[سجلي حضورك بأخر شي أكلتيه]

[نسمه ليبيه]

حلو موضوعكم من امتى دايرينه ماشفتش الا توه



اخر شي كليته اليوم مثروده بالمكسرات فى حفلة نجاح بنت ولد خالى

[مغتربة 7]

صحتين يابنات
حبيبتهم ربي يرزقك ببنوتة زي العسل ان شاء الله ويرزقك كل ماتتمني حبيبتي


اخر شي كليته بيتزا صنع ايديا وحياة عينيا ههههههههههه وسمبوسة
ودلالالالالالالالالالالالالالالاع يمييييييييييييييييييي

[sweet nona]

أميييييين يارب ويعطي كل وحدة ماتتمنى

صحة صحة مغتربة

حتى انى اخر شى بيتزا بس صنع ايدين اختي

هههههههههه

[المصراتيه]

صحتين غروبه
سلم يدياتك
اخر شي توست بالجبنه

[الدلوعة]

غداى و انى مدايرة شربة و طاجين خضرة و امبطن بطاطا و بيتسا و بعدين شربت ياحنا طاسة عصير

[حبيبتهم]

خر شئ كلييته الفطيرة الايطالية اللي طبقتها من الصابرة ربي يرزقها ماتتمنى

[مغتربة 7]

صحتين يابنات
اخر شي كليته كيكة ترهونية حرة من ايدين بنتي
وراح انزل التطبيق

[الصابرة]

اخر شئ كليته
عنب وبلح وعوينة

[om_adnan]

اخر شى كليته ....سندوتش طعميه مع بيستو الحبق,وهذى طريقتى للريجيم فى الاتجاه المعاكس .

[sweet nona]

صحة صحة عالكل

انى صايمة لقائنا بعد المغرب هههه

بس ضروري انسجل حضورى

[حبيبتهم]

اخرشئ كليته

ارز بالبصلة

[حبيبتهم]

اخر شئ كليته

او بالاحرى شربته مشروب مريندا

[الصابرة]

شوكلا

[مغتربة 7]

قهوة بيضاء

http://www.libyan-kitchen.com/gallery/images/zm09.jpg

[المصراتيه]

صحتين عالقهوه البيظاء
دروحني جايبه معايا قهوه عربيه من ليبيا لقيت روحي ناسيتهن قريب نجلطت واني حشيشتي القهوه

اخر شي جيعانه بنموت ومش خاطري ندير شي

[om_adnan]

عنب ابيض...

[حبيبتهم]

اخر شي كليته شربت امية

[sweet nona]

اخر شى سندويتش جبنة وهريسة

ماشالله حضور يومي نجيهم يارب

[الصابرة]

توا قاعدة ناكل في

بلح اصفر صغير يهبل يمي ومقرمش

[مغتربة 7]

صحة يابنات
مصراتية جلطيني معك خيرك انسيتيها حتى اني عقلي القهوة
جبت معاي من ليبيا وقريب اتم

ناكل في عنب زي سلفتي لكن ابيض واسود:o



http://t1.gstatic.com/images?q=tbn:ANd9GcSnTcbL52tyE0EvhhVttciPeJTriSJAM QOLwS1k6pKLZP5er4rojw

[luba]

نكتب وناكل في موزة

وصحة للكل ومطرح مايسري يبني

[مغتربة 7]

كابتشينو




https://encrypted-tbn2.google.com/images?q=tbn:ANd9GcQDlfBk8JxD3kw4C4N_rhaXLCq8RkNdR P70NatA5JhN0VVCyzAl

[نسمه ليبيه]

مغتربه سهفتينى عالكابتشينو

انا اخر شي اكلته عنب
http://www.lovely0smile.com/2009/mix/06/Grapes-serbia.jpg

[om_adnan]

دحى مقلى وطرف جبنه.

[الصابرة]

اني مازلت صايمة انراجي في المغرب

[مغتربة 7]

صابرة ربي يقبل حبيبة

اخر شي ايس كريم


https://encrypted-tbn3.google.com/images?q=tbn:ANd9GcTnabjHvTIvXMFUE5zLsQmWEV11QK0aP p-y-7appo7_mIsCJZ0A

[آمال]

كب كيك أخواتي

[مغتربة 7]

سندوتش تونة مع الكابتشينو يم :)يم


https://encrypted-tbn0.google.com/images?q=tbn:ANd9GcR4ajw3Q-sDGM9--Goj7SEsFslPhVbCbGRnxwSBqGW5_-ak-xDKuA https://encrypted-tbn0.google.com/images?q=tbn:ANd9GcRHf3JAuHWof2vun-aL147EdM6Xm_LEQUVt7v5zZvpCOLPgi7qK-A

[om_adnan]

كابتشينو وبشكوط الشوفان.

