جاوبي وبصراااحة ..ايش اللي ينرفز زوجك منك؟

[دانية]

:dكل وحدة اتقول ايش اكثر موضوع يسبب مشكلة بينك وبين زوجك؟؟؟ يعني ايش هو اللي ينرفز زوجك بسرعة ويخليه ايعصب؟؟
انا نبدأ بنفسي بصراحة في عدة مواضيع وخوذي مثلا لمايلقاني عالنت والصغار يتعاركو مثلا ..
او نتأخر وانا نلبس في العيال لما تكون عندنا طلعة.
نتمنى كل وحدة اتشاركنا بسبب المشاكل.

[زهرة البنفسج]

اكثر حاجة زي ماقلتي هو ان يلقاني مقعمزة على النت ولما يشبحني ناكل والعناد قولي شن خليتي ههههههه

[دانية]

بصراحة في حل صغنون وله مفعول لما يتعصب زوجي لما يشوفني عالنت اندير حاجة جديدة من المطبخ الليبي وطبعا اتكون اكلة فايحة يبدي اعجابه بيها انقوله هاذي من النت اللي انت اتعارك عليه..;)

[أم أبرار]

أني زوجي ديمة اللي يلقاه يعزمه على أي غداء ومايقولي إلا موخر ولما نقوله الغدي مكرونه بس مثلاً يتنرفز لانه يبي الموجود يتقدم للضيف

[ام تغريد]

موضوع حلو وشيق وعجبني هلبة هلبة وشكرا للاخت دانية اللي فتحاته وبالنسبة ليا طبعا اول حاجة هي اني نقعمز علي النت واغلب الوقت ما فيش تغطية ومقعمزة على الفاضي والثاني ديما ناخد في المواضيع الجدية عنده ناخدها بهزل وتعليق وين تلقيه عاد وهو يخش يرقد واني قعدة ساهرة علي النت

[دانية]

نشكر ام تغريد وكل الاخوات على مرورهن على الموضوع ;)

[نجوته]

صباح الخيرات

ههههههههههههههههه خايفه هالنت ناكلو عليه اطريحة يوم من اليامات

اني الي ايرقيله الزيت بالحق عدم قولت باهي

قولي باهي وما تعانديش

باهي وبس حتى ما تنفديش عاادي

المهم باااهي

خخخخخخخخخخخخخخ

الي عليك تكويششششش

[ام عبد المهيمن]

السلام عليكم
بالنسبه ليا لما انقوله نبيييييييييييييييي نشري حاجات وااااااااااااااااااااااااااااااااااو اطيرله لاني بالي واسع هلبا في الشري

[المصراتيه]

دانيه احبيبتي موضوعك حلو بالمره والصراحه عجبني
بالنسبه ليا اني اكتر مشاكلي علي القرايا يبيني نتعلم الانجليزي بسيف واني مسكره راسي لاني نكرهههههه ومش عارفه كيف نرضيه
والحاجه التانيه العنااااد علي قولت نجوته واني منحبش نتنازل ولكن في النهايه ننزل ننزل الله غالب هدا حالنا ههههههههههه
وان شاءالله ربي يسعدنا اجمعين

[zakeya]

والله موضوع حلو بس الرد عليه يبي ايام لان ما اكتر الاشياء الي تعصب في زوجي على العموم حنحاول ندكر بعض منها اولها طبعا زي ماقلتي انت ودكرن الاخوات النت شكله الرجاله عندهم منه عقدة والطلوع زوجي ديما يتعصب كان قلت نبي نطلع مش عارفة ليش شكله تعود عليا ديما في البيت ياحنى اوخيتكم تقد بالشهرين واكتر ماتعتبش باب البيت ولما نبدى انطعم في وليدي ( ربي يحفضة ) يبدى يراقب فيا وهو متنرفز وخايف نشرقه على اساس مانعرفش انطعمه صح ههههههههه ايقولي بالشوي على الولد ياااااااااااااه والله حاجات واجدة واغلبها تافه بس مع هكي ربي اخليه ويحفضه احنين وطيب وانموت فيه

[نسمه ليبيه]

مشكوره دانينو عالموضوع

انا حنبدا معاك من اخر مشكله صارت من حوالى ربع ساعه (لما روح من العمل وقال لبنتى لوجى قولى لامك تعطينى كيس الخبز ولوجى نست وماقالتليش وقعد يستنى بره ودحل منفصل عليا

اما اتكثر اسباب المشاكل هى فى السوق يبينى نشرى من اول محل ويقولى انت متعبه فى السوق

وفعلا رضخت اخيرا قعدت نشرى من اول محل وخلاص

وبالنسبه للنت مايسببش لنا فى مشاكل لانه هو يجلس عليه اكثر منى ولانى مانقعدش عليه الا لما نكمل شغلى

[نسمه ليبيه]

نجوته حل مشكلتك بسيط قولى باهى وديري اللى فى راسك خخخخخخخخخخخخ

المصراتيه بصراحه زوجك عندك حق استفيدى من وجودك بالخارج وتعلمى اللغه ياريتني مكانك

زكيه تصدقى انا راجلى لما نقعد ايام مانطلعش من البيت يتعود ويبينى ديمه قاعده ولما نطلع كل يوم عادى ياخد عليها يعنى انت شكلك معودته

[دانية]

مليون شكر لمروركن الطيب وان شاء الله حياتكن حلوة ووردية دون أي مشاكل مع ان المشيكلات الصغيورات احيانا يكونن ملح للحياة الزوجية:Dلأن روتين الحياة يحب التجديد:p

