أيهما تفضلين أكل البيت أم أكل المطاعم؟؟

[sweet nona]

http://t0.gstatic.com/images?q=tbn:ANd9GcQDPclIsajZI3LbrD89u1SYQiXFF2z4X FAHI96KC1SH3RdMZd6bA6KDyz8
هلاهلاهلاهلا
شن اخباركم جميعا انشالله الكل بخير وعافية
وانشالله ديما ملتمين
في المنتدى الغالي
المطبخ الليبي
سؤالي ليكم ياحلوات

أيهما تفضلين أكل البيت أم أكل المطاعم؟؟؟ (http://www.nsaayat.com/showthread.php?t=27586)

دخلتي عزيزتي الصفحة
شاركينا وعطينا رأيك
ولا تبخلي علينا
http://www.lakii.com/vb/smile/21-276.gif
http://www.lakii.com/vb/smile/21-319.gif
http://www.lakii.com/vb/smile/19_64.gifhttp://www.lakii.com/vb/smile/19_14.gif
http://www.lakii.com/vb/smile/19_11.gif
بس ها
خليك صريحة
وتعالو ندردش وانشوف راي كل وحدة
منكم

لكم ودي وحبي واحترامي
واكيد
أشواقي الحارة لمتابعة ردودكم
http://www.lakii.com/vb/smile/21-308.gifhttp://www.lakii.com/vb/smile/21-308.gifhttp://www.lakii.com/vb/smile/21-308.gifhttp://www.lakii.com/vb/smile/21-308.gif

منقول للآمانة

[أمـ ساره]

موضوع حلو سويت

واني اول وحدة بنشارك معاك ان شاء الله

شوفي حبوبة اكل البيت مافيه خير منه ابداً

من ناحية النظافة والخيارات الانواع اللحوم والخضار


لكن مرات خاطري ناكل من برا وما عندي نية في التطيب او المطبخ

لكن طبعا مش من اي مطعم


اغلب الاحيان بيتزا ومعجنات

ولو كانت وجبة فتكون بالدجاج اللحم لا لانه يكون مستورد


واحب اكلة بصراحة وجبة مكسيكانا

أرز ودجاج وخضار امممممممممممممم ولا احلى



وحلو الشعور لما تاكلي وجبة وتتبننيها وتحسي بطعمتها

من غير ما تتعبي فيها



ونستنوا باقي الحبوبات وآرائهم

[sweet nona]

أم سارة
صح كلامي زي كلامك
هو ماكلة البيت أنظف بس مرات والله اتجيك النية في الماكلة من برا
وتاكلي وجبة سخونة
ممممممم
وعليها الكاتشب والمايونيز
ممممممم
حسني جعت

[ترهونيه حره]

بصراحه اكل البيت مافى غنى عليه ولكن مرات نستاحش اكل المطاعم وخاصه البيتزا والهمبورغ والسكالوب وخاصه لما نكون مسافره من مطعم الى مطعم ولكن بعدين عالطول عالسوبر ماركت وناخد كل مستلزمات الطبخ لان اكل البيت وخاصه اكلاتنا الليبيه لاغنى عنها ومشكوره على المواضيع الحلوه سويت

[أمـ ساره]

ايه سويت والله لو نلقى توا من يجيب لي وجبة ما نقول لا

تعرفي اليوم ما كليت حاجة الا 2 مق نسكافيه وشوي كعك بالتمر


مش جعانة ميتة بالشر حاشاك

لكن ما عندي نية نطيب ولا نتحرك نبي الواتي بس




هي نمشوا نتعشوا برا اني وياك >>> هههههههههههه

[sweet nona]

اييييييييه ياام سرو
تعاي هي
شاورما سخونة هكي بالبطاطا
والمايونيز ولا سكالوب
تسلمي عالرد ياغالية
وهي هاك اليوم نزلتي السكالوب
والله من غير مجاملة
جي في خاطري وتو انديرا
بس اسمعي بنزل باسم
تطبيق لتطبيق سكالوب ام سارة لسكالوب ام صهيب من مطبخ سويت
ههههههههههههه على كتر ماجي في خاطري امتاعك
http://www.lakii.com/vb/smile/1-191.gif

