[ المكدوس ] من مطبخ لوبا

[luba]

http://www.libyan-kitchen.com/gallery/images/qlq.gif


السلام عليكم ورحمة الله وبركاته

المكـــــــــــــــــــــدوس



http://www.libyan-kitchen.com/gallery/images/img0000039.jpg



نقدم اليوم ليكم المكدوس ولاول مرة نديرة في حياتي وان شاء الله حيعتمد
عندي في البيت من بعد النتيجه اللي تحصلت عليها
نشكر صديقه ليا ويسلم ايدين امها اللي دوقوني المكدوس السوري ولكن هما ليبيين
ومنها قررت لازم نديرة ونغير الفكرة السيئه
اللي خديناه عليه من شراء الواتي

المكونات :

بادنجان نوع صغير او متوسط - ملح - زيت زيتون - هريسه عربيه

اومن المحلات اللي يصنعوها في البيت - فازو زجاجي

نرفع راس البدنجان باليد بدون استعمال السكين


http://www.libyan-kitchen.com/gallery/images/img0000024.jpg




نغسله وندير فيه شق في المنتصف ومايوصل للجهه الاخري بعدين بنحشوه



http://www.libyan-kitchen.com/gallery/images/img000vyv.jpg



نحطه علي النار ونحط عليه تقاله عشان مايطفو فوق ونخلوه من 20 الي 30 دقيقه

نضغط عليه بصوابعي كان قريب مسيتي القلب ولقيتيه رطب شويه يعني طاب


http://www.libyan-kitchen.com/gallery/images/img000dld.jpg




نغسله بالميه الباردة عشان قلبه يقعد ابيض مايسود ونخليه ينزل الميه ويبرد علي الاخر

http://www.libyan-kitchen.com/gallery/images/img0000025.jpg



http://www.libyan-kitchen.com/gallery/images/img000uyu.jpg



بعد يبرد نحشيه في مكان الشق اللي درناه بملعقه صغيرة ملح علي طول الشق


ونردهم للصفاي ونرش عليهم من بره ملح

http://www.libyan-kitchen.com/gallery/images/img000ere.jpg





http://www.libyan-kitchen.com/gallery/images/img000ueu.jpg


http://www.libyan-kitchen.com/gallery/images/img000sis.jpg


ونخليهم في الصفاي ونحط عليهم منشفه ونحط عليهم تقل اني حطيت حوالي 7 كيلو ونخليهم يومين او تلاته
وتشوفي الصحن من تحت كل مرة تفرغي الميه اللي تحت الصفاي لين تنتهي ماعاد يطلع تاني

http://www.libyan-kitchen.com/gallery/images/img000aka.jpg




ونحشيهم بالهريسه في مكان الشق ونحطهم في فازو ( برطمان) نظيف زنستفهم كويس ونغمرهم بزيت الزيتون


http://www.libyan-kitchen.com/gallery/images/img000tet.jpg

ونخليها لمده ساعات تحتها صحن عشان تخرج منها الفقاعات الهواء ونسكر عليها ونحطها في دولاب او اي مكان بارد
لمدة لاتقل عن 8 او 10 ايام
شن رايكم تراجو معاي 10 ايام وتشوفوا النتيجه

http://www.libyan-kitchen.com/gallery/images/img000mzm.jpg

وبعد 10 ايام من الصبر والمراقبه والخوف

وتعالي دوقي البنه الرهيبه والحمد لله غيرنا الفكرة السيئه وان شاء الله دوم نديره
ارجوا التطبيق وان شاء الله مش حتندموا






http://www.libyan-kitchen.com/gallery/images/img0000039.jpg



http://www.libyan-kitchen.com/gallery/images/img000srs.jpg


http://www.libyan-kitchen.com/gallery/images/img000xjx.jpg

[sweet nona]

http://www.libyan-kitchen.com/gallery/images/img000srs.jpg

لبونة مممممممممم

شن هالمنظر اللذيذ شوفتيني الصراحة

عمري مادرته وانشوف في طريقته هلبا بس خايفة انجربه

ولا شكل الهريسة العربية ماشالله صحتين علي أكل هالصحن

تقييم 5 نجمات لعيون المكدوسات

معنديش صبر نستنى 10 ايام ههه

بس مادام النتيجة هكي باذن الله انجربه

[sweet nona]

http://www.libyan-kitchen.com/gallery/images/img000mzm.jpg

كافهمتش لهني..كيف انحط الصحن هيا مش في فازو وبعدين مش مغطيتيها

..وكم نسبة المية فالاول ياريت اتجاوبيني لولو

[مغتربة 7]

