[ الهريسة الليبيه ] من مطبخ لوبا بالتفصيل والصور

[luba]

http://i1263.photobucket.com/albums/ii635/jijiy1985/42.gif




السلام عليكم ورحمة الله وبركاته

اليوم نقدم لكم الهريسة الليبيه من مطبخي وفي الغربه و في الخارج الفلفل بارد وقشرته غليظه ولكن لا يأس مع الحياة الا ناكلوا هريستنا
نغسلوا الفلفل وهما روس قبل مانفتحهم

http://www.libyan-kitchen.com/gallery/images/img000mfm.jpg

نشقهم بالموس ونشيلوا منهم الزريعه اللي بالداخل


انملحهم و نخليهم يسقطروا يعني يصفوا اميتهم بعد امتصاص الملح حوالي 4 ساعات او ليله عادي وهنا طريقتين للتصفيه بالصور وحدهبالصفاي والتانيه بكيس البصل بعد غسله

http://www.libyan-kitchen.com/gallery/images/img0000022.jpg


http://www.libyan-kitchen.com/gallery/images/img000ydy.jpg

نرفعهم وننشرهم في الشمس لمده 24 ساعه او اكتر علي حسب انت ماتشوفي جفافه وكيف تحبيها ناشفه او لا
انا هنا بسبب الوضع الزمني نشرتهم في دار وفتحت عليهم الشبابيك الطقس لايسمح بالخروج

http://www.libyan-kitchen.com/gallery/images/img000qxq.jpg

يتم رحيها في الماكينه مفرمة اللحم مع التوم

http://www.libyan-kitchen.com/gallery/images/img000cyc.jpg http://www.libyan-kitchen.com/gallery/images/img000oxo.jpg

http://www.libyan-kitchen.com/gallery/images/img0000023.jpg


وبعد الانتهاء من الكميه من التوم والفلفل نخلطهم بالكرويه المرحيه وكمون الحوت المرحي و الكسبر المرحي وتشوفوا الملح كلن حسب دوقه


http://www.libyan-kitchen.com/gallery/images/img000jgj.jpg

http://www.libyan-kitchen.com/gallery/images/img000zhz.jpg

وصحتين وهناء

بالنسبه للمغتربين اللي يعانوا نفس معاناتي من قله الفلفل الحار في الخارج الفلفل اللي عندي بارد مافيه اي حراره وقشرته غليظه فقررت نخليه حااااار
ناخد طنجره ونحطوا فيها زيت كميه واجده يعني تغطي نص اللي تحطيه من الفلفل المرحي ونحطوا عليها فلفل اللي رحيناه و الفلفل الاحمر البودره الحار وهدا اختياري
ونخلوها تغلي لحد ماتتخلص من الميه ويطفح الزيت فوق في الاول النار متوسطه مع التحريك مره مره وبعد ماتنقص الميه متاع الفلفل نخلي النار هاديه ونخليها 3 دقايق مع الزيت
ونرفعوها وبعد تبرد تحفظوها في الفريز

وتسلملي يارب ست الحبايب اللي علمتني هالطريقة

وان شاء الله تعجبكم

[مغتربة 7]

http://www.libyan-kitchen.com/gallery/images/img000zhz.jpg


بسم الله ماشاء الله لاقوة الا بالله
محلالالالالالالالالالالالالالالالاها تهبل وجت فى خاطري
وياريتني نحصله الفلفل هذا حتى كان بارد عادي
بصراحة هريسة مش عادية من تحت ايدياتك
تسلم الايادي
وتستاهلي احلى تقييييييييييييييييييييييييم
وقوليلي حبيبة شن اسم المحل الى خديتي منه الفلفل هذا

[أمـ ساره]

ماشاء الله لاقوة الا بالله

هريسة اتهبل وتجي في الخاطر سلمت ايدياتك

والله الليبيات فالحات وين ما ايحطوهم يديروا حل ما يحتاروا بكل

بالهني والعافية حبوبة

وأحلى تقييييم لك وللموضوع

[تسنيم]

هريسة تجي في الخاطر ابدعتي اختي الكريمة

[sweet nona]

http://m002.maktoob.com/alfrasha/ups/u/26978/31670/395826.gif


مممممممممممم

صدقت مغتربة الغالية اتهبااااااااااااااااااااااااال
خاطري فيها غير قلة فضوة بس

تسلم ايديك ويعطيك الصحة عالمنظر الحلو والي يشهي

احلى تقييم لبنى النويشطة

[دانة ليبيا]

سلمت يداك لبنى
وصحبتي ع الافكار الرائعة

[أم خديجه]

تسلم ايدياتك علي الهريسه

ويعطيك الصحه

[sozy]

يسلمن الايادي شكلها يشهي مفيش احلي من الهريسة العربية امتاعنا

[زينب محمد]

ماشاء الله لاقوة إلا بالله

هريسة تسهف وتستحق التقييم

رياقتي سالت معنديش الروح معاها

الله يسلم ايديك ويعطيك الصحة والعافية حبيبتي

صحتين وهناء على قلوبكم

ننتظر منك مزيداً من المشاركات والموضوعات والتطبيقات

[بنت الاشراف]

