[مخلل الليمون] من مطبخ سحابه صيف

[سحابه صيف]

http://www.libyan-kitchen.com/gallery/images/qlq.gif

السلام عليكم


جايبتلكم طريقه روووووووعه للمخلل اليمون

انا اول مرة انطوقه في تونس جابوهولنا في الفندق مع العشاء بصراحة

روعه روعه وعجبني ومن هداك اليوم وانا اندور في طريقته جربت اكتر

من طريقة بس مجوش نفس البنه لين حصلت الطريقة هادي وبدت

معتمدة عندي وميخلاش حوشي منه هو ومخلل المشكل والمسير

المهم انجو للطريقة والمقادير

المقادير

ليمون العدد حسب الكمية الي انت تبيها +ملح +زعفران او

عصفر +كمون اسود (حبة سوداء ) والكل ببمقدار متساوي


http://www.libyan-kitchen.com/gallery/images/5efe.gif


الطريقة
ناخد اليمون الاصفر ونضعه في طنجرة فيها

ماء وانخليه يغلي لمدة عشرة دقائق


http://www.libyan-kitchen.com/gallery/images/3ydy.gif

مدة الغليان تتوقف علي نوعيةاليمون

المهم بعد عشرة انشد اليمونة بين اصباعنا


http://www.libyan-kitchen.com/gallery/images/8fvf.gif


لو حسينا انه اليمون بدت القشرة امتاع تلين طول انطفي

عليه لان لو خلينه زيادة يبدا ايلين هلبة ومعاش ايكون متماسك بعدما ايطيب

وبعدين نبدا انغيرله في ميه 4ولا 5 في اليوم لمدة تلاته ايام

باش تتحول المرارة امتاعه وكلما اتغيرت المية في اليوم اكتر كلما احسن

وبعد ميفوتو تلاته ايام ناخد اليمون ونشقها بجنب



http://www.libyan-kitchen.com/gallery/images/4ono.gif



يعني انديللها فتحه ونكون مجهزين الحشو وهو ملح وكمون

وزعفران وانخلطهم جميع وناخد حوالي ملعقه من الحشو



ونحشي بيه اليمون اندير نفس الخطوات لكل ليمونات


http://www.libyan-kitchen.com/gallery/images/2heh.gif



ونبدا انستفهم في البرطمان

http://www.libyan-kitchen.com/gallery/images/7wkw.gif



انصب عليه المية وملح ونعصر عليه ليمون وفي وجه

انصب زيت زيتون باش ميفسش وانحط نص ليمون معصورة في الوجه



http://www.libyan-kitchen.com/gallery/images/6kpk.gif


ووانسكر البرطمان وانخليه
لمدة اسبوع
http://www.libyan-kitchen.com/gallery/images/1usu.gif


يمكن المهم لين لما اطوقيه اتحسيه مفيشي مرارة وملحه

كويس طاب وبعدين صحيحة علي قلوبكم اعدروني

مصورتاش وهو طايب لانه اليوم بس درته



جربوه مش حتندمو
متنسوش تدعولي
وان شاء الله يعجبكم وتقيموني

[نوارة ليبيا]

شكله قنين

تسلم ايدياتك يالغالية

ان شاء الله نجربه ^_^

[أمـ ساره]

ماشاء الله سحابة

شكله ايهبل سلمت ايدياتك

[أم أيوب]

تسلم ايديك سحابة

عادي لو نضيفوله فلفل أو هريسة في الحشوة؟؟؟

[سحابه صيف]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة زهورة الأمورةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifتسلم ايديك سحابة

عادي لو نضيفوله فلفل أو هريسة في الحشوة؟؟؟
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

نورتي الموضوع زهورة
عادي حبوبة انا مرات اندير معاه في روس فلفل حار وايجي طعمته روعه

[أم أيوب]

نورتي الموضوع زهورة
عادي حبوبة انا مرات اندير معاه في روس فلفل حار وايجي طعمته روعه


صحيتي حبيبة لأني ما ناكلش الحاجة الا لو حااااااااارة

[نسمه ليبيه]

روعه ياسحابه والاروع انه بعد النضج تضربيه فى المكسر تم تضيفى له كمون اسود وهريسه عربيه ويقدم كنوع سلاطه

جربيه لذيذ جدا

[بنية بوها]

