[ الطباهج الليبي في الفرن ] من مطبخ لوبا

[luba]

السلام عليكم ورحمة الله وبركاته



http://www.libyan-kitchen.com/gallery/images/li.gif





قلت يالله هدا الاسبوع للبدنجان ونزلت بيه قبل اكله وراجوني في تنزيل المكدوس بعد يطيب

وقلت ماليك الا الطباهج ونوري الغاليات طريقتي

وياالله بسم الله


بطاطا مقطعه جوانح وغليظه شويه - بصل جوانح - كوسه دوائر - وقرعه مربعات

-و بادنجان مقطع جوانح وعليظ شويه هدا كله نقليه في الزيت ونحطه في طاجين الفرن


http://www.libyan-kitchen.com/gallery/images/img0000029.jpg


http://www.libyan-kitchen.com/gallery/images/img000vrv.jpg

طبيخه الطباهج :زيت شويه بكل لانه الخضره المقليه فيها زيت ونحمس فيه توم


http://www.libyan-kitchen.com/gallery/images/img000wvw.jpg




ونضيف عليه الطماطم الاخضر مقطع مكعبات - بصل اخضر ( اختياري ) - لحم دجاج ( اختياري )-

كرويه ( اختياري ) هريسه عربيه - كمون حوت - وشويه حرارات - فلفل احمر بودره- فللفل اخضر روس

- وملح - طماطم حكه - بزار ( كله كي ماتحبي وتبي )وماتكتروا ماء يدوب يغطي اللحم


http://www.libyan-kitchen.com/gallery/images/img000kck.jpg


ونخليه يغلي قريب ربع ساعه اداكان لحم دجاج وادا لحم احمر نص ساعه او اكتر شويه


http://www.libyan-kitchen.com/gallery/images/img000uuu.jpg



نصب الطبيخه علي طاجين الخضرة المقليه ونغطيه بالسلفر

http://www.libyan-kitchen.com/gallery/images/img000xtx.jpg


http://www.libyan-kitchen.com/gallery/images/img000uku.jpg




ونحطه علي الرف الاخير القريب من النار والنار قويه في البدايه وبعدين متوسطه حوالي نص ساعه


وادا الميه اللي صبيتيها هلبه خلي الطاجين مفتوح بعد ربع ساعه

ونحمروه بعد تختر الطبيخه

ان شاء الله تعجبكم


http://www.libyan-kitchen.com/gallery/images/img0000030.jpg



http://www.libyan-kitchen.com/gallery/images/img000fif.jpg

[نسيبة]

وعليكم السلام و رحمة الله و بركاته
تسلم الايادي اضافة الدجاج والبصل تغير لان الطباهج لا يوجد فيه الانثين لوبا طاجين يفتح النفس لك تقييمي

[شروق الشمس]

طباهج جديد و شكله لذيذ
الله يسلم دياتك
و صحتين عليكم

[luba]

عزيزتي نسيبه ماني عارفه ممكن البصل صح كلامك بس انه في الفرن وباللحم
كلنا هكي يعني عمامي خوالي مع انه كل واحد من عيله مختلفه وبعاد عن بعض
نفس الطريقه الا البصل وشكرا لمرورك الحلو

[luba]

الله يسلمك ياشروق ومايحرمنا من طلتك

[مغتربة 7]

http://www.libyan-kitchen.com/gallery/images/img000fif.jpg


يميييييييييييييييييييييييي
بسم الله ماشاء الله
طباهج ايجي فى الخاطر حبيبة
تسلم الايادي
الى التقييييييييييييم طول:)

[Om Amory]

تسلم الأيـــــــــــادى يالغلا

[luba]

غروبه شكرا علي التقييم كللك دوق
وام عموري الله يسلمك ياغاليه

[أسماء القائد]

ماشاء الله شكله يسفه ..أول مرة انشوف طريقة الدجاج فى الطباهج ...أندير في الحوت مرات ...بس طريقتك جديدة أكيد حانجربها ولكى تقييييمي ...

[om_adnan]

طباهج درجة أولى,سلم ايديك يا لوبا.

[barney]

ماشالله تسلم ايدياتك طباهج ايسهف

[أم خديجه]

ما شاء الله لوبا
طباهج ايجوع
تم التقييم ان شاء الله

[luba]

بارك الله فيكم علي التشجيع والردود الحلوة والتقييم

[بنت الاشراف]

سلمت يداك

[عهود]

امممم مشاءالله طريقتك متع الدجاج جديدة عليا
مشكورة يسلموو الايدين

[الساجدة لله]

تسلم الايادي غالية

فكرة جديدة عليا فكرة الطبهاج بالدجاج الحق نعرفه ديما مرافق للسمك

ماشاء الله افكار ووصفات جديدة تعلمتها من المنتدى

غاليتي موضوعك يستحق التقييم

[luba]

بنت الاشراف وعهود وسجودة فرحتوني بمروركم وكلامكن الحلو وشكرا للتقييم

[الصابرة]

طبهاج يسهف بس حبيبة احنا عندنا نعرفوه طاجين دجاج او حسب نوع اللحم والطبهاج مش هكي
المهم انه شكله ايجي في الخاطر والنية سلم دياتك ولك تقيييييمي و احلى نجمات

[المروالوردي]

http://4upz.almsloob.com/uploads/images/www.almsloob.com-87004f52ee.gif

[لبنى]

ما شاء الله طوجين ايسهف

[آمال]

ماشااااء الله عليك
سلمت وسلمت يداك

طبق اشهي بالفعل
وذكرتني بسر طبخي للطباهج
سوف اضعه في سر الطبخ

[بنت حواء]

ماشاء الله طباهج يشهههههههي
تسلم يديك وصحة وهنا
ولك أحلى نجووووووم

[نسمه ليبيه]

ياربي سلمها هى واطباقها
فكرة اضافة الجداج للطباهج جديده عليا

وان شاء الله جارى التطبيق قريبا

[luba]

اهلين بيكم نورتوا الموضوع بارك الله فيكم
عزيزاتي بالنسبة لينا هدا الطباهج المعروف عندنا مش طاجين
اني نشوف في طرق الطباهج اللي اهني ولقيتها مش كيفي
واول مرة نشوفهم او حتي نسمع بيهم ومش بيتنا بس هلبه هكي كيفنا

[زوبة الطيوبة الحبوبة]

ماشاء الله مبدعة دائماً يسلموا هالايدين ولك احلى تقييم

[أم العبدين]

يسلموووووووووو :)

[luba]

شكرا لمروركم يالغاليات اسعدتوني ونورتوني

[ام عبسي]

تسلم ايدياتك اصلا ديمة اكلاتك طيبة وحلوة كيفك
وان شاء الله انجربها وليك احلى تقييم

[المصراتيه]

ماشاء الله طباهج يشهههههههي
تسلم يديك

الي التقيييييم