المساعد الشخصي الرقمي

مشاهدة النسخة كاملة : [عجينه الباف باستري] لعيون خدوج من مطبخ المصراتيه



المصراتيه
04-09-2012, 01:11 PM
http://www.libyan-kitchen.com/gallery/images/shkmajalld.gif

اهلا وسهلا بالجميع
نبدا بالعجينه علي طول وهيا

عجينه الباف باستري او المنتفخه


العجيـــــــنه:


كوبين دقيق
ربع كوب زبده متلجه
نص ملعقه صغيره ملح
ملعقه صغيره سكر
كوب الا شويا ماء متلج
كوب زبده متلجه للتوريق


الطريقـــــــه:

نغربل الدقيق مع الملح والسكر ونخلطهم جميع ونحط

عليهن الزبده ونعجنها بالاطراف الاصابع بسرعه


http://im25.gulfup.com/2012-04-09/1333968911774.jpg (http://www.gulfup.com/show/X1bgjzftquty)


ندير حفره في الوسط ونصب فيها الميه ونعجن
بسرعه باطراف الاصابع نفس الشي
نكورها ونغطيها بنايلو وندخلها للتلاجه نص ساعه



http://im25.gulfup.com/2012-04-09/1333968911755.jpg


(http://www.gulfup.com/show/X1bgkwhr8c6w)
http://im25.gulfup.com/2012-04-09/1333968912537.jpg (http://www.gulfup.com/show/X10mcn7ibnvz5h)


بالنسبه لزبده التوريق لازم تكون كتله شريحه
وحده ومتلجه يعني تقدري تحطيها بين قطعتين نايلو
وتفرديها لو كانت الكتله غليطه

http://im25.gulfup.com/2012-04-09/1333968911706.jpg (http://www.gulfup.com/show/Xa67iepvn20gs4)


بعد ما نطلع العجينه من التلاجه ونرش عليها
دقيق ونفردها من الجهات الاربعه وتكون من
الوسط سمييييكه ولازم قبل نحط الزبده نحول الدقيق اللي فردنا بيه

http://im25.gulfup.com/2012-04-09/1333968911793.jpg (http://www.gulfup.com/show/X1bgktmbzzll)


نحط قطعه الزبده في الوسط ونسكر عليها كويس
بجهات العجينه الاربعه علي شكل ظرف

http://im25.gulfup.com/2012-04-09/1333968912568.jpg (http://www.gulfup.com/show/X10mcosj5vml48)



http://im25.gulfup.com/2012-04-09/1333968912449.jpg (http://www.gulfup.com/show/Xd6luymfd9u0)



نرش فوقها وتحتها دقيق نفرد بخفه والفرد
يكون علي شكل ظربات خفيفه فوق العجينه
وان شاءالله واضح في الصوره نحول الدقيق كوييييس

http://im25.gulfup.com/2012-04-09/13339689127210.jpg (http://www.gulfup.com/show/Xa67jeezu1eoko)



http://im13.gulfup.com/2012-04-09/1333968053865.jpg

(http://www.gulfup.com/show/X4r2c26h21p)
نطبقها علي تلاته او علي اربعه

http://im13.gulfup.com/2012-04-09/13339680548510.jpg


(http://www.gulfup.com/show/Xd77rhivhde9)
http://im13.gulfup.com/2012-04-09/1333968054169.jpg (http://www.gulfup.com/show/Xd77giybr4xz)


ويكون هكي شكلها في التطبيقتين

http://im13.gulfup.com/2012-04-09/1333968054948.jpg

(http://www.gulfup.com/show/X3o015yaknqca)
ونفردها بحيت تكون جهت الفرد من الجهه

المفتوحه كيف الصوره وهكدا

نطبقها مره اخري ونغلفها بالنايلو وندخلها

للتلاجه نص ساعه وبعد نص ساعه نطلعها

http://im13.gulfup.com/2012-04-09/1333968054737.jpg (http://www.gulfup.com/show/Xd76vixdd9uf)




http://im13.gulfup.com/2012-04-09/1333968053846.jpg (http://www.gulfup.com/show/X1bioh2forkb)


ملاحظه: ولو حسينا ان الزبده بدت تطلع من

العجينه حتي شويا علي طول انسيبها وندخلها للتلاجه .......

