[ طلب ] طريقة العجينة المنتفخة

[مني المهدي]

السلام عليكم كيف حالكم بنات ومدامات ومشرفات أنشاء الله الجمييع بخير وصحة وعافية أخواتي من تعرف تحضر العجينة المنتفخة أنا ناخد فيها من مجمع سوق التلاتاء ونتمني نحضرها بروحي ياريت صاحبة التجربة أتنزل الطريقة وبارك الله في الجميع وبارك الله في كل شخص ينفع أخوه المؤمن

[أمـ ساره]

وعليك السلام وخيتي منى

ربي يبارك فيك يارب على دعواتك الحلوة

بالنسبة للعجينة ما حضرتها منقبل وبصراحة باخلة فيها

لأنها تبي هلبة وقت وحتى اني نشري فيها من سوق الثلاثاء أسهل واريح


بس حورية المطبخ (( في قناة فتافيت )) دارتها أكثر من رمة وبالتفصيل

ان شاء الله لو لقيت فيديو ليها انزله لك وعن قريب ان شاء الله

[المصراتيه]

وعليكم السلام ورحمه الله
حبوبه اني معرفتش قصدك بالعجينه المنتفخه علي عجينه الباف باستري؟؟

[أم ميوسة]

حاضر عزيزتي أن شاء الله المدة الجاية تو نزل طريقتها بالتفصيل الملل ادللي

[الساجدة لله]

بارك الله فيهم الاخوات مش مقصرين

[زهرة البنفسج]

انا الصراحة عمري ماحضرتها لاكن في فكرة بدل ماتقعدي اتطبقي العجينة كل مرة
تدهنيها بالزبدة وتلفيها زي السويسرول وتخليها ترتح وبعدها اطرحي واستخدمي
الصراحة ماعمري درتها لاكن قريبتي هكي ادير فيها وان شاء الله انكون افدتك ولو بالقليل

[مني المهدي]

وعليك السلام وخيتي منى

ربي يبارك فيك يارب على دعواتك الحلوة

بالنسبة للعجينة ما حضرتها منقبل وبصراحة باخلة فيها

لأنها تبي هلبة وقت وحتى اني نشري فيها من سوق الثلاثاء أسهل واريح


بس حورية المطبخ (( في قناة فتافيت )) دارتها أكثر من رمة وبالتفصيل

ان شاء الله لو لقيت فيديو ليها انزله لك وعن قريب ان شاء الله


صحيتي وبارك الله فيك فزاعة وكريمة ماتقصريش بكل ربي يحفضك:)

[مني المهدي]

وعليكم السلام ورحمه الله
حبوبه اني معرفتش قصدك بالعجينه المنتفخه علي عجينه الباف باستري؟؟

انا الحق نأخد فيها من سوق التلاتاء وأسمها العجينة المنتفخة ومانعرفش أذا كانت الباف باتسيري أولا بارك الله فيك أختي المصراتية :)

[مني المهدي]

حاضر عزيزتي أن شاء الله المدة الجاية تو نزل طريقتها بالتفصيل الملل ادللي

أيحضرلك الخير أم ميوسة صحيتي حبيبة بارك الله فيك :)

[مني المهدي]

بارك الله فيهم الاخوات مش مقصرين

وحتي أنتي بارك الله فيك علي مرورك وبارك الله في الأخوات:)

[مني المهدي]

انا الصراحة عمري ماحضرتها لاكن في فكرة بدل ماتقعدي اتطبقي العجينة كل مرة
تدهنيها بالزبدة وتلفيها زي السويسرول وتخليها ترتح وبعدها اطرحي واستخدمي
الصراحة ماعمري درتها لاكن قريبتي هكي ادير فيها وان شاء الله انكون افدتك ولو بالقليل

بارك الله فيك أخيتي مشكورة وبنشكرك علي موقع الرقية الشرعية في ميزان حسانتك ويارب يرزقك الدرية الصالحة لو مزال ماعندكش أولاد أو تأخر حملك نوعدك ندعيلك بضهر الغيب :)

[أمـ ساره]

مني حبوبة سامحيني عطلت عليك بالفيديو

لكن مبدئيا هذه طريقة نرمين هنو في ولا بالاحلام


المقادير


300 جرام دقيق الخبز
50 جرام زبدة مبردة
رشة ملح
160 جرام ماء بارد
200 جرام زبدة مبردة
سكر

الطريقة


يوضع الدقيق والزبدة والملح في الكبة وتشغل على مراحل حتى يصبح الخليط رملي الملمس.
يوضع الخليط على سطح طاولة وتحفر حفرة في وسط الخليط ثم يصب الماء في الحفرة.
يتم خلط العجين من داخل الحفرة الى خارجها حتى تتجمع ثم توضع في خلاط العجين لتعجن أو تعجن باليد.
تعجن حتى تصبح ملساء.
توضع العجينة في البراد لترتاح لمدة 30 دقيقة
توضع العجين على سطح الطاولة على شكل دائرة ثم تفرد الأربع جهات بالمرقاق لتصبح الأربع جهات أرفع من وسط الدائرة وتشبه الوردة.
تضرب الزبدة بالمرقاق حتى تلين وهي لا زالت باردة ثم تشكل على شكل مربع بحجم وسط الدائرة ثم تغلف الزبدة بالأربع جهات حتى تتغلف تماما ً بالعجين.
يتم فرد العجين وبداخله الزبدة الى مستطيل.
تطوى العجين من الجانبين ختى يتلامسوا في الوسط كالكتاب ثم تطوى مرة أخرى حتى تصبح مستطيلا ً طوليا ً.
تفرد العجين بالمرقاق ثم تطوى كالسابق 4 مرات تدخل فيهم البراد بعد كل مرة أو مرتين لمدة 30 دقيقة تقريبا ً.


لحد هنا تمت طريقة العجينة والباقي وحدة من طرق تشكيلها وخبزها


تفرد العجين الى مستطيل طويل وليس بعريض.
يطوى المستطيل طوليا ً من الجانبين حتى يتلامس الجانبين في الوسط.

يرش العجين بوفرة بالسكر مع تكرار الطوى مرتين او ثلاث حسب عرض العجين وإستمرار رش السكر بوفرة مع كل طوية.
تغمس العجين من الخارج كليا ً في السكر يوضع في الثلاجة حتى تجمد الزبدة مرة ثانية.
تقطع العجين الى شرائح عرضيا ً ويرش كل وجه من الشرائح بالسكر.
توضع على صينية فرن مجهزة بورق الزبدة في فرن بدرجة حرارة 220 درجة مئوية لمدة 15 دقيقة تقريبا ً أو حتى تصبح العجين مقرمشة ولونها ذهبي داكن.


وباذن الله نزيد نشوف لك فيديو واضح

[luba]

هده الطريقة وبالتفصيل من ايدين المصراتيه بارك الله فيها


http://www.libyan-kitchen.com/kitchen/showthread.php?4944-%DA%CC%ED%E4%E5-%C7%E1%C8%C7%DD-%C8%C7%D3%CA%D1%ED-%E1%DA%ED%E6%E4-%CE%CF%E6%CC-%E3%E4-%E3%D8%C8%CE-%C7%E1%E3%D5%D1%C7%CA%ED%E5&highlight=%C8%C7%D3%CA%D1%ED

[الصابرة]

ماشاءالله الاخوات ماقصروا