دعوة للاستفادة

[ام نسيبة 78]

السلام عليكم
أخواتي العزيزات
هذة أول مشاركة لي بالمنتدى بهذا الموضوع اللي أتمنى ان ينال رضاكم
:)
وبمشاركاتكن وأجابتكن على الاستفسارات من قبلي ومن قبل الأخوات
;)
موضوعي فكرتة
اللي عندها اي استفسار عن اي شي يخص المطبخ
من أكلات وأدوات والخ .....
تضع أستفسارها هنا
وان شاء الله نفيد بعض
أنا عندي استفسارات وان شاء الله الاقي منكم الاجابة والارشادات
وأول استفساراتي هو
مقادير المناسبات الكبيرة ,,زي المسقي سواء الرز او المكرونة او الكسكسي
وكذلك الشربة ؟؟؟؟؟

[ام نسيبة 78]

اني نعرف ان كل قعدين يبوا حكة طماطم
تعرفوا حصل موقف قدامي خلاني نكتب هالموضوع صارتنا عزومة كبيرة فجاءة
انحطينا في الامر الواقع فكل اللي حولي وخروا وخافوا من المسئولية
فكنت ديما نقول لروحي لو اني بروحي جتني العزومة ومامعاي حد ومانعرف كيف نتصرف
كيف بندير ؟؟؟؟؟؟؟؟؟؟؟؟؟؟؟؟؟؟

[خدوج]

لى عودة ان شاء الله

[السمحة]

اهلا ام نسيبة والله ياحبيبتى كل شى نعمل فية بالعين يعنى بدون ميزان عينى ميزانى بالاخص الرز فى المناسبات نعرفة بالطنجرة مثلا طنجرة تاخذ ثلاثين كيلو واخرة 15 وهكذا والشى هذا يبى تعود وشجاعة
والثقة بالنفس

[خدوج]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة السمحةhttp://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifاهلا ام نسيبة والله ياحبيبتى كل شى نمل فية بالعين يعنى بدون ميزان عينى ميزانى بالاخص الرز فى المناسبات نعرفة بالطنجرة مثلا طبجرة تاخذ ثلاثين كيلو واخرة 15 وهكذا والشى هذا يبى تعود وشجاعة
والثقة بالنفس
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif

زين الكلام يبى تعود وثقة بالنفس

[خدوج]

ام نسية
الحكاية كلها زى ماقالت السمحة ثقة وتعود
انى فى مناسبات عيلتنا نخش ونجازف ونقدر ندير حتى مقادير كبيرة
عن]n مقادير بسيطة ومنها نتحكم فى الباقى
مثال
حكة زيت معها 3 حكاك طماطم نوعيه باهية وتعرفى الطماطم انواع ويتحكم فى طبيختك
وكان الطماطم خفيف تقدرى اديرى حتى 4 او 5
والبهارات مسائلة ذوق هى والملح وصبعا تستخدمى ملعقة كبيرة مش نتع الاكل لا لا اكبر
هذا يديرلك 6 كيلو مكرونة
والطبيخة 2 طماطم بحكة زيت ويكفى ماشاء الله
ومقدار كبير ديرى 6 زيت و12 طماطم يكفيك غدى مناسبة قريب 100 قصعة حسب يدك وتعبية القصعة
اما الرز والكسكسى
بديرى 8 او 9 زيت وصندوق طماطم
و7كيلو حمص
والحرارات مغرفة وسط من كل شى
والرزحوالى 40 كيلو
والكسكسى تقريبا شكارتين مبرومات
البصل مانجطوش هلبة فى الرز والمكرونة
لان بالبصلة
والبصلة 60 شكارة وديرى حساب الفاسد منها
وانت وشطارتك
ويارب اكون افدتك
وهذه تقريبيا لان حتى عينى تتحكم
لا
وانت وشطارتك

[أمـ ساره]

ماشاء الله عليك خدوج شكلك خبرة ماشاء الله عليك

أم نسيبة موضوعك حلو والله

وان شاء الله الكل يشاركوا

جزاك الله كل خير

[فضااوي]

لي عوده ان شاء الله

[نسمه ليبيه]

انا معلومتى اللى نقدر نفيدكم بيها هى ان الرز بالخلطه لكل 5 كيلو رز علبة زيت واحده

[بنية بوها]

المسالة تعودوثقة زي ماقالوا البنات وماشاءالله خدوج شكلك طبااااااااااخة ماهرة وليك خبرة اني عن نفسي
في بعض المواقف نجازف ونخلي فيها علي ربي وربي يستر الجميع

[التا ئبه لله]

