[مشاركه في مسابقة لا شرقيه ولا غربي ]القصطل المشوي من مطبخ روح مغتربه

[روح مغتربه]

بسم الله الرحمن الرحيم

حبيت اليوم انشارك بحاجه بسيطه في المسابقه
ورغم بساطتها الا انها تعتبر بنسبه لينا شي من الوجبات الخفيفه
الي كل ما جاء موسمها لازم انجيبوها ونحضروها كل واحد بطريقته
في بعض الناس الي يعتقد ان القصطل شي جديد
يتعرف عليه الليبين بعد ما اصبحت الشركات تستورد في كل شي
وهذا خطا لان الي نعرفه ان القصطل المشوي كان من الاشياء الي تباع علي البسطات في شوارع طرابلس
وكانت امي قبل سنوات تحكيلنا عنه كل ما تشوي البطاطا الحلوه
وتقول انه طعمه قريب من البطاطا الحلوه
والحمد لله بعد ما اكتر الخير ومازال يكتر ان شاء الله
جاء القصطل وكليته وعرفته واصبحنا كل عام لازم انجيبوه ونقعمزو في لمه حلوه نشويه ونتمنى ان هل جلسات تقعد في عقل اولادنا علشان كل ما ياكلو القصطل يتدكرونا ويتدكرو لمة العيله الحلوه
زي ما امي تدكر لملة عيلتهم
وزوجي يترحم علي بوه كل ما بداء في تحضير القصطل لشوي
وطبعاً شوي القصطل شي بسيط وخطواته ساهله
اول خطوه تجهيز المنقل واشعال النار فيه
وترك الفحم يصبح جمر
وفي الوقت هذا ناخد سكين ونبداْ في شق قشرة حبات القصطل

وبعد ما ايكون الجمر جاهز نرمي فيه بعض حبات القصطل
ونحط الجمر فوق حبات القصطل ونخليها حوالي خمس دقايق


ونشوفها واذا كانت ناضجه انطلعهن من النار
ونحط غيرهن حتي انكمل الكميه

وطبعاً مش معقوله الجالسين حولين المنقل بيستنو القصطل لغاية ما يبرد وتبداء عملياً التقشير والضحك لان الحبات مازالت ساخنه والبعض ايحصل في لسعات في اصابعه

ويتقشر القصطل ويتاكل مع الضحك والهدرزه الحلوه
واخر شي يقعد القشور والحوسه

وان شاء الله الدكريات الحلوه

[أمـ ساره]

ماشاء الله لاقوة الا بالله

مشاركة أكثر من راااائعة روح

والله حسيت بجو العيلة والدفيء في الشتاء

تستحقي التقييييم وبجدارة حبوبة

[خدوج]

ياااااااااااااااااااااااااااااااااااااااااااااااه
عالدنيا
ذكرتينى بالذى مضى
ذكرتينى ببوي الله يرحمه
كان يجيب فيه بالشوالات البومية (100كيلو)واحنى صغار
وامى ربى يطول فى عمرها تحط فيه فى التنور
ومرات تطبخه فى الميه
وصوت تفليقته وطرشيقته لتوا فى وذنى
وبعدين بدى يندثر من ليبيا
وتوا ماشفتاش الا من حوالى4 او 5 سنين لان فى منطقتى مايجيبوش فيه بكثرة
بس لمن جى قبل سنين ماحبيتاش هلبه مانعرفش علاش
الله يجعلك حياة حلوة
وييسر امورك
وبارك الله فيك
بس من راى يكون فى المقبلات العالمية
لان القصطل (الكستناء )فاكهة معروفة عالميا والله اعلم

[روح مغتربه]

اقتباس:
المشاركة الأصلية كتبت بواسطة أمـ ساره http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78446#post78446)
ماشاء الله لاقوة الا بالله

مشاركة أكثر من راااائعة روح

والله حسيت بجو العيلة والدفيء في الشتاء

تستحقي التقييييم وبجدارة حبوبة
بارك الله فيك ام ساره واسعدني مرورك وشهادتك الي نعتز بيها بارك الله فيك

[روح مغتربه]

