[ تمت الإجابة ] طلب نصيحة في استخدام ماكينة الدونات

[الجبليه]

السلام عليكم
بنات ممكن مساعدة ربي يحفظكم
اليوم اشتريت ماكينة الدونات وحابه نعرف يعنى لما انحط مقدار العجين لحد وين انحط لحد نهاية القالب او اقل شوي

http://www.libyan-kitchen.com/gallery/images/ee26ae491.gif

أسفه زنوب خربتلك الماكينه بالعجينة سامحيني هههههههه

[الساجدة لله]

حبيبة المقدار يكون 1 م كبيرة يعني ملعقة الاكل وتكون الالة مدهونة يالزيت وسخونة

[الساجدة لله]

ومبروك عليك الالة حبيبة حتى انا خديتها من مدة وندير بيها في الكيك

[الجبليه]

صباح الخير سجودة تسلمي بارك الله فيك إن شاء الله بنجربها العشيه

[ليبية]

مباركة عليك وماعنديش فكرة عليها بس جربيها وقولينا بالك نتشجعوا ونشروها
من وين شريتيها يا رنو وبقداش؟؟؟؟

[ابريكه]

بارك الله فيك على عرض الموضوع
اهو استفدنا منك حتى لما ننزل لليبيا نشري منها ويكون عندي خلفية عليها
بانتظار اراء الاخوات اللي شارينها
ومبروكة عليك وان شاء الله اديري بيها احلى الدونات

[الساجدة لله]

حبيباتي انا خديتها ب15 دينار في محل في قرجي

[السمحة]

لاتعليق

[سحابه صيف]

حبيبة المقدار يكون 1 م كبيرة يعني ملعقة الاكل وتكون الالة مدهونة يالزيت وسخونة

حتي انا نفسك ناخد ملعقة كبيرة بس واتجيني يسلالالالالالالالالام
بس بنسالك منين شريتيها

[الساجدة لله]

حتي انا نفسك ناخد ملعقة كبيرة بس واتجيني يسلالالالالالالالالام
بس بنسالك منين شريتيها

حبيبتي انا شريتها من محل في قرجي تو نسئل زوجي على مكانه بالظبط لانه جاي في زنقة مش واضحة وخديتها ب15 الدينار

[أمـ ساره]

ماشاء الله مبارك عليك الماكينة واتبيديها بالهني يارب

[طمطم]

رخيصة والله باهي اللي قلتيلنا عليها يعني مافيش داعي الواحد يكركرها من برا

[Om Saga]

مبروك عليك الماكينه
وتتربى في عزك هههههههه عم أمزح
ماعندي فكره والأخوات ماقصرو معاك
سلام

[الجبليه]

تسلموا بنات انى شريتها من عندنا بالجبل 20 دينار

[خدوج]

مبروك الالة
يدوم عليك ياحبيبة
احنى عندنا غاليات شوى 25
والله 15 باهى هلبه

[زينب محمد]

مبارك عليك الالة حبوبة

البنات الله يبارك فيهن ما قصرن

الكمية زي ما قالن لك هي ملعقة اكل من عجينة الكيك