[إحكيلنا قصتك مع المنتدى]

[sweet nona]

http://www.samysoft.net/forumim/basmla/gfjfghjfg.gif

يامرحبا 100 اهلا بالليبياتhttp://www.bh30.com/vb3/images/ns/goldy4.gif

حبيبات المطبخ الليبي

أكيد المنتدى أصبح من الأشياء العزيزة على قلبي وقلوبكم

والأكيدة إنه أصبحت عندك قصة حلوة تحكيها مع منتدى

{المطبخ الليبي لزينب محمد}

بكل صراحة ووضوح وبكل مشاعر الحب http://www.kwales.com/smiles/images/49/1228232873882.gifوالدفء

نبي من كل وحدة تدخل تكتب ولو حروف

وتحكيلنا كيف تعرفت عالمنتدى
http://www.bh30.com/vb3/images/ns/goldy38.gif
عن طريق صديقتك.. اختك.. بالصدفة..

بالنسبة ليا أني

تعرفت على المنتدى عن طريق أختي وهيا داخلة بإسم

بنية بوها

بحكم غربتها وإنه الصديق الدائم في الغربة هو الإنترنتhttp://www.kwales.com/smiles/images/50/1220298721575.gif

فكانت ديما لما نتلاقو علإيميل تحكيلي وتقولي خشي وشوفي..

بعد فتحت وشفتhttp://www.kwales.com/smiles/images/50/1220298749442.gifهاللمة الحلوة

والاطباق الرااائعة الي نعرفه والي عمري ماتعلمته

بديت نطبق في الاكلات وناخذ وكل وحدة أحلى من التانية

قررت نشترك ونسجل دخولي وقلت خلي نوريهم تطبيقاتي

وإنقول يارب تعجبهمhttp://www.kwales.com/smiles/images/50/1220298669182.gifhttp://www.kwales.com/smiles/images/50/1220298669182.gifيارب تعجبهم

ونشارك بأطباقي المتواضعة وكانت العلاقة كل يوم تزيد أكثر وأكثر بيني

وبين المنتدى

وكل يوم تعلقي بيه يزيد أكثر..وأكيد كل الشكر لمؤسسة المنتدى

الغالية زينب محمد وكل المراقبات الحنونات

أكيد بأسلوبهم ورقيهم

بسرعة ماانجذبت ليه.. بارك الله فيهم

ويلا كل وحدة تحكي قصتها مع المنتدى


لكم كل الود والحب والإحترام

[مغتربة 7]

يامرحبتين بنور العين
موضوعك ايجنن لي عودة ان شاء الله

[مغتربة 7]

عودنا:o

اول شي يااحلى سويت موضوعك يجنن وتحفة وفكرته مش عادية

ثاني شي ان شاء الله بنية بوها اختك اول مرة نعرفها واني انقول وين مختفية وهيا فى ليبيا سلمي عليها هلبة وقوليلها خواتك يسئلوا عليك


وثالث شي المنتدى هذا عرفته عن طريق اخت غالية على قلبي هيا الى دعتني

وطبعا هو اول منتدى ليبي نشترك فيه

وانحبه انموت فيه وانحب العضوات

بصراحة استفدت منه بشكل غير عادي ليه فضل كبيـــــــــــر عليا بعد الله فى بعض الوصفات

وفيه احلى رفقة واحلى صحبة

[om_adnan]

والله سويت انك عسل وموضوعيك مرة حلوة,ليه رجعه بس حبيت نكون ورا سلفتى عيونى.

[أمـ ساره]

عليك حق يا سويت والله


بنية بوها أختك وما تقولي ؟؟؟؟


بالله سلمي عليها أمانة والله ليها وحشة

واني نقول وين مغطسة ما عاد بانت وهي عندكم


ولي رجعة ان شاء الله استنيني

[sweet nona]

هلا بالغاليات

الي تبو حاضر في حقكم لين ترضو بس كيف جت الفرصة الي انقولكم عليها

والسلام وصل..وسلامها الحاااار ليكم وقاتلكم جايينكم جايينكم هههههههههه

مأنستنا ان شالله لشهر 6 والعقبة ليك غروبة والمصراتية ولكل المغتربات

مغتربة7 نورتي حبيبة وأكيد احلا صحبة الصراحة حسينا انه بيتنا التاني

مع اخواتك وخاصة من بلادك ..و أكيد نرحبو بكل العربيات أخواتنا

شكراا لمشاركاتك

ام عدنان نجي السلفات الي ايحبو بعضهم ربي يدومه ونستنى فيك

ام سرو حتى انتي بانتظارك وانتظار باقي البنات

ونورتو أخواتي

[أمـ ساره]

