هذيان!
12-09-2010, 11:28 PM
خدوجه تبسمت وقالت صبحك بكل خير يا حويج
الحاج في خاطره والله ها التصبيحه وتبيسمه الا وراها حاجه وقال صبحك عالخير
خدوجه هيا ياحاج اشرب شاهيك قبل ما يبرد وسقد روحك نبي منك حاجه
الحاج امممم مافتتش عليا
وقال خير إن شاء الله شنو فيه
خدوجه بيش اتعدى للبنك واطلع افلوس
الحاج عليش مستعجلة عالفلوس صبح يا فتاح
وبعدين المعاش مازال وقته
خدوجه حي انسيت ما قتلكش راهو لمة عيت مرعي غدوه متاع كنتهكم اللي جابت وليد
الحاج مبروك عليهم و كان لمتم غدوه شن جاب المعاش في الدوه!!
خدوجه تكيف شن جاب الدوه العفو شنو تبيني
نمشي بدبش قديم !!
الحاج دبش !!شنو ؟ دوته مش شريتي لبسه حقها بكيت وكيت في عرس ولدك
خدوجه هذيك من زمان وكثرت عند النساوين كلهن
ولت زي السامبا
الحاج حتى السامبا حلوه تتقرمش شنو معنى كلامك انشاءالله معادش تنفع وحقها امشي زوا عليه الفيل عجب اللي تقولي قيه يا مرا
خدوجه لاتتعجب ولا تحمق ورارك وراك نبيها اليوم قبل الليل اللبسه الجديده
الحاج ما تنسيش لبستك اللي فاتت فيها لمة فلوس يا مرا اكملي بعقلك وما تبعيش قطاف النساوين
خدوجه ديمه اني من دون النساوين طالعه ناقصه وسطهن ولبسي هو الدوني
الحاج اني يا مرا حارم روحي وشاد يدي بيش نبو حوش للولد والكنه ونفتك من عراكم كل يوم
خدوجه لامتى نقعد من دون النساوين لا لبس ولا ذهب عمري كمل لنين كبروا الصغار وين كبروا قعد
الحال هو هو
الحاج اصبرى لنين نكملوا الحوش الصبر مفتاح الفرج
خدوجه معناها ما تبيش تشريلي دبش جديد وتبيني نلبس لاولي
الحاج احمدى الله واشكريه وخليك بعقلك مش تهبلي مع نساوين تو الجدد الطائشات راك انت كبيره
خدوجه الحمدلله نشكروه ربي يديم علينا نعمته
الحاج هكى نبيك تكونى عاقله وتفكك من خراف النساوين
وتوا تبقوا علي خير في حلقه جايه
بقلمي هذيان!!
الحاج في خاطره والله ها التصبيحه وتبيسمه الا وراها حاجه وقال صبحك عالخير
خدوجه هيا ياحاج اشرب شاهيك قبل ما يبرد وسقد روحك نبي منك حاجه
الحاج امممم مافتتش عليا
وقال خير إن شاء الله شنو فيه
خدوجه بيش اتعدى للبنك واطلع افلوس
الحاج عليش مستعجلة عالفلوس صبح يا فتاح
وبعدين المعاش مازال وقته
خدوجه حي انسيت ما قتلكش راهو لمة عيت مرعي غدوه متاع كنتهكم اللي جابت وليد
الحاج مبروك عليهم و كان لمتم غدوه شن جاب المعاش في الدوه!!
خدوجه تكيف شن جاب الدوه العفو شنو تبيني
نمشي بدبش قديم !!
الحاج دبش !!شنو ؟ دوته مش شريتي لبسه حقها بكيت وكيت في عرس ولدك
خدوجه هذيك من زمان وكثرت عند النساوين كلهن
ولت زي السامبا
الحاج حتى السامبا حلوه تتقرمش شنو معنى كلامك انشاءالله معادش تنفع وحقها امشي زوا عليه الفيل عجب اللي تقولي قيه يا مرا
خدوجه لاتتعجب ولا تحمق ورارك وراك نبيها اليوم قبل الليل اللبسه الجديده
الحاج ما تنسيش لبستك اللي فاتت فيها لمة فلوس يا مرا اكملي بعقلك وما تبعيش قطاف النساوين
خدوجه ديمه اني من دون النساوين طالعه ناقصه وسطهن ولبسي هو الدوني
الحاج اني يا مرا حارم روحي وشاد يدي بيش نبو حوش للولد والكنه ونفتك من عراكم كل يوم
خدوجه لامتى نقعد من دون النساوين لا لبس ولا ذهب عمري كمل لنين كبروا الصغار وين كبروا قعد
الحال هو هو
الحاج اصبرى لنين نكملوا الحوش الصبر مفتاح الفرج
خدوجه معناها ما تبيش تشريلي دبش جديد وتبيني نلبس لاولي
الحاج احمدى الله واشكريه وخليك بعقلك مش تهبلي مع نساوين تو الجدد الطائشات راك انت كبيره
خدوجه الحمدلله نشكروه ربي يديم علينا نعمته
الحاج هكى نبيك تكونى عاقله وتفكك من خراف النساوين
وتوا تبقوا علي خير في حلقه جايه
بقلمي هذيان!!