المساعد الشخصي الرقمي

مشاهدة النسخة كاملة : [ تمت الاجابة ] ما هو أفضل الفرن الكهربائي أو فرن الغاز



ام ثواب
03-04-2012, 06:22 PM
السلام عليكم والله مرايف عليكم وعلي المنتدي لكن لظروف مرض عزوزتي مشغولة جدا جدا وادعو ربي يكون في عوني ويعيني علي طاعتة
يابنات زوجي يب يشريلي فرن وقال في انوع فية غاز500 ليبي وفية كهربائي 400ليبي وفي 2*1 يعني غاز وكهرباء900ليبي
اقصد بالفرن كوششششششششششششششششه بس شنو رايكم غاز وضي والله غاز بس والله كهرباء بس بسرعععععععععععه لان شويا وطالع للمحل
وشكرا لكل من تعبرني

زينب محمد
03-04-2012, 07:53 PM
انا رأيي تأخذيه اللي يشتغل على الغاز والكهرباء مع بعض


افضل وحتى لو تم الغاز تشغلي الكهرباء

sweet nona
03-04-2012, 08:43 PM
هوا شكلي جيت فالاخير
بس من زيك ردت عليك زينب محمد بروحهاههه
خودي وانتي مغمضة:d
والحق حتى اني لو مكانك
ضي وكهرباء وانشالله
مبروووووووك
وماتنسيش اتصوريه
قصقصة:d

ام ثواب
03-04-2012, 08:45 PM
الله يحفظك ويبارك فيك وديمة مغرقتيني بفضلك رغم سلبيتي الخارجة عن ارادتي يازوبة وانشاء منورة انتي والمنتدي ودائما في القمة وادعي ربي يشفي عزوزتي ويقدرني علي فعل الخير والله ممسوكة مع شعر راسي وسبق وقتلك عندي هلبا مشاركات في الكميرا لكن الحوش ضيوف داخلين وشئ طالعين وعيال وعمل وحوشين صعبة لكن ربي يقدرني علي مايرضية وانمكسوفةةةةةةةةةةةةةةةةةةةةةةةةةة منك يازوبة

ام ثواب
03-04-2012, 08:53 PM
سويت مشكورة ياعسل لكن تقصدي ناخذ كهرباء وغاز 2*1 وعلي فكرة انتي لم تتاخري لاني طلبة منه (زوجي)يعطيني فرصة لغدوا الصبح مع ان الراجل متحمس وانا قتله جيبا اليوم شطارة اضرب الحديد وهو ساخن لكن بعدها قلت في التاني السلامة ونشاور مجلس الشوري امتاعي وناخذ شورتهم قبل مانشرية

زينب محمد
03-04-2012, 09:00 PM
سامحيني ياام ثواب نسيت نقولك الله يشفي عزوزتك

كتبتها في الرد الاول

ولما طار الرد كتبت ثاني بسرعة ونسيتها

الله يشفيها ويعافيها ويعينك ويباركلك في الغاز الجديد

ونستنوا في ابداعاتك ياحلوة امتى ما تسمح ظروفك

أم ميوسة
03-04-2012, 09:08 PM
أم ثواب انتي اسم على مسمى ربي يشفيلك عزوزتك يا غالية ويعينك على الزحمة اللي انتي فيها وكله بأجره ان شاء الله في ميزان حسناتك وماتكدريش خاطرك على المنتدى أن شاء الله امتى ما تفضي تلقينا نستنوا فيك

بالنسبة للغاز أنا من رأيي زينب وسويت غاز وكهرباء وياله نلحقوا لأن مرات نديروا حلو وحار انا الكوشة عندي احيانا تتعبى ونخلى في الحاجات بالطابور والزوز تستحقيهم الحق الغاز والكهربائي وان شاء الله يجيك زي ما تتمني

مغتربة 7
03-04-2012, 09:11 PM
ربي يشفي عزوزتك حبيبة ويقدرك يارب
حتى اني من رأي البنات
والف مبروك

ام ثواب
03-04-2012, 10:32 PM
يابنات اقصد بالفرن يعني كوشة بالليبي يعني مخبوزات فقط وكيكات وبسكويت

Om Amory
03-04-2012, 10:42 PM
رأي من رأي البنات

ايه عارفين الفرن يعنى الكوشه

وربى يشفى عزوزتك

زهرة البنفسج
03-04-2012, 11:51 PM
ربي يشفي عزوزتك وتقدري توفقي بين الحوشين وكله باجره وربي يسهلك ان شاء الله
بالنسبة لرايي زي ماقالو البنات وان شاء الله انشوفو ابداعاتك بعد ماربي يهنيك

ام ثواب
03-05-2012, 07:41 AM
زينب محمد
سويييييييييييييييييت
ام ميوسة
مغتربة7
امعموري
زهرة البفسج
بارك الله فيكن ورزقكن صلاح الذريةواللي انسة انشاء قبل رمضان اتكون في مملكتها واللي معندهاش اولاد ربي يعطيها والله مادام انتو ا قريبين مني مانحتار وما انحس اني بعيدة عن اهلي

نسيبة
03-05-2012, 04:01 PM
وعليكم السلام ورحمة الله و بركاته
الاخت الفاضلة ام ثواب

ان شاء الله ربي يشفي ام زوجك و تقوم بالسلامة
الاخوات الكريمة افادوك بارك الله فيهن و فيك
الفرن لما يكون بالغاز و الكهرباء افضل بكثير و يساعد كثيرا
خاصة انك تحتاجيه في طوجين و خبيزة و الشقاشق
ان شاء الله ربي يهنئك و تبيديه بالهني غالية

ام ثواب
03-07-2012, 11:07 PM
وعليكم السلام ورحمة الله و بركاته
الاخت الفاضلة ام ثواب

ان شاء الله ربي يشفي ام زوجك و تقوم بالسلامة
الاخوات الكريمة افادوك بارك الله فيهن و فيك
الفرن لما يكون بالغاز و الكهرباء افضل بكثير و يساعد كثيرا
خاصة انك تحتاجيه في طوجين و خبيزة و الشقاشق
ان شاء الله ربي يهنئك و تبيديه بالهني غالية

نسيبة شكرا اختي علي اقترااحك لكن شريت غاز وقلت ناخذ الكهرباء بعدين علشان اتكون عندي وسع وانا انطيب هكذا فكرة وربك يسهل ونجيب حتي كهرباء عادية مع اني ضربت في راسي الديجتال