بسم الله ماشاء الله
شن هاالجمال يالوبا
الصراحة مكدوس ايجي فى الخاطر ماعمري ما ضقته لكن نعرفه
تسلم الايادي الى تلتف بالحرير
الى التقيييييم طول
جاري التطبيق

[أم ميوسة]

لوبا شن الفن هادا كله

تعرفي خاطري موت نجرب المكدوس

باللوز الخزايمي والهريسة العربية

وانتي شجعتيني

والطريقة اللي في راسي تشبه طريقتك

ومنك استوضحتها اكثر

تسلم ايدياتك لوبا

بصراحة مكدوسات مش عاديات

ياريته الصونية قدامي بس

خيرك عليه اليوم هههههههه

احلى نجيمات للوبا الحبوبة

[ميرولاكى]

يهبببببببببببببببل تسلم ايديك
نحبه المكدوس وشكله ماشاء الله
صحتين والف عافيه
وممكن تضيفيله الجوز فى الحشو

[ام سحر]

مكدوس يجي في الخاطر قداش نحبه نموت فيه
الله يسلم ايديك وصحتين على قلوبكم

[luba]

سويت تغطيه بالزيت مش الميه وتخلي تحته صحن لوكان معبي لفوق . رايتبزع الزيت لما يتفرغ منه الهواء وتسكري عليه وتحطيه في الدولاب اني كلهم 4 بدنجانات هدا مالقيت حجم صغير ومتوسط تغطيه زيت لحد ماعاد يبان بادنجان علي برة

[luba]

بارك الله فيكم علي التشجيع جربوه ان شاء الله ماتندموا وتعتمدوه في بيوتكم

[بنت الاشراف]

يسلموا ايديك ماشاء الله

[luba]

شكرا لمرورك بنت الاشراف بارك الله فيك

[شروق الشمس]

ماشاء الله شو هذا يالوبا
لالا معليش حولي الصور لو سمحتي هذا عذاب *_^
الله ايسلم دياتك
المكدوس ايجنن بصراحه

[luba]

شكرا علي الاطراءالحسن ومرورك الرائع ياشروق

[om_adnan]

ماقصرتى لوبا شرح مفصل بالخطوات ,صحتين المكدوس ,ليك أحلى تقييييم.

[بنت حواء]

ماشاء الله على المكدوسات السموحات ياربي نجيهم
تعرفي من فترة وأنا نبي نجربه ومترددة لأني نحس في الحكاية بتعطل
وخصوصا اللي شايفته كمية كبيرة وباللوز الخزايني (عين الجمل) وأنا منحباش
لكن توا بعد درتيه بالهريسة الليبية بس سهفتيني وخاطري نجربه
سلم يدياتك.................. وأحلى تقييم

[luba]

تسلمي ام عدنان علي المرور وبارك الله فيك
بنت حواء زيك كنت خايفه وديمه مترددة وقلت اول مانصنع الهريسه الا نجربه بكميه قليله جدا
والصراحه ماحشيتهم هلبه خايفه يطلع مش كويس والهريسه تعدي فيها ماحصلناها الا بعد وين
جربي وكتري ملح من برة وداخل وان شاء الله تلقيه روعه وومش حتندمي
وشكرا لمرورك

[ريكا]

ما شاء الله عليك يسلم ايديك وانى عمرى ما جربته لكن طريقتك وشرحك شجعنى انديره ولكن مستغربه فى حاجة انتى درتى 4 بادنجانات وحطيتى فوقهم 7 كيلو باهى هالى لقيتيهم مسكينات وباهى كان بندير اكثر مثلا 20 بادنجانه كم كيلو نحط فوقهم:confused:.

[أم خديجه]

ما شاء الله مكدوس متقن
ربي يسلمك ويعطيك الصحه لوبا
جاري التقييم

[luba]

ام خديجه وريكا الله ايسلمكن ريكا عادي اني هنا نبي ندير حتي توازن في التقل عادي عندي صاحبتي يديرو 50 طرف ويفرشو كل 15 طرف يحطوا بينهم قماش كتان واخر طبقه يحطوا عليها برميل 20 لتر وفي الوزن لتصفيه الميه هكي اسرع في منهم مايديروا في وزن لكن يطول في التصفيه وبيش ينجح المكدوس يجب يكون مافيه اميه نهائي لما حولت التقل لقيتهم كيف الورقه وماعاد تخممي علي الميه

[أسماء القائد]

الله الله روووووعة تسلم إيدياتك ...نحبه بس مافكرتش إنديره جيرانى سوريين وإديروا في كمية كبيرة مخزون الشتاء ويشكلوا باللوز الخزاينى وكمية بالكاكاوية وهريسة بنته وريحته فضييييعة ....