[sweet nona]

http://www.lakii.com/vb/smile/1_120.gifhttp://www.lakii.com/vb/smile/1_120.gif
ترهونية حرة
صدقتي اختي
اتجيك النية في اكل المطاعم صح
خاصة لو فتي متلا وانتي جيعانة
من جنب واحد يبيع في كباب
او مشاوي مممممممم
اتحس روحك كأنك عمري ماضقتيه
ههههههههه
بس اكل البيت لا يعلى عليه
مشكورة عالمشاركة

[الصابرة]

والله خواتي زي ماقلتو اكل البيت مافيش احلى منا لكن يجي خاطرك فيه مع اني والله مانشكر في روحي كل حاجة عرفت انديرها لكن خاطرك يعدي عليهن وانا اكثر الاوقات لما نمرض اذا راجلي مش فاضي اوعارف روحا تاعب بيش ايطيب ايجيب من برا يعني نجيبوا في اكل من المطعم في ظروف تعتبر مطرة يعني
اه نسيت والله طالعين ندهروا مايخلاش الامر من شاورما ملي يحبها قلبك وبصراحة اكثر شئ لما نطلع نطلبه لاني مهما حاولتي اديرها ماتطلع زي المطاعم وشكلها في السيخ الكبير يم يم اسهفت شكلي بنقول لراجلي ايجيبلي منها بكرة ريقي نشف
مشكورة حبيبتي سويت للمواضيع التي تختاري فيه كلها ليها اهداف ونستفيدوا منها

[مغتربة 7]

موضوع رائع زي العادة حبيبتي سويت
بصراحة صح اكل الحوش ما يعلى عليه ونظيف وحلو
بس اني شخصيا انحب اكل المطاعم راحة نعطي اجازة لطنجرة والمطبخ
اي حاجة واي مطعم ما عندي مشكلة
عندنا مطعم تونسي فى المدينة الى فى جنبنا يمييييييييييييي
ولكن راجلي يحب اكل الحوش اكثر
واني وصغاري عكسه هههههههههههه
بس مافي مفر من الطبخ:)

[sweet nona]

اكيد اخواتي
اكل البيت انظف
وتطيبيك وغسل الخضرة واللحم
والتتبيل كلها على عينك
بس مانستغنى
عنه
بالدات لما اتكون عندي طلعة بنشري
وانعطل عارفين زحمة طرابلس
يجي وقت الغدي وانتي برااا
بيتزا مع حكة مشرووووووب
ونورتي موضوعي
وشكرا عالاطراء وافكاركم
ويلا نستنو راي البقية

[snaaaa]

بالنسبه ليا اكل البيت انظف نادرا وين ناكل برة ولكن حلوة مرة مرة الواحدة فينا ترتاح

[بنية بوها]

منورة ياسويت نشيطة ماشاءالله خليك علي نشاطك لين نوصل فيك
وتقوليلي اين احسن لصراحة اني انحب التطييب لكن توا لما اتغربت وجي الكيد عليا
وليت مستاحشة من يطيبلي وبصراحة كل شهر عندي لازم ناكلوا برة مرة او مرتين وفي مطاعم
مميزة واكلهم نظيف وفيها بنة زايدة وحتى لو قعدتي تاكلي برة واللهي تملي تستاحشي ماكلة الحوش
وشكرا علي نوضوعك الحلو ياحلو

[أم ميوسة]

السلام عليكم ورحمة الله وبركاته

أكل البيت لا يعلى عليه لكن اكل بره حتى هو ماعندنا ما نوقولوا فيه وخاصة المشاوي على رأيي سويت بالدات الحكاية كان فيها كباب مانحكيلكش شن يصير فيا ههههههه

ومرات انا نكون ماعنديش نية نطيب ومليت من الروتين والكوجينة فنكرسوا الروتين هادا وناكلوا بره

واحيانا نتعشوا سندويتشات أو بيتسا سخونة يممممممممممي لأن بيتسا الحوش مختلفة على بيتسا برا

أنا بصراحة نحب الأكل بره رغم ان زوجي مايحباش هلبة لكن يساير فينا

وزي ماقالوا البنات الحاجة من غير تعب فيها بنة زايدة

[sweet nona]