سلمها يارب وسلم من جاب سلامها

ربي يونسكم ببعض يارب ويهنيكم ببعض



بالنسبة لي جتني دعوة من الحبوبة والغالية على قلبي ابريكه

اني كنت مشتركة في منتدى لك وهي بعثت لي الرسالة

ولما فتحت المنتدى سجلت على طول ومن يومها بدي عشقي الابدي

وبصراحة من زمان واني نتمنى منتدى خاص بالطبخ الليبي واكلاتنا الزمنية

ونبوا نعرفوا عن أكلنا واكلاتنا الليبية وحلوياتنا المميزة


وفرحت هلبة بيه ومن يومها سيبت باقي المنتدىيات وما عندي الا المطبخ الليبي

اتقول حوش بوي ساكنة فيه كل يوم

[luba]

السلام عليكم
نجي سويت ونجي موضوعاتها الحلوة عمري مادخلت لي دردشه وفرفشه في اي موقع اول مرة لانك محليتيه والله العظيم
وتاني حاجه اختك بنت بوها واني نقول سويت لمن طالعه ناشطه كل حاجاتها وتطبيقاتها حلوة وخاصه فكره العسلوز
بالكمون وزي حالاتي مش حنلقوا العسلوز برة

ويااارب امين يتقبل منك ونعدزا لي ليبيا غير ندكر اسمها دموعي يصبن الله لايدوق الغربه للي مايحبها ايح دوتي واجده الله غالب
ماعندي غيركم نفضفضله

ونجي للقصه : اني نعرف الاخت زينب من اشتراكها في منتديات تانيه ومره نكلم في بنت عمي في ليبيا قلتلها شن اديري
قالتلي نشوف في مواضيع زينب محمد قلتلها تعرفيها لكن هيا ماعاد تدخل علي المنتديات اللي نعرفها فيهم
قالتلي لا دارت صفحه بروحها اسمها المطبخ الليبي لزينب محمد دوريه في القوقل
وبارك الله فيها ويهنيها هيا وزينب محمد والله هالمنتدي حببني في المطبخ الله يارب يحقق كل اماني
زينب محمد ومشرفات ومراقبات وعضوات المنتدي في الدنيا والاخره

ومنها ماعاد دخلت علي منتدي تاني غير واحد متعلق بالحياة الاسريه
وعلي فكره اول مره نتعمق في مشاركات ومواضيع بالصور ونطبق شوركم سحرتونا فيه
يارب نجيكن وحده وحده ومايحرمنا منكم ونجي سويت ومواضيعها

[luba]

معليشي سويت نبي نسالك علي ليبيه حرة مغطسه ماعاد ريناها ان شاء الله خير والله ليها نكهه حلوة في المنتدي
ونبي نساللك علي الاخت خدوج قلتي في احد ردودك ربي يشفيها ان شاء الله يااارب امين وتفوت عليها المرضه خفيفه ظريفه
بالله ياسويت طمنينا عليها ماتنسي واسفه علي الدوة الواجده مانقدر نستعمل الرسائل مازال

[sweet nona]

ام سارة هلا بيك نفس الشي البيت التاني ههو الله حق زي بيت بوك

تسلمي ياغالية وابريكة الغالية ان شالله ربي يرزقها بكل ماتتمنى يارب ويعطيها مافي بالها

لبنى العسولة مرحبا نجك عالكلام الحلو معاش نقدر حشمتوني دلعوني عالخاص اني نتحشم رااه

