[العصبان] من مطبخ زهرة البنفسج

[زهرة البنفسج]

السلام عليك




http://www.libyan-kitchen.com/gallery/images/li.gif

http://www.rapee3.com/takefile/uploads/13324481643.jpg (http://www.rapee3.com/takefile/)


المقادير التقريبية للعصبان

ثلاثة ربطات معدنوس_ ربطتان كسبر_ ربطة شبت_ بصل _ بطاطا _معلاق خروف_ حبق [الريحان]

فلفل اخضر _ ثلاثة ملاعق نعناع مرحي وجاف_ خمسة ملاعق كبيرة طماطم معجون _كوب ونصف ارز

ملعقة فلفل احمر _ملعقة فلفل اسود_ نصف ملعقة بزار_ ثلاثة ملاعق ملح ودالك لوجود البطاطا

التي تمص الملح ولهذا كثرثه_ ملعقة حرارات _كوب ونصف زيت

تغسل الخضرة جيدا تم تترك للصفى منها الماء جيدا

http://www.rapee3.com/takefile/uploads/13324478421.jpg (http://www.rapee3.com/takefile/)

ثم تخلط مع المعلاق المكون من الكبدة والقلب واللحم


http://www.rapee3.com/takefile/uploads/13324480901.jpg (http://www.rapee3.com/takefile/)


وتوضع لها البهارات


http://www.rapee3.com/takefile/uploads/13324480902.jpg (http://www.rapee3.com/takefile/)


وتعبئ في المصارين والكرشة مع العلم عند وضع الكرشة لابد ان يكون الماء يغلي ولابد ان تعمل لها تقوب


http://www.rapee3.com/takefile/uploads/13324480903.jpg (http://www.rapee3.com/takefile/)


ثم توضع الكرشة في الطنجرة فوق النار والمصارين في الكسكاس


http://www.rapee3.com/takefile/uploads/13324481641.jpg (http://www.rapee3.com/takefile/)


وهذا بعد ان النضج


http://www.rapee3.com/takefile/uploads/13324481642.jpg (http://www.rapee3.com/takefile/)


وهذا للتقديم وللاسف كنت مستعجلة فما رتبتش مزبوط ارجو ان يكون العصبان المتواضع ينال الاعجاب

http://www.rapee3.com/takefile/uploads/13324481643.jpg (http://www.rapee3.com/takefile/)

بالصحة والعافية

[sweet nona]

ياعيني ياعيني
احني انديرو فالحلو
وزهورة غاطسة فالعصبان
مممممم
جي فخاطري مع اني كيف متعشية براك
تسلم ايدياتك عالعصبان الفاااايح
واقوى تقييم

[بنت حواء]

ماشااااااااااااااء الله تبارك الرحمن هذا العصبان المتواضع؟؟!!
الحق أنه عصبان مشهي جدا جدا جدا وزيادة ليا فترة عليه خلاااااااااااااص بنموووووووووت
والتصوير الحلو حتى هو والفن في تنزيل الصور ياااااااه.............مشكورة يازهورة وسلم ايدياتك

[الساجدة لله]

يمي يمي ماشاء الله على العصيبينات هادم متواضعااااااات امالا اللي قايمين خشومهم كيف

هههههههههههههههههه يعطيك الصحة زهورة عصيبينات يردو الرووووح ويستاهلو التقيييييم

[أمـ ساره]

الله عليك يا زهورة

هكي اديري عصبان وما تحسبيني

نبي حصتي دبريلي خير ما نحرج منك

ابعثي لي المصارين ب الكرشة ما نحبها



ماشاء الله عصبنات ايجو في الخاطر والله

بالهني والعافية على قلوبكم

وأحلى تقييييم لأحلى عصبان

[مغتربة 7]

يمييييييييييييييي
ماشاء الله عصبان ايجي فى الخاطر
هذا كله متواضع يازهورة يهبل
تسلم الايادي حبيبة
وصحتين على قلوبكم
وحتى اني نبي حصتي زي ام سارة ما دخلني
احلى تقيييييييم لعيونك

[ام سحر]

عصبينات مقومات يجو في الخاطر..سفهتيني فية نبي منه حتى اني ههههه
بالهني والصحة على قلوبكم
سلم ايدياتك

[أم ميوسة]

زهورة شن الحاجات الحلوة هادي

خليتيه في خاطري :d دبريلي بجديات

وشن الصور الحلوة هادي والكسكيس محلاه

شكلك تسكني في بريطانيا واحدة بدير روحها ذكية ههههههههههه

تسلم ايدياتك عصيبنات قالوا متوضعات صنتهم قالبة المنتدى

ماله كان مغرورات شن صار فينا

أحلى تقييم ليك يا زهورة

[حاملة الورد]

ما شاء الله عصبان شكله ايهبل وأكيد البنى أحلى تسلم إيديك

[Om Saga]

يسلمو إيدياتك ياربي
ماشاء الله عصبان يسهف
منورة على العصبان

[لوتي]

روعة روعة منظرهم ايشوفو وتستاهلي التقيييم

[المغتربه]

زهوره جوعتينى ما عنديش معاه روووووح وبالذات لو كان من ايد ماما

[نسيبة]

ما شاء الله عصيبنات يجو في الخاطر يحلو العين المغضة

حبوبة سلمت ادياتك الحق مش عادي بكل
لك احلى تقييم حبوبة

[أسماء القائد]

ماشاء الله روعة ...تسلم إيدياتك

[المصراتيه]

ماعنديش روح مع العصبان
ماشاءالله يهبببببببببببببببل
يعطيك الصحه وتسلم يدياتك

[نسيم الجبل]

الله الله على العصبان زى العسل
يسلمووووووو الايدين:)

[عهود]

امممم فايح من غادي مشاءالله جي خاطري فيه
مشكورة زهورة يسلموو الايدين

[الصابرة]

عصبان مش عادي شكله يسهف مع اني ماناكلش غير في المصارين الرقاق لكن سهفني والله
يعطيك الصحة والعافية

[المروالوردي]

ما شاء الله يا عيني عالتفحفيح والعصابين ما عنديش امعاه روح

امس كنت امدايره غداي رز بالخلطة

ونقول اخساره لو درت عصبان امعاه

وقبل ما نبدو ناكلو بعثت لي جارتي تبسي عصيبينات

ربي يعطيها الصحة

أحلى تقييم لعيونك

[luba]

تسلم ايديك بارك الله فيك ولك تقييمي :o