اقتباس:
المشاركة الأصلية كتبت بواسطة خدوج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78447#post78447)
ياااااااااااااااااااااااااااااااااااااااااااااااه
عالدنيا
ذكرتينى بالذى مضى
ذكرتينى ببوي الله يرحمه
كان يجيب فيه بالشوالات البومية (100كيلو)واحنى صغار
وامى ربى يطول فى عمرها تحط فيه فى التنور
ومرات تطبخه فى الميه
وصوت تفليقته وطرشيقته لتوا فى وذنى
وبعدين بدى يندثر من ليبيا
وتوا ماشفتاش الا من حوالى4 او 5 سنين لان فى منطقتى مايجيبوش فيه بكثرة
بس لمن جى قبل سنين ماحبيتاش هلبه مانعرفش علاش
الله يجعلك حياة حلوة
وييسر امورك
وبارك الله فيك
بس من راى يكون فى المقبلات العالمية
لان القصطل (الكستناء )فاكهة معروفة عالميا والله اعلموفيك بارك الله اخديج
ربي يرحم الاموات ويخللينا الاحياء ويطول في عمرهم
اسعدني مرورك وبنسبه لمكان انا سئلت ابله زينب وهي والاخوات المشرفات يديرو الي يشوفوه مناسب
لانه زي ما قلتي هو معروف عالمياً

[الساجدة لله]

تسلمي يارويحة القسطل يهبل وماعنديش رووح معاه وللاسف النوعية اللي يجيبو فيها صيني ومش درجة اولى بس نقولك حاجة حتى يابس ناكله ولو نسلقه سلق يمي يمي

[sweet nona]

تسلم ايديك اني نعرفه بس ماناكلش فيه ندكر في اهلي
كانو ايديرو فيه لانه بابا ايحبه هلبا يسلمو موضوع مميز
ويستحق التقييم

[زهرة البنفسج]

بارك الله فيك

[مغتربة 7]

بسم الله مااااااااااااشاء الله
رووووووووووووعة ياروح مغتربة ابدعتي
مشاركة تهبل والله العظيم حسيت بالجو معاك
والله يرحم ابو زوجك ويغفرله
ومنظر القصطل وهو على الفحم مش طبيعي
تسلم الايادي الى قصت وطيبت وصورت وحطتنا فى المنتدى
بصراحة اني انحس فى موقعه الموضوع فى القسم هذا لانه طريقة التطييب ليبية
موفقة حبيبة تستحقي الفوز

[نسيبة]

ما شاء الله عيك حبوبة
جداش نحب القسطل هلبا هلبا الشتي وقته طرقك روعة و هي الطريقة الزمنية ماما تحكينا
عليها ايام زمان في الكروسة اليت يشووا فيها ايام
محلاها الفحم هو الصح اني غالبا نطيب فيه على النار بعد
مانشوقه بالوحدة نحطله شوية امية طيب وبعدين يتحمر
لك تقييمي غالية

[ام ليبيه حره]

و الله ذكريات عليه
احنا كنا في حوش جدي في ايام الشتاء نحطوه فوق دفاية الكاز

[روح مغتربه]

اقتباس:
المشاركة الأصلية كتبت بواسطة الساجدة لله http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78460#post78460)
تسلمي يارويحة القسطل يهبل وماعنديش رووح معاه وللاسف النوعية اللي يجيبو فيها صيني ومش درجة اولى بس نقولك حاجة حتى يابس ناكله ولو نسلقه سلق يمي يمي
الله ايسلمك سجوده وحتي اني زيك ما عنديش معها روح صيني والا ياباني المهم قصطل وبدات مشوي

[روح مغتربه]

اقتباس:
المشاركة الأصلية كتبت بواسطة sweet nona http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78475#post78475)
تسلم ايديك اني نعرفه بس ماناكلش فيه ندكر في اهلي
كانو ايديرو فيه لانه بابا ايحبه هلبا يسلمو موضوع مميز
ويستحق التقييم
بارك الله فيك اسعدني مرورك

[روح مغتربه]

اقتباس:
المشاركة الأصلية كتبت بواسطة زهرة البنفسج http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78492#post78492)
بارك الله فيك
وفيك بارك الله يا عسل اسعدني مرورك

[روح مغتربه]

اقتباس:
المشاركة الأصلية كتبت بواسطة مغتربة 7 http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78511#post78511)
بسم الله مااااااااااااشاء الله
رووووووووووووعة ياروح مغتربة ابدعتي
مشاركة تهبل والله العظيم حسيت بالجو معاك
والله يرحم ابو زوجك ويغفرله
ومنظر القصطل وهو على الفحم مش طبيعي
تسلم الايادي الى قصت وطيبت وصورت وحطتنا فى المنتدى
بصراحة اني انحس فى موقعه الموضوع فى القسم هذا لانه طريقة التطييب ليبية
موفقة حبيبة تستحقي الفوز
الله يرحم كل اموت المسلمين ويرحم شباب ليبيا نحسبهم عند الله شهدا
اسعدني مرورك مغتربه وان شاء ربي يوفق الجميع

