[ طلب ] أفكار للموز

[أم خديجه]

السلام عليكم

كيف اخباركم بنات

اخواتي نبي نستفيد من خبرتكن

عندي موز كميه كويسه وخايف يفسد قلت ماعندي غير اوخياتي
الي عندها اي طريقه نستغل فيها الموز
كوكتيل الحليب والموز اطفالي ما يفضلوشي واجد
اذا عندكم افكار كيكات او ما شابه
تسعفوني
وبارك الله فيكن

[luba]

اني ندير فيه مع الكيكات تقصيها اي نصفين الكيكه وتطرحي فيها دوائر الموز ترشي عليهم كراميل بالكاكاو تم تردي الطرف الاول علي الكيكه وتغطيها بكراميل الكاكاو يحبوها عندي اكتر من اي نوع تاني والكراميل حليب المحلي علي نارمتوسطه حتي يغلي اضيفي 1م ك كاكاااو وتهدي النار علي الاخير مع التحريك كل شويه وابحتي علي خبز بالموز انا اسمع عنه مانعرفه وديري فروبيه حليب اوخلطيه مع الكيوي دريهم عصير

[om_adnan]

تخلى الموز بقشرته حتى لايأخذ الرائحة وتضعيه فى الفريز .
الموز رائحتة قوية صعب اخائفها عالاطفال,ان شاء الله حنزللك طريقة كيكة الموز الجافة وتقدرى اتحطى الكيكة فى الفريز,.

[أم خديجه]

بارك الله فيك لوبا
ان شاء الله انديرها

[لوتي]

أختي أم خديجة جربي إتديري كوكتيل موز وحليب وضيفي معاه أيس كريم شوكولاته أو فانيليا أو أي نكهة يحبوها صغارك وممكن اتديريه عصير كوكتيل مع فواكه تانيات بحيت تغطي طعمتهم علي طعمت الموز وميحسوش بيه أني منحبش الفروبي من لما كنت صغيرة لكن مع نكهة الشوكولاته وليت نشرب فيه وجربي بيه بان كيك وحطيه عليه مع عسل أوشوكولاته بنته روووعة وممكن زي ما قالت أم عدنان إتحطيه في الفريز وتستعمليه في المافن أوكيك الموز إن شاء الله تعالى إنكون فدتك

[شروق الشمس]

الاخوات ام عدنان و لوبا و لوتي بارك الله فيهن جبولك افكار حلوة يمكن تستفيدي منها
و جبتلك روابط لكيكات للغاليات فدا و ام ايوب
ان شاء الله تستفيدي منهن

http://www.libyan-kitchen.com/kitchen/showthread.php?5179-%DF%ED%DF%C9-%C7%E1%E3%E6%D2-%E3%E4-%E3%D8%C8%CE-fidaa

http://www.libyan-kitchen.com/kitchen/showthread.php?2047-%E3%D4%C7%D1%DF%C9-%DD%ED-%E3%D3%C7%C8%DE%C9-%C3%CC%E3%E1-%DF%ED%DF%C9-%CA%E3%ED%D2%ED-%E6%C3%D3%CA%CD%DE%ED-%C3%CD%E1%EC-%CA%DF%D1%ED%E3-%DF%ED%DF%C9-%C7%E1%E3%E6%D2-%E3%E4-%E3%D8%C8%CE-%C3%E3-%D8%E5

[أم خديجه]

لوتي أم عدنان شروق الشمس
اصغاري ياكلوا في الموز بروحه والحليب بروحه يشربوا فيه
بس لما مع بعضهن و يختر معاش يعجب فيهم

وان شاء الله ربي يعطيكن اصحيحتكن وينجيكن

[om_adnan]

طريقة قلى الموز

المقادير

4 ثمرات موز صلب وليس ناضجاً أكثر مما ينبغي
4 أكواب زيت للقلي
بيضة مخفوقة
كوب إلا ربع ماء
كوب طحين
ملعقتان كبيرتان زيت
كوب ونصف سكر

[sweet nona]

ماشالله البنات ماقصرو ماخلو حاجة

بس اني من جربت طريقة السموثي بالفراولة والموز لام ميوسة

كل مانشرو موز انديره للصغار والكباروالضيوف روووعة عجبني هلبا

وخاصة توا فالصيف جربيه

[مغتربة 7]

ماشاء الله ياام خدوجة محظوظة بردود حبايبك
ماقصر حد:)

[أمـ ساره]

شوفي حبوبة

كعصير ممكن اتخلطيه مع الكيوي او الفروالة يجيك حلو

وبالنسبة للكيكات

ممكن اتخلطيه في الكيكة نفسه او زي ما ندير اني


نقصه دوائر او شرائح ونستفه فوق طاجين دهون بالعسل

وبعدها نصب فوقه اي خليط كيك عادي الباسطي يعني

ونطيبه في الفرن في حمام مائي وتمتعي باحلى طعم مش عادي

[أم خديجه]

تسلمي مغتربه 7

وان شاء الله ربي يرزقكن كل ما تتمنن

أم ساره

بارك الله فيك

[أم خديجه]

مشكوره ام عدنان
الموز المقلي مره في مطعم
روعه عجبني هلبه
بارك الله فيك علي الطريقه