[ المكرونة الشعرية بالبصلة ] من مطبخ ام سحر

[ام سحر]

http://im27.gulfup.com/2012-05-14/1336968668507.gif (http://www.gulfup.com/show/Xrnhrewyekr48s)

المكرونة الشعرية من الاكلات المفضلة عند الكثير منا وتتحضيرها ما يختلفش هلبة على رشدة الكسكاس وقريبة حتى في الطعم
نبدوا بسم الله
لحم حسب افراد العائلة زيت وطماطم حمص وفلفل وبزار وملح وحرارات مشكلة وبصل مقطع جوانح
يوضع مقدار من الماء في طنجرة الكسكاس حتى يغلي ونحط عليه اللحم والزيت والطماطم والدباير كلها
http://im27.gulfup.com/2012-05-14/1336968667921.jpg (http://www.gulfup.com/show/X2aygo8fjnwg0g)



في الكسكاس نحط الحمص من تحت ونحط عليه البصل بعد رش شوية ملح عليهونخليه يبوخ لين يطيب

http://im27.gulfup.com/2012-05-14/1336968668792.jpg (http://www.gulfup.com/show/Xrnhlc6zp1lw4c)

ناخد طنجرةة تانية وحط فيها البصلة ونحط عليها مرقة اللحم وشوية قرفة وسمن وعلى النار لمدة ربع ساعة وتنزل
http://im27.gulfup.com/2012-05-14/133696866843.jpg (http://www.gulfup.com/show/X6wvel1slzc62)



نكسر المكرونة ونحطلها شوية زيت لمنع الالتصاق ويبوخ لمدة ربع ساعة وتقلب في صونية واسعة شوية تسقيها بمرقة اللحم ونحطلها شوية زهر وقرفة وسمن حسب الرغبة

http://im27.gulfup.com/2012-05-14/1336968668144.jpg (http://www.gulfup.com/show/X2aygwnsp3itck)




ونرجعها على الكسكاس لمدة نصف ساعة يعني لين تتطيب ونزلها ونحلها ونسقيها شويةة بمرقة اللحم وبعدين البصلة
http://im27.gulfup.com/2012-05-14/133696866895.jpg (http://www.gulfup.com/show/Xrnhp0hbvyrk4s)




http://im27.gulfup.com/2012-05-14/133696866816.jpg (http://www.gulfup.com/show/X2ayh6sybx4ysw)

وتاكلوا بالهني

لكم تحياتي

[أم ميوسة]

http://im27.gulfup.com/2012-05-14/133696866895.jpg

رشيدة محلاها

تجي في الخاطر

أنا نموت فيها المكرونة الشعرية

نحبها اكثر من رشدة الكسكاس

وأول رد ليا معناها الصونية ليا

جتني على قيس النية

وشكلها من تحت يدياتك روعة

تسلم ايدياتك حبيبة

وتستحقي التقييم أكيد

[luba]

بسم الله ماشاء الله تسلمايديك وربي يخليلك سحورة

[om_adnan]

سلم ايديك أم سحر,صحتين وعافية,سؤالى ليش تبويخ البصل,حسب الفكرة اللى عندى فى العزايم لما يكون مقدار كبير؟

[لوتي]

ماشاء الله عليك ياأم سحر أني إنحب الشعيرية منظرها روووعة تسلم إيدياتك تستاهلي التقيييم

[شروق الشمس]

ماشاء الله امكرينه اتشوف
الله ايسلم دياتك و يعطيك الصحة

[مغتربة 7]

http://im27.gulfup.com/2012-05-14/133696866816.jpg

يمييييييييييييييييييييييييييييييييي
بسم الله ماشاء الله
شن ها الرعايش ياام سحر
مكيرينة تهبل واتجي فى الخاطر
تسلم الايادي
تستاهلي احلى تقيييييييييييييييييييم

[sweet nona]

المكرونة هيا معنديش الروح معاها

تسلم ايديك وشكلها جي في خاطري لاني انحبها موت

احلى تقييم

[أسماء القائد]

أم سحورة طريقتك زى طريقة طرابلس تختلف على بنغازى مع إنك مقيمة غادى أنا بصراحة مانحبش كيف إيدروا فيها اللحم ايطيبوا فيه على المية مرقة بيضا مع توابل الرز الصحيحة والبصلة بالتوابل بروحها ويمرقولها من المرقة امتع اللحم ..

ولما ايطيب اللحم ايحمروه في الفرن ..


تسلم إيدياتك منظرها رووووووووووووعة وأحلا تقيييييم

[ام سحر]

الله يسلمكم حبوبات نورتوا الموضوع بردودكم الحلوة
اسماء ماتنسيش اني من طرابلس في التطييب عندي دمج بين التقافتين الطرابلسية والبنغازية
منورات حبوبات

[القلب الصافي]

يسلموا إيديك

[الساجدة لله]

تسلم الايادي ياغالية شعيرية تجنن للامانة عجبتني

وتستاهل احلى تقييم