواحد ايجرب شن خاسر والتجربه خير برهان
جميله انتى غير للما تتزوجى تو تشوفى المسئوليه
ان شاء الله ربى يرزقك بزوج الصالح
كل شى فى راسك مع انى الزوج كل شى فى راسه لكن حتى المرا ء لازم تاخد حصتها مش غير
هات هات هات لازم الانانيه الا عندنا نننسوها والله يستر

Om Amory

12-12-2010, 07:03 PM

التا ئبه لله

12-12-2010, 07:14 PM

الحمدلله بألف خير
مادامنى جنب علو ههههههه
الله يخليكم لبعض ويرزقك بدريه الصالحه

جميلة الكون

12-12-2010, 08:11 PM

شكرا بارك الله فيك ان شاء الله ربي يسمع منك

ليبية

12-12-2010, 11:38 PM

على فكرة في وحدة من صحباتي لقيتها ماتشريش في الحوايج الا في التخفيضات مع العلم انه حالتها المادية كويسة بس لقيت روحها كاسبة هلبة
فعلا هي تحكي انها مشت ل bhs في التخفيضات وخذيت تي شيرت حلوة لين خلاص في العادي كان سعرها 20 وفي التخفيضات ولا سعرها (مش حتصدقوا )

6.25 دينار تصوروا

قلت خلي نقولك بالك تستفيدي حتى من هاذي

دعواتك

التا ئبه لله

12-12-2010, 11:50 PM

ليبيه مشكوره حبيبتى والله حتى انى bhs

نشرى منه فى التخفيض وفى الايام العاديه لانها هو اصلا رخيص جدا
لكن الواحد المفروض معاش يمشى لين يسمع بتخفيض
مشكوره حبيبتى على المعلومه حا ناخد بيها

بنية بوها

12-13-2010, 03:01 AM

حلوة افكاركم يابنات وحتى فكرتي التسجيل مافي احسن من هكي,,,,,,,,, ومنكم نستفيد

التا ئبه لله

12-13-2010, 08:31 AM

هلا والله ببنيت ابوها
ايه حبيبتى خاصة انتى كيف باديه حياتك حتستفيدى
منه الموضوع مشكوره لمورورك

أمـ ساره

12-14-2010, 11:45 AM

أنا جيت مرة ثانية >>>> قوليلي ياسرك عاد ههههههههههه

لا والله وخيتي التائبة حبيت انقولك على نصيحة قالها لي زوجي وسمعت بيها من قبل بس نسيتها

انك لما بتطلعي تشري او تدهوري أطلعي شبعانة باش تعبي عينك مرة وحدة وما تشري هلبة

لاحظي حتى في رمضان لما الواحد يطلع في النهار يبي كل شيء حتى الخبزة العادية تزهى في عينك

اني ما نقدر انجربها لأني نتعب في الطريق وناخذ في حبوب الترجيع حاشاك

يعني لازم تكون بطني فاضية >>>>>> مشكلة والله

لكن ان شاء الله تستفيي منها انتي وكل الوخيات

التا ئبه لله

12-14-2010, 05:52 PM

السلام عليكم
ههههههههه ضحكتينى يعطيك الهنى
بالعكس حبيبتى اى معلومه تعرفيها ما تبخليش بيها الموضوع مش مقتصر على راى واحد بالعكس حتى فكرتك انه الواحد يطلع شبعان
حلوه مع انى من النوع الا من النادر ناكل بره لانى حاشك عيافه بس الماكله

نطلعو شبعنين والحاجات التانيه

كيف بنلقو ليها حل لكن الواحد ايحاول
بنسبه ليا من توا بدت معاش نطلع
لان عارفه روحى هو شنبيرى الله يحفضه مخصصلى يومين فى الاسبوع
نطلعو فيهم انى والصغار
حتى قالى نطلعو قتله لا بالك اوخيتك
ربى يهديها مشكوره حبيبتى مره تانيه

أمـ ساره

12-14-2010, 05:59 PM

كويس حبيبة انك عيافة والله خير لك

لكن القصد من انك تاكلي قبل ما تطلعي حتى ما تشري هلبة

مش الماكلة بس كل شيء حتى الملابس والمواد المنزلية وكل شيء

تقريبا فيه دراسة تدل على الحاجة هذه

انتي جربي وقولينا هل صحيحة او لا :rolleyes:

