ألة الدونات؟

[sweet nona]

السلام عليكم


http://im19.gulfup.com/2012-02-25/1330128837612.jpg (http://www.gulfup.com/show/Xy231w85g7war)


الة الدونات كما هو معروف


جربت فيها الدونات جت مش حلوة:(


صاحب المحل طبعا


يشكر ويعاود


بس


هل اني معرفتش؟:(


ولا؟:mad:


ياريت الي عندها هالنوع


وهالماركة اترد عليا لانه قالي ادير في هلبا حاجات



؟؟؟؟؟؟؟؟؟؟؟


واكيدة حنلقى الرد


من اخواتي حبيباتي

[مغتربة 7]

وعليكم السلام

هلا وغلا بالغالية سويت
الصراحة ماعمري جربتها بس فى موضوع للغالية زوبةان شاء الله يفيدك
http://www.libyan-kitchen.com/kitchen/showthread.php?t=1665

[أمـ ساره]

حتى اني ما عنديش منها الماكينة

ونشوف فيها اليومين الي فاتوا نفكر بناخذها لأن معاها آلة الجوزية

لكن الماركة الي شفتها هومر بس لحد توا

وماشاء الله مغتربة جابت لك موضوع زوبة ان شاء الله يفيدك

[sweet nona]

مغتربة انشالله ماتشوفي غربة
وتروحي لبلادك سالمة
صحيتي
ام سارة
مشكورة عالرد وانشالله نلقو
وحدة تانية مالاخوات
عندها
لانه قالولي حتى الحار مش غير الحلو

[الساجدة لله]

اقتباس:
المشاركة الأصلية كتبت بواسطة sweet nona http://www.libyan-kitchen.com/kitchen/Pinksky/buttons/viewpost.gif (http://www.libyan-kitchen.com/kitchen/showthread.php?p=82464#post82464)

مغتربة انشالله ماتشوفي غربة

وتروحي لبلادك سالمة
صحيتي
ام سارة
مشكورة عالرد وانشالله نلقو
وحدة تانية مالاخوات
عندها
لانه قالولي حتى الحار مش غير الحلو





تعالي فهميني منين خديتيها خلي نمشي نشوفها لاني ندور في الة الجوزية وكيف ادير الحار ؟ بلاهي ردي عليا

[sweet nona]

هلا سجودة
والله مش من طرابلس
امي شرتها من سبها
طبعا هيا تسمع فيهم يحكو عليهامش عادية مشت خدت منها
وصاحب المحل قالت يحكي عليها
في كل شي
وجربت فيها الدونات ماعجبتنيش
ومادابيك اكيد تبي الحاجة الصحية
افضل من القلي
ولو تعرفي ردي عليا
ومشكوووورة

[خدوج]

سويت
اولا مبروك عليك الالة المميزة
وتعالى نثرثر عليك شوى وتحملينى هههههههه
اكيد لمن نشوف اله الدونان نسحابوها متع الدونات(كعك اليويو)بالليبيى
بس انا استفدت من موضوع زينب اللى مغتربة عطاتك الرابط
بصراحة هى الة كيك ومنظره بس زى الدونات
بس والله من لمن شفت موضوع زينب والالة ضاربة مخى ومع بداية
ثورة فبراير 2011 حصلتها وقريب هبلت وحتى الكيك متعها يهبل
ولا بسرعة بسرعة يطيب وبسرعة يهجموا عليه
وقعدت رسمى ندير فيه بس اللى صار فى ليبيا سد نفس فى كل شى
وبطلته وماتذكرته الين شهر 10 عرس بنت اختى يوم القفة قلت لازم نميز هاليوم وفعلا تميز
والله والله مايسحبوه الا جاهز وكلا يسال من اى محل
ماهو الحكاية جديدة
وكانت مفاجاة لمن عرفوا انى درته
وكلا يسال كيف درتيه
لاويقولو تبصرى
ويحلفوا فيه واقرب الاقارب اصروا يشوفو الالة ووراى عالكوجينة
وماصدقونى الا لمن شافو الاله
خاصة غلفته من فوق بالكرميل ورشيت علية قطع لوز وشوفى البنه
وتقدرى ديرى اى طريقة كيك معتمدة واوووووو
وان شاء الله استفدتى
وسامحينى عالدوة اللى هلبه
بس حبيت نوضح مدى استفادتى من موضوع زوبة
وزى ماستفدت نتمنى الكل يستفيد
وصحتين مسبقا عالكيك

[ام هداية]

السلام عليكم

يا اختى سويت انى عندى هذه الالة ودرت بيها كعك طعمه مش عادى لكن زى ما قالت خدوج الطريقة زى الكيك وانى درته وصورته وعن قريب ان شاء الله انزله واتجربيه وما تندميش على المكينة لانها روعة تو اتشوفى الصور كان ممكن انزلهم توا على خاطرك لكن المشكلة فى الكاميرا امتعى ما بتش اتنزل لكن ان شاء الله انزلها عن قريب

ياختى سجودة حتى انى اشريت مكينة اللويزة والمعمول 2فى 1 مش عادية تو انصورها ونزلها هى ووصفاتها

[sweet nona]

خدوج
شكرا شكرا
شرح مفصل وهادا الي نبيه
هالكلام اهوا الي يشجعني لانه من اول يوم فرحت بيها وبعتالي فشلت لاني حتى اني نحسابها امتاع دونات
شكراا جزيلا
ومش غريبة عليك يشكرو الحلو امتاعك ومش مجاملة لاني كل مانجرب منك حاجة ماشالله ولو شفتي تطبيقاتي انزل فيهم
وانشالله انجربها
وانزلها موضوع
شكراا مرة تانية
مشكوووورة اختي

[sweet nona]

ام هداية
صحيتي اوخيتي عالرد
وياريتك اتنزلي هاليومين
باش انشوفه
وشرح كامل زي ماتعودنا عليك
ههه وحدة طماعة
وشن اتقولي لسجودة بس
مهههوسة الماكينات هادي
نزلي الماكينات وورينا
ههههههههه
انبصر عليك
منورة