ولو العجينه تحسيها قاعده كويسه تقدري

اديري تطبيقتين في مره وحده اختصار للوقت...
المهم

ادا كان طبقناها علي تلاته معناها بنكرر

فرد العجينه 6 مرات ولو كان طبقناها

علي اربعه بنكرر فرد العجينه 4 مرات

وفي المره الاخيره نفردها ونطبقها

ونغلفها بالنايلو وندخلها للتلاجه ونستعملها

بعدها بيوم او اي يوم اخر المهم مش نفس اليوم

وهدي العجينه تاني يوم


http://im13.gulfup.com/2012-04-09/133396805374.jpg (http://www.gulfup.com/show/X4r1igxgcx2)


وهدا تطبيقي للعجينه



http://im13.gulfup.com/2012-04-09/1333968053583.jpg (http://www.gulfup.com/show/X1biku1ddex7)

http://im25.gulfup.com/2012-04-09/1333968911121.jpg (http://www.gulfup.com/show/Xd6ln6hzt2ng)
(http://www.gulfup.com/show/X1bgkv3g3w1g)


http://im13.gulfup.com/2012-04-09/133396805371.jpg (http://www.gulfup.com/show/Xh3tigae3l)


http://im17.gulfup.com/2012-04-09/1333969234761.jpg (http://www.gulfup.com/show/Xd6qvsp68r25)
(http://www.gulfup.com/)
وان شاءالله فهمتوها كويس وتجربوها واي سؤال عليها تفضلو
وسلام

منار
04-09-2012, 01:30 PM
تبارك الرحمن يسلموا ايديك نبى نسئلك اى نوع زبدة استخدمتى

مغتربة 7
04-09-2012, 04:26 PM
فنانة بصراحة يامصراتية
ماشاء الله عليك
روووعة طريقتها العجينة
موضوع تحفة ويستاهل التقييييييييم
منورة عزيزتي

بنت حواء
04-09-2012, 04:34 PM
ماشاء الله يامصراتية طريقتك واضحة ومفهومة والصور اللي بعدها تجنن.......... سلمت يداك

حاملة الورد
04-09-2012, 06:10 PM
كنت ديما نحسابها صعبة ونشري فيها جاهزة لكن توى سهلتيها عليا بارك الله فيك

خدوج
04-09-2012, 09:49 PM
الله ينور دربك
الله يجعل حياتك خير وبركة
الله يفتح لك كل الابواب
الله ييسر كل امورك
الله يفتحلك ابواب الخير
اللهم احفظ المصراتية وبارك فى عملها واحفظ لها احبابها وحبب خلقك فيها
وبارك لها فى سائر ايامها ووفقها لما تحب وترضى ..اللهم امين
باذن الله قريبا حنجربها..شكرا لك..تقييمى لك

مغتربة 7
04-09-2012, 10:07 PM
بحبحي يامصراتية بدعوات خدووووووووووووج الحلوة

خدوج
04-09-2012, 10:16 PM
مصراتية
بنكرر فرد العجينة اربع مرات كل مرة اربع تطبيقات
والزبدة مثلجة يعنى بايته فى الثلج(مجمدة) ؟؟والا موجودة فى الثلجة بي
ولمن نفردهاونشكل بيها تكون فى زوائدمن العجينة نقدر نستغل هالزوائ ونفردها ونستعملها
وشوفى روحك ماعاد تبطل نشدة؟؟ههههههههههه
تحملينى شوى يامصراتية وربى يعطيك الخير كله

sweet nona
04-09-2012, 10:19 PM
وحيدة بي ياخدوج عوة وحيدة
هادا كله للمصراتية
ماشالله لكن ترا انشوف ترا
ااااااااااااااا
حق والله تستاهل الدعوات الحلوة
حتى اني ياخدوج اندور فيها
وتسلمي يامصراتية موضوع يستحق التثبيت حق
واحلى تقييم

المصراتيه
04-09-2012, 11:05 PM
منار هلا بيك حبوبه نورتي موضوعي
بالنسبه للزبده استخدمت الزبده العاديه لكن كان لقيتي زبده مكتوب عليها زبده التوريق هدي الاحسن

مغتربه 7 يا غاليه بارك الله فيك وانتي ديما في الوجود ردي بالك تغيبي عليا

بنيت حواء صحيتي يا حلوه مع اني كنت ناعسه واني نحط في الصور ناخد ونقول ان شاءالله الموضوع مرتب ومفهوم

حامله الورد وفيك تبارك الله ،،ولا بالعكس مش صعبه بس تبي شويت وقت والمره التانيه تلقي روحك معاش تبي تشريها من سهولتها وربي يعاونك ان شاءالله