[مغتربة 7]

قهيوة عربية وكعكة حلوة طريقة الغالية منونة ربي يرجعها بالسلامة ياررررررررررب

[لوتي]

بكبوكي عشانا

[barney]

قلعاوي عشانا اني وزوجي هههههههههه رجيم يا حبيبتي

[حبيبتهم]

شكولاتة كادبوري

[مغتربة 7]

مكسرات

http://t2.gstatic.com/images?q=tbn:ANd9GcSmIfy3iBCJy2ybDcfRFvDAmHo_e349X RSJQzo4nX8FTL6HhskZOA

[حبيبتهم]

اخر شئ كليته
فطير مشلتت تطبيقي لفطير الصابرة مع فنجان شاي

[sweet nona]

أخر شئ أكلته

وقهوة وطرف باونتى...مممم

وصحة على سجلت حضورها

[المصراتيه]

الله يسلمك يا صاحبه الباونتي
غروبه مش باهي المكسرات ديما ديما هههههههههه
صحه لي جماعه المشلتت قداش خاطري انديره ولكن نحس فيه تعب
اخر شي امممممممممممم
عاد توا كيف فاطره متقولوش مطحوشه
شاهي بالحليب ونص دحيه وجبنه وسويسرول النوتيلا وناويه بنصيم دروحه خخخخخخخخ
وصحتين عالجميع

[مغتربة 7]

ميمي صحة صحة هذا غير بتصيمي ههههههههههه

اخر شي بازين

[المصراتيه]

الله يسلمك
اشييييييييييييه بازين ماشاءالله
قوليلي شنو الدقيق الشعير اللي تستعملي فيه بالزبط ويجي نفس بازين الليبي ولا جايبه معاك دقيقك من ليبيا خخخخخخ
وكان الشعير اللي هنا تزيدي فيه فارينه ولا لا؟؟؟؟؟؟
وصحتيــــــــــــــــــــــن

[مغتربة 7]

الله يسلمك حبيبتي ميمي
ايه في شعير هني اسمه بارني فلور وفي قمح اسمه هول ويت فلور
كان عندكم محل اسمه بالك اند بارن تلقيه الشعير
والقمح تلقيه فى كل مكان حتى فى الكوسكو
والشعير ما نحطش معه فارينه انزيدله فى شوية دقيق قمح مش هلبة

[المصراتيه]

بارك الله فيك
لا المحل ماعندناش لكن تو ندور عليه في مكان تاني اكيد نلقاه
يعطيك الصحه يا غاليه

[sweet nona]

صبااااااااااااااااااااحو
وين البازين عاد المصراتية روحت لآمريكا وبدت تشها ههههههههههه
هادا غير ناوية الصيام بس
صحتين ياغاليات

اخر شي نسكافيه

واحلى صباح

صلو على رسول الله

[نسمه ليبيه]

عليه الصلاة والسلام

اخر شي رز مبوخ وطاسة شاهى اخضر
الله دمها نعمه واحفظها من الزوال

[luba]

اللهم صلي علي حبيبنا محمد

اخر شي فطرت متاخر

دحي مقلي فطاحة وهريسه وفيلادلفيا و شاهي وبطاطا مقلية

صحتين ليكم الكل

بارك الله فيك مغتربه علي الاجابه هدا سؤال مهم من ميمي صحيتي عليه ياحلوة

جاري البحت والتنقيب بس نبي تدكري الماركة اني ناخد في واحد من الد مينون

يبي هلبه ميو يشرب واجد وبروحه بدون فارينه يجي قاسي لازم نخلطه

[الصابرة]

جمعة مباركة عليكم
فطير مشلتت مع كوب كابتشينو انودكم بيه

[لوتي]

أخر شي شوكولاته
صابرة صحا علي الفطير شهيتيني فيه
لوبا لما تلقي الدقيق نبو نشوفو بازينك مش تنسي
سويت شن قصتك مع المنبهات شكلك إتحبيهم يوم قهوة ومرة نسكافيه كافييين في كافييين
من يقولي أفكار ضيافة لجمعت بنات نستنا في الردود

[الصابرة]

لوتي سلمك يارب
افكار ضيافة حبيبة ماذكرتيش
عصرية او عشاء او غذاء الوقت يعني
خفيف حاجات حارة او وجبة
فهميني بيش انساعدك
اه ومن اي مدينة انتي عشان نعرف كيف انقولك

[لوتي]

صابرة الجمعة بتكون العشية إن شاء الله أني وصحباتي وأني من الخمس نستنا في النصايح والأفكار

[الصابرة]