وربي يهدينا جميعا لأن هالمشكلة تبي حل فعلاً

التا ئبه لله

12-14-2010, 06:48 PM

خلاص حبيبه معليش حنكون انى حقل التجارب خخخخخخخخخخخخخخخخخخخخ
والله حنديرها ونقولك يا حبيبه

ام الجميلات

12-17-2010, 10:12 AM

السلام عليكم
ما شاء الله عليك ياتائبه عرفتي وين تضربي موضوعك على الوتر الحساس وهو المصروف وآه من المصروف
انا قانوني البركة في المصروف مانديرش حساب لكن نقول ديمة ربي يرزق والحمد لله نلقاها الحاجة متوفرة عندي ولله الحمد

خدوج

12-17-2010, 10:59 PM

يسلمكم يابنات بلادى
ديما تحطوا يدكم عالجرح
انى شن بنحكى لنحكى
كان وفرت حاجة معناها
بنشرى ماكينة والا اله للكوجينة
لونشد 300 اليوم يطيرو
ونقول لراجلى انى مبدرة دس انت
وشن ندير لمن نقوله عطينى يقول خودى
ديما نحكى نوفروا من يسمع
والله التوفير كويس لسمح الله تصدفكم مرض والاموت بعيد عليكم
يلقى روحه الواحد يصفق
ومافى ماجربت لافلحت فى جمعية ولا حتى لمن ندير قائمة ولمن نوصل المحل نغير راى
اللى تفيدنا بندعوها

ليبية

12-20-2010, 01:11 AM

الله المستعان
ربي يباركلنا في ارزاقنا ويديم علينا من نعمه ويقدرنا على فعل الخير

اسوء شهر يمر عليا في المصروف الشهر اللي فيه مناسبات طبعا تلقي روحك بتصرفي الكوافير, والهدايا, واللبس, الخ الخ الخ

فقلت بعون الله من اول وجديد بنبدا نحط فلوس على جنب في ظرف ونكتب عليهم هدايا المناسبات
باش لما نحط مبلغ كل شهر على جنب مايجيش الضغط على مصروف شهر واحد

هذا ان شاء الله طبعا

التا ئبه لله

12-20-2010, 04:52 PM

السلام عليكم
هلا والله بام الحسناوات
والله حتى انى زيك لكن بعدين لقيتها ما تنفعيش

يعنى اطبقى فى اصرف ما فى الجيب يا تيك ما فى الغيب يعطيك الهنى بس لكن يا حبيبه حتى التوفير باهى ولا شن رايك مشكوره يا عسل

التا ئبه لله

12-20-2010, 04:55 PM

هلا بخدوج كيف الحال
والله صدقتى الدنيا فيها كل شى ربك يستر

والله على قولتك كان وفرنا معناها
بنشرو حاجه اصلا ما تصبريش مدام خديتى على الا سراف والتبدير معناها الله يعينك
المشكله كان راجلك شد المصروف كان يعرف كيف يتصرف بفلوس تمام التمام وكان زى حالتى طالع احرف منى
والله ربحتى لا نالتى عنب اليمن ولا بلح الشام

ان شاء الله نالقولها حل عند المدبرات

التا ئبه لله

12-20-2010, 05:00 PM

اهلين ليبيه كيف حالك يا حبيبه

والله كلامك مزبوط وفكرتك ان الواحد يدس فلوس

على غير طريق هدى صحبتى مديرتها
وما شيه معها ميه ميه قالت
قداش من كلمة اعطينى بنمشى للكوافيره وتعرفى
فى رجاله ما تقتنعيش بهدا الكلام يومك وتانى عندها مناسبه
لكن لما بدت توفر تاخد منه نصف المبالغ وتقوله هدا حق المزين
يحساب حق هو ما يحسابيش انها ادكى منه خخخخخخخخ
المهم فكرتك حلوه وجارى التطبيق
مشى للمناسبات بس حتى الاشياء تانيه والله يدوم علينا النعمه