خدوج تبي الحق خجلتينييييييييييييييي والله معاد عرفت كيف انرد عليك ،،،،وين هدا كله دعوات ليا ماشاءالله عليك وامييييييييين يا رب ااااااه

المصراتيه
04-09-2012, 11:08 PM
بحبحي يامصراتية بدعوات خدووووووووووووج الحلوة



ماشاءالله خمسه وخميس :p:p:p
وانتي قاعده تراقبي ههههههههههههههههه

المصراتيه
04-09-2012, 11:12 PM
مصراتية
بنكرر فرد العجينة اربع مرات كل مرة اربع تطبيقات
والزبدة مثلجة يعنى بايته فى الثلج(مجمدة) ؟؟والا موجودة فى الثلجة بي
ولمن نفردهاونشكل بيها تكون فى زوائدمن العجينة نقدر نستغل هالزوائ ونفردها ونستعملها
وشوفى روحك ماعاد تبطل نشدة؟؟ههههههههههه
تحملينى شوى يامصراتية وربى يعطيك الخير كله


اي صح لما اطبقيها علي اربعه كرريها اربعه مرات لكن الاسهل 3 لان تكون ارق فرضا حسيتيها صعبه علي 4 غيري المره اللي بعدها علي 3
اسمعي بالنسبه للزوائد عادي ولكن كوليها هههه انتي لان مش كيف الاولي تحسيها مفشوشه تبدا
لالا يا غاليه انشدي وخودي راحتك تآمري غير لما تجربيها قوليلي واي سؤال تفضلي والله ماتتحشميييي

المصراتيه
04-09-2012, 11:15 PM
وحيدة بي ياخدوج عوة وحيدة
هادا كله للمصراتية
ماشالله لكن ترا انشوف ترا
ااااااااااااااا
حق والله تستاهل الدعوات الحلوة
حتى اني ياخدوج اندور فيها
وتسلمي يامصراتية موضوع يستحق التثبيت حق
واحلى تقييم





بسم الله الرحمن الرحيم
وكان تغيبي علي حاجه حتي التعليقات تقرا فيهن ههههههههههههه
خدوج ادعيلها راهي نطت عليها بتسرق دعواتك
شكررررررررررررا يا حبوبه ولكن حتي انتي تستحقي التتبيت ههههههههه
بارك الله فيك علي تقيمك وحظورك الحلو

الصابرة
04-10-2012, 12:21 AM
يعطيك الف الف الف الف عافية يا اختي المصراتية حسستيني قديش هيا ساهلة شكلي من بكرة بنديرها والله مش عارفة شنو بنقول لساني عاجز لكن بنت بلادك بنت بلادك عاجز لساني وكلماتي على الخروج

نسيبة
04-13-2012, 10:36 PM
بسم الله ما شاء الله غاليتنا المصراتيه عمل رائع و متقن و مميز

بارك الله فيك و رزقك الخير من حيث لا تحتسبي

سجلت تقييمي قبل تعليقي تستحقين كل الخير غالية

الساجدة لله
04-14-2012, 01:10 AM
تسلم الايادي ياغالية ونيالك ياخدوج على الدلع ياغالية

المغتربه
04-14-2012, 08:19 PM
ماشااااااااااااااااء الله ابدااع سلم ايديك حبيبتى اللى تلتف بحرير

ترهونيه حره
04-17-2012, 03:55 PM
ماشاء الله عليك يامصراتيه موضوع مميز ويستاهل احلى نجمات
ربى يعطيك الصحه والعافيه

luba
04-17-2012, 05:21 PM
روعه ماشاء الله عليك والله كنت ندور عليها يعطيك الصحه ولا يحرمنا منك قولوا امين

المصراتيه
04-18-2012, 09:52 AM
يعطيك الف الف الف الف عافية يا اختي المصراتية حسستيني قديش هيا ساهلة شكلي من بكرة بنديرها والله مش عارفة شنو بنقول لساني عاجز لكن بنت بلادك بنت بلادك عاجز لساني وكلماتي على الخروج



الله يسلمك حبوبه
دريها وخبريني شنو يصير معاك ومتخافيش سااااااااااهله
موفقه

المصراتيه
04-18-2012, 09:53 AM
بسم الله ما شاء الله غاليتنا المصراتيه عمل رائع و متقن و مميز

بارك الله فيك و رزقك الخير من حيث لا تحتسبي

سجلت تقييمي قبل تعليقي تستحقين كل الخير غالية



نجيها ياربي
اجمعين يارب ان شاءالله وبارك الله فيك علي احلي كلام

المصراتيه
04-18-2012, 09:54 AM
تسلم الايادي ياغالية ونيالك ياخدوج على الدلع ياغالية




