[مشاركة فى مسابقة صاحبة أجمل فكرة مطبخية ] الاستفادة من كيس الدقيق او الارز من الصابرة

[الصابرة]

http://www.libyan-kitchen.com/gallery/images/hanoie.gif

في كل بيت كيس دقيق فارغ او ارز فكرتي اعمل منه كيس خبز لكن برضوا بلمساتي ومايمنعش من فكرة جديدة

الفكرة الاولى


هذا الكيس بعد ان قصيته على الحجم المرغوب



http://www.libyan-kitchen.com/gallery/images/01iyi.jpg

هنا نخيط مكان القص من جميع الجهات ونترك جهة واحدة مفتوحة


http://www.libyan-kitchen.com/gallery/images/02cqc.jpg


طبعا هنا وضعت خيط غامق لاوضح لكم مكان الخياطة عشان الكيس ابيض والسلك ابيض


http://www.libyan-kitchen.com/gallery/images/03srs.jpg


هنا خيطته واكملت الخياطة



http://www.libyan-kitchen.com/gallery/images/05hgh.jpg


نقص هنا من الكيس قطعتين بنفس الحجم لتكون اليدين



http://www.libyan-kitchen.com/gallery/images/06tct.jpg

اختاري خيط يكون سميك الحجم وبلون انتي تفضليه لانه ح يكون ديكور


http://www.libyan-kitchen.com/gallery/images/07wjw.jpg

نبدأ بخياطة اليدين


http://www.libyan-kitchen.com/gallery/images/08.jpg

هنا طريقة الخياطة من قريب ماما قالت لي نسموا فيها غرزة الباطنية


http://www.libyan-kitchen.com/gallery/images/09.jpg


هنا الصورة مبينة كيف خيطتها


http://www.libyan-kitchen.com/gallery/images/010vwv.jpg



http://www.libyan-kitchen.com/gallery/images/011hph.jpg


http://www.libyan-kitchen.com/gallery/images/012ggg.jpg


هنا اكملت خياطة اليدين


http://www.libyan-kitchen.com/gallery/images/013yzy.jpg


نعلم مكانين في المنتصف ونخيط اليدين


http://www.libyan-kitchen.com/gallery/images/014sps.jpg


http://www.libyan-kitchen.com/gallery/images/015fyf.jpg

طبعا بعد ما اكملت الخياطة ياتي دور التزيين وانا هنا زينته بورود كروشيه من صنعي ولكن يمكن ان تزينيها بورود ستان التي تباع جاهزة او بشرائط ستان

http://www.libyan-kitchen.com/gallery/images/016tnt.jpg


وهذه من قرب



http://www.libyan-kitchen.com/gallery/images/017hrh.jpg



طبعا للي عندا بال واسع هذه طريقة للتزين كانت ماما تستخدمها لتعاقبني وتعلمني الصبر هي بان تاخدي خيوط سميكة ملونة وتعملي بها تشيكلة سداسيةاو مربع اومثلث اواي شكل تختاريه {طبعا ماما كانت تنسل في الرداء { الزي الليبي }الخيوط بتاعته وتعطيني مجموعة الوان واشتغل بيهم}راقبوا معي الصور



http://www.libyan-kitchen.com/gallery/images/018yly.jpg


http://www.libyan-kitchen.com/gallery/images/019uqu.jpg


طبعا هذا الشكل تجريبي بس لاوريكم كيف تبدوا في التشكيل


http://www.libyan-kitchen.com/gallery/images/020ltl.jpg


الفكرة الثانية

الفكرة بسيطة وساهلة هي برضوا الاستفادة من كيس الدقيق بس بشكل ثاني شوفوا الصور



http://www.libyan-kitchen.com/gallery/images/021qtq.jpg

هنا خيطتهم ببعضهم وزينتهم بغرزة الباطنية


http://www.libyan-kitchen.com/gallery/images/022kdk.jpg



طبعا انا هنا عملت لها يد من الكروشيه لكن يمكنك عمل يد لها من نفس الكيس طبعا هذه لا استخدمها للخبز لكن احمل فيها حافظات الاكل لما نمشي لحوش اهل راجلي او اهلي يعني الزيارة مثل الكيك والحاجات الحارة بدل كيس النايلو وطبعا لم ازينها عشان يقعد فرق بينها وبين كيس الخبز لكن اللي تحب تزينها ممكن تزينها بنفس فكرة كيس الخبز وبصراحة رحيتني من كثرت ديمة اندور في كيس نايلو على الاقل نرفع فيه ونجيب فيه



http://www.libyan-kitchen.com/gallery/images/023.jpg



اتمنى ان تنال اعجابكم واكون اوحيت لكم بفكرة جديدة

[بنت الاشراف]

ماشاء الله لاقوة الابالله ابدعتى يسلموا ايدياتك فكرة رائعة لك تقييمى

[sweet nona]