السلام عليكم
ام نسوب الله يحفطك على ها الموضوع انى شخصيا امتعبنى لكن بعد ها الموبايلات معاش
فى سبله اول مكلمه لامك او حد تعرفيه فالح يعطيك الوصفه اوخيتك هدا الا مديرته قداش من كلمة يا فلانه تعالى عاونينى الحمد لله انى اوخيتى الله يحفطها نلقه فيها زى الرحمه اديتها زى الدهب والحمد لله مش ديمه الواحد يتعرضلها لكن الواحده

اما تكون ملمه وست بيت درجه اولى خير وخير لكن الحمد لله كل يو م نتعلمو

[ام الجميلات]

ما شاء الله البنات وفوا وكفوا اما بالنسبة ليا والله مانعرف كيال العيلة لانا عيلتي صغيرة وفي المناسبات لين السفرة تجي لعندي هههههههههههه تنبالة حشاك

[أم أيوب]

حبيبتي أنا ما نعرف في المقادير الكبيرة متاع الرز

الحاجتين الوحيدات اللي درت منهم مقدار كبير هي الشربة العربية

والبصلة أو التقلية زي ما نقولوا وفي الاثنين كانت عيني ميزاني

بس تهيالي الرز المسقي مش حيكون واعر وتتحكمي في طبيخته بالعين

[ام نسيبة 78]

الله يبارك فيكم وشكرا ليك ياخدوج
ام الجميلات ..... حتى لما تخشي للمطبخ واديري حاجتك وراسك مرفوع وماتندلي لحد
حتى هذا كويس

[omhammam78]

السلام عليكم أني كل ما نكتب مشاركة وتكون طويلة شوية يكتبلي تنبيه ان في خطاء و ما تنبعتش المشاركة

[ام نسيبة 78]

اقسميها على مرتين

[omhammam78]

مشكورة أوخيتي أم نسيبة ع الموضوع الجد مفيد والله أني لي فترة نبي نتعلم تطيب مقدار كبير وكل مناسبة انقول بنقعمز جنب الطباخة ولكن زي العادةنلهى في العوالة وتلقي روحك ما تعلمتيش وأني شخصيا صارتلي حادثة تو نحكيهالكم بخصوص أنك لازم تتعلمي كل شيئ وتعتمدي على روحك كان ما فيش مانع أختي نسيبة

[omhammam78]

في يوم الحفلة امتاعي وأني قاعدة ما امشيتش للمزينة وأمي وأخواتي لاهيين في العوالة ليه ليه وعويلتنا الكل امقعمز ويهدرزوا وجي موعد الغداء طبعا بنطيبوالينا وللعويلة الموجودين وكل واحد ايدير في روحه مايفهمش وعيت أمي تضرب في المعاني والكل ودن من طين و ودن من عجين أمشي قالت لبنت صغيرة نوضي يا عيشة ديريلهم امبكبكة ومانحكيلكمش تحسابهم بيتحيروا والمهم ناضت البنية ودارت مقدار كبير حنكمللكم

[omhammam78]

طبعا جابوا غذاء العروسة ومانحكيلكمش هو كاشيك و التاني ماخدت خواطر مانقوللكمش قارصة من كثرة الطماطم وحاشى المحل اتقول في عزي ونشبح للجماعة كلهم ياكلوا ساكتين وماحدش علق شن القصة وأني مش فاهمة وطبعا مايقدروش يدموا لان ولا وحدة تبرعة ولو ما فيش رجالة راهو تقدري ما اطيبيش ولكن الواحدشن بيفضح روحه

[omhammam78]

وراهو الدنيا معاش زي قبل الناس كلها تتلم وتتعاون وتفرح لبعض بالعكس تو حتى ليعرف يبدأ ايقيس في غلاه ويبي يحط التانين في موقف محرج باش يبان في الصورة فزي ماقالت ام نسيبة المفروض يبدأالواحد متهيء للمواجهة في أي لحظة وما يندل لحد وأني اناشد معاك الطبخات من العيار الثقيل أنهم يفيدونا زي الاخت خدوج وأني من اليوم صاحبتها وشدي ياخدوش علي أيدينا و أنشاءلله في ميزان حسناتك تصبحوا ع خير

[ام الجميلات]

هههههههههههه خلاص توا نتعلم هدي الدنيا مرة فوق ومرة لوطة الواحد مايعرفش الزمن شن مخبي
مشكورة اختي على موضوعك الحلو والمفيد والواحد يستفيد من اخطاء غيره لربما في يوم من الايام يقع في نفس الخطاء

[نعومي نت]

زي ماتفضلوا الاخوات وقالوا عينك ميزانك صح ونحب انقول جازفي وما تخافيش لان الانسان يتعلم من أخطأه يعني مرة تصيب و مرة تخيب

[ام نسيبة 78]

السلام عليكم
نبي من الاخوات يفيدونا بالتفصيل
مقادير 8 قعاد قداش اندير طماطم وحرارات للمسقي سواء الرز او الكسكسي
ونفس الشي للشربة مقادير ثمانية قعاد
يلا الفالحة فيكم تورينا

