[مشاركة فى مسابقة لا شرقية لا غربية ] المقطع من مطبخ حبيبتهم

[حبيبتهم]

السلام عليكم اليوم

جايبتلكم المقطع من فترة نزلت الاخت للاهم موضوع المقطع المشلتت

وانا قلت لها ان طريقتنا تختلف عليهم واليوم اني بنزل طريقتنا في المقطع وان شاء الله تعجبكم

اول شئ العجينة دقيق وملح وماء وتعجن عجينة متماسكة ومش رطبة

الطبيخة بصل زيت وفلفل وبزار وطماطم وطماطم اخضر وثومة وروس فلفل وقديد

انا استخدمت قديد ولوايات او عصبان الشمس بعد مانعجن العجينة نخليها ترتاح

وبعدها انقرصها كور صغيرات نرش صفرة بالدقيق ونحط فيها كور العجينة ونخليها ترتاح

http://im18.gulfup.com/2012-02-14/1329228317601.jpg (http://www.gulfup.com/show/X4am783m5qs)

ونجهز الطبيخة ونخليها اتطيب

http://im18.gulfup.com/2012-02-14/132922831877.jpg (http://www.gulfup.com/show/Xbxfug62p9pb)

بعد ما ايطيب القديد انحط راس فلفل للطبيخة ونفتح كرات العجينة باليد او بالشوبك على شكل دائرة

http://im18.gulfup.com/2012-02-14/1329228317183.jpg (http://www.gulfup.com/show/X4alhedg508)

ونحطها في الطنجرة

http://im18.gulfup.com/2012-02-14/1329228317964.jpg (http://www.gulfup.com/show/X4al7z50aas)

ونخليها لوين تنتفخ بالبخار وتصبح مش عجينة كيف الشكل هذا

http://im18.gulfup.com/2012-02-14/1329228317582.jpg (http://www.gulfup.com/show/X16y4fv2cngg)

fعدها انحركها ونحط اللي بعدها لنهاية العجينة بعدعا انخليه شوية

لوين اتطيب العجينة ونشوف الملح ونحط ثومة مدقوقة

ونصبها في صحن التقديم

وان شاء الله تعجبكم

[حبيبتهم]

عذرا لان المشاركة مش مرتبة لان ايقونة اضافة صورة لم تشتغل عندي

[زهرة البنفسج]

ماشاء الله مقطع بطريقة جديدة ومميزة اول مرة نشوفه لاكن شكله مش عادي واكي البنة احلى

[الساجدة لله]

الله يسلم الايادي ياغالية يدياتك تلتف بالحرير ياغالية لي عودة لتقييم حالما تحل الاشكالية

[sweet nona]

امممممممممممممممممم مقطع لذيذ وياسلالالام فالشتي موفقة فالمسابقة حبيبتنا

[أمـ ساره]

ماشاء الله حبيبتهم مقطع يجي في الخاطر

وطريقتك جديدة عليا لكن شكلها ايهبل و،ساهلة

بجد تستحقي التقيييييييم وبجدارة سلم ايدياتك

[حبيبتهم]

اهلا بكن يا حبيبات وشكرا علي ردودكن الحلوة هذي الطريقة اللي ماشية عندنا ولكن توا قعدوا ايغيروا فيها بسبب انهم ايحبوا فها رقيقة هلبه او اللي اتطيب المقطع ماتعرفش اتحل العجينة باليد وذلك بفرد العجينة بماكينة الرشدة تقريبا لرقم 4 او 5 حسب الماكينة ويقطعوا فيها مربعات ويحطوا فيها في الطبيخة بالشوية لكن اني انحب انديرها كيف الطريقة القديمة

[نسمه ليبيه]

سبحان الله اول مره نشوفها الطريقه هذى

بجد يسلموا

[مغتربة 7]

بسم الله ماشاء الله مقطع ايجي فى الخاطر
منظره يسهف سخين يمم
وطريقته جديدة وحلوة
تسلم الايادي حبيبة
مشاركة مميزة موفقة فى المسابقة
تستاهلى احلى تقييم

[lola9670]

نسموا فيه مقطع مفتت
مشكورررررررررررررررررررررررة

[خواطر حساسة]

اااااااااااااه نحب المقطع وخاطري فيه بس طريقتي تختلف في اني نفردها رقيقة ثم نفرشها في الهواء الطلق لين يجف ويصير يابس ويتكسر ثم نغربله من الدقيق وناخذ منه مقدار الي نبيه ونحتفظ بالباقي لفترة طويلة ونحمسله شوي حلبة ونضيفه في الاخير مع الثوم ان شاء الله اول مايخف وحمي انزل الموضوع ...........والله خاطري فيه تو

[luba]

http://www.karom.net/up/uploads/132533875712.gif

[المصراتيه]

ماشاءالله لا قوه الا بالله
تسلم يدياتك ويعطيك الصحه
هدي نسمو فيها المرميه تقريبا

[الصابرة]

http://www.karom.net/up/uploads/132550221810.gif