[مشاركة تشجعية فى مسابقة لاشرقيةولا غربية]بازين الملوخية من مطبخ خدوج

[خدوج]

http://www.libyan-kitchen.com/gallery/images/imagesysy.jpg


الملوخية اكلة معروفة فى بعض المناطق الليبية
وتعتبر من الاكلات الثراثية للمطبخ الليبيى

http://www.libyan-kitchen.com/gallery/images/kh20eme.jpg

يلا بسم الله نبدوا
نحضر كمية من الملوخية حوالى كوب متوسط
وطبعا تكون جافة ومطحونة ومن افضلها التونسية واللى تاتى من الجنوب الليبى
نضيف عليها كمية من الزيت الى ان يغمرها وتصبح كما فى الصورة

http://www.libyan-kitchen.com/gallery/images/kh16fhf.jpg


ثم نضعها فى طنجرة على نار هادئة ونحرك حوالى خمس دقائق او سبعة
وحذارى ان تحترق وعند ذلك تصبح مرة الطعم


ونكون مجهزين الثوم (كمية حوالى نصف كوب او ازيد شوى)انا فرمته بالخلاط العمودى
ونضيفة عالملوخية ونحرك


http://www.libyan-kitchen.com/gallery/images/kh4aga.jpg


ثم نضيف ملعقة كبيرة طماطم معجون
ونحرك بسرعة
وضيفى نصف ملعقة صغيرة فلفل احمر
واعتدنا من الصغر ان الملوخية لاتضاف لها اى نوع من البهارات
عدا الفلفل الاحمر فقط والثوم وحتى الملح فى الاخير واذا احتاجت
لانها تاتى مالحة اكثر الاحيان وهذه طبيعة اكثرها

http://www.libyan-kitchen.com/gallery/images/kh3qdq.jpg


وبسرعة نضيف الماء وستلاحظين انها اصبحت كثيفة القوام حاولى التحريك بسرعة
مع اضافةالماء حتى تصبح سائلة القوام واتركيها تغلى وعندما تغلى هدئى النار


http://www.libyan-kitchen.com/gallery/images/kh5pop.jpg


ونظفى اللحم وجهزيه واذا كان اللحم قاسيا اضيفه بعد اضافة الماء
واذا كان طريا فاننا سنضيفه بعد ساعتين او 3 من طهى الملوخية

http://www.libyan-kitchen.com/gallery/images/kh17hrh.jpg

واتركيها على نار هادئة من 4ونص الى خمس ساعات او ارزيد شوى
واثناء النضج اذا حسيتى بنضج اللحم اخرجيه من القدر واحتفظى به
وتستطيعى اعادته فى الربع ساعة الاخير
وعند اقتراب نضج الملوخية اضيفى لها قرون الفلفل الاخضر
وتابل المرحى او التابلية التونسية
وضفى النار عندما يثكاثف قوامها ويطفى الدهن على السطح
وتوكل اما الخبز
وتكون طبيخة ملوخية


http://www.libyan-kitchen.com/gallery/images/kh15did.jpg


او نقوم بااعداد البازين
والطريقة معروفة لليبيات
نجهز دقيق شعير بعد اضافة قليل من الدقيق الابيض
ويكون القدر فو ق النار به ماء مغلى والقليل من الملح وعندما يغلى الماء نضيف
الدقيق
وبعد ان ينضج نبعده عن النار ونقوم بتعصيده
باضافة الماء بين تعصيدة واخرى(حلوة هذه ههههههههه)

http://www.libyan-kitchen.com/gallery/images/kh11kuk.jpg


ويكون البازين جاهز


http://www.libyan-kitchen.com/gallery/images/kh12yey.jpg


ونرتبه فى صحن التقديم ونضيف عليه الملوخية



http://www.libyan-kitchen.com/gallery/images/kh18lll.jpg



http://www.libyan-kitchen.com/gallery/images/kh19afa.jpg


وهذه للجيران وهذه عادة عندنا لابد من تذويقها للجيران(مش اى اكلة لا الملوخية تحديدا)
بسبب رائحتها (اللى تعبى خشوم الجيران)
بالرغم من العديد قد تركوا هذه العادة الجميلة والحلوة اللى تدل على
حسن الجوار

http://www.libyan-kitchen.com/gallery/images/kh13zpz.jpg

وصحتين وهنا على الجميع

[najat.moda]