ام ميوسة
نورتي

[بنت حواء]

موضوعك شيق ياسويت........ بالنسبة ليا كل شيء نحبهه من الحوش إلا البيتسا مهما تكون عندي من المطاعم أحلى
أنا مشكلتي مانحبش ماكلتي والله مهما يشكروها مازال عندي ماكلة غيري أحلى يابال المطاعم نموت فيها طبعا مافهمتش بالك لأني لما نتعب في المطبخ معادش تجيني نية...... ومن المطعم طبعا نكون مرتاحة ورايقة لكن حتى المطاعم مش كل شي مثلا المسقي والمطبوخ وو عندي من الحوش أحلى

[بنت طبرق]

بالنسبة ليا انا ما نحب اكل المطاعم بكل
ونفضل اْكل البيت

هوس نظافة
وحتى بعد نسافر ناخذ في حافظات أكل معايا
ومانشري إلا المعلبات فقط
ولكن أحيانا نضطر لأكل شئ من المطاعم
بس الحق اْكل البيت لايعلى عليه

http://www.lakii.com/vb/smile/12-46.gif

[loen]

اما بالنسبه ليه كرهت ماكلتى وكرهت ماكله المطاعم
والله لو مشيه الى ليبيا وتلقى هذاك الكسكى بالحم الخروف الطازه احسن من الف ماكله فى المطعم
لكن بشرط مدايره غيرى مش انا مدايراته:D
لكن حالين اكيد مره مره وكله بره كويس ومقنينه لو راجلك ربى يهديه ويدير بكبوكى ياسلام امممممممم تطلع من ايده زى العسل
وانت مقعمزه وتراجى فيها:rolleyes:
هههههههه

[ام سحر]

موضوعك جميل سويت..بالتاكيد اكل البيت نظيف وصحي اكثر لكن مرة مرة اكل المطعم مش مكروه لكن عندي راجلي يحب اكل الحوش ما يحبش اكل المطاعم الا في الضرورة القسوة وصغاري يتحسسوا من اكل المطاعم فندير في الكيد على روحي وكل شي في الحوش والحمد لله

[الساجدة لله]

ااااه ياقلبي لاتحزن ههههههههههه انا من عشاق اكل البيت طبعا بلا منازع بس مرات نسهف

على اكل المطاعم بالذات الكباب ومش اي كباب لازم يكون مش متبل بالفلفل الاسود هلبه يعني شوية ويفضل من غيره او شاورما لحم ومش دجاج انا من عشاق اللحوم الحمراء والاسماك وطبعا
مطعمنا اللي حاسبينه حوش بونا التاني هو عبية في المدينة القديمة يادوبك نشرو منه ويجيب منه زوزي واكيد الحفرة سابقا بصراحة تقعميزة البحر بروحهااااااا وتوا مطاعم السمك اللي في تاجوراء واكيد اذا كان في مناسبة اسرية خاصة فالعزومة تكون في احدى الفنادق اي في المطاعم امتعها لاني نحب السلطاااااااات هلبه وماعنديش رووووح مع سلطات كورنتيا والريدسن بلو بس بالمجمل نحب اكل الحوش وادا مطاعم نفضل المشاوي افضل من المعجنات والمقالي

وموضوع قنينون ياسويت

[أمـ ساره]

