[ حلي ميكروويف سريع لعيون hana-99 ] من مطبخ luba

[luba]

السلام عليكم

عزيزاتي في المطبخ الليبي شفت طلب للاخت هناء في الافكار المطبخيه

لتحليه سريعه بالميكروويف وهدي اهديها لي عزيزاتي في المنتدي

كل المقادير المدكوره تقدري تتحكمي فيها زي السكر والنوتيلا والكاكاو

وهدي تعملك 6 قوالب اليكم الطريقه بالصور وان شاء الله تعجبكم

والله خفيفه ولديده وسريعه جدا

4 ملعقه كبيره دقيق - 4 م ك سكر بودره يعني مطحون -

3 م ك كاكاو - 3 م ك شوكولاته نوتيلا - 3 م ك حليب سائل يزيد او ينقص حسب السماكه

- 3 م ك زيت - 1 بيضه -1 م ص بيكنج بودر - 1\2 م ص فانيليا

http://www.libyan-kitchen.com/gallery/images/img000rzr.jpg



http://www.libyan-kitchen.com/gallery/images/img000trt.jpg


والمضرب اليدوي نحطوا البيضه مع الفانيليا

ونحرك تم النوتيلا ونحرك وبعدين باقي المقادير

تعبا في القوالب انا استعملت الفخار واوراق التلبيسه حطي 4 قوالب في الميكرو لمده دقيقه وحده

وعند تعبئتها انتبهي للكميه لانه حينتفخ ولو نقصتي من الكاكاو نقصي حتي من الدقيق وربي يوفقكم وان شاء الله تعجبكم

http://www.libyan-kitchen.com/gallery/images/img000vtv.jpg


هنا بعد النضج


http://www.libyan-kitchen.com/gallery/images/img000ece.jpg


http://www.libyan-kitchen.com/gallery/images/img000wxw.jpg


http://www.libyan-kitchen.com/gallery/images/img000vgv.jpg

وصحتين وعافيه

[أم ميوسة]

حبوبة تسلم ايدياتك

فعلا سريع ومع النوتيلا يمي

ولا باس على بنيتك ربي يشفيها ويعافيها ويحفظها عاجل غير أجل يا رب

وبالنسبة لطريقة وضع الأسم بالصور مش ضروري بالفوتوشوب يكفي برنامج الرسام

وهذه الصفحة حتساعدك وتوضحلك

[ درس] طريقة تصغير الصور والكتابة عليها وعمل اطار لها ببرنامج الرسام (http://www.libyan-kitchen.com/kitchen/showthread.php?715-%CF%D1%D3-%D8%D1%ED%DE%C9-%CA%D5%DB%ED%D1-%C7%E1%D5%E6%D1-%E6%C7%E1%DF%CA%C7%C8%C9-%DA%E1%ED%E5%C7-%E6%DA%E3%E1-%C7%D8%C7%D1-%E1%E5%C7-%C8%C8%D1%E4%C7%E3%CC-%C7%E1%D1%D3%C7%E3)

تسلم ايدياتك يا غالية

وتسحقي التقييم

[luba]

شكرا ام ميوسه صح جربت والطريقه جدا سهله لم اكن اعرف بالرسام يكتب الاسم صحيتي وبارك الله فيك علي المرور والمساعده

[sweet nona]

يسلموووووووووو
فكرة حلوة وسهلة
واحلى تقييم

[دانة ليبيا]

بو ركتي اوخية
طريقة سهلة وحلوة
تنفع ف الازمات

[luba]

سويت ودانه بارك الله فيكم علي المرور وصحيتي سويت علي التقييم

[ليبية حرة]

تسلم الأيادي

وتستاهلي أحلى تقييييييييييييييييم

[بنت الاشراف]

تبارك الرحمن فكرة روعة بارك الله فيك على ماتقدميه من فائدة وجعله فى ميزان حسناتك تستحقى التقييم

[ترهونيه حره]

فكره حلوه وتنفع وقت الازمات يسلمو الايادى

[RAWAD]

فكرة حلوة ما شاء الله
الميكروويف اني للتسخين بس هههههههه
مشكورة

[luba]

شكرا لكل من مر ومن قيم ومن شاهد ومن علق بارك الله في الجميع
و صحيتي علي الدعوات الحلوه يابنت الاشراف
وليبيه حره شكرا علي التقييم ان شاء الله مانفقدك
وترهونيه حره ايه والله درتها في وقت ازمه مع التصوير في خمس دقايق
رواد الميكروويف نطيب فيه في الدحي والبطاطا كان نبي نهرسها ونحط فيه الخبزه قبل مانرحيها تيبس في تواني وكان تدكرت حاجه تو نقولك
تعرفي عندي اخت اطيب فيه المفروم مع البازيليا وتغطي في الصونيه ويطلع ياسلالالالام عليه
وكان تدكرت حاجه تو نقولك

[المصراتيه]

ماشاءالله
فكره سريعه وحلوه واحلي حاجه ان لما يجيك حد علي فجاه
تسلمي حبوبه ولكي تقيمي

[الصابرة]

http://up.3dlat.com/uploads/128711691410.gifhttp://smiles.al-wed.com/smiles/60/271id.gif

[أم أيوب]

ماشاء الله يا لولو فكرة جديدة وتهبل وتنفع وقت الازمات

ان شاء الله نجربها ونقولك عليها

تستاهلي التقييم يا عسولة

[دادي اخت وخيتها]

http://www.atyab.com/uploadscenter/uploads/b2979a051d.gif

[أمـ ساره]

ماشاء الله لوبا

طريقة حلوة وساهلة وتنفع مع الضيوف

وتستاهلي ك النجووووم عليها



بس نبي نسألك هل تقعد فترة والا لازم تؤكل في نفس الوقت

مرة جربت طريقة الكب كيك في الميكروويف

وبسرعه ما جف ما قعد ساعة

[نسيبة]

روعععععععععة لوبا الحبوبة تسلم ادياتك لك احلى نجوم التقييم مباش يمشي ربي يحفظك و يناولك مرادك

[luba]

هدا من مواضيعي الاولات في المنتدي وفي عالم النت كله
شفته لقيته يحشم درت عليه برمه سبحان الله
بارك الله فيكم علي المرور والاطراء الحسن
مانفقدوكن يالغاليات

ام ساره مايجفش بالعكس يقعد زي ماهو في حافظه

[Om Amory]

يسلمواا ايديك

فعلا فكره حلوه وسرييييعه

[luba]

بارك الله فيكم وفي مروركم ربي يعطيكم الصحة