[طاجين السميد ] من مطبخ لوتي

[لوتي]

http://www.libyan-kitchen.com/gallery/images/42.gif



السلام عليكم ورحمة الله وبركاته

هذا أول موضوع ليا بالمنتدى
ونبي نشكر أم سارة وزينب محمد و مغتربة 7 والمصراتية
اللي ساعدوني في مشكلة تحميل الصور
و نبدأ علي طول هذا الطاجين إسمه طاجين السميد
طبعا الطاجين لماما وأني إنساعد وتعبت في الموضوع لأني أول مرة انزل المهم نبدا في الطريقة بسم الله

المقادير

الصلصة 3 بصلات وسط
1 ملعقة كبيرة معجون طماطم
4\3 ملعقة كبيرة ملح
1ملعقة فلفل أحمر
2\1 ملعقة كبيرة بزيرة (كركم)
1 ملعقة صغيرة كسبر مطحون
1 ملعقة صغيرة حرارات
شوية زيت حوالي 3 ملاعق كبيرة
كوب ماء للطاجين
بطاطا منعرفش انقدرعذرا
أني صورت الكمية بعد ما قطعتها
لحم الدجاج مقطع مكعبات حوالي صدر
خضرة مخلطة معدنوس وشوية شبت وشوية كسبر حوالي 5 كوب
5 كوب سميد
كيس خميرة بيكنج بودر
7 بيضات 5 للعجينة و2 لدهن الوجه
رشة نعناع يابس لريحة البيض ممكن زعتر مطحون حسب الرغبة
أني اليوم كيلت حتى المعدنوس لتوضيح الطريقة لأني قبل الطريقة عيني ميزاني هكي تعلمته من ماما


http://i1163.photobucket.com/albums/q559/Lotte2012/1.jpg




http://i1163.photobucket.com/albums/q559/Lotte2012/2.jpg



الطريقة
نقطع البطاطا مكعبات وتقلى في الزيت



http://i1163.photobucket.com/albums/q559/Lotte2012/8.jpg


نجهز الصلصة بقلي البصل في شوية الزيت ونضيف عليها الطماطم المعجون والبهارات و الماء
وحركي المكونات ثم ضيفي الدجاج (على فكرة تقدري تستخدمي لحم عنم أو بقر ولكن في هذه الحالة تطبخيه شوية في الصلصة لكن لحم الدجاج لا يحتاج لطبخ ياوبك تقليب على النارمعناها مش قلي )
وبعدين حركي المكونات وأطفي النار
وبرديها شوية بيش لما انضيف البيض في الخلطة ميجمدش
وزي ماقلت مايستحقش تطيب لأنه بيطيب في الكوشة



http://i1163.photobucket.com/albums/q559/Lotte2012/3.jpg


http://i1163.photobucket.com/albums/q559/Lotte2012/4.jpg

http://i1163.photobucket.com/albums/q559/Lotte2012/6.jpg

http://i1163.photobucket.com/albums/q559/Lotte2012/7.jpg



نضع الكونات الخضرة والبطاطا و السميد والصلصة و5 بيضات و الخميرة
ونحرك المزيج حتى تتكون عندنا خليط رطب ومفتت
ولما انلمه مع بعض يتماسك ولوحسيتيه رطب هلبة زيدي شوية سميد
ثم نطرح الخليط في طاجين مدهون بالزيت ويسوا باليد حتى يصبح متساوي
ويوضع في الفرن حسب كل وحدة وفرنها طيبها من تحت وبعدين من فوق
وقبل مايطيب بعشرة دقائق طلعيه وأدهنيه بالبيضتين ورشيه بالنعناع
ورديه للفرن لين ايطيب وتحمر طلعيه وغطيه بسفرة لين يبرد و قدميه صحتين



http://i1163.photobucket.com/albums/q559/Lotte2012/9.jpg

http://i1163.photobucket.com/albums/q559/Lotte2012/10.jpg

http://i1163.photobucket.com/albums/q559/Lotte2012/11.jpg

http://i1163.photobucket.com/albums/q559/Lotte2012/12.jpg

http://i1163.photobucket.com/albums/q559/Lotte2012/13.jpg



وهذي صورته لما طاب


http://i1163.photobucket.com/albums/q559/Lotte2012/14.jpg


http://i1163.photobucket.com/albums/q559/Lotte2012/15.jpg

[sweet nona]

لوووتي واخيرا شفنا ليك وصفة

وطاااجين يميميميميم

حتى اختي ادير في من قبل بس توا صقع عليها

طريقته عندي تسلمى واحلى مشاركة

وماتحرمينا من وصفاتك

احلى تقييم

[luba]

لوتي يسلموا ايديك ماشاء الله وشكلها مرتب وسمح بارك الله فيك واحلي تقييم لاحلي لوتي

[ليبية حرة]

