[تبريكات ] باركولي اجهزتي الجديدة

[الصابرة]

مايكرويف من ماركة هومرومش عادي


http://www.libyan-kitchen.com/gallery/images/file0046.jpg


وهذا طاجين البتزا من نفس الماركة


http://www.libyan-kitchen.com/gallery/images/file0049.jpg


وطبعا جانا الصيف ولازم منها توا وبرضوا من نفس الماركة

http://www.libyan-kitchen.com/gallery/images/file0070.jpg


طبعا هذه الماركة ممتازة انا ناجحة معي من ست البيت الى الميكرويف الان والله صورته من اول ما شريته لكن هذا وين فضيت نحمل الصورويكفي انه في وكلاء في معظم انحاء البلاد هي دعاية ببلاش لهومر بدخخخخخخخخخخخخخخخخخ لكن والله عن سابق تجربة

[بنت الاشراف]

مبارك عليك ان شاء الله بالزيادة

[sweet nona]

ألف مبروووووووووك الصابرة وان شالله تبيديهم بالهني يارب

والهومر ماركة اكويسة

تم النقل لمكانه المناسب

[luba]

مبرووك بالصحه والخير عليكم ويالله بسم الله ورينا البيتزا من الماكينه الجديده.يارب يحققلك كل ماتتمني

[مغتربة 7]

ماشاء الله لاقوة الابالله
حاجات تهببببببببل ان شاء الله تبيديهم بالهني
تستاهلي كل خير
وان شاء الله ربي يهنيك

[الساجدة لله]

مبروك حبيبة عليك الاجهزة وتتهني بيها ياااارب

بس اعتقد الركن المناسب لتبريكات هو ركن الضيافة او يمكن تغيير العنوان ليكون في مكانه المناسب

[الصابرة]

الله يبارك فيكم يارب ويخليكم لي
اما بالنسبة لمكان الموضوع المناسب
قدروا وضعي من كثر الفرحة ماركزتش ههههههههه

[مغتربة 7]

الصابرة ضحكتيني الله يسعدك ههههههههههههه
هو انتي شكلك كنتي حاطة الموضوع فى ركن الضيافة ياصابرة لانه سويت قالت ينقل الموضوع
وحتى اني شكيت فى العنوان بس لما شفت موضوع شبيه بيه فى القسم هذا ما غيرتش العنوان

الف مبرووووووك مرة ثانية

[ام هيموني]

مبارك عليك الاجهزة و ان شاء الله بالزيادة و يحققلك ما تتمنيه و ادعيلك في ظهر غيب لاني حتى جربت طريقتك في بسكويت العيلة و صغاري عجبهم

[الصابرة]

الله يبارك فيك اختي مغتربة 7
مشكورة ام هيموني ويجزيك الله كل خير
ياريت صورتيه البسكويت ونزلتيه
وصحيحة على عويلتك وربي يخليهم ليك

[أوركيدا]

مبروك عليك
وان شاء الله ديمة في الزيادة والعمار

[الصابرة]

الله يبارك فيك
ويعطيك ماتتمني يارب

[المروالوردي]

مبارك عليك وان شاءالله بالهنا
وربي يزيدك من كل خير

[Om Amory]

ألف مبروووك حبيبه

تبيديهم بالهنى

[الصابرة]

الله يبارك فيكن ويعطيكم صحيحتكم
وتنالوا ماتتمني

[om_adnan]

مبروك عليك الاجهزة ,ياربى تتهنى بيهم,نستوا البتسا وتقولى لنا شنو رايك فى الطنجرة,ربى يكمل عليك فرحتك ان شاء الله.

[دوجا]

يعطيك الصحه .. شكلها روعه والنقش زادها
تسلم ايدك وصحتين

[دوجا]

مبروك عليك .. وان شاء الله آيعيشولك لين تقلقي منهم
وايكون عرقوبهم جلاب وتزيدي تشري اجهزه تانيه
سلام...

[الصابرة]

ام عدنان الله يبارك فيك والله طاجين البيتزا السبب الرئيسي لشريته هو عمل الفطيرة الليبية لانه مش عادي فيها
الله يبارك فيك يادوجا وان شاءالله زي ماقلتي يطلع عرقوبهم جلاب

[om_adnan]

خلاص معناها فى أنتظار الفطيرة,شنو أخبار تجهيزات العرس ,ان شاء الله أموركم تمام.

[زهرة البنفسج]

ربي يباركلك فيهم ان شاء الله

[ترهونيه حره]

الف الف مبروك وتبيديهم بالهناء

[الصابرة]

الله يبارك فيكم ويفتح عليكم بالخير
خلاص ام عدنان لما اندير فطيرة
حنصورها وانزلها لك ولايهمك
واستعدات العرس مازلت مستمرة مع انه في شوي امور خلاته يتاخر قليلا
لكن الاستعدادات ماشية

[ام تغريد]

مبروك عليك الاجهزة وان شاء الله بالزيادة وخاصة الثلاجة ضرورية هلبة وتحل مشكلة كبيرة

وتبيديهم بالهني والصحة

[أم خديجه]

ما شاء الله
ألف مبروك اختي الصابره
تبيديهم بالهني

[الصابرة]

​الله يبارك فيكن ويفتح عليكن ويعطيكن يارب

[نسمه ليبيه]

الف الف مبروك وتبيديهم بالهنا

[الصابرة]

​الله يبارك فيك ويخليك

[جودايم]

الف مبروك :p:rolleyes::)
وتبيدي بالهناء
والصحه والعافية

[الصابرة]

الله يبارك فيك جودايم اسعدني مرورك

[ميس الريم]

بالصحة وبالزيادةعليك يأختي

[الصابرة]

الله يسلمك ميس الريم واسعدني مرورك

[نسيبة]

الف مبروك وان شاء الله بالهنى و الزيادة و كل عام و انت بخير

[الصابرة]

الله يبارك فيك .... وانتي بخير ينعاد عليك ان شاءالله باليمن والبركات

[خدوج]

مبروك عليك يالصابرة وتبيدهم الهنى
ونهنيك على اختيارك لهومر نحب هالماركة
ونفس الحاجات عندى منها
بس المكرويف هو مكرويف وفى نفس الوقت شواية هكى قالى صاحب المحل
عندى زيه اشتغل فترة ووقف (مايبيش يسخن)والا ممكن مش عارفة تعديله
ياريت تعطينى فكرة عنه
ومبروك مرة تانية

[الصابرة]

بس المكرويف هو مكرويف وفى نفس الوقت شواية هكى قالى صاحب المحل
عندى زيه اشتغل فترة ووقف (مايبيش يسخن)والا ممكن مش عارفة تعديله
ياريت تعطينى فكرة عنه
ومبروك مرة تانية
ايه المايكرويف صح شواية
بالنسبة لتعديله حبيبة هو فيه 2 بطم الاولى باور والثانية تايم
ولما تنزلي لوطا تلقي حاجات مكتوبة بالانجليزي طبعا
cooking{طبخ يعني}
تلقي تحتها كلام مثلا
الارز تسخنيها بدرجة الباور m-high
السمك والخضروات بدرجة الباورhigh
وبالنسبة للدقايق على حسب درجة السخونة توا الخبز بانواعه دقيقة بس ومرات نص دقيقة والارز والمكرونة مرات من 5 الى 6 دقايق
هذا تعديل اللي عندي ولوعندك سؤال ثاني تفضلي
وكنهدا ارفعيه للمحل اللي خذيتيه منه يرفعه للوكيل لو مش عندكم وكيل يشوفه خيره
وان شاءالله اكون افدتك