[ نقاش ] هل فعلا كل وحدة لها نفس معين في الاكل؟؟

[دانية]

السلام عليكم..صلن على رسول الله عليه الصلاة والسلام...

شن رايكن ؟؟يعني نفسك انت في الاكل يختلف عن نفس اختك مثلا

وايش يعني النفس:confused:هل الاختلاف في استخدام نوع البهارات؟؟ او الاختلاف في تقييم الاكل تبعا لوجهات النظر...
انا مثلا اندير في الشربة تمام:Dلكن ام زوجي ماتعجبهش:cool:اتقول خفيفة وهي اتحبها غليظة :eek:

[slma]

فعلا في ناس عندهم نفس في الطبخ واكلهم فيه بنه زايده
لكن مشكلة الي ماعندهمش نفس في الطبخ شنو ايديروا
انا متزوحه من 3 سنوات في اكلات انديره وتطلع حلوة واكلات الحمد لله

[ام سحر]

اللهم صلي وبارك على سيدنا محمد
اني نقول كل وحدة ونفسها في الاكل وتبدى نفس الاكلة ونفس المقادير وكل وحدة تطلعها بطعمة تختلف عن التانية
اني صغاري ديمة يقولي البصلة امتع اميمة احلى منك ..وهيى نفس المقادير والطريقة يحبوا تطيب امي
بالنسبة للشربة حتى راجلي يحبها خاترة شوية واني متعودة على الشربة الخفيفة نديراه فيها زي ما يبي وخلاص
شكرا على طرحك الجميل دانية

[نجوته]

اللهم صل وسلم وبارك على سيدنا محمد

ايه التطييب نفس وخبرة وحب للمطبخ

يعني لو كنتي اتحبي التطييب والكوجينة

مع الخبرة الي اتجي من طول المدة وانتوع الطبخ

أكيد حينعكس حبك للأكلة وتجي بنتها زااايدة

[الصابرة]

عليه الف صلات وسلام
النفس موجود عند كل امراة بس كل وحدة اطلعه بطريقتها تو عندي ماما ماتستخدمش في البهارات غير المتعارف عليها زي البزار والفلفل الاحمر المرحي والملح وبس ومع ذلك اكلها يعادل اي اكلة انديرها وحاطة فيها بهارات ويمكن بتاعت ماما احلى هكي يقول راجلي عندا اكل ماما الاول وبعدين اكلي ياكل ماعندا مايدير

[snaaaa]

فعلا كل وحدة وطريقتها فى الطبخ خودى مثلا بعد عدة محاولات وضقت عند هادى وهديكا ابديت انطبق النكه اللى عجبتنى متلا الكسكسى قبل ما انديرلاش قرفه ولقيت لما انضيفها تعطى نكهه حلوة والفاصوليا بالكسبر اتهبل وحتى الشربه المكرونه بالحبق وخاصتا لما بالدجاج مش عاديه وحتى النعناع فى المحاشى ايحليها ووووووو ما اتمش ادوة علىى الاكلات والنكهات سامحونى على الاطاله حبيت انفيكم لان الموضوع هدا تعبنى شخصيا ;)

[دانية]

مشكورات حبيباتي عالردود الحلوة ...:p

[أمـ ساره]

اللهم صل وسلم وبارك على محمد وآل محمد وصحبه ومن والاه ليوم الدين


وخيتي اكيد كل وحدة ونفسها في الطبخ وتعرفي هالحاجة لما تتزوجي

زوجك ايقولك هالحاجة هذه مش زي تطيب امي

ولو تلاحظي ان بعض الاكلات تربطيها بالاشخاص

مثلا اني نحب شكشوكة البيض من تايدين امي ربي يحفظها

وكذلك شربة رمضان ديمة امي ادير فيها ربي يحفظها


وبعض الاكلات لما يذوقها زوجي ايقوللي هذا تطيبك وهذا لا

فكل وحدة تختلف عن الثانية في النفس هذا غير عن التوابل والطريقة لكل وحدة فينا



تم تعديل العنوان