اسمعيني وخيتي
ممكن اديري
تقدمي طبعا ياحنة عارفينها القهوة وممكن اديري معاها نوع كيك وماشاءالله منتدنا معبي بكيكات حلوات
وبعدها عصير ونوع شوكلا
وبعدين ممكن اديري 3 او 4 نوع حار ومعاه مشروب
وبعدين شاي ممكن معاها مكسرات
اسمعيني ما سبق الضيافة الرسمية المتعارف عليها
لكن لو اني مكانك
انضيف قهوة ممكن تكون كابشينو او كافيه لاتيه يعني نوع جديد ومعاها اكيد نوع كيك يكون فخم ونحب يكون من دياتي
وعصير انقدم معاه مارنج
ومشروب معاه مثلا بيتزا / فطاير شامية / شيش طاووق او كفتة او كباب واحد منهن / اصابع الجبنة / ممكن انضيف كفتة ارز او بطاطا او كبة شامية
والشاي اندير معاه كعك او مكسرات او بسكويت مالح من صنع دياتي طبعا
واذا عارفتهن مازالن مطولات انكون مجهزة
يا سلاطة فواكه او كاسترد او ايس كريم فانيليا نخلط معاه نوع فواكه طبيعي وحبوب شوكلا او اندير ميلك شيك كاحاجة مميزة
هذه طريقتي ومرات هلبة الحاجات الحارة نعتمد في كل حاجة جديدة
وطبعا لان مازال وقت على زيارتهن زي الحار تقدري اتوتي كل يوم حاجة وتحطيه في الفريز بيش يوفر تعب

[لوتي]

ماشاء الله عليك ياصابرة أفكارك عجبوني وتوا انشوف ونقولك بارك الله فيك علي الأفكار الحلوة

[الصابرة]

لا شكر على واجب حبيبة المهم انها افادتك وعجباتك

[المصراتيه]

اللهم صلي وسلم علي سيدنا محمد

صباح الخيراتــــــــــــــــــــــ

ماشاءالله علي الصابره وضيافتها

اخر شي شاهي بالحليب وكيكه فطور

[الصابرة]

مشكورة وخيتي المصراتية
كليت توا شيبس ليز

[لوتي]

موس الشمواه وبعدا شوكولاته

[مغتربة 7]

اللهم صل وسلم وبارك على سيدنا وحبيبنا محمد وعلى أله وصحبه أجمعين


ماشاء الله على النشاط يابنات وصحتين


اخر شي سندوتشين دحي مقلي بالزبدة يميييييييييييييي
مع فنجان قهيوة معدلة

[barney]

اللهم صلي على الحبيب المصطفى محمد صلى الله عليه وسلم عليه الصلاة والسلام
سندوتش مفروم حار وزيتون وطاسة شاهي أخضر

[المصراتيه]

اخر شي مقلوبه

[المصراتيه]

شاهي بالحليب وكيكه اخر شي
وصحتيـــــــن عالجميع

[المصراتيه]

صايمه
وجيعاااااااااااانه

[مغتربة 7]

ميمي ربي يقبل يارب
الساعة كم عندكم توا؟؟


اخر شي طاجين جبن يميييييييييييي

[المصراتيه]

توا الساعه 4 ونص العشيه
وانتم الساعه كم
اشيه صحتين عالطاجين
نبي نسالك انتم طاجين جبن متع البطاطه ولا متع عجينه

[المصراتيه]

اخر شي كيكه وشاهي بالحليب

[لوتي]

كابتشينو

[الصابرة]

شاي اعشاب

[luba]

اخر شي دحي وهريسه وبطاطا مقلية وشاهي

[أمـ ساره]

السلام عليكم ورحمة الله وبركاته

اهلين وخياتي الحلوات وصحة ما كليتوا

حاليا ناكل في تيراميسو

تطبيقي لزوبة الاعجوبة ربي يبارك فيها يارب

[بنت حواء]

السلام عليكم
قهوة عربية.. كيكة عادية بالمربى.. وحلقوم
وصحة وهنا على الكل

[المصراتيه]

صحتين للجميع وصحتين جماعه التراميسو خايف تعطونا طرف:mad:

اخر شي طويسه شاهي حمراء مع طريف كيكه

[انوار]

السلام عليكم وخياتي

:Dاخر حاجة كليتها الارز مقلي مقرمش ناكل ونتذكر في الايام المدرسة ايام

السمينسة وحلوة لاحاسة الله الله اياااااااااااام لاتنسى:rolleyes:

[luba]

الكل صحة وعوافي

ام ساره علي الاقل اعزمينا بصورة وشجعينا نبوووووووووووهااااا الصورة قصدي

ميمي شورك ديما كيكات ماعاد بنسموك ميمي بنقولولك ياكيكة ههههه

بنوته صحة اخ خاطري فيه الحلقوم

انوار يعطيك الصحة خطرتيه عليا واو نموت عليه تو بنديره اسمعي راهوا ماتضحكوا هلبه

زمان مش هلبه في الجامعة شوفوا العقل قاعد صغير لاحول الله

قلتلهم اللي بخطبني نبي مهري سطل كبير رز مقلي وسطل تاني بطاطا مقليه هههههه

سفتوا طيابه وسداجة اكتر من هكي هههه

اخر شي كورنفلكس بالحليب واللوز

[بنت حواء]

