[نصيحه] لاترمي العجينه ادا نسيتي البكنج بودر

[luba]

http://www.libyan-kitchen.com/gallery/images/zvz.gif




السلام عليكم ورحمة الله وبركاته


عزيزاتي بالامس درت كعك ملون وبعد تميت العجن وتوزيع الالوان نسيت البكنج بودر


وقريب عيطت واتصلت علي اختي الكبيرة وقلتلها نسيت البكنج بودر ماالحل ؟


الحل انك تعجني نصف المقدا ر العجين السابق ( يعني لو عاجنه

مقدار من الاول تعجني نصفه مقدار جديد) ويكون البيكنج

بودر في العجينه الجديدة مقدار ونص ( يعني مقدار الاول

اللي نسيتيه ومقدار العجين الجديد اللي زدتيه يعني

بيكون في العجين مقدار ونصف من البيكنج بودر )


وناخدي تفردي العجينه الاولي اللي بدون وتفترشي فيها

العجينه الجديده اللي بالبكنج بودر


ودخليها بالاصابع يعني تغرسيها غرس في العجين

( ان شاء الله فهمتوا عليا )


ولا تسبكيها سبك لانه الحلويات لاتسبك والنتيجه رووووعه

وجاني يهبل وبارك الله في اختي وارزقهاالولد الصالح

السليم يارب دارتلي حل

وقلت زي مافادوني انفيدهم تستاهلوا


واي سؤال تفضلوا

هدي صورة الكعك اللي صلحته والحمد لله بنه روعه وشكل

وهدي طريقه الحبوبه خدوج في الكعك الملون

http://www.libyan-kitchen.com/gallery/images/img000oco.jpg

[مسعودة]

فكرة رائعة الليبيات فالحات

[مغتربة 7]

فكرة رائعة
بارك الله فيك حبيبتي لوبا
وان شاء الله فى ميزان حسناتك
لاتنسي تنزلي الكعك:)

[barney]

بارك الله فيك فكرة رائعه اعزك الله

[luba]

بارك الله فيكم يالغاليات واني قبل درت كعك خدوج الله يحفظها ونزلته
وعاوته تاني و نسيت البكنج بودر ولقيت الحل بدون مانرمي العجينه وان شاء الله انزلها حاضر

[sweet nona]

فكرة مشكوووووووووووورة لبنى

[الساجدة لله]

تسلمي على الفكرة المفيدة غاليتي

[luba]

سوسو وسجودة مشكورات علي المرور وفيكم بارك الله

[الصابرة]

نصيحة مش عادية مشكورة وخيتي لوبا

[ترهونيه حره]

فكره حلوه باراك الله فيك

[لوتي]

تسلمي لوبا علي الأفكار الحلوة وربي يرزق أختك الولد الصالح البار بيها اللهم أمين

[أم عدى]

شكرا لوبا علي الأفكار الحلوة

[luba]

بارك الله فيكم علي المرور وربي يعطيكم الصحة

شكرا لوتي علي الدعوة اللهم امين وربي يفرحنا بيك

[المصراتيه]

فكره رائــــــــــــــعه
بارك الله فيك وفي اختك

[om_adnan]

وعليك السلام....محلاها لما تلقى حل , والحمد لله اتذكرتى قبل ما اتطيبي,سلمها وسلم اختها,والنتيجه مضمونه بدليل الكعك,سلم إيديك وإيدين خدوج.

[luba]

الله يسلمكم ونورتوا الموضوع ربي يدوم علينا اللمة الطيبة بارك الله فيكم

[أم خديجه]

مشكورة لوبا
وبارك الله في اختك وان شاء الله ربي يرزقها ما تتمني

نصيحه رائعة

[luba]

بارك الله فيك ام خديجة ياااارب امين شكرا لدعواتك