[مشاركة في مسابقة أفضل طبق كسكسي]كسكسي بالحوت من مطبخ sweet nona

[sweet nona]

http://www.libyan-kitchen.com/gallery/images/fasel1.gif



http://www.libyan-kitchen.com/gallery/images/pyppyp.gif

المقادير:

كيس كسكسي

سمك بالكمية المطلوبة

تتبيلته[بصل مفروم+ثوم مدقوق+ملعقة خل+عصير ليمونة+كمون حوت+فلفل أكحل أو أخضر+ملح]

3 حبات بصل

4 قرورن فلفل أخضر+4 حبات بطاطا+3 حبات باذنجان

زيت ذرة

1 ملعقة من[كركم+كمون حوت+كروية+زنجبيل ناعم+ملح]

2 ملعقة معجون طماطم

الطريقة:

تبلت الحوت قبلها في الليل وطيبته فالكوشة بعد طلعت منه سمكتين للكسكسي


http://hh7.an3m1.com/Sep/an3m1.com_cb92278de61.jpg (http://hh7.an3m1.com/)


واستخدمت الحبة المتوسطة من الكسكسي


http://hh7.an3m1.com/Sep/an3m1.com_cb92278de62.jpg (http://hh7.an3m1.com/)

نرش على الكسكسي شوية مية وملح وزيت حوالي اقل من ربع الكوب

تكبر الحبة شوي بهالشكل

http://hh7.an3m1.com/Sep/an3m1.com_cb92278de63.jpg (http://hh7.an3m1.com/)

وانخليه 10 دقايق ايجف وانكون حاطة المية ومجهزة الكسكاس وانصبه

http://hh7.an3m1.com/Sep/an3m1.com_cb92278de64.jpg (http://hh7.an3m1.com/)

خديت السمكتين وحولت الشوك امتاعهم والراس والذيل

http://hh7.an3m1.com/Sep/an3m1.com_8efa6ab3591.jpg (http://hh7.an3m1.com/)

قطعت البصل جوانح وفي طنجرة فيها ربع كوب زيت ذرة حطيته

http://hh7.an3m1.com/Sep/an3m1.com_8efa6ab3592.jpg (http://hh7.an3m1.com/)

ومعاه السمك

http://hh7.an3m1.com/Sep/an3m1.com_8efa6ab3593.jpg (http://hh7.an3m1.com/)

بعد قليتهم شوي ضفت معجون الطماطم والبهارات والملح

http://hh7.an3m1.com/Sep/an3m1.com_8efa6ab3594.jpg (http://hh7.an3m1.com/)

ونحرك لين نقلي الطماطم مع البهار ويتغير لونه ويطلع الزيت

http://hh7.an3m1.com/Sep/an3m1.com_6b01879fdc1.jpg (http://hh7.an3m1.com/)

نصب المية كيف ماتبي المقدار امتاعك

http://hh7.an3m1.com/Sep/an3m1.com_6b01879fdc2.jpg (http://hh7.an3m1.com/)

الخضرة رشيتها بشووية زيت وملح وطيبتها فالكوشة

http://hh7.an3m1.com/Sep/an3m1.com_6b01879fdc3.jpg (http://hh7.an3m1.com/)

بعد تكونك طبقة من الدهان ايكون الكسكسي شبه طاب انسقيه بشوية من الطبيخة

ونصبلها الحمص الواتي وانغطي الطنجرة


http://hh7.an3m1.com/Sep/an3m1.com_6b01879fdc4.jpg (http://hh7.an3m1.com/)

ونعاود انحطه في الكسكاس لين ايطيب

http://hh7.an3m1.com/Sep/an3m1.com_703b8203f21.jpg (http://hh7.an3m1.com/)

الفلفل فتحته من النص ورشيته الملح وشوحته فالزيت هكي عندي فيه بنه زايدة

http://hh7.an3m1.com/Sep/an3m1.com_12375c64ef2.jpg (http://hh7.an3m1.com/)

وتوا كل شي طاب نبدا في تجهيز الصفرة

انصب الطبيخة والخضرة والحوت فوق الكسكسي


http://hh7.an3m1.com/Sep/an3m1.com_12375c64ef3.jpg (http://hh7.an3m1.com/)

وصحتين

http://hh7.an3m1.com/Sep/an3m1.com_12375c64ef4.jpg (http://hh7.an3m1.com/)

درت معاه شربة بالحوت وهادا كسيكسو بالحوت على قولت أم سارة

http://hh7.an3m1.com/Sep/an3m1.com_cbab0259fc1.jpg (http://hh7.an3m1.com/)


وكل وحدة فينا وطريقتها ويارب تعجبكم


**تقييمكم**
http://www.libyan-kitchen.com/gallery/images/fasel2.gif

[مغتربة 7]

http://hh7.an3m1.com/Sep/an3m1.com_cbab0259fc1.jpg

اه ياسويت عيونيييييييييييييييييييييييييييييي طلعووووووووووووووووووو وخديت السفرة كلها
شن انقول بس تبارك الرحمن على ايدياتك
كسكسي يهبل ماشاء الله وقعد فى خاطري
تسلم الايادي الى تلتف بالحرير
منورة بمشاركتك الرائعة
الى التقييييييييييييييييييييييييم طوووووووووووول

[مغتربة 7]

قيمتك انتي والموضووووووووووووووع تستاهلي والله

[om_adnan]

انا عزمت نفسى عند مغتربة,بصراحة ابداع وخصوصا الفليفلات ,صحة وهنا يارب,ليك أحلى تقييم.