الكل صحة وعوافي ام ساره علي الاقل اعزمينا بصورة وشجعينا نبوووووووووووهااااا الصورة قصدي ميمي شورك ديما كيكات ماعاد بنسموك ميمي بنقولولك ياكيكة هههههبنوته صحة اخ خاطري فيه الحلقوم انوار يعطيك الصحة خطرتيه عليا واو نموت عليه تو بنديره اسمعي راهوا ماتضحكوا هلبهزمان مش هلبه في الجامعة شوفوا العقل قاعد صغير لاحول الله قلتلهم اللي بخطبني نبي مهري سطل كبير رز مقلي وسطل تاني بطاطا مقليه ههههههسفتوا طيابه وسداجة اكتر من هكي هههه اخر شي كورنفلكس بالحليب واللوز




هههههههههههه (أغرب مهر في العالم)
ان شاء الله غير تحققت أمنيتك هههههههههه
صحة الكورن فليكس

أنا آخر شيئ غداي ملوخية ورز وقطعة ديك رومي

[انوار]

السلام ياعسوووووووووولات

توا توا كيف كملت صونية الارز المسقي ومعها سليطة خضراء

وفلفلات مقليات وزيتون وطويسة عصير خوخ :d

[sweet nona]

ههههههههههههههههه

لبنى ضحكتينى ههههههههههههههه

قوى المهر

الله انوار والله خطرتى علينا ايامات حلوة زمان كان فى شيبانى

يبيع فى السمينسة والرز المقلى بحدا المدرسه اييييييه كان مالقيتاش فى المرواح

انى واختى لين نضايقو ههههههههههههه

به من تعرف شوكولاتة قدييييييييييمة هلباااا

اسمها تن تن ههههههههههههههه

ايامات والله

اخر شي اكلته بعتت على طلبية كب كيك بالنوتيلا والكراميل

مممممممممم مع القهوة

وصحتين

[وصال]

السلام عليكم ورحمة الله وبركاته

كيف حالكن وكيف صحتكن ان شاء الله طيبات وصحيحات يااارب

وصحة على قلوبكن

اخر شي تعشيت بيه هو فاصوليا

[sweet nona]

وصااااااااااااااال نورتى

وين كنتى؟؟

اخر شى اكلته سلاطة وشاهى عشانا

[المصراتيه]

صحتين للجميع
واخر شي عشانا مقلوبه بالخضره

http://up.arabseyes.com/uploads/02_10_1213491610871.jpg (http://up.arabseyes.com/)

وقبلها كيكه وكابتشينو يا لوبا ههههه

[لوتي]

شوكولاته بالكراميل

[أمـ ساره]

هههههههههههه

يعطيكم الهني ضحكتوني

بالصحة على قلوبكم ما كليتوا حبوبات


وبالنسبة للتيراميسو خليه لما انزل تطبيقي

هو راه عادي لأن ممكن هذه ثاني مرة انديره يعني مش خبرة فيه مازال




آخر شيء تفاحة قبل النوم نصبر بيها روحي للصبح

[luba]

الكل صحة علي قلوبكم

بنوته لم يتحقق المهر قلتها لي راجلي بعد

جاب الدهب قالي غير خيرك ماقلتي من الاول ههههه

ميمي خطرتي عليا المقلوبة غدوة بنديرها ان شاء الله

صحتين سيدة كيكة

اهلين ام ساره حتي التفاح باهي خير من تتقيل البطن زي جماعة الكيكات

[مغتربة 7]

كابتشينو

[حبيبتهم]

شكولاتة جلاكسي بالزبيب والبندق

http://foodleco.com/images/P/foodleco_6221134001129.jpg

[المصراتيه]

شاهي بالحليب وكيكه خخخخخخخخخخخخخ
والله جديات يا لوبا راك تعاركيني

[حبيبتهم]

صحتين يا مصراتية
اني بنعاركك اليوم مش لوبا وين كل يوم فطورك كيكة ماشاء الله وماتتفكريش تنزليلنا كيكة نشوفوها ونتعلموها

اخر شئ كليته فطرت كابتشينو وشكولاتة كيت كات

[المصراتيه]

صحه فطورك حبيبتنا
اني توا بنرقد مش فطوري هدا
والكيكه جاهزه من جارتي:p:p
واخر شي كتكات حتي اني

[sweet nona]

هاااااااااااااااااااااي يابنات

استاحشت الصفحة هادى.. وان شالله يقعد النت هكى يارب

كتكات لالالالالالالالالالالالالا مانحبهاش ياميمي

بس اكيد صحة على قلبك

اخر شى اكلته

كيك لوبا اكيد تعرفوه هههه

http://t2.gstatic.com/images?q=tbn:ANd9GcRIUfl2K8v9Hcn1UDMCi7ESMwoN-byB4JjhRrl9ekWGXOYv1G6c

[المصراتيه]

كسكسي مغربي يميميميميميميمي
وقبله كابتشينو وكيكه يا لوبا والله حقه ههههههههه

[sweet nona]

السلام عليكم

اخر شي كليته

قطايف ممممم

صحة المصراتية

[المصراتيه]