هههههههههه

واحلى صدفة لينا لما قاتلك صاحبتك حتى احني سعداء بطبخاتك وانضمامك لينا

ويارب ماننحرمو ن هاللمة وان شالله يابنات المنتدى حيكون افضل

تسلمووووووووو ياغاليات

وبالنسبة لليبية حتى اني فاقدتها والله ان شالله خير

وخدوج ربي يشفس سمعت منها انه عيونها متعبينها متقدرش شاشة الكمبيوتر

تقعد قدامها هلبا ادعولها

وتو اتجي ليبية حرة تنورنا بشيطانتها زي الفراشة

ههههه

واتفضلي فضفضي في اي وقت اخواتك وصديقاتك فهالغربة

وربي يرجعك لبلادك يارب سالمة

[آمال]

السلام عليكم ورحمة الله


أما بالنسبة للتعرف على المنتدى

أنا ذهبيت عند أحد السلفيات كان عندنا درس تقريبا في العقيدة الواسطة والورقات للجويني
وبعد أن أكمل الدرس طبعا كيف عادة النساء دخلنا على الطبخ وهي تقول هناك منتدى ليبي للطبخ مش عادي وتشكر فيه وتشكر فيه وتشكر فيه
رجعت فتحت الشابكة إلا بي سجلت على طول
والحمد لله
وان شاء الله يبقى بيت الثاني

والسلام عليكم

شكرا أختي

[ام هيموني]

بداياً اشكر الأخت زينب محمد و كل العضوات و كل المشاركات في صفحة المطبخ الليبي
تعرفت على المنتدى حيث انني في الغربة و ما اصعب الغربة كان الصديق الوحيد لي هو الانترنت و عندما كنت اشتاق إلى أكل بلادي و حلوياتها ابحث و بكل الصدف كانت كل الاكلات او انواع الحلويات من تطبيق اختي زينب محمد حتى اصبحت صديقتي و اختي دون حتى ان اتعرف عليها او اراها ... اصبحت لي المرجع الذي ارجع إليه .. دائما كنت اردد كلمة انشوف اوخيتي زينب شن تعلمني اليوم .. و كل طريقة احلى من الأخرى
بعد ذلك علمت ان لديها منتدى المطبخ الليبي فا سجلت فيه وجدته مملؤه بالعضوات الناشطات و يقدمن ما لديهن بروح مرحة و حاولت ان اشارك معكم .. و اتمنى ان انضم إلى منتدي و تقبلوني صديقة لكم

جزاكم الله كل الخير

[sweet nona]

ام رميصاء

وام هيموني

شكراا لكم اخواتي

وان شالله ايكونلك بيتك الثاني ام رميصاء

وانكون اخوات وحبيبات

[لوتي]

ربي يسلمك ياسويت إن شاء الله تعالى كأنك معاي قبل أيامات كنت انفكر في الموضوع وانقول لو كان كل وحدة اتخش اتقول منين تعرفت
علي المنتدى لكن القلوب عند بعضها شكلنا من كتر مانخشو علي المنتدى ولينا نفهمو علي بعض وحتى أني كنت نتسأل بيني وبين
روحي زعما خيرنا معاش انشوفو في ليبية حرة ليها وحشة إن شاء الله المانع خير وكنت نفس الشي نتسائل علي خدوج وشوفت
ردك علي لبنى لابأس طهور إن شاء الله ياخدوج سبقتني لبنى وسألت عنهم مش قتلك القلوب عند بعضها أما عن قصت مشاركتي في المنتدى أني كنت نستعمل في النت للتصفح والإستفادة والتحميل بس ومرة كنت نتصفح في واحد من المنتديات العربية وفي ركن الطبخ وحدة ليبية تسأل عن مكون من مكونات الطبخ تقريبا كاني مش ناسية المهم اللي ردت عليها قالتلها علي زينب محمد فبحتت طول في القوقل وحصل الشرف أني تعرفت علي المنتدى كان في بداية فتحه وبديت انطبق ومنها بديت ديما انخش لين قررت أني إنشارك وهذا أول منتدى إنشارك فيه شوفت فيه التعاون والناس اللي قلوبهم علي بعض وبديت نقضي في أغلب وقتي هذا إذا كان مش كله علي المنتدى أسأل الله العظيم كما جمعنا في هذا المنتدى أن يجمعنا في جنات النعيم

[وصال]

أهلين
كا لعادة سوييت الغالية مبدعة ورائعة في أنتقاءك للمواضيع
اللي كيفك أنتي يارب تكوني دائما راقية في إختيارك
والله صح خويتي سويييت الأخت ليبية حرة وين ع الله اتكون بخير وما يلاها سو
ولي عودة للموضوع لإني مستعجلة توا
أحترامي وتقديري لكِ