ماشاء الله يسلموا ايدياتك تستحق التقييم

[LOLO]

لكن ليش ما طيبتيهاش على النار

[luba]

بارك الله فيكم علي الردود الحلوة اللي تفتح النفس علي المطبخ هههه
غروبه سفن المحل اسمه كوسكو معروف في كندا ويبيع حاجاته فردي وجمله
واروع مافيه خضرته الطازجه والزيتون عنده روعه
وشكرا للجميع علي التقييم والردود ولو كنتوا جنبي بعتلكم كيسه لكل وحده

[luba]

لولو اني في ليبيا مانطيب فيها لانه متخلصه من ميتها في الشمس وتكون ناشفه شويه وتهبل وصنتها اقوي
من الطايبه
واني هني طيبتها ولاول مره نطيبها بسبب استعمالي الفلفل البودره لانه الفلفل بارد وان شاء الله تجربيها في الشمس
وتصفيه اميتها قبل نشرها وتعجبك وجربي كل الطرق واللي يناسبك خوديه واعتمديه

[مغتربة 7]

تصدقي يالوبا عمري ماشفته فى الكوسكو لكن خلاص عرفت الطريق المرة الجاية راح نجيبه بإذن الله وانديرها
حتى اني طريقتي نفس طريقتك

[المصراتيه]

ماشاءالله لا قوه الا بالله
واو انمووووووووووت في حاجه اسمها هريسه وفي الحوش
اخ منك يا لوبا شن درتي فينا
تهبببل طريقتك وبادن الله حنجربها
يعطيك الصحه وتسلم ايدياتك
احلي تقييييييييييييييم

[luba]

الله يسلمك يالمصراتيه وكان بحداي راني بعتلك منها
بس لو اي وحده شرت فلفل بارد لازم تخلط معاه فلفل البودره الحار بالتطييب لانها بعد طيبتها جت تجنن وحاااااره

[أسماء القائد]

ماشاء الله تسلم إيدياتك بالنسبة لكمون الحوت مانديرش فيه في الهريسة لكن أكيد حنجربه.

[أم ميوسة]

هريسة تجنن لوبا وطريقتها واضحة وروعة

بصراحة الهريسة الليبية ولا يعلى عليها

طعمة وريحة وانا مرات مانحبش نديرها على خاطر تفتح النفس

السندويتشات تبدا على ودنه مانحكيلش وانا مش ناقصة

احلى تقييم ليك وللموضع

[لوتي]

ماشاء الله عليك لوبا أحلى تقيييم لعيونك

[عهود]

شكرا اختي لوبا ع الطريقة

شكلها يسهف روعة

[كيمو 2010]

اتهبللللللللللل مشكورة

[luba]

بارك الله فيكم علي المرور والتشجيع والتقييم

[نسمه ليبيه]

يسلموا ايديك هريسه تهبلللل


وطريقتها جديده بالنسبه لى



جارى التطبيق

[نسيبة]

ماشاء الله يسلموا ايدياتك تستحق التقييم

[luba]

نسمه وننسيبه الله لايحرمني من هالمرور الحلو واللي تطبق عاد تورينا

[شروق الشمس]

محلاها طريقتك اتهبل
الحق جديدة حركة التشميس
و الهريسه اتشوف ماشاء الله
لكن شو الفرق بين هريسه اللوسه و العاديه
تسلم دياتك و يعطيك الصحة ياعسل

[luba]

هلين شروق اللوسة عرفتها في المنتدي بعضهم يطبخ مع الهريسة طماطم اخضر او حكة وبالنسبه ليا مانطيب فيها نرحي الهريسة مرتين وناكلوها بس هنا طيبتها لاول مرةوحلوةوعجبتني وطيبتها لانه الفلفل غليظ القشرة ولانه بارد اضفت له فلفل البودرة الحار فقط وهيا بعد اطيبت اصبحت لوسه بالنسبه ليا وتفضلي بأي وقت

[الساجدة لله]

تسلم الايادي ياغالية هريسة قنينة ياسموحة باانتظار المزيد من وصفاتك

[حبيبتهم]

تسلم ايديك يا لوبا. هريسة روعة شكلها تهبل بارك الله فيك وربي ايخليلك امك ويعطيهاوالصحة

[الصابرة]

سلم دياتك ويعطيك الصحة والعافية
مش قلنا فالحة
ربي يحفظك ويحرسك ويخليك لصغارك

[بنت حواء]

ماشاااااااااااااء الله هريسة تجنننننننننننننن
سلم يدياتك وبالصحة على اللي كلاها

[بنية بوها]

هريسة شكلها تهبل جي خاطري فيها ياكبدي تسلمي ايدياتك

[luba]

نورتوا المكان والزمان اسعدني مروركم و تعليقاتكم

[زوبة الطيوبة الحبوبة]

ماشاء الله .. يعطيك الصحة على الشرح الرائع والمفصل..

[كيميائيه]

ماشاء اللة تسلم ايدك نحنا مانجففوش فية

[luba]

منورات اسعدني مروركم بارك الله فيكم