اللهم امين ولا يجعلنا من اخوان الشيطان المبدرين

guidona

12-21-2010, 07:10 PM

السلام عليكم
حلو الموضوع ياتائبه روعه
بالنسبه لي ممكن اني الي راح نستفيد منكم لاني حياتي اهني تختلف عنكم بحكم الغربه
بالنسبه ليا انا كنت مسرفه بس انحاول حاليا اني انخفف من المصريف الي مليهاش معني
تعرضا لبعض الازمان الماديه ولله الحمد وتعلمت منها بصراحه هلبه يعني كان عندنا سيارتين ولت سياره وحده وصار اقل مصرف واقل بنزينه
قللت طلوعي لسوق كنت كل اسبوع نتسوق حاليا كل عشره ايام ومرات حتي كل اسبوعين وعودته اني نتسوقو مع بعض لانه لو هو يتسوق ابروحه وجيب في حاجات انا مش لازمتني كنت مدمنه لبس وماركات القيته دوه فارعه المهم حاجه نازكه ومش شرط غاليه امدايره برنامج كل عطله طويله نطلعو خارج المدينه للفسحه انا طبعا نشتغل وناخد في مبلغ بيسيط ندخره والباقي نعطيه لزوجي يعني افلوسي وفلوسه واحد ومدرتش فرق بيني وبينه فيه اهني مغريات هلبه الماكله بره في المطاعم وشرب القهوه والطلوع بس حسيت القرايه وامتحانات الصغار عقلتني شويه وصدقوني هيا مسالة تعود لو تتعودي اتحطي سستم معين حتمشي اعليه بادن الله وحتكوني مرتاحه وراضيه علي نفسه ومش ناقصه حاجه
وربي يهدينا ويوقف الجميع

ليبية

12-23-2010, 10:55 PM

حبيبتي غويدونا كلامك عين العقل
مخصوصا على اللبس بصراحة كثرناها على ماوصونا
كل مناسبة نبوا لبسة واللبس توا ولا نااااااااااااااااااااااااااااااار يا حبيبي نار
يعني باش تلقي قفطان مناسبة حلو ويعجبك مش اقل من 200 دينار وهذا بسيط
اني في عرس سلفي في الصيف اللي فات عييت واني ندور في قفطان سواريه كبير واللي نحط عليه ايدي بكل بساطة 500 ,600,750
علاش نطبعوا فيهم وفي الأخير خذيته وبكل اسف مجبورة ب 400
وطبعا لقيت انه معظم النساء اللي تلبس لبستها ماتحبش تعاودها شن السبب ماعرفتش؟
شن الحل ؟
الله اعلم
لا وخليك فيه ناس نعرفهم حالتهم المادية عادية ومايشروش الا من ماركس اند سبنسر ولا مانجو علاش الله اعلم
مع انه فيه في السوق حاجات احسن واحلى وارخص لكن لما تقولليلهم تقولك لا الكواليتي (النوعية) متعه المحلات العادية مش زي اللي نشروا فيها
دوه فاضية كواليتي شنو
قداش بتقعدي تلبسي في الحاجة 100 قرن ماهو الحاجة تلبسيها وتبيد بالهني المهم طالعة حلوة ونازكة عليك والباقي والله العظيم حنتحاسبوا عليه
والله حتى رجالتنا مابعدهم
والله المستعان

نسمه ليبيه

12-23-2010, 11:45 PM

الحمد لله الحمد لله الحمد لله انى مش مسرفه ونعرف وين نحط القرش

ومع انى قبل مانتزوج حالة والدى الماديه ماشاء الله بس مش معودنا عالاسراف

ولما تزوجت زوجى حالته متوسطه بس قدرت انى نوفر وعودته انى مانسحبش من راتبى الا للضروره مرات سنوات ماناخد منه شى مثلا عمليه او علاج او تغيير السياره واخيرا سحبته عشان اثاث بيتنا الجديد
وبالنسبه للجمعيه عشان تستفيدى منها من اول ماتشتركى فيها حددى شن بتديرى بيها
والحمد لله مع حسن التصريف عمرنا مامرينا بازمه مع انى زى ماقلت لك زوجى حالته متوسطه
والحديث عن الموضوع هذا كثير
وعجبونى نصائح الاخت ليبيا

omhammam78

12-24-2010, 12:23 AM

باهي واللي هي مدبرة وماتشتغلش وزوجها مش مقتنع بحاجة اسمهامصروف شخصي لانك مرات تحتاجي حاجة او بتودي حد عزيز و الرجالة مايهتموش بهذه الدوة وتلقى في روحها قلبها ع جيبه مش مستفيدة لنفسها مرات تلقى روحها متحشمة حتى مع ناسها قولولي يافالحات كيف بدير معاه