ماشاء الله اغلبكم تحبوا اكل المطاعم

ولاحظت ان كلنا نفس التفكير

المطعم أحسن حل للراحة من المطبخ ودوشته


والحمد لله زوجي يحب ياكل برا عادي ما عنده مشكلة



شنو رايكم حبوبات مدامكم تحبوا تاكلوا برا

تكتبوا لنا زي سجودة أحسن المطاعم المفضلة عندكم حتى الواحدة تجربهم مرة مرة




بالنسبة لي أغلب أكلي في كوبا كابانا نحب وجبة المكسيكانا متاعهم مش عادي


واغلب سندوشاتهم اتهبل والحلو فيه المطعم

ان الي يشتغلوا فيه ليبين أغلبهم طبعا


وفيه محل للبيتزا جنبه مش بعيد عليه اسمه نور يدير في بيتزا على الحطب

ما نحكيلكم على البنة متاعها مممممممممم


وبالنسبة للكباب فأحسن 2 محلات عندي

واحد في تاجوراء اسمه كباب البيفي

والثاني قي راس حسن اختصاصه كباب

على قد ما ناكل منهم ما نشبع

فيهم بنة غير عن أي كباب درته من قبل او ذقته


وفيه الضيافة طبعا ساندويشاتهم مش عادية وخاصة التتبيلة متاعهم

زمان كان عندهم فرع في سوق الثلاثاء مش عارفة رجع يشتغل او لا

وعندهم في زاوية الدهماني

وجنبهم مطعم التركي حتى هو جربته مرة وعجبني لكن زوجي ما عجبه


ولو تفكرت غيرهم نجيكم ثاني


حسني جعت في هالليل

[الساجدة لله]

اها ام سرورة مدام تبو مطاعم وماكلة صح تعالو نقوللكم


الكباب صح متع راس حسن قنين بس نحس الفلفل الاسود يصب فيه صبان في واحد بحدى المستشفى الخضرة يبيع في كباب ودجاج محشي والحق انا ناخد في الكباب بس والكباب متعه مضموووون ومش عادي وواللي تمشيله وتجربه تقولي رايها وبالنسبة لتركي عندك الشادن ممتاز بصراحة والصفيحة الحق ناخد فيها منه مش عادية وفي واحد في جهة شارع 24 ديسمبر مطعم تركي خدينا منه يومها وكلينه في الحوش وانا المطعم نعرفه نظيف او من سلطاته وتطييبه مغشوش او لا من الصفيحة ادا مدهنة هلبه معنها غشاش واذا اللي يطيب ماهر والا مشي الحال فمن شربة العدس متعه ههههههه وخيتكم مفروض يحطوها في الدويقة ههههههه ويالله باانتظار البقية بش نشوفو وين تمشو ونجربو نمشو لمطعامكم

[sweet nona]

مممممممممممممممم
سجووووووووووووووودة ماشالله خبرة وتفصفص في كل شي
حتى اني عيوني الكباب والشادن انموت فالسلاسط امتاعه قبل ب2دينار
لكن رووعة
ويلا كل وحدة تعطيلنا رايها

[ليبية حرة]

والله ياسويت حسك جوعتيني وأكيدة ماكلة الحوش أحسن لكن ياحبوبة صاحبتك والله ماتحب اتطيب ههههههههههههههههههههههه
بصراحة لما نجوع أحلى حاجة عندي اسكالوب الضيافة لاندور في كباب لاشي عطيني اسكالوب الضيافة ناكل منه لين نشبع ههههههههههههههه

[sweet nona]

ههههههههههههه
ليبية ضحكتيني اوخيتك مش غير الكباب
بس
اسكالووووووووووووب الضيااااافة انموت فيه
ايامات الجامعة سنتين قريب يوميا
ايهبل وهاديكا الخبيزة الكبيرة تقول صحن مش خبزة ومعبية بطاطا وكاتشب
والدجاجة كبيرة ويميميميمييم
وفي انتظار راي الي تدخل
للموضوع بس اكيد الحوشو انظف
واحلى

[ريحانة لندن]

طبعا أكل البيت انظف واطعم
ولكن لو اضطرني الامر للاكل في الخارج لابد ان اتأكد انه المطعم نظيف وأكله نظيف

[هدوش]

انا انفضل اكل البيت في الاحوال العادية و لا مانع من التجديد و التغيير مرة مرة .. لكن في السفر و العطلات .. أكييييييييييد اكل المطاعم و تجربة كل جديد منها :)

[خلود]

السلام عليكم
تو بنقولك أكل البيت أكيد حلو وأحسن من المطاعم بس فى حاجات أحلى لما تاكليهم من المطعم وخاصة الشاورما ولا الحوت المشوى والله مانستطعم فيهن غير من المطاعم
الطعمية أمالا حتى لو كان زيتها اسود ماتجى الخاطر فيها غير من المطعم

[همس الكلمات]