يسلموا يدياتك سحوبة وانشالله ربي يعطيك كل مافي بالك وتتهني

[فضااوي]

روووووعه سحابه

تخيليه مع رز بالوووو واااااو

تسلم الايااادي يالغلا

[أم إيناس3]

يسلمو ايديك على هده الطريقة

[زينب محمد]

ماشاء الله لا قوة الا بالله


شكله رائع

الله يسلم ايديك ويبارك فيك ويعافيك حبيبتي

صحتين وهناء على قلوبكم


ننتظر منك مزيدا من المشاركات والموضوعات والتطبيقات


دمت في حفظ الرحمن

[الساجدة لله]

يسلمو ايديك حبيبتي هده نفس طريقتي اللي اندير فيها وتطلع روعة كانها معلبة او شاريتيه من المحل

[اريناس]

احسنتى

موضوع حلو

مشكوره

[ليبيا قلبى]

امممممممم
تسلم ايدك

[طمطم]

روعة ما شاء الله
وفكرة نسمة ليبية أول مرة نسمع بيها شكلها مش عاااااااااااااادية... إحساس
مادام الليمون المخلل واتي عندك جربيها يا سحابة وصوريهالنا :d

[السمحة]

نفس طريقة بالزبط واخذت الطريقة من مصرية وانا فى مصر ويطلع جميل ولذيذ وانموت فية مع الاكل المبوخ
مشكورة سحاب ماننحرم من جديدك

[ام الجميلات]

يسلموا على الطريقة لكن مش يطلع حامض اني والقارص مش صحاب

[Om Saga]

سحوبه رياقتي سكسكت ههههههههههههههه
منحبش الحامض وين نشبحه هي يصيرلي
الباين إنو حلو
تسلمي وموضوعك حلو وتصويرك أحلى
موفقه ياسحووووووووووووووبه

[حنان]

يسلم ايديك يارب

[للاهم]

خير يا سحابة صيف
سلم ايديك
من زمان كيفك ندور في طريقته
من بكرة نجربه
صحيتي خيتي

[ام اسر]

ماشاء الله اول مره انشوفه
لكن شكله قنين سلم هالايدين يارب

[ام عبدالمعز]

يسلمو ايديك روعة

صحتين وعافية يارب

[kittygago]

ما شاء الله عليك و يسلم ايدياتك

[ام رواسي]

يسلموووووووو ايديك
شكله اقنين

[سحابه صيف]

مشكورين علي الردود الحلوة

[أم ميوسة]

من بكري نتخيل في بنته

ما ضقتاش قبل

لكن شكله مش عادي

بارك الله فيك

تستحقي التقييم

[سحابه صيف]

بوركتن حبوبات

[سحابه صيف]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام اسرhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifماشاء الله اول مره انشوفه
لكن شكله قنين سلم هالايدين يارب
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


الله ايسلمك يا رب

[Om Amory]

يسلمو حبيبتى

يعطيك ألف عافيه

[guidona]

حاضر علي السريع حنجربه لانه اعجبني هلبه هلبه اسلم ايديك سحوب

[سحابه صيف]

الله ايبارك فيكم جميعا اسعدني تواجدكن

[luba]

تسلم الايادي ماشاء الله ربي يعطيك الصحة

تم التقييم

[نسيبة]

تسلم الاياد ي حبوبة روعة فعلا الليمون غالي لك اروع نجمات

[زوبة الطيوبة الحبوبة]

وصفة روووعة فعلا...الله يسلم ايديك

[الصابرة]

ماشاء الله يسلموا دياتك ويعطيك الصحة

[ميرولاكى]

ماشاااااااااااااااء الله شكله يسهههههههههههف
الله يسلم دياتك
انا جربته وقاعده نراجى فيه يجهز بفاااااااارغ الصبر وان شااء الله انزل التطبيق

[المصراتيه]

روووووعة
بارك الله فيك

[أم خديجه]

تسلم ايدك وبارك الله فيك علي الطريقه

[بنت الاشراف]

سلمت يداك

[تعزيز]

رفع للتطبيق طريقة بين نها حلوة تسلم ايدك تم التقيم

[كيميائيه]

ماشاء الله طريقه مختلفه شويه بس اكيد مضمونه حنجربها فى اقرب فرصه خصوصا ان عندنا شجرة ليمون