[slma]

السلام عليكم
الموضوع حلوة ، من الاشياء التي يتعصب منها زوجي لما يلقاني لهيا بالصغار (الغيرة)
و لما انقولها ان الغاز تم او صابون الملابس مش عارفة شن مشكلته معهم ههههههههههههه

[نجوته]

ههههههههههههههههههههه

باهي يا نسيبة دبري عليا هالدبارة خلي اتجي علي راسي

هههههههههههههههههههه

[ام سحر]

موضوع حلو عزيزتي دانية
لو تدوري عا اللي يعفلق الرجالة معاش تسلكي علي قوات المثل من زبيية يسكر لكن بالنسبة ليا نعرف شن يضايقة ونحاول نتجنبه وانى اكتر حاجة تضايقة لما نقوله بنمشى للمزين يقولي انت هكي عاجبتينى ونضايق وحالتى حالة ويقولي جيبى وحدة في الحوش عادي ولكن توة الحمد لله خير من قبل ويعني هادي حاجات تافة تقدر الوحدة تتغاضى عليها
وربي يسعد ويهني الجميع

[دانية]

شكرا اختي ميس مرورك اسعدني:) وان شاء الله ربي يسعدكم ومايكدر صفو حياتكم:p

[خوخة]

بالنسبة ليا زوزي يتنرفز لما يلقاني معصبة علي الصغار ايقولي هدوما صغار ، انقوله ايه صغار واني امهم انحن عليهم لكن الوحدة قداش منها ، هدي اكتر حاجة اتنرفز في زوزي ربي يعينا ويطولنا في اعمارهم اللهم امين

[الصابرة]

مشكورة اختي دانية ع الموضوع لكن انا مشكلتي تختلف على جميع العضوات
النت عمرا ما كان مشكلة معاي ياناري يدور في التغطية ويعبي في رصيد حتى لو الفلوس اخر شئ عنده المهم ما يخليش فيا من غير نت
لكن المشكلة في صوتي العالي ديمة مسبب لي مشاكل معاه وانحاول انوطيه لكن كان تعقدت انسي الصوت يوطى وتكبر المشكلة لهذا اسبب

[سنيورة]

موضوع رائع جدا
ههههههههههههههههههههه انى مشكلتى مختلفة بكل عليكم

اولا انى مخطوبة لكن هذا مايمنعش انه نختلفو

وانى مشكلتى معاه مشكلة كبيرة انه انى من النوع الغيورة شوية فـ نحب نتطمن عليه من الوقت والتانى وهوه يتنرفز من الحاجة هادى مرات مايردش عليا ولما يرد يقولى اهو انى مروح من الروضة غير نسيت الترمس متاعى هههههههههههههههه يبدا يتسهوك وانى نبدا حارقه دمى ومشغولة عليه ومرات يقولى ماتخليش الشك يلعب دور فى حياتنا لانه هكى مش حنكملو مع بعض وانى نترفز من كلمته هادى ونقوله انى نغار عليك وهذا شى طبيعى وبعدها نسكر الهاتف ونقعد حرجانه ;) وبعدين تنحل المشكلة عن طريق النت ههههههههههههه يعنى عكس مشاكلكم انتم مشكلتكم النت وانى الحل متاعى النت
المهم يلقانى فاتحه يبدا يبعتلى فى مسجات او كلام جميل وطبعا يبدا فى خفة الدم لين نلقى روحى رجعت زى قبل ههههههههههههه مرات نحس فى روحى انى وياه زى الفار والقطوس زى ماتقولى عزوزتى اللى عن قريب حتكون عزوزتى طبعا هههههههه


وفى الاخر ربى يخليه ليا لانه يحبنى بصدق ويخاف عليا هلبه وربى يخليلكم ازواجكم ويحفظهم يارب ويخلينا ليهم طبعا ههههههههه;)

[luba]

موضوع حلو ويموت ضحك هههههههه
قولي راس الموضوع شنو اللي ماينرفزش فيه
غالبا التسوق نبي انلف السوق كله وبعدين نرجع للمحل اللي عجبني وهو شعاره محل واحد
لو في نفس مدينتنا وقولي اسمه
من قبل ماتطلعي من باب البيت لو مدينة اخري لفي عادي لين تلقي حاجتك
و طبعا الصغار كان عاركت بصوت عالي فبديت نعارك بصوت واطي عشان مايسمعني
اه وكسر الرقبه صح
كان بعته بقائمة للسوق وناسيه فيها حاجه وحيرجعلها تاني يوم او اول يوم لو مهمه
حي هادي ممكن يصير فيها زلزال هههههه
والنت ﻻمشاكل معاه كاغلبكم ﻻنه نافدة التنفس في الغربة لليبيا
اه ونسيت اهم حاجة وهو عشقي النوووووووم في قمة تعكره المزاجي ههههه
يسلموا دندونه تنفسنا شوية معاك

[نسمه ليبيه]

عطك الخير لوبا ضحكتينى

[سنابل]

موضوع روعه ولي عوده

[سنابل]

يقول النت أحيانا لما يكون موجود بالبيت مايحبني أجلس عليه ومايحب ألحاحي يعني يقولي لما تسكني عالشي خلاص مافي حل يعني سكاااااااااااااااااااااااااااااااااااااااااانه على قولته
بس بيني ونينكم أنا مو سكانه بس هو ينسى وانا نحاول اندكر فيه