الله يسلمك سويت
اخر شي توست بالتن والدحي والجبنه
وبطاطه مقليه وشاهي

[مغتربة 7]

عصير مانجوووووو


https://encrypted-tbn1.gstatic.com/images?q=tbn:ANd9GcRlWXFDOZvcyCBBYi_edjaz6kDHVc2SQ dR-j1w18162EjGQme_Ynw

[المصراتيه]

صحتين عالعصيــــــــر

اخر شي زبادي

[sweet nona]

اخر شى اكلته

حتى انى زباااااااااادى

وانى سجلت حضورى اليوم

وانت وييييين

[المصراتيه]

توا بنعدي ناكل كيكه وحليب بشاهي
وصحه الزبادي وانتي تعايبي فيا

[sweet nona]

ههههههههههههه سا من الكىك

نبى منه راه

[sweet nona]

وين اليوم مفيش تسجيل دخول نهائى

الى تخش لازم اتسجل حضورها

اخر شى كليته

سلطة عشانا

وانتى سجلى حضورك

[المصراتيه]

صحتين يا عيني علي السلطه
اخر شي افزنز مع طاسه شاهي بالحليب " فطورييييييييييييي"

[المصراتيه]

كابتشينو وسينابون

[شروق الشمس]

كابتشينو

[luba]

صحتين علي الكل وين ماشيه بيهم هالكيكات كم وزنك اكيد ماشي في التمانينات كان مش الميات

الله يسترك في القفيطينات

اخر شي مستكه في فمي توه ههههههههههههههههههههههههههههه

لالا ماناكلوش فيها اخر شي وكورنفلكس ووطاسة كاكاو

[حبيبتهم]

اخر شئ شاورما غذاي

[المصراتيه]

صحتين حبيبتهم
قوليها لي روحك يا لوبا يا دبه ههههههههههه
اخر شي طبيخه خضره وخبزه من صنع يديا عشانا

[مغتربة 7]

اخر شي شربة عدس وشاورما لحم

[sweet nona]

اخر شى كليته

قصدى شربته طاسة حليب

وصحة الى اكل الشوربة

[المصراتيه]

صحتين عالشاورما والشربه غروب

وصحتين سويت وعاش من شافك

اخر شي صايمه

[أمـ ساره]

صحة على قلوبكم ما كليتوا وخياتي



آخر شيء وما عاد قدرت نزيد عليه حاجة

الي هو عشاي

امبكبكة بالحوت

أول مرة نديرها بصراحة وكانت رووووعه >>>> شكار روحه هههههههههه

[sweet nona]

ام سارة وحوت من وين ومن امتى؟؟هه صحة صحة

ميمى استاحشتك

اخر شى شاهى اعشاااااااب

سجلو حضوركم ياصبايا وينكم

[لوتي]

عنب وبعدين نص بالبطاطا المقلية والطماطم وأخيرا عصير راني وصحة علي الجميع

[شروق الشمس]

هلا بالحبايب

سيريل بالحليب

[sweet nona]

مممممم

اليوم الوقفة طبعا ومن فضل ربى اكتر المسلمين صايمين كانه جو رمضان

والعيلة ملتمة الحمدلله يارب

اكيد الخير ماشالله ربى ايدوم النعمة

اخر شى اكلتيه براك وقلاية دجاج وبيتزا وشوربة وسلطة جرجير

هادا عشانا طبعا

وكل عام وانتم بخير

وهيا سجلو حضوركم

[المصراتيه]

ماشاءالله عالعشي ربي يتقبل ان شاءالله الصيام

اخر شي طاجين

[om_adnan]

كوب يانسون

[sweet nona]

صحة للكل

اخر شى كليته

عنب

[المصراتيه]

وقت شوايا ولا عنب ههههههه
صحتيييييييين

[sweet nona]

والله عرب امريكا مساكين مايلتامو الى دبحو فى الليل والى غدوة

بس احنى شبعنا شوايات هههههههههه وتوا بناكلو عنب هه

[المصراتيه]

اصبري شويا بس
تو تلقي صونيت العصبان والشوايا قدامك من جماعه امريكا خخخخخخخ

[sweet nona]

اخر شى كليته

تعشينا

دجاج مشوى عالفحم من ايدين عمى مممم

سجلو حضوركم

[أمـ ساره]

السلام عليكم ورحمة الله وبركاته

كل عام وانتم بخير وصحة خروفكم حبوبات



وصحة ما كليتوا



اليوم آخر شيء العشاء كان

قلاية العيد

وفاهيتا لحم

وضلوع مشوية على الفحم

وسلاطة مشوية

وسلاطة حمص بالطحينة

ومشروب وعضير


وبعدها حتى المية ما قدرت نشربها

[sweet nona]

مممممممممممم ام سرو صحة صحة

وين بتلقيلها مكان المية

صحة وهنا على قلوبكم

وين تسجيل الحضور اليوم ياصبايا

[مغتربة 7]

