المساعد الشخصي الرقمي

مشاهدة النسخة كاملة : [فكرة] حفظ الثوم لعيون لوبا



الصابرة
05-15-2012, 11:13 PM
لعيونك يالوبا
بس من غير صور لان ماعنديش حاليا في الحوش ثوم
هناك فكرتين
الاولى..... نقشر الثوم ونبشره بالمبشره او في ست البيت
اكيد ست البيت خير بالذات لما اتكون الثومة هلبة
ونجيب ورق المونيوم {سلفر} ونقطعه صغير ونديره داب مانستحق
ونجطه في كيس ونحطه في الفريز
وناخذمنه كل مانبي وبدون ماندوبه في الحاجات الساخنة
والحاجات المسقعة مثل السلاطات انطلعه قبل الوقت

الثانية.....بعد البشر او الفرم نضعه في فازو {بتاع زيتون او مربى}ونضيف له
زيت وملح ونحفظه في الثلاجة من تحت يقعد مدة طويلة مش ح يصيرلا حاجة

هذه طرقي في حفظ الثوم
ايش الفرق بينهم
لما نبدى فاضية وبالي واسع ندير الاولى
ولما نقعد ماعنديش مزاج ندير الثانية
وان شاءالله نكون افدتك

أمـ ساره
05-15-2012, 11:21 PM
الله عليك وخيتي الصابرة

طرق حلوة وبسيطة سلمت ايدياتك

وان شاء الله المرات الجاية تكون بالصور

بس حبوبة ياريت تنتبهي لكتابة العناوين حسب الشروط

تم التعديل

luba
05-16-2012, 12:10 AM
نجيك ليا ياربي والله درتي فيا خير اكيد حتي غيري
بارك الله فيك وان شاء الله ربي يعطيك حتي يرضيك
ويحقق كل امانيك الطريقتين انبصموا في دماغي بصم
وتسلملي عيوووونك يارب وربي مايحرمنا منك ومن ابداعك يارب
الف شكر وجزاك الله كل خير علي كل حرف كتبتيه

sweet nona
05-16-2012, 12:46 AM
فكرة حلوة..امتاع الزيت اندير فيها

بس أكتر شي الحق انحطه من فرم

موفقة وتقييييييم

جاري التطبيق

مغتربة 7
05-16-2012, 02:50 AM
ماشاء الله عليك يا صابرة افكارك تهبل
دكرتيني لما كنت بنت هكي انديروا لكن الفرق عليك انحطوها فى حافظة كبيرة والحق هيا الثومة ما تجمدش يعني بسرعة تاخد منها وانردها

هني فى كندا ما ناخدش فى كمية كبيرة بس لوخديت يعني زيادة شوية انحطها زي ماهيا فى الفريز بقشورها
ولما نبي ناخد منها زي ماقتلك هيا ماتجمدش ناخد منها سنيين ونغسلهم على طول القشرة تحول من غير موس

مشورة حبيبة ابدعتي كالعادة

شروق الشمس
05-16-2012, 03:49 AM
فكرة حلوة الله يعطيك الصحة و راحت البال
و طريقتي نفس مغتربه لكن انقشر فيه الثوم و نحطه في كيس
و زي ماقالت مغتربه الثوم مايجمدش انطلعها و نستخدمها علي طول

luba
05-16-2012, 03:57 AM
ماشاءالله غروبه وشروق الف شكر وجزاكم المولي كل خير بارك الله فيكم واكيد حنجرب وكل طرقكم رائعه

om_adnan
05-16-2012, 04:05 AM
جزاك الله خيرا الصابرة,وممكن جزء تخلطى معاه زنجبيل فى حافظة مع الثوم ويكون دائما جاهز للتتبيل الدجاج.

luba
05-16-2012, 05:10 AM
برافو بارك الله فيك ام عدنان زيدن طلعن اللي عندكن جاري التطبيق

أم خديجه
05-16-2012, 01:48 PM
ماشاء الله والله قسم الافكار هذا طلع المواهب والخبرات

بارك الله فيك يالصابره

وبارك الله في كل من قالت تجربتها في حفظ الثوم

بنت الاشراف
05-16-2012, 03:56 PM
بارك الله فيك افكار رائعة

الصابرة
05-17-2012, 03:24 AM
بارك الله فيك ام سارة والله انا انحاول على قدر الامكان
ان انتبه للقوانين لكن مش عارفة شنو نسيت هنا

حبيبتي لوبا والله الدعاوي هذين حسستيني كاني مقدمة حاجة كبيرة مع انه لاشئ لعيونك ان شاءالله
نخدموك في حاجة اكبر وماتكون غير في الخير والشكر لله حبيبتي

جزيتي خيرا سويت نون

باهي على الاقل الموضوع حرك ذكرياتكم وبدت كل وحدة اطلع شنو كانت ادير باهي
كسبت فينا خير اختنا لوبا
وبوركتي اختي مغتربة 7

انرتي موضوعي وشرقت فيه الشمس مثل شروق اسمك

ومشكورة اختي ام عدنان ها استفدنا حاجة ثانية

منورة اختي ام خديجة فعلا طلع الافكار
ومازال الخير لقدام

فيك بارك الله اختي بنت الاشراف

الساجدة لله
05-17-2012, 12:03 PM
تسلمي ياغالية انا مدمنة توم واستعمل نفس طريقتك الاولى في حفظه

الصابرة
07-03-2012, 12:27 AM
اسعدني مرورك اختي الساجدة لله