[عهود]

صبـ الخيرات ـاح



اني الصراحة قبل سجلت في المطبخ الليبي ع اساس نستفاد وبس
اختي العضوة سيما مسجلة في المطبخ هي الى اعطتني الرابط
لاكن بعد استفدت هلبة ووخيتكم عهود كان تطيبيها بالهون ومن المطبخ تعلمت وزوجي قاللي مشاءالله عليك بدي تطييبك بنين و ياسلام عليه
قلت والله اني مانتحشم ع وجهي ;) المفروض كيف نستفيد من المطبخ اللليبي واستفدت منهم
نفيد بأي شي نقدر عليه ولو بكلمة شكر
منها قررت الاستمرار ونحاول نعطي ولو جزء بسيط والى نقدر عليه لحبوبات تعلمت منهم الطبخ

والشي الثاني لقيت مشاءالله احترام وحب بين العضوات نفس الشي الى كنت ملاقيته في المنتدى الاول وارتحت فيه


ربي يحمي المطبخ الليبي من اي شر او اي يد تحاول التطاول عليه ويبعد عليه كل آذى

مانبيش تصيرلي عقدة من النت باكمله

[sweet nona]

صباح الخيرات اخواتي العزيزات

عهود

اهو كسبنا احلى مصممة واخت نتشرف بيها بيناتنا وان شاالله ترجعي ثقتك افضل من قبل وهالمرة جهدك يستمر

وصااااااااااااااال تسلمي حبيبة ونورتي ونستنى فيك

لوتي ياغالية اهلين واحلى صدفة معاك واحني اخوات مع بعض هههه واكيد قلوبنا زي ربي يدوم المحبة

وان شالله ليبية المانع خير كلنا فقدناها

ام سحورة شكراا ليك واكيد استفدنا منك ومن نشاطك ماشالله وصفاتك ووجودك في المنتدى بصمة اثرت فينا

شكراا ليكم يابنات وديما اخوات

[الصابرة]

السلام عليكم
انا قصتي زي اي قصة مشتركة في منتديات هلبة لكن كلهن على الكروشيه
لكن كان دائما خاطري في منتدى ليبي ايش ماكان يكون فاشتركت في منتدي ومعجبنيش لقيتهم كل واحد يغني على ليلاه لقيت غير اني دمي محروق فسيبته
وانا من عشاق المطبخ ومن عشاق منال العالم
لكن اساسي في الطبخ الحمدلله لوحدة ليبية قريبتي حببتني فيه
وبعدين تحصلت بالصدفة على كتاب المكيال البسيط
لاختنا الليبية سالمة الكرغلي
لكن كان ديمة خاطري في منتدى ليبي نكونوا فيه وخيات واخوات بغض النظر عن مهما كان اتجاهك
المهم في الاخير اننا كنا ليبين ومسلمين
فمرة قلت خليني نبحث في جوجل فلقيت المنتدى
خشيت شوي وقتها الاخت زينب دايرتلا ايقاف سجلت فيه لكن ماباش يفتح
كان نذكر عشان قصة الشات او حاجة زي هكي مانقوللكمش قديش احبطت
لكن بعد فترة صديقة لي صديقة للمرحومةسمحة حكيتلها عليه فقلتلي عليه فقلتلها مسكر قالتلي لا راهوا فتح وفعلا فتحت ومن بعدها عشقت غرامك ياااااااااااااااااااااوطن
سامحوني اطلت عليكم

[sweet nona]

الصابرة ياعسل

الله يرحمها السمحة ويغفرلها

شكراا لمشاركتك في الموضوع ونورتي

[المروالوردي]

السلام عليكم

منورة ياحبوبة على المواضيع النويشطة والنويزكة

أنا عاجبتني الاخت زينب من زمان نتابع في مشاركاتها وبالصدفة شفت اسم المنتدى فخشيت

طول وسجلت وبعد كم يوم وقف المنتدى فترة , وبعدين انا سافرت لليبيا وماكانش في نت

وبعد ما جيت بفترة بعثتلي الا خت زينب ايميل وتجدد الاشتراك والحمد لله , ولحد الان انا

من المستفيدات والمشجعات فقط لان عندي مشكلة في تنزيل الصور للجهاز واللي ان شاء الله

حتنحل قريبا ,, معليش طولت عليكم ,, مشكوره مرة ثانية ومزيدا من المواضيع الرائعة .