ماشالله روعة تسلم ايديك أنا هدي اكلتي المفضلة ربي يسلم هاليدين

[ام هداية]

ما شاء الله يعطيك الصحة طريقة واضحة حتى انى انحبها الملوخية لكن من غير البازين يسلم ايدياتك وموفقة فى المسابقة

[أم لينه]

السلام عليكم ورحمة الله وبركاته

صباح الخيرات حبيبتي خدوج
الف صحه وهنا على قلوبكم
يسلمووووو إيدياتك يا عسل عالبازين الجديد عليا بصراحة أول مرة نسمع بيه
والحق يجي في الخاطر
موفقة في المسابقة يارب
وأحلى تقييم لعيونك

[ام تغريد]

ما شاء الله خدوج علي الوصفة الجديدة عليا

باين عليها روعة

وتسلم ايديك وصحتين عليكم

[أمـ ساره]

سبحان الله أول مرة نسمع بيها

سلم ايدياتك خدوج وربي يبارك فيك على الأكلة الحلوة

ومشاركة مميزة جداً جداً

بالهني والعافية على قلب من كلاه

وأحلى تقييييييييم لأحلى خدوج

[المصراتيه]

ماشاءالله
نفسي انضوقه يا خدوج والله الحق اول مره نسمع بيه
يعطيك الصحه ويسلم ايدياتك

[ام جنى]

ياااااااااااااااااريتنى جارتك
سلم ايديك فى خاطرى انذوقها

[خدوج]

اقتباس:
المشاركة الأصلية كتبت بواسطة najat.moda http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77206#post77206)
ماشالله روعة تسلم ايديك أنا هدي اكلتي المفضلة ربي يسلم هاليدين


صحتين وهنا يانجاة
منورة الموضوع

اقتباس:
المشاركة الأصلية كتبت بواسطة ام هداية http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77207#post77207)
ما شاء الله يعطيك الصحة طريقة واضحة حتى انى انحبها الملوخية لكن من غير البازين يسلم ايدياتك وموفقة فى المسابقة


تسلمى ام هداية
نفس الشعور نحبها من غير بازين بس الشنبير يبها هكى
اهو نطيب فى الخاطر
شكرا لمرورك

اقتباس:
المشاركة الأصلية كتبت بواسطة أم لينه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77208#post77208)
السلام عليكم ورحمة الله وبركاته

صباح الخيرات حبيبتي خدوج
الف صحه وهنا على قلوبكم
يسلمووووو إيدياتك يا عسل عالبازين الجديد عليا بصراحة أول مرة نسمع بيه
والحق يجي في الخاطر
موفقة في المسابقة يارب
وأحلى تقييم لعيونك



تسلمى ام لينة
وانى قلتها فى هلبه مايعرفوش
ان شاء الله ربى يعطيك الصحة والعمر ووضوقيه
شكرا لمرورك

اقتباس:
المشاركة الأصلية كتبت بواسطة ام تغريد http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77212#post77212)
ما شاء الله خدوج علي الوصفة الجديدة عليا

باين عليها روعة

وتسلم ايديك وصحتين عليكم



منورة ام تغريد
يعنى هكى وهكى وعلى حسب مهارة وشطارة الشخص فى تطيبها
شكرا لمرورك العطر

اقتباس:
المشاركة الأصلية كتبت بواسطة أمـ ساره http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77270#post77270)
سبحان الله أول مرة نسمع بيها

سلم ايدياتك خدوج وربي يبارك فيك على الأكلة الحلوة

ومشاركة مميزة جداً جداً

بالهني والعافية على قلب من كلاه

وأحلى تقييييييييم لأحلى خدوج




شكرا ام سارة
اكيد مش غريبة
هلبه مايعرفوش
بس عندنا اكلة مشهورة نقعدو عليها حتى فى المناسبات
هيا تعالى عندى ونضوقهولك
واسعدنى مرورك وتقييمك ياعسل

اقتباس:
المشاركة الأصلية كتبت بواسطة المصراتيه http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77273#post77273)
ماشاءالله
نفسي انضوقه يا خدوج والله الحق اول مره نسمع بيه
يعطيك الصحه ويسلم ايدياتك