افكار جميييييييييييييييلة وخيالك واااسع ..وتعلم الصبر على قولتك

واستفدتي من خبرت امك ماشالله

تسلميييييييييييييييي عالفكرة المبدعة بس تبي وسعة باااااااااااااااال

والبال وينه بس اكتر وحدة مستعجلة فالدنيا هيا اني بس انحبها هالخدمة موت وخاطري نتعلمها

وزيدينا من ابداعاتك انحب نتفرج عالطريزة ولخياطة

معليش عالاطالة ونورتي بلمساتك احلى تقييم

[luba]

يارب نحصل كيس زي هدا بعد شفت الشغل الحلو ماشاءالله هنا في منه واتي والله لكيسك احلي من الواتي ينفع طلعت زردة باهي خطرتي عليا عندي كيس رز زيه وعندي زردة صيد ان شاءالله نوريك التطبيق ولك كل التقييم روووعه.

[مغتربة 7]

http://www.libyan-kitchen.com/gallery/images/016tnt.jpg

صابرة ياصابرة شن نقولك بس
عجزت عن التعبير بصدق
تبااااااارك الرحمن على ايدياتك
مبدعة فنانة فالحة كلهم شوية فيك
الله يسلم ايدياتك ويعطيك صحيحتك
ويحفظلك ميمتك ويعطيها صحيحتها
مشاركة زادت المسابقة حلاوة
التقييم ليك وللموضوع طبعاً
موفقة حبيبة

[الصابرة]

اختي بنت الاشراف انرتي موضوعي ومكورة على التقييم
مشكورة حبيبتي سويت لوكان عندك ام زي امي تتعلمي الصبر ولو بالقوة
لانها كان ماتعلمتيش الصبر كيف بتصبري على راجل وحياة ثانية مافيش احنا
لاني كان من المستحيل ان يعرف الصبر مكان عندي ولكان الان الحمدلله الصبر اللي عندي قريب يفوت سيدنا ايوب ومشكورة على التقييم
وخيتي لوبا خلاص نستنى تطبيقك ومشكورة على التقيييم
وانتي زدتي موضوعي حلاوة اختي مغتربة 7 ومشكورة على التقيييييم لي ولي موضوعي
قداش كلامك رفع من معنوياتي

[الساجدة لله]

ماشاء الله عليك فنانة ومبدعة الحق

ياريت يرجع العقاب من النوعية هده لابناء الوقت هدا

اللي حتى ضمان الدار ديرلك عليه عرس ههههههه

الاجيال متعنا كانت عندها وسعة البال اما توا الدنيا

مشطشطة وتاشفة فيها النار ههههههههههههه

الحق شغلك عجبني ومتميز وانا متابعتك

ولك مني احلى تقييم وموفقة ان شاء الله

[بنت حواء]

ماشاء الله ياصابرة أفكار حلوة........ بالنسبة للطريزة على أكياس الدقيق
تعلمتها زمان وكنت ندير فيها
لكن توا على قولت الساجدة (الدنيا تاشة فيها النار) عصر السرعة هههههه
بجد بالك واسع وصابرة......... سلمت يداك........ وبالتوفيق

[أم ميوسة]

الصابرة زي ما قالت مغتربة عجزت عن التعببير

أفكار جميلة ورائعة بصدف

ما شاء الله عليك

تعرفي قداش نحب الكروشية وقداش خاطري نتعلمها

طبعا محسوبتك زيرو على الشمال في الخياطة

البطمة نخمملها

لكن بجديات خليتي خاطري نتعلمها

الصابرة موضوعك ممتاز

وانتي ما شاء الله عليك ست بيت من الدرجة الاولى

لان ست البيت مش طبخ بس تنسيق وترتيب وانك تصنعي شيء من لا شئ

موضوعك من أجمل ما قرأت في المنتدى

وأنتي وموضعك تستحقوا التقييم والنجميات بامتياز

[om_adnan]

موضوع يحتاج ركن لوحده من كثرة الافكار اللى فيه,أختنا الصابرة حتى شرحك كان فيه صبر,فعلا أشغال روعة وميزتها نوع الكيس هاذا يتحمل ويهنى,سلم إيديك وإيدين اللى علمتك,يارب ينولك اللى فى بالك,موفقة فى المسابقة,لو عندك شغل مثله ليك أو للوالدة ياريت تورينا صور لو سمحتى.