ام لبنتين وولد

12-24-2010, 12:43 AM

شوفي انا نقولك انك تحددي مصروفك لشن بالنسبة للمواد الغذائية ديري ورقة وقدري الاسعار خودي معاك المبلغ وزيدي عليه شوية ولما تشري خودي مايسدك حاجة اسبوعين يعني ديري طلعتين في الاسبوع
وبالنسبة للملابس عن نفسي وصغاري كذلك مدايرة لبستين للطلعة وكم لبسة للحوش وصغاري كذلك منحبش نكتر حوايج ولما يكون عندي مناسبة كبيرة نشري حق
وبالنسبة للخضرة نشري اللي نسنحقله فقط وعندي نشريها كل 3 4 ايام ولا نكدسها وتتلوح
ورا جلي له نصيب طبعا للبنزين والتليفونات وحاجات زي هكي
وبالنسبة للماعيين الضروري الضرور ومانحبش اللي نشوفه نشريه نحب اللي نستحقه ناخده بس
وانا عن نفسي اقتصادية لين مهلكة ولما نطيب ندير شوية ولما ندير هلبه نقعد بنبكي لان الماكلة بتتلوح منحبش
منحبش مرات من كثر ماانا حريصة لين نضايق من روحي
لكن الحمد لله مافيش شهر نطلع بدون توفير

ام الجميلات

12-24-2010, 01:46 AM

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ليبيةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifحبيبتي غويدونا كلامك عين العقل
مخصوصا على اللبس بصراحة كثرناها على ماوصونا
كل مناسبة نبوا لبسة واللبس توا ولا نااااااااااااااااااااااااااااااار يا حبيبي نار
يعني باش تلقي قفطان مناسبة حلو ويعجبك مش اقل من 200 دينار وهذا بسيط
اني في عرس سلفي في الصيف اللي فات عييت واني ندور في قفطان سواريه كبير واللي نحط عليه ايدي بكل بساطة 500 ,600,750
علاش نطبعوا فيهم وفي الأخير خذيته وبكل اسف مجبورة ب 400
وطبعا لقيت انه معظم النساء اللي تلبس لبستها ماتحبش تعاودها شن السبب ماعرفتش؟
شن الحل ؟
الله اعلم
لا وخليك فيه ناس نعرفهم حالتهم المادية عادية ومايشروش الا من ماركس اند سبنسر ولا مانجو علاش الله اعلم
مع انه فيه في السوق حاجات احسن واحلى وارخص لكن لما تقولليلهم تقولك لا الكواليتي (النوعية) متعه المحلات العادية مش زي اللي نشروا فيها
دوه فاضية كواليتي شنو
قداش بتقعدي تلبسي في الحاجة 100 قرن ماهو الحاجة تلبسيها وتبيد بالهني المهم طالعة حلوة ونازكة عليك والباقي والله العظيم حنتحاسبوا عليه
والله حتى رجالتنا مابعدهم
والله المستعان
http://www.libyan-kitchen.com/kitchen/tahasoft.com_1/misc/quotes/quot-bot-left.gifهههههههههههههههههه يعطيك الهني ضحكتينيhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