[المروالوردي]

*****

[المروالوردي]

*******

[om_adnan]

قصتى مع المنتدى ,بعد الاستعانة بصديق للتذكير-سلفتى-,اتذكرت كنت معجبة بأكلات زينب ,كنت كل ما نحكى مع أصحابى نحكى على زينب وعمايلها وإبداعها,مجرد نشوف اسمها انتوقع حاجة حلوة,وفرحت لما قالت لى سلفتى على المنتدى,يعنى انا معجبة قديمة بس هذا وين اشتركت.

[ام عبسي]

السلام عليكم
اني صح مالياش الا يومين مشاركة بالردود فقط
مع ان اشتراكي ليه فترة ولاكن من حبي للمنتدى ولخواتي اللي فيه
وبصراحة بنحشر نفسي في كل شي لين انتعلم كيف انزللكن المواضيع
ونبي انتعرف عليكن اكثر لأن ليافترة طويلة واني انخش كازائرة وتعجب فيا
مواضيعكن وترتيبكن وكل شي في هالمنتدى وماقدرت انقاوم انتفرج وانطلع بدون ما نرد عليكن
ومرات اندير حاجة في بيتي انقول ياريتني نعرف كيف انخش بيش انوريها ليهن ويقولن شن رايهن فيهالين اختي دارتلي ايميل وعلمتني
كيف انخش واختي المغتربة 7 كانت اول المستقبلات بارك الله فيها وفي باقي الاخوات
وبصراحة عرفت المنتدى من الاخت زينب محمد كنت اندور في اكلة ليها ريتها ع السريع
في منتدى لكي وعرفتها انها ليبية وبصراحة افتخرت بيها بين اخواتي العربيات لان اكلاتها
كانت حلوة والكل يسأل عليها وفخورة بيها لانها عرفت بأكلنا الليبي الحلو لأخواتنا العربيات
المهم كتبت في القوقل اسم الاكلة يتبعها زينب محمد فطلعلي المطبخ الليبي لزينب محمد
وطبعا من الفضول ما اقدرت انشد روحي وخشيت وحسيت روحي فعلا بين هلي مش كيف المنتديات
الاخرى وتمنيتكن جاراتي بيش انشوفكن كل يوم وعلى فكرة رسمت لكل وحدة منكن شخصية في بالي
انسيت انقول ان حتى اختي المصراتية اذا كانت هي نفسها ريتلها اكلة الميني ساندوتش في هذاك المنتدى وطبقتها وطلعت حلوة

سامحني علي كثرة كلامي والله من كثرة حبي لكن في الله

[barney]

السلام عليكن ورحمة الله وبركاته
اني قصتي نفس قصة سويت نونا بالضبط حتى اني سبب دخولي للمنتدى ابنية بوهاااااااااااااااااااا اتنق عليا غير خشي للمنتدى غير شوفيه وبعتتلي الموقع عالايميل بعد عشرين الف نقه ونقه قررت انخش للمنتدى والقيت اللي اندور فيه من اللمه ومن الطبخ اللي ايهبل ومن الاحترام والاسلوب الراقي قعدت نحلم بيه والله نحلم بيه وانراجي في الصبح امتى ايصبح بيش نجري ونفتح عالموقع ومش غير هكي عبيت مذكراتي وكل اكله باسم اللي طيبتها والمنتدى مش حبيته بس عشقته و اول وحدة لفتت انتباهي في المنتدى بعد زينب محمد سويت نونا وماكنتش نعرف انها اخت بنية بوها الا مؤخرا من ابنية بوها ومطبخي تعمر من طبخه لطبخه وزوجي يعجب بطبخاتي وخاصة الحلو لاني كنت ما انحبش انديرة لكن من المنتدى قعدت اندير في الحلو وثلاجتي ما تفضاش منه
ونشكر بنية بوهاااااا الغاليه وايسلملها ابنيتها وهذا جميل داراته ابنية بوها فيا مستحيل ننساه