[الصابرة]

اخجلتم تواضعنا
بصراحة والله مش عارفة شنو انقول من الكلام
والتشجيع الذي منحتموني اياه
ربط لساني عن شكركم
اختي الساجدة لله فعلا الدنيا شاطت فيها النار
لكن والله انا ماشية على درب ماما لان معليش من اول
ماصار عمري 12 سنة مسكت التوكة بدالها
اسلوب العقاب استعملته مع خوتي اللي اضغر مني
ماشاءالله 7
وتوا خوي المتزوج يستعمل في نفس النظام مع بنياته ربي يحفظهم
مع ان اعمارهم 3و 2 سنة
وناجح
ومشكورة حبيبة على التقيييييم
بنت حواء والله يا وخيتي غير البال الواسع الاصرار على التعلم
وانا عندي موجود ليومنا هذا
وطبعا وضعي مساعدني
ماعنديش اطفال وراجلي يطلع من الصبح ايجي في الليل
ام ميوسة بارك الله فيك
والله انا التي عجز لساني على شكركم
ومشكورة على التقييم
غير عندي موضوع عرس خوتي
بعده نستأذن من الاستاذة زينب
وان شاءالله افيدكم في الكروشيه
لكن البطمة تخمميلها مشكلة هادي هههههههه
وفيك بارك الله اختي ام عدنان ان شاءالله
توا انشوف واصورهم وانزللكم
لان اهلي صارلهم مشكلة
فانحرق منزلهم بذكريات 30سنة زواج
لكن لو لقيت حاجة من اللي دايرتهم مازالت قاعدة عند
جداتي سوف اصوره
انتي تامري ام عدنان

[om_adnan]

والله وجعتى قلبى على حوش أهلك ولكن الاهم أنهم هما كويسين ,الذكريات الحقيقة فى القلب,ربى يهينكم على العرس وننتظروك.

[الصابرة]

ماتنوجعي على غالي يارب
والحمدلله جت في اللي ينشرى بفلوس وخطت راسهم
والذكريات ديمة مكانهامحفوظ في القلب زيكم يا احلى رفقة

[ليبية حرة]

مشكورة حبوبة على هالفكرة الرووووووعة

وموفقة في المسابقة يارب

[أم خديجه]

ما شاء الله لا قوة الا بالله
تسلمي علي الافكار الحلوه والانيقه والمرتبه
الصراحه حاجه خيال
حمدلله علي سلامة اهلك
جاري التقييم
وان شاء الله ربي يرزقك الذريه الصالحه اللهم امين
موفقه في المسابقه

[زهرة البنفسج]

بسم الله ماشاء الله فكرة رائعة وعندك دوق بالتزيين

[نسمه ليبيه]

صدق من قال وسعة البال تهد جبال

لكن للاسف انا ماليش فيه كار الخياطه يادوب البطمه لما تنقطع تقعد شهر وماخيطتها

يسلموا ايديك

[الصابرة]

مشكورة حبيبتي ليبية حرة
مشكورة اختي ام خديجة وبارك الله فيك على الدعاء
وان شاءالله عاجل وليس اجل
مشكورة زهرة بنفسج انتي اللي كلك ذوق
مشكورة نسمة ليبية والله حتى انا فترات انمر بيها نبدا البطمة تقعد وقت طويل
بيش نخيطها لكن الحمدلله فترات منقطعة بعيدت الامد ولما يجيني الحماس حتى قفطان لروحي انخيط

[barney]

ماشالله عليك حتى اني امخيطه وحدة من كيس الرز لما كنت في حوش اهلي
لكن اكيد مش بهالدقه والروعه كانت ماشي حالها دايرتها للخبزة
يسلمو ايدياتك اتهبل ماشالله

[لبنى]

صااابرة

تبارك الرحمن والله واحد عليك

وربي يعطيك اصحيحتك وضي عيونك

اتجننن

[الصابرة]

مشكورة اختي بيرني مش مهم الشكل المهم المحاولة انك اديري حاجة من صنع يديك
صحيتي اختي لبني بارك الله فيك

[محبة الكروشيه]

بوركتي

[الصابرة]

مشكورة اختي

[زوبة الطيوبة الحبوبة]

الله يسلم ايدياتك على هالافكار ..

[الصابرة]

مشكورة حبيبة وبارك الله فيك

[أم عبادة الليبية]

ماشاء الله تبارك الله صبورة ست بيت شاطرة من الطراز الأول مافيش كلام .

http://www.libyan-kitchen.com/gallery/images/016tnt.jpg


بس لوسمحتي أوخيتي عندي ملحوظة صغيرووووووووووونة ياريت تتقبليها بصدر رحب , قرأت تعليقك اللي قلت فيه (
الان الحمدلله الصبر اللي عندي قريب يفوت سيدنا ايوب ) عليه السلام , بنقولك حبيبتي صبرك لا غبار عليه , وانتي مأجورة بإذن الله ان احتسبتي هذا عند الله , بس ياريت منقارنوش أنفسنا بالأنبياء لأنهم أفضل الخلق جميعا وأقربهم إلى الله , وسامحيني على الإزعاج حبيبة.

[الصابرة]

مشكورة وخيتي ام عبادة
وفعلا الانبياء افضل الخلق ولكن هو مجرد تشبيه وان شاءالله لن اذكره ثانيا بارك الله فيك وخيتي وجعله الله في ميزان حسناتك

[تعزيز]

اكثر من عجبتني عجبتني تسلمي حلوات حلوات