طلب مساعدة

[مني المهدي]

السلام عليكم ورحمة الله وبركاته:عندي أستفسار من الجميع واللي تعرف طريقة الصريرة الحارة وطريقة بابا غنوج زي المطاعم ناخد فيها من المطعم التركي بنتها حلوة وخفيفة أنا تجيني قوية وبارك الله فيك يا ابلة زينب علي الطبخ الحلو وبارك الله فيكم يا مشرفات ويا أخوات :)

[jolia]

ان شاء الله تلقى الاجابة عند الاخوات

[أم ميوسة]

السلام عليكم ورحمة الله وبركاته

شن هيا حبوبة الصريرة الحارة هل قصدك البوريك الملفوف زي الصريرة

أما بابا غنوج

هيا تأخدي بادنجان وتحطيه على راس الغاز وتقلبيه لين ييطيب من جميع الجهات

وبعدبن تنحي الجزء الأسود او القشرة الخارجية والبذور لأنها تعطي بنة مرة

وتهرسيه بالشوكة بدون استخدام الخلاط

واضيفليه ياغورت وسنة أو أكثر ثومة وطحينة وملح وفلفل أسود وعصير ليمون

ولما تقدميه تصبي فوقه زيت زيتون

وصحتين

[مني المهدي]

وعليكم السلام ورحمة الله :مشكورة أختي أم ميوسة علي وصفة البابا غنوج وجاري التطبيق أنشاء الله بالنسبة للصريرة هي من قبل متداولة في الأفراح عجينتها خفيفة هلبة ومرفوعة فوق زي الصرة العجينة فيه من يقول انها عجينة بوريك ياريت لو عندك وصفة ليها توديني بيها أم ميوسة أوالأخوات .

[مني المهدي]

ان شاء الله تلقى الاجابة عند الاخوات

مشكورة أختي وبارك الله فيك :)

[مغتربة 7]

وعليكم السلام ورحمة الله وبركاته

ماشاء الله ام ميوسة ما قصرت واني نفس طريقتها بالزبط فى سلطة بابا غنوج بس نطحن فيها فى الخلاط هذا الفرق لكن راح انجرب طريقتها

وبالنسبة للصريرة ما نعرفهاش ان شاء الله ام ميوسة اتزيد تشرح عليها وباقي الاخوات.
تقبلي مروري حبيبة

[الساجدة لله]

بالنسبة لصريرة انا في بالي 3 وحدات وحدة زي بوريك الجبد او ورق الجلاش ااو البكلاوة والتانية بورق الكانيلوني اللي يندار في الحوش والتالثة بورق البف بستري والحشة كيمة عادية او ممكن بالسبانخ وانت وذوقك ياسموحة

واما السلاطة فااعتقد هي نفس وصفة الاخوات بس حداري من ابقائها اكتر من الوقت اللازم على اللهب الذي يسبب مرورة طعم الباذنجان اي سبب طعمة المرارة بالباذنجان

وان شاء الله قدرت نوصلك حاجة

[مني المهدي]

بالنسبة لصريرة انا في بالي 3 وحدات وحدة زي بوريك الجبد او ورق الجلاش ااو البكلاوة والتانية بورق الكانيلوني اللي يندار في الحوش والتالثة بورق البف بستري والحشة كيمة عادية او ممكن بالسبانخ وانت وذوقك ياسموحة

واما السلاطة فااعتقد هي نفس وصفة الاخوات بس حداري من ابقائها اكتر من الوقت اللازم على اللهب الذي يسبب مرورة طعم الباذنجان اي سبب طعمة المرارة بالباذنجان

وان شاء الله قدرت نوصلك حاجة

اختي الساجدة لله بارك الله فيك لو تنزليلي طريقة أنتي مجربتيها والحشوة بالزبط أنا الحق جديدة عليا ومدا بيا أنكون ضامنة طريقتها من أخت مجربتها وبارك الله فيك حبيبتي

[ليبية طيوبة]

انا اندير فيه زى ام ميوسة ايجى بنين هلبة

[بنت الاشراف]

يالنسبة للصريرة تجى بعجينة الباف والحشو بدجاج او اللحم زى ماتبى

[مني المهدي]

انا اندير فيه زى ام ميوسة ايجى بنين هلبة

شكرا حبيبتي وبارك الله فيك وياريت تحطي طربقتك بالتفصيل بارك الله فيك :)

[مني المهدي]

يالنسبة للصريرة تجى بعجينة الباف والحشو بدجاج او اللحم زى ماتبى

مشكورة بنت الأشراف ياريت تنزلي طريقتك بالتفصيل حبيبتي بارك الله فيك:)