التا ئبه لله

12-26-2010, 12:51 AM

السلام عليكم
غيدونا ليبيه نسمه ليبيه ام لبنتين او ولد

شاكر ا مروركم والله كلامكم عين العقل تصدقو
لما القيتكم اقتصاديات وكيف تعرفو تتصرفو فى
المصروف استفدة منكم الله ايبارك فيكم
اختى ليبيه بنسبه للبس الماركات العالميه
انى اولهم نحب نلبس من ماركات عالميه مختلفه لكن مش شرط الحكايه فيها ان الواحد ايفخفخ على الناس لا والله تم والله انى نحب نلبس الماركه لنفسى حتى لصغارى نحب نلبسهم ماركات لكن هدا ما يعنيش انى حتى المحلات العاديه لبسهم مش حاجه من الزوز
بعدين حبيبه الواحد على شن اتعود لو تعودتى من حوش اماليك تلبس كويس ديمه بتمشى على نفس النمط
الله يهدينا سبحان الله كل واحد ايشوف فيها من منطوره

الشخصى بعدين يا بنات والله زى ما قلتلكم الا الدوق ما تقدريش اتغيره ما نعرفيش انحس فيه موضوع شائك يبى بروحه تهدريزه طويله ونقولك اختى ليبيه

والله ما نتفكريش نلبس لناس باش يقولو عليا فلانه تلبس من المحل الفلانى نلبس لنفسى ولزوجى اهم حاجه عندى لكن انه الواحد مش يومك وتانى ما شى يشرى انى معك فيها الحاجه ممكن الوحيده الا نحس روحى فيها منطمه حكايه اللبس نشرى بداية الصيف وبداية الشتى فقط طبعا من غير المناسبات وعلى حسب المنا سبه كان لماليه واهل زوجى بسيف عليك

وكان المناسبات التانيه حتى الا عندك يمشى
واحسن كلمه قلتيها قداش بتلبسيها اهنى تكمن المشكله الفستاين اقل واحد ايكون نازك بدى بالف وفما فوق الله المستعان وخلاص لكن الله يهدينا والله العطيم زيدو بالله عليكم اتحفونا بالموعط والحكم كيف نتصرفو ونمشو حياتنا بدون اسراف وتبدير

ام ثواب

12-26-2010, 03:31 AM

دعاء دخول السوق

- قال الرسول : « من دخل السوق فقال: "لا إله إلا الله وحده لا شريك له، له الملك وله الحمد يحيي ويميت وهو حي لا يموت بيده الخير وهو على كل شيء قدير" كتب الله له ألف ألف حسنة ومحا عنه ألف ألف سيئة ورفع له ألف الف درجة » وفي رواية: « وبنى له بيتا في الجنة » [ رواه الإمام أحمد والترمذي وابن ماجه والحاكم عن ابن عمر].
ـ بسم الله، اللهم إني أسألك خير هذه السوق، وخير ما فيها، وأعوذ بك من شرها وشر ما فيها، اللهم إني أعوذ بك أن أصيب بها يميناً فاجرةً، أو صفقة خاسرة".
بصراحة وصلت لقناعة ان الواحد يعيش يومةبكل مافية ومايحرمش نفسه واللي حولية من حاجة خاطرة فيها لان أخرتها موت خصوصا ها الفترة اللي ينوضو فية لقوة ميت لابية لاعلية وها الخبيث اللي يجرد في الناس جرد كل يوم فلان مرض فجئة ولقو عندا الخبيث كل يوم خبر مثل ها الخبر نين اصبح عندنا الموت حاجة عادية مانبيش انكد عليكن لكن واقع انعيشو فية والاعمار بيد الله ويبناتتتتتتتتت عليكن بالصدقة وكثرن منها انشاء الله يقعد عندك مبلغ مخصص لشيء معين لكي وحرمتي نفسك منة وتصدقتي بية دون ان تعلم يدك اليسري ماذا اعطيتي باليمني وراهو حتي مساعدتك لزوجك في المصروف يعتبر صدقة والاقربون أولي بالمعروف

التا ئبه لله

12-26-2010, 12:03 PM

السلام عليكم

مشكوره حبيبتى ام تواب الله يجزاك خير

الحمد لله دعاء السوق اهم حاجه عندى لما فيه من اجر عطيم قالو اجره كبير لان الناس اكترهو لهين بالبيع
والشرا والخش والربح وهكدا ومن الا نادر من يتدكر دعاء دخول السوق