صحتين وعافية يابنات

اخر شي كابتشينو

[أمـ ساره]

السلام عليكم


الله يسلمك سويت ويهنيك




غوغو

ثحيحة الكابتشينو




آخر شيء العشاء واليوم كان خفيف

سلاطة مشوية مع التن

وسلاطة بابا غنوج

وأجبان وعصير وبيبسي


وتوا بنشرب مية وبنرقد

تصبحوا على خير

[المصراتيه]

ام سرو صحتين ويقولو مش باهي الميه قبل النوم علي طول خخخخ

اخر شي قديده واني نقليه فيه ضقته

[المصراتيه]

دحي بالقديد وفطاحه

[نسيبة]

بيتسا وعصير برتقال

[مغتربة 7]

برتقالة

[الصابرة]

تو كيف نعشينا
لحم مصلي بفتح الميم
وبطاطا مقلية وسلاطة مشوية
مازلت في اجواء العيد

[المصراتيه]

صحتين للكل
واخر شي فطوري شاهي بالحليب وافزنز ودحي وجبنه

[مغتربة 7]

ميمي وين صور قديدك

اخر شي بطاطا مقلية وبرجر

[sweet nona]

واااااااااااااااو استاحشت هالصفحة ههه

اخر شى مقطع بالقديد

[مغتربة 7]

صحتين ياسويت

اخر شي خبزة لوبا سخووووووووووونة

[المصراتيه]

صحتين سويت امس عشايا كان مقطعه بالقديد اممممممممم

صحتين غروبه

اخر شي توا بنتغدي رز امبوخ وامبطن

[المصراتيه]

طويست شاهي بالنعناع مع بشكوطي اوريو

[لوتي]

رز مسقي ورمان وصحتين علي الكل

[المصراتيه]

صحيحتين لوتي

اخر شي كابتشينو مع بشكوطييييييي

[مغتربة 7]

قهيوة عربية

[المصراتيه]

شاهي بالحليب وبشكوطي اوريو

ليا اسبوع معاش درت كيكه يا لوبا اكيد تريحتي

[المصراتيه]

امكيرينه

[مغتربة 7]

بيتزا

[المصراتيه]

صحتين البيتزا

اخر شي شاهي بالحليب وكيــــــــــــــــــــكه

[مغتربة 7]

صحتين ياميمي انتي كيف فطرتي واحني بنرقدوا

[luba]

صحة بنات
اخر شي من شي ساعه
خبزة ام عبسي بس علي طاجين الشواء مش الكسكاس
بس تهبل وخصوصا الحشوة روووعه

غروبه اني امس كليت بيتزا اكيد
وصلتني منك من الاطلسي

[المصراتيه]

لوبا صحتين والمفروض صورتيهنا

اخر شي كابتشينو مع تارت

[مغتربة 7]

لولو بعتها بالبريد السريع هههههههههههه

اخر شي سندوتشين بيض وكابتشينو

[om_adnan]

https://encrypted-tbn1.gstatic.com/images?q=tbn:ANd9GcSlvPFlAgj0SiK7lgxmhffT2MU0ZJLdf a6Vz8fb41RUPCPXT3vLخبزه بيقل بالدحى والجبنه,هذه النوعيه من الخبز تسلق فى الماء قبل وضعها فى الفرن.

[sweet nona]

صحة للكل

وين وين معاش فى تسجيل حضور راه كله فى الصحيفة بعدين هههههههههه


غياب غير مشروع تذكرو فيها

ممممممممممم

ام عدونة شن هالخبزة هادى شكلها اتشهى وطريقتها غريبة

اخر شى اكلته

كابتشينو وبريوش مممممممممم فطورى

صباحكم عسل

وانتى سجلى حضورك

[أم خديجه]

اخر شئ كوب قهوه بحبة البركه(الكمون الاسعد او الاسود) و


بسكويت

ياام عدنان ياريت تخبرينا علي الخبزه هذه واسمها فكرتها جديده


مسائكم فل

ان شاء الله

[المصراتيه]

صحتين ام خدوج
مانعرفهاش قوليلي كيف بحبه البركه

اخر شي كابتشينو وتارت

[نسمه ليبيه]

احرجتونى كلكم اخر شى حاجات خفيفه

انا اخر شى مكرونه مبوخه بالمكسرات

ام عدنان (ده حبوب والا كبسول هههههههه )" شن اسمها هذى اسعفينا بطريقتها


المصراتيه التارت جاهز والا من عمل ايديك الحلوات

[luba]

صحه صحه للكل بس ام عدنان كان من ايديك ومازريتينا الطريقة
بنزعلوا وبشده ....ز اول مرة نسمع بي خبزة هكي ماشاء الله عليك

صحه للكل

اخر شي فطرت حليب وكاكاو وساندويتش كوكتيل

[أم خديجه]

يبيعوا فيها في الاسواق
عباره عن اكياس جاهزه

بنتها روعه

[sweet nona]