ماشاء الله ماشاء الله

وأخيرا شفنا وصفاتك الحلوة ياحلوة

لا لا ماشاء الله شكلك فالحة ياحبوبة

تسلم الأيادي

وتستاهلي أحلى تقييييييييييييييم

وهادي مالقيتش حد خداها خديتها أني

اللطف معقولة تفوتوا هالطاجين الحلو وماتضوقوش منه العفوووووووووووووو

http://i1163.photobucket.com/albums/q559/Lotte2012/15.jpg

[نسيبة]

ما شاء الله لوتي تسلم الايادي طاجين روعععععععععة لك تقييمي

[مغتربة 7]

http://i1163.photobucket.com/albums/q559/Lotte2012/15.jpg


يمييييييييييييييييييييييييييييي
بسم الله ماشاء الله لاقوة الا بالله
طاااااااااااجين ياخد العقل
اول مشاركة تجنن يالوتي
تسلم الايادي
وصفة تشهي وتستاهل احلى تقييييييييم
فى انتظار المزيد من ابداعاتك:)

[لوتي]

سويت ولوبا ونسيبة مشكورات وفيك بارك الله ومغتربة 7 وليبية صحة صحة علي قلوبكم أسعدني مروركم وتقيمكم

[ام سرو]

تسلم الايادى يالوتى وماشاء الله على طاجينك

والف صحة وهنا

549

[شروق الشمس]

ماشاء الله طويجين يجي في الخاطر
تسلم دياتك ياسموحه و يعطيك الصحة و يخلي لك اميمتك

[بنت الاشراف]

سلمت يداك تستحقى التقييم

[المصراتيه]

ماشاءالله لا قوه الا بالله
وصفه تهبببببل وجديده عليا
يعطيك الصحه حبوبه وتسلم ايدياتك
وتستاهلي احلي تقيييييييم

[لوتي]

شكرا لكل من رد عليا وقيمني بارك الله فيكم جميعا

[زينب محمد]

ماشاء الله لاقوة إلا بالله

طاجين يستحق التقييم

الله يسلم ايديك ويعطيك الصحة والعافية حبيبتي

صحتين وهناء على قلوبكم

ننتظر منك مزيداً من المشاركات والموضوعات والتطبيقات

[بنت حواء]

ماشاء الله يالوتي طاجين يجنن وفكرة السميد جديدة عليا
جاري التطبيق بإذن الله
سلم يديك ويدين ماما

[Reeem]

goooood

[sozy]

شكله لذيذ ويسهف صحيتي عالطريقة

[نسمه ليبيه]

يسلموا ايديك ولا تحرمينا من وصفاتك

[هذيان!]

اممممممممممممممممم يسلمو ااا يديك وخيتي


شكله شهي جدا ,,,,,

[بنت طبرق]

ماشاء الله لاقوة الا بالله
هذا اول طبق وانا عجبني
تسلم ايدين الماما وايديك يا لوتي

[الصابرة]

ماشاءالله طاجين يجي في الخاطر
لكن معليش عندي سؤال المقدار لطاجين كبير
يعني حجم عائلي

[لوتي]

مشكورات أخواتي اللي رديتن عليا بارك لله فيكن جميعا وربي يحفظكن

الصابرة هذا الطاجين للعائلة ومعتمدينا في أغلب عزوماتنا وكلنا انحبوه والطاجين اللي طيبت فيه مقاس 35 سم يعني إقلبي الطاجين

وقيس القطر بالمسطرة مشكورة أختي

[om_adnan]

جزاك الله خيرا,بالنسبة انه أول موضوع ,ماشاء الله منظم,شرحك مكفى وموفى,دائما فى انتظار مواضيعك الحلوة.

[لوتي]

مشكورة يا أم عدنان علي تشجيعك

[أم خديجه]

ما شاء الله
ربي يخليلك الوالده ويخليك ليها

تسلم ايدياتكن

[لبنى]

ما شاء الله شكله ايسهف


بالهني والعافية


http://i1163.photobucket.com/albums/q559/Lotte2012/15.jpg



وهذي صوينيتي

[الساجدة لله]

لوتي الغالية طويجين قنين زيك ياسمحة الاختلاف البسيط هو اني

اندير في اللحم بدل الدجاج وهو طريقة الوالدة وتبي الحق اللي مدايرتيه سهفني هلبه هلبه

[لوتي]

أم خريجة تسلمي يارب ربي يحفظك ويحفظ عويلتك

ربي يهنيك يا لبنى صحا صحا

مشكورة ياسجودة ربي يخليك


تسلمن ياعسولات علي المرور الحلو

[أوركيدا]

تسلم الايادي على الوصفة المميزة

[lola9670]

تسلم الايادي

[لوتي]

مشكورات أخواتي علي الردود الحلوة

[خدوج]

يسلم يدياتك عالطاجين
شكرا لك

[المروالوردي]

http://www.muslmh.com/vb/uploaded/3729/1163983036.gif

[لوتي]

مشكورات أخواتي علي المرور الحلو

[بنت حواء]

ماشاء الله لك تقييمي