بنسبه لكلامك والله مرات هدى حكمتى فى الحياة ان النيا زى ما يقولو فيها ونسة ساعه من ساعه
ورجالى هدا الا ماشى بيه انه ايعيش وياكل باهى ويلبس باهى هو اسرته والباقى زايد يعنى حتى لو يبى يقتصد

حاجه بسيطه يخلى فى المصرف لضروره
سبحان الله ام تواب الدنيا خلاص قلتلهم قربة توفى معاش فى حاجه اتفرح واهم حاجه الصدقه الايفتح عليك
الجانب هدا ولله الحمد مع انى نحس مرات فى روحى مقصره لكن بادن الله نوضب عليه

مشكوره يا عسل على الكلام الا زيك

جعله الله فى ميزان حسناتك

ام عبود

12-26-2010, 02:28 PM

عزيزتى الطريقه كثير سهله بس مثلا بدل ما تصرفى 20 دينار فى اليوم خبى من 2 دينار وحطيهم فى مكان تعرفيه وانسيهم ابدا لحد ما يولى عندك مبلغ محرز

تانى شى مثلا بدل ما تمشى للسوق يوميا امشى يوم ايه ويوم لا هيك بدل ما تشرى كل يوم وهيدا طبيعى انو الواحد لما يمشى للسوق يشرى اللى يحتاجه واللى ما يحتاجه
اكتبى متطلبات بيتك واحتياجاتك على ورقه قبل ما تمشى للشوبنج عشان تعرفى شو بدك تجيبى

حاولى انك تشترى الاشياء اللى عليها خصومات لانها بتوفر عليك

اعملى برنامجاسبوعى للصرف يعنى باكج معين مثلا انتى تصرفى 100 دينارفى الاسبوع حدديهم 100 مش اكثر وحتى لو احتجتى اصرفى الموجود

انا عانيت كثير من هيدى المشكله بس الحمد الله هلا اتصلح حالى كثير وما بيخفى عنكن هون بدبى كل شى تشريه كان تلقى تشرى كل المول ما تقصرى
هههههه احنى النساوين نموتوا على الشرى والصرف
لكن لما تقننى الامور تمشى ان شاء الله منه تكونى ما حرمتى نفسك ومنها اقتصدتى

نسيت شغله مهمه حاولى تقننى الاكل فى المطاعم خليها كل اسبوعين مره او كل اسبوع مره

نعومي نت

12-27-2010, 09:49 AM

والله يا ليبية كلامك عين العقل وما عندي ما نقول فيه

اناواخواتي

01-05-2011, 09:03 AM

السلام عليكم
اختي صاحبة الموضوع شكرا ليك لطرحة لانة مهم في هدا الوقت
بالنسبة لتجربتي
زوجي والحمد اله موظف بالدولة ومرتبة كويس لكن مداير لروحة برنامج اضافي لتحسين الوضع للمنستقبل
لكن هدا ميمنعش انيانكون اقتصادية انحاول اني انقنن قدر منقدرالواحد ميندريش الدنيا شن داستلةبديت مدارية مصروف معين لكل اسبوع وفوقةعشرين دينار لو صار ظرفونحاول انجيب حاجات من نوعيات كويسة لكن سعر اقل
زي مقالو الاخوات مش ماركة مش في البس والاحدية بس حتى المواد الغداتية والمنظفات
اللحوم علاش كل واحد ياخد طرف هكي كبرة لين الواحد يرعش منة هي شريحة ولا طريف ايادي الغرض بحداة نشويات وبروتين نباتي
وكمية سلاطة كبيرة لان حني الليبيين اكتر همنا الماكلة انكدسو ونلوحوفي حشاكم الكناسةوصدقوني كل شي لية بديل
وتو كل وحدة اتقولنا شن تستعمل صابون غسالة وكيف اتوفر فية
كيف اتوفر في المواد الغداتية واللحوم والالبان
كيف اتوفر في الطاقة
ومديروش كلكم حالتكم ياي رانا ليبيين ونعرفو بعضنا ما لينا غير المظاهر والفخفخة
ولي عودة باذن الله للموضوع
وياريت كان في وحيدة فالحة اديرلنا ميزانيات لرواتب معينة باعداد اسر معين تحت الطلب
معليش ردي ملخبط لاني مستعجلة
سلام