اخر شى كلتيه

سندوتش جبنة مع طاسة شاى اخضر

[المصراتيه]

نسومه اني مدايرته التارت
ام خدوج صحتين علي البيقل يميميمي محلاها
لوبا غريبه ماتعرفيهاش هيا مشهوره بامريكا كلها
صحتييييت سويت عالجبنه والشاهي
آخر شي ايس كريم:p

[أمـ ساره]

صحة صحة يا حلوات وبالهني على قلوبكم




أم عدنان

اسعفينا بالخبزة الغريبة الي صورتها تجي في الخاطر






كيكة قصدي ميمي

صحة صحة ماشاء الله مواضبة عالتوقيع




سويت الله على المقطع (رشدة مبكبكة) ما عندي روووح معاها




وباقي الحلوات تتهنوا بأكلاتكم الحلوة




آخر شيء طاسة حليب دافيء >>>> تقول عيل حاشاكم

بس لزوم الكالسيوم الله غالب ههههههههههههه

[sweet nona]

تسلمى ام سارة

وصحة يابنات

اخر شى أكلته

بريوووووش..وسجلت حضورى اليوم:cool:

[المصراتيه]

كابتشينو ودونتـ

[نسمه ليبيه]

شوكلاته سنكرس

[أمـ ساره]

آخر شيء حبة جبنة كيري

جت فيها النية والله



وتتهنوا بأكلاتكم يا بنات

[أمـ ساره]

السلام عليكم والرحمة


من الفرحة خاشة بنقول شنو كليت

رشدة امبكبة تطبيقي لزوبة ربي يعطيها ما تتمنى يارب

وما نحكيلكم صارلي زي المثل الي يقول

جمل وطاح في باسطي

[sweet nona]

ههههههههههه

ام سارة صحتين المقطع

اخر شى سندوتش دحى

سجلت حضورى اليوم

[أمـ ساره]

الله يسلمك سويت وصحتين


فطيرة بالجبنة وطاسة حليب دافية

[luba]

اخر شي رز صيادية السمك
طبيخة بازلياء
وامبطن سمك وسمك مقلي متبل
بطريقة زينب المقلي ربي يخليها ويرحم والديها
وصحة للكل
سويت شوفتيني في خبزة ليبيا من كلمة ساندويتش دحي
ام ساره صار جمل وطاح ياااساتر هههههه

[أمـ ساره]

نسكافيه


لوبا

ما نحكيلك حبيبة والقدادا قاعد لليوم مداير فيا حالة

لكن كان يجيبي لي صونية رشيدة توا ما نقول لا هههههههه



لكن تعالي جاي

كسف امبطن سمك هذا اسعفينا بالطريقة

وصحة هنا على قلب الي كلاه

[أمـ ساره]

آخر شيء

تمر وطاسة حليب دافية



ووينكم يا حلوات ماعاد تاكلوا والا شنو ؟؟

[لوتي]

أم سارة صحا وهنا التمر والحليب هذا الأكل الصحي أما أني أخر شي كليته موزة وصحتين علي الجميع

[المصراتيه]

اخر شي شوربه خضار و تارت حار
وصحتين للجميع

[لوتي]

وينكم ياعويلة مدايرين رجيييم
أني أخر شي عشانا مكرونة امبكبكة ومريشة وبيبسي لايت وأخرهم جيلاتي امصقع

[أم عبادة الليبية]

حلوة يالوتي هذا كله كليتيه جت غير عالبيبسي لايت صحة على قلبك .

أما أنا قبل شوية الساعة 8:30 فطرت :-

2 توست +2 جبنة لايت +2 حبة زيتون + شريحة بصل صغيرة + شوية هريسة عربية , سخنتهم في ماكينة التوست وطلعوا يمي يمي , وكوب حليب خالي الدسم مع قهوة و 2 مكعب سكر أسمر.

أكيد بتقولوا شن قصتك مع الرقم 2 هههههه , وهكي فطوري لايتجاوز 400 سعرة .

ومانشربش الماء إلا بعد ساعة من الفطور , وسلامتكم حبيباتي .

[لوتي]

أمولة هكي خير اتحسي إنك خديتي شي سعراته خفيفة بيش ميأنبش الضمير
مش عارفة ليش حاسة إنك مهتمة بالأكل الصحي صح؟
فكرة الإتنين حلوة حتى أني جتني فترة نحسب في السعرات لأني سمعت دكتور تغذية يحكي عليهن وانحب الأكل الصحي وانحاول انطيب بطريقة صحية واندير رياضة لكن مرات يصير الكسل ولا يصير من الرياضة ولا الأكل الصحي
أخر شي كليته زبادي

[أم عبادة الليبية]

صح حبيبتي لوتي أنا انحب الأكل الصحي , وبجد يكون ضميرك مرتاح , ولبسك يجي عليك حلو , وجسمك صحيح , يعني فوائده مش عادية .