انا نحب الزوز الصراحة اكل البيت لا يعلى عليه
واكل المطاعم للتغيير احيانا والترفيه عن النفس :o
مشكورة عالموضوع الجميل

[نسيبة]

اكل البيت لا يعلى عليه خاصة الاكل الزمني الاكلات الليبية الاصيلة ديما البيت وحتى الشقاشق لكن تبقى لتذوق بعض الاكلات نكهة خاصة في المطاعم المعروفة
مثلا زي ما ذكروا الاخوات كباب راس حسن قنين و يعجبني و الضيافة و اسكلوبها على راي سويت مرة مرة باهي

والشاورما من المطاعم التركية المعروفة روعة وحتى الصفيحة متعهم قنيننة كان فيه واحد في قرقارش نظافة و طعامة

الاسماك مطعم شاطي النخيل روعة
المطاعم الشامية و التركية و الايطالية لها رونق خاص
المطاعم مرة مرة نوع من التغير و تذوق النكهات باهية غير مش ديما عاد

[kenana]

​لله ياوخياتي لو بيدي ماناكل الا من المطاعم لكن راجلي مايحبش ياكل الا من ايديا وانحس ان اكالنا الشعبي يبي اللمه لان حلاوته في كترته . الاسبوع يلي فات كنت في طرابلس هادي اول مره نمشي لشقيقتي بعد الحرب وادللت ماكليت الا كل ما انحب ..البيتزا من الحطاب شن رايكم فيه والا الحوت المشوي يم يم على مااظن من طريق الشط لان الحوت غادي طازج وميه ميه وفي جنبه طويسه شاهي اخضر بالوز والنعناع

[kenana]

مساء الخير سويييييت والموضوع حلو هلبه ياليت ادليني عالضيافه لان جت نيتي في واحد اسكالوب وخاصه اني جيعانه ومازال ماتغديتش

[بنت بلادي]

شكرااااااااااااااااااا

[المصراتيه]

بالنسبه ليا اني علي حسب المطعم كلا المطاعم الراقيه والله ماعندي احلي منهن
وحتي المطاعم في النظيف وفي اللي لا
يعني علي حسب المطعم
لكن لما نلقي روحي في المطعم تقول الا لقيت روحي في حوش سويت هههههه نفررررررررررررررح
بالنسبه للرجاله اكيد ايكال الحوش احسن لان متعودين علي المطاعم ديما مش كيف حالاتنا كرهنا الايكال من التطيب خخخخخخخخخخ

[المروالوردي]

حلو الواحد يطلع وياخذ وجبات برا من المطاعم المعروفة بالنظافة ,
وأحلى شي المشاوي ,, شكرا لموضوعك الجميل

[sweet nona]

مساااء الورود الفواحة

وضحكة على وجو الكل ديما مرسومة يارب

حبيبات

تسلمو على ردروكم واطراءكم لي ولموضوعي الي اكيد ولا حاجة

من غير ردودكم

نورتو جميعا وشكراا لاعطاء ارائكم وتفاعلكم الدائم

اكيد اكل البيت انظف

بس صح لو كان المطعو راقي ونظيف ليش لآ

الواحدة منا اتحب تغير في الاكل

شكرااااااااااااااااااااااااااااااااااااا
للجميع


المصراتية ياريتك اتجيني في حوشي نفرح زي فرحتك

[المصراتيه]

جاينكم جاينكم متخافوش
ههههههههه

[وصال]

السلام عليكم
أختي سوييييت تحيتي ليك على موضوعك الرائع
رغم أني جديدة ع المنتدى ويشرفني أن يكون موضوعك أول موضوع انرد عليه
أختي بالنسبة لي انفضل أكل البيت رغم أني ما عنديش كثر ماكلة وما انطيبش يعني ناكل من ايدين خواتي
مع هذا مرة مرة نسهفو على أكل المطعم كيف ما قالن خواتي {تغيييير}

[lolita111]

أكل البيت حلو ما فيش أحلى منو لكن التغيير ضروري مرة مرة برضو عشان الصغار تحسيهم يفرحو لما تشريلهم حاجة من برا حتى السندويتش لو عملتيش في البيت ما يكلوه لكن لو شريته تنفتح الشهية عندهم