وهالمكدوسات تأكلوهم بالصحة والهنئ

[luba]

الله يسلمك سمسم ماتخلي جيرانك لين يعلموك اصوله وخبرينا

[الصابرة]

ماشاءالله تبارك الرحمن
مكدوس يهبل وزي الطريقة الاصلية ناقصه جوز بس ويقعد كانها سورية دايراتها
سلم دياتك حبيبة ويعطيك الف عافية يارب احلى نجوم كان مشن

[المصراتيه]

http://www.libyan-kitchen.com/gallery/images/img000xjx.jpg



يا لوبا حرااااااااام عليك
معقوله هكي واني انموت في حاجه اسمها بادنجال وزايدها زايد هريسه حوش وزيت زيتون
ماشاءالله
الله يعطيك الصحه بصراحه الطعمه في فمي يهببببببببل
خايف تبعتيلي منها علفيدكس
تستاهلي 5 نجوووووووم

[تعزيز]

يممممممممممممممم والله بشهي بشهي تسلم ايدك
صحة وعافية

[أمـ ساره]

بسم الله ماشاء الله

مكدوس ايهبل ويجي في الخاطر وشكل الهريسة مش عادية

سلمت ايدياتك الحلوة لوبا

وسلم جارتك الي وراتك الطريقة واستفدنا منك ومنها

بالهني والعافية على قلوكبم حبيبة

وتستحقي أحلى النجيمات بس التقييم مايبي يمشي خسارة

[ام ميرال]

يعطيك الصحه رووووووووعة بصراحه شجعتينا نجربوه
احلى تقييم لعيونك

[نسيبة]

يسلمو الأيادى حبوبه

[المصراتيه]

نبي منها هريسه الحوش

[luba]

اهلين بالغاليات نورتوا الموضوع
ربي يبارك فيكم ويف صحتكم

ميمي كان تجيني زيارة انديره ليك تعالي سياحه
ومانيش عاطياتك هريسة لين تجي ;)

[امة الله]

واللهى انى جدا سعيدة وفرحانة انى لقيت فى ها المطبخ الرائع المكدوس تسلم ايدياتك وبارك الله فيك بس نبى نعرف نقدر نستخدم زيت الزيتون

[زوبة الطيوبة الحبوبة]

ماشاء الله شكله يهبل يسلموا أيدياتك ..

[luba]

واللهى انى جدا سعيدة وفرحانة انى لقيت فى ها المطبخ الرائع المكدوس تسلم ايدياتك وبارك الله فيك بس نبى نعرف نقدر نستخدم زيت الزيتون


اهلين حبيبتي نورتي الصفحة وانت الرائعه بوجودك معانا

اني هنا مستخدمة زيت زيتون بس

ولو تقصدي درة مش عارفه هو اطيب بزيت الزيتون

نعرف عائلة ادير في كمية كبيره هلبه يخلطوا في زيت الزيتون بشوية ذرة

بس اهني اللي مستعملاته زيت زيتون فقط

[luba]

اهلين بزوبه الطيوبه الله يسلمك ويخليك

[luba]

للرفع

[سومه نونا]

تسلم ايديك مشاء الله لكن حتى بالمكسرات يهبل

[نسمه ليبيه]

نحساب روحى معلقه عالموضوع ثاريتنى مش معلقه

لانى جربته وطلع روعه

يسلموا ياربي

[luba]

تسلم ايديك ماشاء الله لكن حتى بالمكسرات يهبل



الله يسلمك اسعدني مرورك

[luba]

نحساب روحى معلقه عالموضوع ثاريتنى مش معلقه

لانى جربته وطلع روعه

يسلموا ياربي



اهلين نسومه
الحمد لله نال اعجابك وفرحتيني بتطبيقك
الله يسلمك ويسعد قلبك نورتي الموضوع

[كيميائيه]

ههههههه حتى انا نحساب روحى معلقه طبعا شهادتى مجروحه
http://im35.gulfup.com/IVJ27.gif (http://www.gulfup.com/?GcNE1P)