ادللى يامصراتية تعالى لغدامس ونطيبه مخصوص لك
ربى يعطيك الصحة وتاكليه
شكرا لمرورك العطر

اقتباس:
المشاركة الأصلية كتبت بواسطة ام جنى http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=77277#post77277)
ياااااااااااااااااريتنى جارتك
سلم ايديك فى خاطرى انذوقها



ياررررررررررررررريت وتسير الرياح بما لاتشتهيه السفن هههههه
خلاص اللى خاطره فيه يعتبر نفسه معزوم عندى
وان شاء ضوقى احلى منه
وشكرا لمرورك حبوبة

[مغتربة 7]

واووووووووو ماشاء الله
المسابقة هذه خلتنا نتعرفوا على اكلات بلادنا الى مانعرفوهاش
اكلة جديدة عليا اول مرة نعرفها
شكلها تاخد العقل وانحس فى الطعمة اتجنن وفيها اللحيمات يميييييييييي
تسلم الايادي يااحلى مبدعة فى المطبخ
مشاركة مميزة جداً
تستاهلي احلى تقييم

[زهرة البنفسج]

ماشاء الله والله لما ريته استغربت لاني اول مرة نشوفه لاكن خش في خاطري

[الساجدة لله]

ماشاء الله لاقوة الابالله حبيبة

انا الملوخية نمووووت فيها وماعنديش روووح معها بس الصراحة اول مرة نشوفها تندار بالبازين

قداش حلوة فكرة المسابقة ونتمنى مزيد من التفاعل والمشاركات

[Om Saga]

تعرفي ياخدوج في الأدرن وعلى ماأعتقد قتلك قبل
تعرفت على عائلة سكنو في سبها في فزان 26 سنة
قالولي عندكم بازين بالملوخية قتلهم شئ صكرت راصي قد ماقنعو فيا
قتلهم تكدبو هههههههههههههه
دار الوقت طلعت أني الكدابة ههههههههههههههههههههه
مشكورة أختي على البازين بالملوخية أني الملوخية مانحبهاش
بس شكلك تاقنة الشغل مية مية
ربي يباركلك يارب
ألى تقييم لعيون خدوج الرائعة

[بنية بوها]

هذي من الاكلات المفضلة عند عرب الجنوب بس مش بازين عصيدة
اولمرة نشوفها بالبازين يسلموا ايدياتك

[أم ميوسة]

بازين رائع وشهي ومش عادي

يسلموا يدياتك خدوج

أول مرة نسمع بيه

المسابقة هادي خلتنا نتعرفوا على الأكلات اللي ما نعرفوهاش

موفقة في المسابقة حبوية

وتستحقي التقييم بجدارة

[jolia]

تعرفي ياخدوج في الأدرن وعلى ماأعتقد قتلك قبل
تعرفت على عائلة سكنو في سبها في فزان 26 سنة
قالولي عندكم بازين بالملوخية قتلهم شئ صكرت راصي قد ماقنعو فيا
قتلهم تكدبو هههههههههههههه
دار الوقت طلعت أني الكدابة ههههههههههههههههههههه
مشكورة أختي على البازين بالملوخية أني الملوخية مانحبهاش
بس شكلك تاقنة الشغل مية مية
ربي يباركلك يارب
ألى تقييم لعيون خدوج الرائعة


عزيزتى ام سجا الناس فالجنوب وتحديدا فزان يديروا فى عصيدة بالملوخية واول مرة نسمع بى بازين بالملوخية-------------للتوضيح

[بنت طبرق]

تسلم ايدياتك
أول مرة نشوف ونعرف الطريقة هذه للبازين بالملوخية

[روح مغتربه]

الله ياخدوج قداش اتعز عليه الملوخيه مع ان طريقتنا تختلف عنكم احني انديرو فيها بعظم الجمل ونزيدولها اللوبيه المجففه وعني انحبها بدون بازين وبروحه نشربها الكاشيك
يسلموا ايديك ويعطيك الصحه

[أم أبرار]

يسلموا
أول مرة نسمع بيها ع البازين نحن نديروا فيها ع العصيدة

[lola9670]

مشكوررررررررررررررررررررررررة

[بنت الاشراف]

سلمت يداك

[luba]

http://www.karom.net/up/uploads/132533875712.gif

[الصابرة]

http://www.karom.net/up/uploads/13256119281.gif