[ام يوسف]

الاثنين

[نسمة ليبيا]

والله اني وحده من الناس ماتعجبني الا طبختي وخاصة كاني صابحة رايقة وزاهيتلي الحميمة!! لكن شني ! ماعندنا وين نمشوا طول الاسبوع لامنتزهات لامكتبات فنتسبلوا بالمطعم ونطلعوا كل خميس . وفيه حاجه انموت فيها وهي الدجاج الصيني مع الرز

[ام غيداء]

بارك الله فيك علي الموضوع القيم ... اعتقد ان بعض الحالات تستدعي انه ناخذو من المطعم لكن لازم يمون مطعم نظيف وموثوق بس من غيرها انا انفضل اكل البيت

[ام تغريد]

سويت هذا وين مريت علي الموضوع وموضوع حلو ما شاء الله

وبالنسبة ليا اني والله اضحكي كل ما نخش علي المطبخ وقت الوجبة نتفكر امي ونقول ما بعدها احني في هذا العمر وملينا من الطبخ وحوسته وهما مش عارف كيف ؟؟؟؟؟؟؟؟؟ما بعدهم يناري عليهم ربي يعطيهم الصحة والعافية

والصراحة انفضل اكل البيت من ناحية الننظافة والتقة ولكن كان نلقى من ينظف وراي المطبخ ما عنديش مشكلة مع التطيب والصراحة ما نشبعش الا من اكل بيتي وفي بيتي راحتي نتربع علي هاديك الصفيرة وناكل علي اقل من راحتي لاني نحب ناكل بالتنقيش

وبالنسبة لاكل المطاعم من يكرهه مرة مرة معليش الهمورجا والشاورما ومشاوي الدجاج واالاسماك ولا لا للحوم

ونحكيلكم موقف مرة في احدي زيارتنا لتونس وكانت الساعة 3 يعني وقت غدي والصغار جاعو فكنا نبو نتغدوا في مطعم نزلنا لاول مطعم وجلسنا تلفتت يمين ويسار وقلت لزوجي المطعم مش نظيف مانبيش ناكل فيه حاجة فشن درنا بدل ما نطلعوا زي ما خشينا اخدينا مشروبات وطلعنا ويلا ندوروا علي مطعم ثاني ونفس الشئ صار وتكررت الحكاية قريب اربع مرات البطون انتفخت من المشروب والبطن فاضية اخر شئ قلتلهم انزلو بروحكم تغدوا واطلعوا وهذا كله واني نراجي في السيارة فلهذا المطعم لو ما تكونيش عارفتيه كويس ما تقدريش تاكلي فيه

[ام مؤيد]

السلام عليكم بصراحة الموضوع حلو بالنسبة للبيت اكل نظييف وموتوق منا ولكن التغير مرة مرة حتي هو حلو لتغير الجو واهم حاجة المطعم يكون راقى

[أم أنس 2010]

نموت في ماكلة برا مع ان ماكلة الحوش أنظف و أحلى

[umbarhoum]

اكل البيت بكل تأكيد

[lola9670]

مش عارفة كلامكو كلا مقتنعة بيه ع الاخر
لكن نقوللكم حاجة وتصدقوني باني كل ماناكل حاجة من بره ضميري يحاسبني
وكان كليت لحم حشاكم نرجع
الحمد لله كان كليت في حياتي من بره كوجبة كليتها واني مسافرة يعني لاخيار امامك واغلب ماكلتي تكون نباتية او ناكل وراجلي ياكل اللحمة
اكيد تستغربوا
وحده تحب الشقى للمليون

[ام سرو]

بصراحة اكل البيت الذ واطعم من اى مطعم

[ليبية فالحة]

خير ياحبوبة بالنسبة ليا انا نحب ماكلة الحوش اكيد وخاصة لما نديروا عزومة انا واختي ربي يحفظها نديروا عشي مبدّع :rolleyes:
بس محلاها لما يجيني راجلي ويقولي (ما تطيبيش اليوم عازمك برة ) يااااااااسلام نفرح ونبدا عارفة ان الماكلة مش هتعجبني لكن الراحة مافيش خير منها مرة مرة .
نسرين;)
وشكرا على سؤالك:rolleyes::o