[luba]

ماشاء الله تبارك الرحمان ولا حول ولا قوة الا بالله يعطيك الصحه وطووول العمر
سوسو يا سوسو شن درتي فيا وووك عليا عمري ماكليته
لازم نجربه اكيد الليله بنحلم بيه شرح واضح صور حلوة طريقه رااااائعه
طبعا قيمتك قبل مانشارك واحد يشوف هالجمال كله ومايحط الخمسه ماعنده دوووق بعدين
ومعاها قعدت ربع ساعه نتفرج راكبه نازله
قولي ان شاء الله وخيتك تصيد سمكات حلوات زي هدومه في رحله الصيد قريبا ونوريك تطبيقي
عمري لاكليته ولا درته

[luba]

غروبه 7 تميتي علينا كل الصحون اللي في المنتدي سادك
قريب تريحي 6 في 6 يالله اعزمي البنات معاك قوليلها يا سوسو

[مغتربة 7]

هههههههههههههههههههههه يعطيك الهني يالوبا
ماني نبي نقعد 6 فى 6 حق هذا علاش نازلة ليه ليه

[ندى]

سهفتيني بهل الحوتات والكسيكسو يعطيك الصحه وسلم الايدين

[بنت الاشراف]

ماشاء الله يسلموا ايدياتك يستحق التقييم

[ام سحر]

​حرام عليك تحطيلنا كسكي بالحوت طول..الطبق من احلى الاكلات عندي وما شاء الله جاي منك مش عادي وياخد العقل

الله يسلم ايديك وموفقة بادن الله وتستاهلي احلى تقييم

[أم ميوسة]

كسيكسو يقتل

وصفيرة تهبل

نحلف على بناويت المنتدى اليوم كلهم غداهم كسكسي

شن درتيلهم يا سويتي

رعشتيهم يا سويتي

تبعتي في الرجالة اليوم لسوق الحوت هههههههه

كسكسي ولا احلى وسفرة ولا احلى

احلى تقييم للسفرة وليك سويتي

موفقة في المسابقة حبيبة

[أوركيدا]

تسلم الايادي
مشاركة مميزة

موفقة في المسابقة ان شاء الله

[أم خديجه]

ما شاء الله سويت

الله يعطيك الصحه وينجيك

تم التقييم

[بنت حواء]

واااو ياسويت شن درتي فيا نموووت على الحوت والكسكسي بالحوت هبلتينييييييي
سلم يدياتك........... تستاهلي أحلى تقييم........... وبالتوفيق

[ريكا]

ما شاء الله عليك يسلم ايديك يا سويت شرح وافى حلوة فكرة الخضرة فى الفرن خير من القلى كل ما نقصنا الدهون كان الاكل صحى اكثر

[أمـ ساره]

ماشاء الله لاقوة الا بالله

كسيكسو ايهبل ويجي في الخاطر

شنو هالرعايش ياسويت قتلتيني وخيتي

قسما بالله الا جت فيه النية يعطيك الهني

مستاحشة الحوت اني اهيء اهيء اهيء

وين حوشكم خلي نجيك وديريلي زيه بالضبط خوه

سلمت ايدياتك الحلوة سويت ومشاركة مميزة كالعادة


والتقييييم قبل الرد لك وللموضوع الي يرعش


بس ياريتك كتبتي طريقتك تبع أي مدينة في ليبيا

[sweet nona]

صبااااااااااااااح الخيرات

شكراا لردودكم وتفاعلكم يابنات والله بالوحدة وان شاءالله ربي مايحرمني يااارب

مغتربة7,ام عدنان,لبنى,بنت الاشراف,ندى,ام سحر,ام ميوسة,ام خديجة,اوركيدا,بنت حواء وريكا,وام سارة

والله ردودكم ليا فرحتني وضحكتني واهم شي عجب اوخياتي وشكراا لكل من قيمتي وقيمت موضوعي

ام سارة ههه اوخيتي كل شي الا اتي عاد البيبي شن انديرولا عاد تطلعي فيه حاجة

ادللي واتفضلي في اي وقت مش بعاد على بعض في طرابلس مش حتريحي

[شروق الشمس]

ماشاء الله تبارك الرحمان
كسكسي ايهبل
الله ايسلم دياتك يانويشطة
ربي يحفظك و يبارك فيك
ربي يدوم عليك الصحه

[دانة ليبيا]

ربي يسلم هالايديات
شكل الكسكسي والحويتات والحضرة يهبلووووووا
سهفتييييييييييني اعطيك الهني

[sweet nona]

شروق الشمس صحيتي على الكلام الحلو

دانة ليبيا نورتيني ومشكووووووووورة

[الساجدة لله]

واوووووووووووووو اكلتي المفضلة الكسكسي بالحوووووووووت

ماشاء الله مميز ياغالية الكسيكسو ويهبل يهبل يهبل انا هبلت فيه

نبي حصتي مادخليش هههههههههههههه

اهو حدفتلك الخمسة تلقيهم واحدفي شوية كسيكسو ياسمح

[حاملة الورد]

ما شاء الله ولا قوة إلا بالله
تسلم إيديكي وبالتوفيق إن شاء الله

[أوركيدا]

تسلم الايادي
شكله مرتب واكيد الطعم في نفس المستوى
بس الحق كل واحد وطريقته
وطريقتك روعة


موفقة في المسابقة

[Om Amory]

ماشاءالله سفيره تفتح النفس

اليوم غداي كسكى بالحوت حتى انى هههه

تسلم الايادى