[ام نسيبة 78]

ونعرف ان كل شي عينك ميزانك بس مرات الحاجة تكون ماعندكش عليها اي فكرة فكيف بتخش عليها
صعبببببببببببببببب

[خدوج]

هلا وغلا
ام نسيبة ارجعى لردى وتفهمى اكثر
كيلو مكرونة المفروض يدير 3 قصاعى
وان شاء الله افدتك

[ام نسيبة 78]

مشكورة اختي خدوج بس كنت نبيه يكون اوضح
حتى يستفيد الجميع

[خدوج]

http://www.libyan-kitchen.com/kitchen/tahasoft.com_1/misc/quotes/quot-top-left.gifاقتباسhttp://www.libyan-kitchen.com/kitchen/tahasoft.com_1/misc/quotes/quot-top-right.gifhttp://www.libyan-kitchen.com/kitchen/tahasoft.com_1/misc/quotes/quot-by-left.gifالمشاركة الأصلية كتبت بواسطة ام نسيبة 78http://www.libyan-kitchen.com/kitchen/tahasoft.com_1/misc/quotes/quot-by-right.gifhttp://www.libyan-kitchen.com/kitchen/tahasoft.com_1/misc/quotes/quot-top-right-10.gifمشكورة اختي خدوج بس كنت نبيه يكون اوضح
حتى يستفيد الجميع
http://www.libyan-kitchen.com/kitchen/tahasoft.com_1/misc/quotes/quot-bot-left.gifhttp://www.libyan-kitchen.com/kitchen/tahasoft.com_1/misc/quotes/quot-bot-right.gif


للاسف هذا اللى عندى
وان شاء الله تجى وحدة فالحة وتعطينا المقادير بالجرام
ونستقيد كلنا
تحياتى ام نسيبة وللكل

[snaaaa]

يا بنات اهتموا بالموضوع اكتر لانه مهم ونبو نستفيدو

[اناواخواتي]

بارك الله فيكم والله معلومات مهمة لان اغلبنا يعتمد علي النساوين الكبار ولا الطبخات
المهم انا نتعلمو ونريحو العزايز ونوقفو لحاجتنا بروحنا

[snaaaa]

السلام عليكم اهو انى عندى مشاركه بش نستفيدو مرة درنا 3كيلو رشدة دارولنا تلات قصع ملياته وسونيه متوسطه ودرنا الطماطم الحكه 5 كواشيك حكه 3كواشيك فلفل مش حار 2 بزار ة طبعا تبى الرشدة اد هان المفروض ان الرشدةاتكون باردة لما اندهنوها على خاطر ما نبوهاش تتعجن وهدة معلوماتى البسيطه وان شاء الله استفتو
:d:d:d:d

[Om Amory]

السلام عليكم

طبعا هدا مش من اختصاصى ههههه لانى قعده جديده عالصنعه

وكيف متزوجه زى ماانتو عارفين هههههههههههههههههه

وان شاءالله نستفيدوا منكم

موفقين

[ام نسيبة 78]

الله يبارك فيك ياام عموووري

[أم أيوب]

مرحبتين يا حبايب
تعرفو عمري ما جربت نطيب مقدار كبير الا بعد ما تزوجت
بعد فرحي بشهر تقريبا من عادة سكان مدينة البيضاء ان أصحاب العريس
بعد الفرح يجيبوا حولي ومعاه شوية توابع من خضرة وفاكهة ويجو عشاء أو غداء عند أهل العريس
طبعا العادات جديدة عليا وتقبلتهم بس التطييب الواجد هذا هو اللي جديد عليا
أول عزومن ندكر سألوني حماواتي تعرفي تطيبي كمية كبيرة تحشمت نقول لا والله
قلتلهم الشوربة والبصلة عليا أنا وتوكلت على الله وجربتهم والله يابنات طول الوقت وأنا على أعصابي
خايفة ما يطلعوش حلوات والله العظيم اللي يجيب سفرة من جنب المعازيم يسأل من دار الشوربة والتقلية
طعمتهم مش عادية ... شوية وبكيت من كثر ما فرحت وفي نفس الوقت خديت ثقة في نفسي الحمد لله
أنا ما نحب نحط بمكيال خاصة الطماطم والبهارات نحط لعند ما نحس بعيني انه تمام وندوق

[ام تغريد]

ماشاء الله علي الفالحات خشينة علي المقار الكبير {مقدار لمة العيلة ونشوفهم كلهم يهربو من المطبخ ونقعد اني بروحي
لكن اربعة او خمسة قعاد
لكن ما شاء الله عليكم فالحات وربي يعطيكم الصحة ومنكم نتعلم