[روح مغتربه]

اقتباس:
المشاركة الأصلية كتبت بواسطة نسيبة http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78542#post78542)
ما شاء الله عيك حبوبة
جداش نحب القسطل هلبا هلبا الشتي وقته طرقك روعة و هي الطريقة الزمنية ماما تحكينا
عليها ايام زمان في الكروسة اليت يشووا فيها ايام
محلاها الفحم هو الصح اني غالبا نطيب فيه على النار بعد
مانشوقه بالوحدة نحطله شوية امية طيب وبعدين يتحمر
لك تقييمي غالية
والله انت غاليه عليه نسيبه وقداش فرحني كلامك
ربي ما يحرمني طلتك

[روح مغتربه]

اقتباس:
المشاركة الأصلية كتبت بواسطة ام ليبيه حره http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=78544#post78544)
و الله ذكريات عليه
احنا كنا في حوش جدي في ايام الشتاء نحطوه فوق دفاية الكاز
الله ايسلمك ام ليبيه حره واحلي ما فيالموضوع الدكريات

[ام تغريد]

ماشاء الله روح موضوعك جي في وقته كيف بعتت وجابوهولي لكن مشوي والثلج برا يصب والله ما نقدر نولع الفحم اليوم ان شاء الله بنديره علي الغاز

وخدوج سلمها يارب فكرتني في بوي الله يرحمه كان يجيب فيه بالشوال ناكلو فيه بجميع الطرق ونشبعو فيه شبع بس توا لازم ندوقوه كل عام طبعا مش شبع دواقة بس

وتسلمي روح واحلى تقييم لعيونك

[أم أبرار]

سبحان الله كل وحدة منكن حسيت أن نفس الكلام بنقوله
أني كان جدي الله يرحمه يجيب فيه كميات كبيرة الحق شبعنه منه وتوه مش نفس الطعمه
تسلمي ياحبيبة

[أم أبرار]

سبحان الله كل وحدة منكن حسيت أن نفس الكلام بنقوله
أني كان جدي الله يرحمه يجيب فيه كميات كبيرة الحق شبعنه منه وتوه مش نفس الطعمه
تسلمي ياحبيبة

[ام جنى]

سلم ايدك على المشاركه الرائعه
ديما فى خاطرى نتعلمه
تعرفى العام الماضى راجلى شراه وطيبته فى المياه وطعمته مش حلوه
لذالك قلت له معش تجيبه
توا انقوله جيبه ونجرب طريقتك

[lola9670]

شكرا ع الموضوع

[ام تغريد]

طبعا درته وحبيت نشكرك كثير علي فكرة شقانه ريحتني من هديكا الحوسة

ههههههههههههههه وطبعا معاها شقيت صبعي:eek: ولكن الحمد لله جت بسيطة

ولكن الفكرة روعة

[ام سحر]

نحبوه القسطل ونموتوا فيه
في الصقع ايجيبه زوجي ويقول اليوم جو قسطل
اني انشقه ونحطة في الكوشة ونبخبه بالمية مرتين ويتحمر ونطلعة ..وطبعا بالفحم احلى لكن حوستة هلبة
مشاركة مميزة ويارب تدوم لمتكم

[بنت الاشراف]

سلمت يداك

[أم أيوب]

الله الله عليك يارويحة مشاركة تهبل

تعرفي زمااااااااااااان لما كنت صغيرة سافرنا تركيا ندكر انه في كروسات في الشارع يديروا فيه

ويبيعوه لك ساخن ومقشر

بعد ما تزوجت راجلي يحب يجيبه في الشتاء ومرات نديروه عالفحم

بس غالبا نشوي فيه على دفاية القاز يجي محلاه حتى هو

صحيتي يا رويحة عالمشاركة الحلوة وتستحقي عليها التقييم

[نجوته]

ههههههه ايجنن والكوينين فيه الزايد

ومن قال القصطل اجديد ؟

نتفكر في حياة بوي الله يرحمه ايجيب فيه في شكيرات البصل الحمر

وامي ادير فيه علي الكانون

بالهني عليكم

[ام زكريا]

تسلم الايادى فكرتنى فى القسطل حتى مبوخ فى كسكس حلوا جربوا يا بنت حلو

[luba]

تسلم الايادي بارك الله فيك لك تقييمي

[الصابرة]

http://www.hawahome.com/MySmiles/Smiles/2007-01-22-02_45_45bo50.gif

[المصراتيه]

يعطيك الصحه وتسلم يدياتك
بارك الله فيك