[تطبيق]اللازانيا للحبوبة المصراتية من مطبخ خدوج

[خدوج]

السلام عليكم ورحمة الله وبركاته

الله يرحم والديك يامصراتيه
الله ينولك الجنة
الله يعطيك ويعطيك من خيره لين ترضى
ويسلم يدياتك


اليوم نحلت مشكلتى وطبقت اللازانيا للمصراتية
شى فظيع
حاجة ترعش
حاجة تطيح القلوب
وتعبى البطون
والا صغارى مصرين نعاودها غدوة
قلت خايفة تصبح عادة عندى ومعاش الباب يطلعن
وبصراحة اللى عمره مادارها يجربها وبدون تفكير
وللعلم انى وحدة لمن ندير حاجة جديدة فى كوجنتى
نبدا خايفة متقبلوهاش
ومانرتاح الا لمن تعجبهم
واليوم ترصدت ان زوجى مزرد ودرتها وسالنى شن ديرى
قتله حاجة جديدة نخاف متحبهاش بس والله ياريته كان معانا
واتصلى مخصوص من الزردة يسال عالجديد قتله وديتهالك وتمنيتك معانا
من كثر ناهى بنينة
بنة وصنة
ونخليكم مع الصور



http://www2.0zz0.com/2012/02/04/20/940528929.jpg (http://www.0zz0.com)



http://www13.0zz0.com/2012/02/04/21/376699916.jpg (http://www.0zz0.com)



http://www13.0zz0.com/2012/02/04/21/562101402.jpg (http://www.0zz0.com)


وهذا رابط الموضوع الاصلى
http://www.libyan-kitchen.com/kitchen/showthread.php?t=3790

[المصراتيه]

وعليكم السلام ورحمه الله وبركاته
تعرفي بجد اول مره وحده تدعيلي هكي والله لين عيوني دمعن ورفعت يديا نقول امين
باااااااااااااارك الله فيك والله يرحم ولديك ويخليلك صغارك وراجلك يارب
وبالنسبه للازانيا والله تطبيقك خير من الاصل ماشاءالله عليك ويعطيك الصحه
اني نقيمك احلي تقيم ههههههههههه
والمرا الجايه جاياتك ابناكلها عندك
الف وصحتين عليكم وسلم ايدياتك يارب

[أمـ ساره]

ماشاء الله دوجة تطبيق رووووووعه

وشكلها اللازانيا ايهبل ايهبل

سلم ايدياتك وايديات المصراتية

وربي يعطيكم ما تتمنوا انتم الاثنين

بالهني والعافية على قلب الي كلاها والي ما كلاها

[نسمه ليبيه]

مصراتيه وخدوج وين هالدراما اللى درتنها لنا خليتنا حتى نحن نتباكوا خخخخخخخخخخ

المهم خدوج مبروك عليك اللازانيا لك كم يوم وهى فى خاطرك وصحتين عليك وعلى اولادك والكلام اللى قلتيه يخلى الواحد يصبى توه ويديرها


مصراتيه تستاهلى الدعوات الحلوة اللى صبتهن عليك خدوج

[الساجدة لله]

تسلم الايادي ياقمر والتطبيق متقن ويستحق التقييم

[خدوج]

مصراتية والله تستاهلى كل خير خجلتينى بجد
ام سارة كلك ذوق ولك بالمثل
نسمة ليبية مانسحابش نعرف ندير دراما لين قلتى(حتى نى بكيت)ههههههههه بجد
سجودة عطرتى موضوعى يالغلا
شكرا لكن جميعا
والله اسعدتونى

[نسيبة]

ماشاء الله عليك خدوج تطبيق متقن حبوبة
سلم ادياتك و اديات الحبوبة المصراتيه

[مغتربة 7]

ياعيني ياعيني وين كان الموضوع هذا مستخبي
ماااااااشاء الله لاقوة الا بالله لازانيا تااااااااااخد العقل
الله يسلم ايدياتك وايديات المصراتية
وتستاهل احلى دعوات وانت كذلك وفوقهم احلى تقييم
الله يسعدك ياااااااارب

[أحلآم الدنيا]

يسلمو الاياااادى

[sweet nona]

ماشاااااااااالله
خدوج
تطبيق في غاية الروعة
ومشكورة
عالمسلسل الدرامي انتي والمصراتية
ههههههههه
حتى اني بكيتوني
http://www.lakii.com/vb/smile/17-91.gif
تسلمووووو
وانشالله ديما في لمة حلوة
واحلى تقييم

[زينب محمد]

تطبيق رائع

الله يسلم ايديك ويعطيك الصحة والعافية انت والمصراتية حبوبة

صحتين على قلوبكم

ننتظر منك مزيدا من المشاركات والموضوعات والتطبيقات

[loen]

سلم دياتك وماشالله تطبيق رووووووعه

وشكرا على الدراما اللى درتوها
هههههه
سلم دياتك يارب

[بنت طبرق]

تسلم الايادي
بجد ضحكتوني
ربي يدوم الود

[زهرة البنفسج]

ماشاء الله ربي يبارك في يدياتك وايدين المصراتية سهفتيني حتى انا نبي انديرها ههههههه