[sweet nona]

هلا بالكل

شكرا لاعطاء رايكم

يابنات والكل تقريبا ماشالله

يفضلو اكل البيت خاصة الي موسوسة

منا

ام تغريد متلا ههههههههههه

بس هادا لا يمنع التغيير

والراحة بعيد عن الجو

وفعلا نمشو ونرجعو لنفس الكلمة

اكل البيت افضل بكل المقاييس

لانه لو اسبوع كامل وانتي تاكلي من برا

تتضايقي وتملي من الاكل وتحسي نفسك ماتشبعي

بينما اكل البيت عمرنا كله ومستمرين ونتشهى

ونتوع ونعزم ونتعاون في احلى الطبخات

ربي يجعل البيوت عامرة بخيراتها وبحس اهلها

ويدوم الصحة والعافية

شكراا لكل من كتبت وردت
http://www.brooonzyah.net/vb/attachment.php?attachmentid=338&stc=1&thumb=1&d=1195593261
http://www.brooonzyah.net/vb/attachment.php?attachmentid=339&stc=1&d=1195593291

http://i236.photobucket.com/albums/ff259/mooon17/baby-1.gif

[om_adnan]

أنا عن نفسى نفضل أكل البيت ,بس بشرط نطبخ مرتين فى الاسبوع وهذا مستحيل,عمرى ما نمشى مطعم ونروح شبعانة حتى لو بوفيه نقعد فرحانة فقط انقول نرتاح يوم,ولكن ياسلام على اكل البيوت مش بيتك,يعنى عندى سلفتى أكلها كله عسل,بصراحة مهما يحاولوا النظافة فى المطاعم فى رحمة ربك

[luba]

اكيد اكل البيت احلي لكن حالي حال غيري نبي راحه مرات
لكن اللي عندي مايشرطوا عادي كل يوم مكرونه اني اللي نشرط علي روحي ههه
نحب ناكل الرز بكل انواعه وخاصه الرز الصيني واروع اكل دقته ومش غالي في مطعمين في مصراته
وطرابلس مجربه3 عندهم بس اكتر واحد يعجبني المطعم التركي بحدي مستشفي العيون
يابنات لو تعرفوا حساء او طبيخه بلحم الدجاج وفيها كريمه كافي هكي قالولي هماكاتبين عليها تشيكن باتر

[luba]

اللي تعرفها تقولي وشكرا ياسوسو علي الجو الحلو

[om_adnan]

أهلين لوبا ,نحن الليبيات ديما هكى,مانعرفوش نهنو أرواحن,هذى أكلة هندية,تقدرى تشرى الخلطة واتية ,بس انتبهى على الاقل يكون مرسوم قرن فلفل واحد لانه فيه نوع حلو,اتطيب الدجاج فقط.

[sweet nona]

اي دونت نووووووووو :confused:ياغالية

وتسلميييي

[حبيبتهم]

السلام عليكم

اكل البيت شو زاكي كثير ... احسن من برا بمليون

حفظتها في جرة ولدي من كراميش


وهذا رايي
وماناكلش اكل مطاعم الا لو مضطرة


ويالبنى الاكلة اللي تتكلمي عليها اكلة هندية اسمها تيكاماسالا


وفيها زي طبيخة بالدجاج وبعدها يصبوا لها لبن رايب او زبادي بدون نكهة

[luba]

حبيبتهم شكرا علي المعلومة عزيزتي وربي يخليلك
ولدك ويحفظه

[بنت حواء]

نموووووووووت في أكل المطاعم ونحب ندلع روحي ونرتاح
وأصلا أنا من النوع اللي نحب ماكلة غيري أكثر من ماكلتي ههههه
لكن ماكلة المطاعم نخاف منها ومانحبش نكثر منها
ولهذا مرة في الشهر لا أكثر
ونفس الشيئ الحلويات في الأغلب ندير بروحي
لكن مرة مرة نتسهف على مالفي ولا جاتوه ولا أي حاجة بلا تعب :o