سلمك وبارك الله فيك;);)

ليبية حرة
04-18-2012, 09:54 AM
تسلم الأيادي ياحبوبة

وتستاهلي أحلى تقييييييييييييييييييم

المصراتيه
04-18-2012, 10:01 AM
ماشااااااااااااااااء الله ابدااع سلم ايديك حبيبتى اللى تلتف بحرير




تسلمي وبارك الله فيك

المصراتيه
04-18-2012, 10:02 AM
تسلم الأيادي ياحبوبة

وتستاهلي أحلى تقييييييييييييييييييم



الله يسلمك
مشكوره حبيبتي

المصراتيه
04-18-2012, 10:03 AM
ماشاء الله عليك يامصراتيه موضوع مميز ويستاهل احلى نجمات
ربى يعطيك الصحه والعافيه




سلمك يارب
بارك الله فيك

المصراتيه
04-18-2012, 10:05 AM
روعه ماشاء الله عليك والله كنت ندور عليها يعطيك الصحه ولا يحرمنا منك قولوا امين



امين يارب
بارك الله فيك حبوبه

RAWAD
04-19-2012, 12:37 AM
بسم الله ما شاء الله
تسلم الايادي يا مصراتية
الحق ابهرتني تطبيقاتك بالعجينة
يا ريت تحطي الطريقة لاول تطبيق

المصراتيه
04-19-2012, 12:40 AM
بسم الله ما شاء الله
تسلم الايادي يا مصراتية
الحق ابهرتني تطبيقاتك بالعجينة
يا ريت تحطي الطريقة لاول تطبيق



الله يسلمك يا غاليه
حبوبه هدا رابط اول تطبيق ولو مافتحش اكتبي في كلمه البحت تارت الفواكه بلباف باستري
http://www.libyan-kitchen.com/kitchen/showthread.php?4582-%CA%C7%D1%CA-%C7%E1%DD%E6%C7%DF%E5-%C8%E1%C8%C7%DD-%C8%C7%D3%CA%D1%ED-%E3%E4-%E3%D8%C8%CE-%C7%E1%E3%D5%D1%C7%CA%ED%E5&highlight=%CA%C7%D1%CA+%C7%E1%DD%E6%C7%DF%E5+%C8%E 1%C8%C7%DD+%C8%C7%D3%CA%D1%ED

لوتي
04-23-2012, 08:28 PM
ماشاء الله عليك يامصراتية مبدعة تستاهلي دعوات خدوج

ام سرو
05-01-2012, 03:19 PM
فعلا من اروع المواضيع واعتقد انه مفيد للجميع

لاننا كنانشرو فيها العجينة وخلاص

ربى يحط ايدياتك فى الجنة يامصراتية

أمة الله
05-02-2012, 09:03 PM
تسلم إيدك ماشاء الله ربي يحفظك
عندي سؤال نبو طريقة الكريمة إلا فوق الملفي سامحيني شكل الحاجات ماشاء الله

أوركيدا
05-03-2012, 09:28 AM
مشاء الله عليك اختي المصراتية

تسلم الايادي

أسماء القائد
05-03-2012, 10:20 AM
ماشاء الله تسلم إيدياتك حبيبة وربي يعطيك صحيحتك ...وأحلا تقييييييم

المصراتيه
09-13-2012, 10:04 PM
بارك الله في الجميع علي الحظور والتقيم
تسلمـــــــــــــــــو

نسمه ليبيه
11-26-2012, 01:28 AM
الله اكبر عليك يالمصراتيه



انذهلت بيك بصراحه

واووووووووو

المصراتيه
11-28-2012, 12:08 PM
تسلمي نسوم
بارك الله فيك

نورية المصراتية
01-11-2013, 01:27 AM
يعيطيك الصحة .. تسلم ايديك .. وربي يدوم النعمة

زوبة الطيوبة الحبوبة
01-13-2013, 03:26 PM
ماشاء الله روووووعة وتهبل يسلموا ايديك على الطريقة

أم خديجه
01-14-2013, 10:49 AM
ما شاء الله لاقوة الا بالله
ربي يعطيك الصحه
ويخليلك ابنيتك

تم التقييم
وبارك الله فيك

المصراتيه
06-12-2013, 10:54 PM
الله يسلمكم ويبارك فيكم
تسلمووووو

بنت الاشراف
06-13-2013, 08:38 PM
سلمت يداك