[استفسار] تجهيز لعزومة أهلي

[كيمو 2010]

خير يا صبايا
بكرة هلي جاين انا من منطقة وهم من منطقة يعني جين من بعيد والهم زمان ماجوني لهم سنة تقريبا
قولولي اقترحاتكن شن اندير نبيها عزومة صح

[مغتربة 7]

ربي يوصلهم بالسلامة يارب
هذه تبيلهم عزومة كبييييييييييييرة
ديري حاجة مبوخة بالبصلة ولا ديري شربة ورز بالخلطة
وديري مصارين ولا محشي ومعاهم بطاطا مبطنة وبوريك وسلاطة
واكيد المشروب والعصير يمييييييي تسهفت هههههههههه

وبعدين شاهي العالة واللوز وفى العشية الكابتشينو والحلويات وفى الليل هديكة البيتزا

ربي يهنيكم يارب
بش تحكيلنا شن درتي

[المصراتيه]

مغتربه وين تحسابي روحك هههههههه
راهو هما قتلك بيجو غدوه مش اسبوع الجاي وانتي طايحه فيها
حبوبه ديري وجبه رسميه متلا كيف ماقتلك الاخت مغتربه حاجه بالبصله رز او رشده
وزيدي معاها عجه ولا بوريك المهم حاجتين ساد وفيه وصفه الكريب موضوع سويت حلو وسريع ماياخدش وقت ديري وهكي عزومه حلوه وماشاءالله

[sweet nona]

ايوااااااااا
اهما الحلوات كفو ووفو
بالدات المصراتية دارت دعاية
هههه
لكن الحق ولا وجبة رسمية
بالبصلة ولا رز مخلط محلاه امتاع زينب روووعة
اني جربته فالعزومة ماشاءالله
وطاجين جبن حلو
امبطن اساسي وشربة وسلاطة اكيد
او كتري من المحشي وديريلهم عصبان وبراك وفلفل
وحاجات المحشي
والعصير والمشروب
والحلو عاد ماعندك ماتقولي
ولو ضاقعليك الوقت ديري حتى كيكة باردة حلوة وتستر
وان شاءالله يجوك بالسلامة
وها
وورينا حتى احويجة من الي بديره عاد
احني مابخلنا عليك
ههه

[الساجدة لله]

ماشاء الله على بنيات بلادي فزاعات ربي يحفظكم ياغاليات

زي ماقالولك الحبوبات ديري وجبة رسمية بالبصلة ومدابيك كسكسي

ومعاه محشي ومبطن ومخلل ومسير وزيتون واذا حصلتي بف بستري

ديري بوريك البف او جلاش ديري بوريك بورك الجلاش ومدابيك تكوني مجهزة مسبق

ممكن تكون اجابتي فات وقتها بس تستفيدي منها في عزومة تانية ان شاء الله

وماتنسي الفواكه والشاهي باللوز


ياريت تدخلي وتعطينا تفاصيل العزومة اللي درتيها

[أمـ ساره]

ماشاء الله الاخوات ما قصروا ربي يبارك فيهن


حبوبة تم تعديل العنوان حسب الشروط والقوانين

[كيمو 2010]

باتو عندي واليوم بس روحو ومشكورااااااااااااااات على الردود
درت رز بلخلطة وشربة وبطاطا امبطنة وكفتة دجاج وسلطة
ومشاريب قازوزة وعصائر وفواكه برتقال وفراولة موز وبطيخ
وكيكة كريم كراميل طريقة طبعا من المنتدى وفي العشية بيتزا وطاجين خضرة
بصراحة كان خاطري تندير اكثر بس مالحقتش ابروحي في المطبخ
ومشكورات الف شكرا على الردود

[بنت حواء]

ماشاااااااااء الله ياكيمو هذا كله وانت بروحك في المطبخ أنا نين تلخبطت في قراية الحاجات اللي درتيهم
وجاية زعميتني بنقدم رايي جيت متأخرة لكن ماشاء الله الصبايا ماقصروش
وكانك صورتي حاجة حاولي تنزليها خاطرنا نشوفو ونضوقو مش نقرو وبس :o

[كيمو 2010]

حااااااااااااااااااضر كانك ساعدتيني

[sweet nona]

قصدك ماصورتي شي
هكي باهي باه
هادا غير انوصو فيك
ههه
المهم جوك وانسترتي قدامهم

[ام مؤيد]

ماشاء اللة عليك شكلك عندك نفس حلو في الطبخ انا جديدة علي المنتدي ولكن الاخوات مشكورات كفو وفو