وديما واخدةالألة الحاسبة اللي في التيليفون , وانعد في السعرات هذا قداش + هذيك قداش , ومدايره عدد معين يومي للسعرات , مقسم على 5 إلى 6 وجبات , الحق مش حارمه روحي من شئ ولكن عملية تنظيمية بس .

والتخريب مرة مرة لازم منه ههههه .


وأخر شئ أكلته ,,,,,,,,, حتى أنا زبــــــــــــــــــــــــــادي.

[لوتي]

لبسك يجي عليك حلو , وجسمك صحيح , يعني فوائده مش عادية .
سبحان الله نفس التفكير عندي شكلي إني وياك فاهمين علي بعض
صح هولما تنظمي أكلك تلقي روحك محرمتي روحك من شي ونفس الوقت نظامك ماشي
باهي لقيت وحدة زيي نحساب روحي كان أني حتى في الحوش عرفوني وين مناكلش حاجة وإلا مخاطريش ايقولولي سعرات

[أم عبادة الليبية]

لوتي الحمد لله حتى أنا لقيت وحدة زيي هههههه , لأن أغلب الناس إلا القليل ياإفراط ياتفريط , وخير الأمور أوسطها .

أخر شئ كليته كوب لــــــــــــــــــــــبن .

[امة الله]

بنسبة لي أخر شئ أكلته شوربة عدس على وجبة العشاء

[نسمه ليبيه]

كوب حليب وبسكويت

[المصراتيه]

صحتين للكل
اخر شي شربه جمبري وتارت

[بنت حواء]

سندويتش فيلادلفيا

[المصراتيه]

صحه صحه بنوته

اخر شي آيس كريم

[أم خديجه]

اخر شئ كان سمك مشوي

[مغتربة 7]

شربت قهيوة عربية

[بنت حواء]

نسكافيه وكيك

[بنت حواء]

فااااااااكهة

[مغتربة 7]

بريانـي :p

[بنت حواء]

صحة صحة البرياني :d

نسكافيه وبريوش

[الصابرة]

طرف كيك وكابتشينو

[مغتربة 7]

صحتين

اخر شي شوااايات يميييييييييي

[المصراتيه]

صحتين
اخر شي طويست شاهي

[مغتربة 7]

صحة صحة ميمي
منعنعة؟؟؟؟؟؟؟

[المصراتيه]

الله يسلمك
لا ووالله
بالحليب حكه وخلاص:p

هيا سجلووووووووو

[بنت حواء]

صحتين على الكل
.......
نسكفيه وبريوشة وفااااااااكهة

[المصراتيه]

صحتين
اخر شي دجاج مشوي ورز

[بنت حواء]

صحة وعافية على الكل
.........

آخر شي رز أبيض وباميا

[المصراتيه]

صحتين بنوته

اخر شي كسكسي بالبصله

[المصراتيه]

رشدة كسكاس وبوريك فلسطيني من جارتي

سجلوووو

[المصراتيه]

وينككككم

اني بس شكلي ناكل

اخر شي قاعده نتسحر برتقال وتفاح

[sweet nona]

شكلك انتى بس ياميمى هههههههههههه انى من امس ماكليت بس دقايق وناكل

من الفطور تمر وحليب وقهمة وبسبوسة

وبعدها العشى :شربة وبانكيك ومكرونة ملفوفة بالمفروم وكرواسون بالدجاج وسلاطة

والحلو بعد العشى تشيز كيك وصحة سحورك ميمى

[المصراتيه]

ههههههه اي طلعت اني بس الوكاله

ماشاءالله يعطيكم الصحه علي الفطور الحلو بس وين الصوررررره

صحتيييين

[sweet nona]

صحة فطوركم ًً اخر شي كلِيته قهوة مع لقمة قاضيٍ

[لوتي]

جيلاتـــــــــــــــــــــــــــــــــــــي أخر شي كليته

[المصراتيه]

اخر شي سلاطه خضره

[سنابل]

صباح الخير أني اخر شيء كليته البارح تعشيت سندويتشات كباب بخبزة الفتات درته في البيت مع عصير

[luba]

اخر شئ شاهي وزميته
صحة للكل اللي قبلي واللي بعدي

[ام اميرولمار]

اخر شي كليته شاورما بالدجاج ;)
[IMG]http://im32.gulfup.com/XqhFt.jpg (http://www.gulfup.com/?wIzAfY)[/I

[بنت أبوها]

بسكوت ويفر

[ام اميرولمار]

صحه صحه اخر شي قهوه وبكلاوه

[luba]

صحتين للكل اخر شئ توست ونوتيلا وشاهي منعنع وختمتها بسامينسا عباد الشمس

[المصراتيه]

صحتيييين لبونه هههه تشبهيلي

اخر شي شاهي وكيكه وختمتها بفسدق خخخ

[ام اميرولمار]

اخر شي كليته خبيزه حوش ساخنه بالفاصوليا

[سوسو صقر]

انا اخر شئ اكلته ....موزة ...وتوه جعانة:confused: