اتفضلوا يا حلوات وما فيش وحدة تعتذر ... هدرزة مطبخية 1

[السمحة]

تصبحوا على خير جميعا وليلتكم عسل

[أم أيوب]

شكلكم هربتوا كلكلم


هي مني اني تصبحوا على خير

الفيوزات انضربوا

نتلاقوا عالخير يارب


قاعدين أم سارة

تصبحي على خير حبيبة

[أم أيوب]

قعدت بروحي الليلة؟؟؟؟؟؟

[أم أيوب]

خروووج

[سحابه صيف]

http://www.libyan-kitchen.com/kitchen/showthread.php?t=224

[ابريكه]

جيت وانتم طلعتو
نمر نقراء مافاتني

[ليبيا قلبى]

يسعد صباحكم

[أمـ ساره]

الله يصبحك بالخير يا ليبيا قلبي

كيف حالك وحال حملك ان شاء الله كويس

[ليبيا قلبى]

الله يصبحك بالخير يا ليبيا قلبي




كيف حالك وحال حملك ان شاء الله كويس



الله يسلمك ياغاليه
الحمد الله
قاعده مانيش عارفه شن اندير فى الحوش
من امس وانا انظف فيه

[أمـ ساره]

ههههههههههههههههه

يعطيك الهني ان شاء الله


قصدك تنكثي فيه يعني وتوتي في روحك للجياب ؟؟

[ليبيا قلبى]

ههههههههههههههههه



يعطيك الهني ان شاء الله



قصدك تنكثي فيه يعني وتوتي في روحك للجياب ؟؟




اه شفتى من توا وانا انخمم
ماعنى خواتى قاللى ماتقربيش شى
بس انا ماريحتش روحى
بس والله تعبنى واجد

[أمـ ساره]

ردي بالك تعبي روحك وخيتي

توا عليك تفكري شنو بديري بس

وخلي خواتك يعاونوك في التنكيث

انتي كل مرة ديري حاجة بسيطة بس باش ما تقعديش فاضية

لكن صدقيني كل شيء يجي في وقته

وربي يتمملك على خير يارب

[ليبيا قلبى]

ردي بالك تعبي روحك وخيتي



توا عليك تفكري شنو بديري بس


وخلي خواتك يعاونوك في التنكيث


انتي كل مرة ديري حاجة بسيطة بس باش ما تقعديش فاضية


لكن صدقيني كل شيء يجي في وقته



وربي يتمملك على خير يارب



لا حتى انا منظم وقتى يعنى كل يوم اندير حاجه
بسيطه
بس فى حاجات غصبن عنكى اتنضفيهن كل يوم كيف المطبخ ودار النوم وحشاكى الحمام
امتاع دار النوم
ويلى يقهرنى زوجى مايريحش روحه فى مكان واحد
دبشه اول مايروحه من العمل كل حاجه تلقيه فى مكان
وانا وراءه هاهاهاهاها نجرى وانلم
والحمامات حشاكى عندى اربعه انقوله استعمل واحد بس
لا تلقيه كل مره فى مكان
الله غالب شن اندير
جارتى اتقولى مش هكى المفروض اتجيبي شغاله
وانا مانقتنع إلا بتنظيفى

[أمـ ساره]

والله معاك حق الرجالة مرات يتعبوا وما يقدروش

وبصراحة 4 حمامات هلبة عليك

ننصحك سكري 2 منهم كان مش مستحكيتيهم

والباقي الدورة متاع كل يوم لازم منها والله

ربي يعاونك ويريحك يارب

انتي في الثامن توا او في نهاية السابع

[ليبيا قلبى]

والله معاك حق الرجالة مرات يتعبوا وما يقدروش



وبصراحة 4 حمامات هلبة عليك


ننصحك سكري 2 منهم كان مش مستحكيتيهم


والباقي الدورة متاع كل يوم لازم منها والله


ربي يعاونك ويريحك يارب



انتي في الثامن توا او في نهاية السابع




مش امغير يتعبوا
والله الحمامات كل مانسكر اثنين يفتحهم
وانا بطنى انحس فيها نازله شويه وكبيره
ويحنا انا فى نهايه السابع

انتى تخرجتى ولا مازال

[أمـ ساره]

بالنسبة لبطنك عادي ما تخافي

وحتى لو جاك شوي جوع بيكون طبيعي

ويزيد شوي في الثامن لأن قريت مرة ان البيبي ينقلب في الثامن وتتغير وضعيتها



من وين تخرجت ؟؟؟

كان على القراية متخرجة ومكملة من مدة طويلة والله

[ليبيا قلبى]

بالنسبة لبطنك عادي ما تخافي



وحتى لو جاك شوي جوع بيكون طبيعي


ويزيد شوي في الثامن لأن قريت مرة ان البيبي ينقلب في الثامن وتتغير وضعيتها




من وين تخرجت ؟؟؟



كان على القراية متخرجة ومكملة من مدة طويلة والله




هاهاهاهاهاهاها
قصدى تخرجتى من الجامعه
باهى ماشاء الله
كويس
انا زوجى ماخلنيش انكمل فى الجامعه ماعنى كنت قريب انكمل

[سحابه صيف]

ليبيا قلبيي ردي بالك من روحك وان اء الله اتنوضي بسلامه يا رب

[أمـ ساره]

خسارة والله يا ريتك كملتي

يالله ان شاء الله عند ربي خير

اني كملت قرايتي قبل حتى ما ننخطب والحمد لله

وخدمت شوي في مكانين وبعدين قعمزت بروحي لما انخطبت

وتوا ما نشتغل مكتفية بالبيت وبنتي وزوجي

[أمـ ساره]

مرحبتين سحابة نورتي الدويرة

شنو طيبتي غذاك ؟؟

[ليبيا قلبى]

سحابه صيف

كيف حالك ياغاليه
انشاء الله اتكونى ابخير

ام ساره

كنت نقرأ انا وياه فى الجامعه
انا فى العلوم وهوا فى الهندسه
هوأ سيب الجامعه وقاللى حتى انتى اوت منها
صارن مشاكل على الموضوع هذا وبعدين عدأ على خير
وزوجى سكر راسه
وماخلنى انكمل

[أمـ ساره]

يالله وخيتي عادي

المهم توا متهنية ماشاء الله وربي بيرزقك بعيل تلهي بيه

ويونسك ان شاء الله

[أمـ ساره]

هي نستاذنكم

نمشي لبنتي ونفطر حتى اني

هو بالاحرى فطور وغذي

ونتلاقو ان شاء الله بعدين على خير يارب

[سحابه صيف]

الله ايبارك فيك الحمد لله تماما
وبنسبة للقرايه عادي يا ليبيا قلبي والمهم الرجل ايكون اكويس ومش حارمك من شي شن بديري بيها القراية في هلة متخرجات مش جامعات قاعدات في حيشانهم

[ليبيا قلبى]

يالله وخيتي عادي



المهم توا متهنية ماشاء الله وربي بيرزقك بعيل تلهي بيه



ويونسك ان شاء الله



الحمد الله
انشاء الله ياربى ادعيلى انى نولد بسلامه

[kittygago]

السلام عليكم حبوبات

كيف الحال

هل من أحد

ليبيا قلبي ... ربنا يتمملك على خير يا رب و تشوفي قرة عينك

[أم أيوب]

السلام عليكم

كيف حالكم بنات

كيف حالك أم سارة ؟

ليبيا قلبي كيف حالك اليوم يا عسل؟؟

سحابة وكيتي كيف حالكم ؟

اليوم الجو عندنا مصقعععععععع

الشتاء بيبدا عندنا

[التا ئبه لله]

السلام عليكم
كيف حالكم اليوم ان شاء الله تمام

[أم إيناس3]

السلام عليكم كيف حالكم يابنات مبروك اللمة ياسارة

[أم أيوب]

اهلين توبة كيف حالك

أم ايناس انستي ونورتي

[أم إيناس3]

الله يانسك يازهور شنو حالك

[ليبيا قلبى]

السلام عليكم حبوبات



كيف الحال


هل من أحد


ليبيا قلبي ... ربنا يتمملك على خير يا رب و تشوفي قرة عينك





تسلمى ياغاليه
وانشاء الله ربى يرزقك يارب

وكيف حال الوالد انشاء الله ابخير

[ليبيا قلبى]

السلام عليكم

كيف حالكم بنات

كيف حالك أم سارة ؟

ليبيا قلبي كيف حالك اليوم يا عسل؟؟

سحابة وكيتي كيف حالكم ؟

اليوم الجو عندنا مصقعععععععع

الشتاء بيبدا عندنا


اهلين ياغاليه كيف حالك
صار عندكم صقع ياعوينك
اقسمو علينا

[أم إيناس3]

انشاالله ديمة ملمومين على الخير وبارك الله فى الاخت زينب على المنتدى الرائع

[سحابه صيف]

السلام عليكم كيف حالكم يا حبوبات

[أم أيوب]

تغديت وجيتكم

ليبيا قلبي اليوم كنت نحكي مع بابا

قالي بنغازي اليوم الجو دافي وحلو

لكن هنا صقع وريح ومغيمة

[ابريكه]

صباح الخيرات عليكم يا حلوات ليبيا
واهلين بلي انضمو الينا وانسونا

[أمـ ساره]

اهلين ابريكه

احني توا العصر أذن وانتم قاعدين صبح

سبحان الله


شنو اخباركن توا يا عسلوات

[ليبيا قلبى]

اهلين بسمحات

يابنات
زوجى عنده زكام وحراره
مانيش عارفه شنو اندير
ومن بكرى وانا اندير فى عصير ليمون

[السمحة]

اهلين بسمحات



يابنات
زوجى عنده زكام وحراره
مانيش عارفه شنو اندير

ومن بكرى وانا اندير فى عصير ليمون

شوفى اطبخى الليمون فى كوب ماء على النار وبعد الغليان لمدة عشر دقائق اهرسى الليمون مع الماء واسقى زوجك وخلية يشرب زهر والف لاباس علية حتى انا زوجى لة 3 ايام فى الفراش
هذا هف
سلامات

[أم أيوب]

اهلين بسمحات

يابنات
زوجى عنده زكام وحراره
مانيش عارفه شنو اندير
ومن بكرى وانا اندير فى عصير ليمون

لاباس عليه انشالله

ديريله كمادات ماء زهر للحرارة كويسات

والليمون دفيه عالنار مع شوية عسل

ونسمع حتى الشاهي الخفيف بالزعتر كويس للزكمة

[السمحة]

كل عام وانتم بخير ان شاءالله سنةhttp://static.eva.ru/eva/240000-250000/246486/article-images/3170500056000250.jpg خير على الجميع ياربhttp://static.eva.ru/eva/240000-250000/246486/article-images/3170500056000250.jpg

[السمحة]

لالايابنات الزعتر ايزود الحرارة ومش ايقولى انديورا حساء زعتر علشان ايدفئ

[ليبيا قلبى]

شوفى اطبخى الليمون فى كوب ماء على النار وبعد الغليان لمدة عشر دقائق اهرسى الليمون مع الماء واسقى زوجك وخلية يشرب زهر والف لاباس علية حتى انا زوجى لة 3 ايام فى الفراش
هذا هف
سلامات


مشكوره ياسمحه
تو انجرب طريقتك
هو توا كيف روح من العمل ورقد
من قبل يروح من العمل فى الليل
اليوم تعب وجاء بدرى
وانشاء الله الف الف الف لاباس على زوجك

[ليبيا قلبى]

زهوره
انشاء الله ياغاليه مااتشوفى شر

[أمـ ساره]

حبيبة كان الحرارة عليك وعلى الزهر ويكثر من المية طبعا

ولو عندك خل نقعي فيه جورب واعصريه شوي وخليه يلبسه

وبالنسبة للزكمة فيه حبوب البنادول الجديدة خاصة بالزكمة

وبخري زعتر في الحوش كويس يعتبر مطهر


وربي يشفيه ان شاء الله

[أمـ ساره]

السمحة الزعتر للزكمة كويس ولو تبخر بيه الحوش يطهر الجو

ومش شرط وقت المرض بالعكس يقولوا ديمة يطلقوه في الحوش كويس

[التا ئبه لله]

السلام عليكم
فردا فردا
ولباس عليكم وعلى ازوجكم

[أمـ ساره]

مرحبا بالتائبة انستينا وخيتي

ماشاء الله الديرة عامرة اليوم

[ليبيا قلبى]

ام ساره
التائبه لله

انشاء الله مااتشوفو شر ياربى

[ليبيا قلبى]

زهوره

لما اتجي لبنغازى
عدى لمحل الخفيفى اكيد قريب من اهلك فى الحدائق
جيب دبش شتوى والله خامته اتهبل
ب5 و10 بس
رخيص وخامته سمحه

[أم أيوب]

حبيبات الزعتر موصي بيه الرسول عليه الصلاة والسلام

قريت من قبل ان لما الطاعون انتشر في المدينة

الرسول عليه الصلاة والسلام حمى نفسه وأهل بيته

باللبان والزعتر ووصى بيها الصحابة

(( بخروا بيوتكم باللبان والزعتر ))

[أم أيوب]

زهوره

لما اتجي لبنغازى
عدى لمحل الخفيفى اكيد قريب من اهلك فى الحدائق
جيب دبش شتوى والله خامته اتهبل
ب5 و10 بس
رخيص وخامته سمحه


اللي في شارع الحدائق والا شارع دبي؟؟؟

ودبش أطفال والا كبار

أنا عمرلي ما خشيتله من قبل بس يقولوا مرات يجيب في حاجات حلوة بكل

[ليبيا قلبى]

اللي في شارع الحدائق والا شارع دبي؟؟؟



ودبش أطفال والا كبار



أنا عمرلي ما خشيتله من قبل بس يقولوا مرات يجيب في حاجات حلوة بكل



هوا فيه اثنين فى شارع دبى والحدائق
بس انا امس مشيت يلى فى الحدائق
وعنده كباروصغار
اناخذيت لروحى كم لبسه
لحوش وتقدرى اتركبى لبسه تطلعى بيها
والله جايب دبش ايجنن
كله 5 و10 فقط

[أمـ ساره]

زهورة ربي يبارك فيك

وشنو مازال ما كملتوا حوايج البيبي

تعرفوا امس واحني مروحين لقينا صالة جديدة في تاجوراء قالي زوجي تشوفيها قلت له هيا

مدام الفرجة قاعدة ببلاش نشوفوا ليش لا


المهم واني ندور لقيت ملابس البيبيات يهبلوا والله

قعدت نتفرج عليهم مش عاديات



ان شاء الله ربي يتمم عليكم بالخير يارب

[أمـ ساره]

هي يا حبوبات نستاذن توا

زوجي قريب يروح وعندي عزومة غدوة

بنجهز شوي حاجات بكري

نشوفكم بالليل على خير يارب

[ليبيا قلبى]

هي يا حبوبات نستاذن توا



زوجي قريب يروح وعندي عزومة غدوة


بنجهز شوي حاجات بكري



نشوفكم بالليل على خير يارب




اذنك معاكى ياغاليه
انشاء الله ربى يوصله طيب
وراكى تنسى بيش اتصورين العزومه

[أم أيوب]

هوا فيه اثنين فى شارع دبى والحدائق
بس انا امس مشيت يلى فى الحدائق
وعنده كباروصغار
اناخذيت لروحى كم لبسه
لحوش وتقدرى اتركبى لبسه تطلعى بيها
والله جايب دبش ايجنن
كله 5 و10 فقط


انشاء الله لما نجي بنغازي نمشيله

أنا ممكن بعد أسبوعين حنجي غادي

بنات خالي ديما ياخدن منه في لبسات حوش حلوات

صيف وشتاء وبديهات وتوبات حلوات بكل

ديما يقولنلي عليه بس عمري ما جت فرصة نمشيله

[أم أيوب]

زهورة ربي يبارك فيك

وشنو مازال ما كملتوا حوايج البيبي

تعرفوا امس واحني مروحين لقينا صالة جديدة في تاجوراء قالي زوجي تشوفيها قلت له هيا

مدام الفرجة قاعدة ببلاش نشوفوا ليش لا


المهم واني ندور لقيت ملابس البيبيات يهبلوا والله

قعدت نتفرج عليهم مش عاديات



ان شاء الله ربي يتمم عليكم بالخير يارب


أم سرورة أنا ماما هي اللي تجهز

ومسكينة موقفتها لعند ما نجيهم

انشاء الله لما حنمشي لبنغازي ونتأكد من جنس البيبي

حنحاول نتم أكبر عدد ممكن من حاجات البيبي

[أم أيوب]

هي يا حبوبات نستاذن توا

زوجي قريب يروح وعندي عزومة غدوة

بنجهز شوي حاجات بكري

نشوفكم بالليل على خير يارب


اذنك معاك حبيبة وربي يعاونك

زي ما قالتلك ليبيا راك تنسي صور العزومة

نوة في الليل نفكروا معاك في حاجات العزومة بلكي نعطوك أفكار جديدة

[أم أيوب]

السمحة مختفية شكلها ماسكة مناوبة العشية عالمنتدى

[guidona]

السلام عليكم ياحلوات

[التا ئبه لله]

اهلين بالحبايب كيف حالكم توه
اختى ليبيا كيف حالك يا حبيبه

[التا ئبه لله]

غيدونا يا عسل وينك

[التا ئبه لله]

ويييييييييييين مشيتو يا حلوات

[التا ئبه لله]

غيدونا انستينا

[guidona]

ههههههههههه اهو جيت علي اساس اني من الحلوات
اهلا ياعسوله كيف الاخبار

[guidona]

وبيك يستانس كل حد ياحلوه

[السمحة]

السمحة مختفية شكلها ماسكة مناوبة العشية عالمنتدى

السمحة شوى حوسة انجى انطل ونمشى

[أم أيوب]

توبة غيدونا كيف حالكم؟؟؟

[سحابه صيف]

حبوبات تعالو شاركونا
http://www.libyan-kitchen.com/kitchen/showthread.php?t=260

[التا ئبه لله]

السلام عليكم

[فضااوي]

وعليكم السلام

في حدى هوووون

[أم أيوب]

ويييييييين الدويرة فاضية اليوم

[السمحة]

يابنات وينكم انا جيت هل من احد

[اريناس]

هل يوجد احد هناااااااا

[أم أيوب]

مكسدة اليوم الدويرة

[أم أيوب]

سمحة اريناس كيف حالكم

[اريناس]

ااهلين زهوره

كيف اليوم وين الجماااعه مكسدين

[أم أيوب]

شكلهم راقدين بدري اليوم

كيف حالك اريناس؟؟؟

اليوم بدا عندنا الشتاء في البيضاء

[السمحة]

وينكم

[السمحة]

سمحة اريناس كيف حالكم
الله ايخليك زهور كيفك وكيف البيبى زهور وين فى البيضاء

[أم أيوب]

الله ايخليك زهور كيفك وكيف البيبى زهور وين فى البيضاء

أنا من البيضاء

جنب مدرسة الشعلة الثانوية تعرفيها؟

[نسمه ليبيه]

السلام عليكم



شن تهدرزن عالبيضاء؟؟

[السمحة]

شكلهم راقدين
إخذي ليلك يا عين شهيق *** وين عليك العلم إيضيق

[السمحة]

أنا من البيضاء

جنب مدرسة الشعلة الثانوية تعرفيها؟
كانت عمتى تسكن فى البيضاء وخيتك ديمة عندها قرب جامع بلال العمارت وتوا حولت درنة
ونعرف عيت بالمذن انساب

[أم أيوب]

شكلهم راقدين
إخذي ليلك يا عين شهيق *** وين عليك العلم إيضيق


سموحة رديت عليك

النوم مش مخطم من جنبي بكل

[السمحة]

السلام عليكم



شن تهدرزن عالبيضاء؟؟
اهلا نسمة كنة وحدنا هدرنا شوى ع البيضاء

[أم أيوب]

كانت عمتى تسكن فى البيضاء وخيتك ديمة عندها قرب جامع بلال العمارت وتوا حولت درنة
ونعرف عيت بالمذن انساب


راجي جامع بلال اللي في شارع العروبة صح

الكبير اللي عالطريق الرئيسية والا غلطانة

[السمحة]

سموحة رديت عليك




النوم مش مخطم من جنبي بكل

كيفك طاير

[السمحة]

راجي جامع بلال اللي في شارع العروبة صح




الكبير اللي عالطريق الرئيسية والا غلطانة

صح وتوا كل مانمشى لدرنة انخطم على السوق الجارج والسوق اللى فوق والشطشاط واندور وانروح

[السمحة]

ماء شاالله البنات طلعت

[أم أيوب]

صح وتوا كل مانمشى لدرنة انخطم على السوق الجارج والسوق اللى فوق والشطشاط واندور وانروح


محل زوجي وعمي أب زوجي في السوق الفوقي

تصدقي عمري ما مشيت للسوق الفوقي من يوم سكنت البيضاء؟؟

ولا نعرف من وين يفتح؟؟؟؟

عشان دكان زوجي غادي محرم عليا خشوش السوق معاه

وبروحي عمري ما طلعت

[السمحة]

محل زوجي وعمي أب زوجي في السوق الفوقي



تصدقي عمري ما مشيت للسوق الفوقي من يوم سكنت البيضاء؟؟


ولا نعرف من وين يفتح؟؟؟؟


عشان دكان زوجي غادي محرم عليا خشوش السوق معاه



وبروحي عمري ما طلعت

دكان ايش زوجك داير

[السمحة]

كان بلا تهواي ايجينا***نوم هنيئ واليوم اشهينا

[نسمه ليبيه]

راجي جامع بلال اللي في شارع العروبة صح

الكبير اللي عالطريق الرئيسية والا غلطانة

هههههههههههههههههههههه ضحكتينى زهور معقوله لك ثلاث سنوات فى البيضا ومش عارفه جامع بلال هذا من اهم معالم البيضا

[أم أيوب]

دكان ايش زوجك داير


زوجي عنده محل ذهب

وعمي عنده محل عطارة

[السمحة]

هههههههههههههههههههههه ضحكتينى زهور معقوله لك ثلاث سنوات فى البيضا ومش عارفه جامع بلال هذا من اهم معالم البيضا
زهور ونسمة انت من اى مدينة

[أم أيوب]

هههههههههههههههههههههه ضحكتينى زهور معقوله لك ثلاث سنوات فى البيضا ومش عارفه جامع بلال هذا من اهم معالم البيضا


من كثر ما نطلع نين حافظة البيضاء كويس :d

ما عنديش كثر طلوع نسومة

اللي خلاني نشبه عليه الحديقة اللي جنبه

يقولوا جنب جامع بلال

[السمحة]

زوجي عنده محل ذهب




وعمي عنده محل عطارة

اة تبارك الرحمن
ربى ايزيد ويبارك

[نسمه ليبيه]

صح وتوا كل مانمشى لدرنة انخطم على السوق الجارج والسوق اللى فوق والشطشاط واندور وانروح

الشطشاط غالى اسم على مسمى حاجاته نار

[السمحة]

الشطشاط غالى اسم على مسمى حاجاته نار
قالك نار وسكت

[نسمه ليبيه]

السمحه انا من البيضا


زهور هل دارك عيت اغليوو

[أم أيوب]

الشطشاط غالى اسم على مسمى حاجاته نار

الشطشاط متاع المواعين؟؟؟


نذكر خشيتله مرة وحدة بعد فرحي ومنها معش مشيتله

صح يقولوا عليه غالي واجد وعالفاضي

أنا لما خشيت خديت منه حاجاة مطبخ بسيطة

مبشرة وقشارة بطاطا وحاجات هكي

[السمحة]

يابنات فى فى البيضاء سلك كروشية اصلى بحب الكروشية واندير فى حاجات لى ونبى اندير مفارش ومافى سلك فى لبيبا

[أم أيوب]

زهور هل دارك عيت اغليوو


ماشاء الله عليك نسمة كيف عرفتي؟؟؟؟؟

[السمحة]

يابنات بلاش الالقاب

[أم أيوب]

يابنات فى فى البيضاء سلك كروشية اصلى بحب الكروشية واندير فى حاجات لى ونبى اندير مفارش ومافى سلك فى لبيبا


قصدك السلك الصوف سموحة؟؟؟

أكيد في في محلات لوازم الخياطة

[أم أيوب]

يابنات بلاش الالقاب


أي ألقاب سموحة؟؟؟

[نسمه ليبيه]

ماشاء الله عليك نسمة كيف عرفتي؟؟؟؟؟

:p لانهم عندهم عطار وعندهم محل ذهب

ماشاء الله عليهم محترمين نحن ديمه نتعاملوا معاهم سواء فى الذهب او العطاره

[السمحة]

قصدك السلك الصوف سموحة؟؟؟




أكيد في في محلات لوازم الخياطة

اة سلك الصوف
شوفى ايش اندير بية

http://files.fatakat.com/2010/6/1275426463.jpg

[أمـ ساره]

السلام عليكن يا حبوبات

منو سهرانة قيكم لتوا غير السموحة وزهورة

كيف حالكن توا شنو متعاركات انتم والنوم

[أم أيوب]

:p لانهم عندهم عطار وعندهم محل ذهب

ماشاء الله عليهم محترمين نحن ديمه نتعاملوا معاهم سواء فى الذهب او العطاره


العطار متاع عمي

الحاج علي اغليو

ومعاه سلفي

الذهب زوجي وعيال عمه عندهم محلات ذهب

من اللي انتم تتعاملوا معاه؟؟؟

[أمـ ساره]

معليشي نسومة ما شفتك

كيفك يا حلوة وشنو اخبارك

[أمـ ساره]

معليشي نسومة ما شفتك

كيفك يا حلوة وشنو اخبارك

[السمحة]

السلام عليكن يا حبوبات



منو سهرانة قيكم لتوا غير السموحة وزهورة


كيف حالكن توا شنو متعاركات انتم والنوم


اهلا ام سارة ليلتك سعيدة وينك

[نسمه ليبيه]

اهلين ام ساره شن اخبارك ياحبيبه؟


زهور المحل اللى فيه شاب صغير شويا فى العمر ومعاه واحد تانى لكن الاسم والله ناسيته تقريبا على

[أم أيوب]

اة سلك الصوف
شوفى ايش اندير بية

http://files.fatakat.com/2010/6/1275426463.jpg

ماشاء الله عل ايديك

أكيد في سلك صوف

لو تدوري أكيد تلقي

[السمحة]

اهلين ام ساره شن اخبارك ياحبيبه؟


زهور المحل اللى فيه شاب صغير شويا فى العمر ومعاه واحد تانى لكن الاسم والله ناسيته تقريبا على
يابنات التعارف على الخاص افضل علشان المشاكل نصيحة

[سحابه صيف]

سلالالالالالالالامات

[أم أيوب]

السلام عليكن يا حبوبات

منو سهرانة قيكم لتوا غير السموحة وزهورة

كيف حالكن توا شنو متعاركات انتم والنوم




أهلين أم سارة

جهزتي لعزومتك بكرة؟؟

[السمحة]

ماشاء الله عل ايديك

أكيد في سلك صوف

لو تدوري أكيد تلقي
والله قهاير مافى غير المصرى الدرجة العطيبة بكل
والله توا اندير فى كنزة لى والسلك تعبان

[نسمه ليبيه]

اهلين سحابه شن اخبارك؟؟

[أم أيوب]

اهلين ام ساره شن اخبارك ياحبيبه؟


زهور المحل اللى فيه شاب صغير شويا فى العمر ومعاه واحد تانى لكن الاسم والله ناسيته تقريبا على


محل ولد عم زوجي اللي تحكي عليه

[السمحة]

سلالالالالالالالامات
اهلا سحاب وينك الله والله المناوبة اتفك بالوحدة

[سحابه صيف]

اهلين سحابه شن اخبارك؟؟

الحمد لله تمام شني اخبارك انت

[أم أيوب]

مراحب سحابة

غششينا اجابة المثل عشان نفوزوا في المسابقة

[سحابه صيف]

اهلا سحاب وينك الله والله المناوبة اتفك بالوحدة

قاعدة اهو انهيج من مكان لمكان

[السمحة]

والله حتى النت بديت انمل منة

[سحابه صيف]

مراحب سحابة

غششينا اجابة المثل عشان نفوزوا في المسابقة

هههههههههههههههههههههههههههههههه لالا

انت فالحة اهو جاوبتي اول واحد

[السمحة]

البنات ابصر خيرهم مرة يدخلو ومرة يطلعو
خيركم شن فو

[السمحة]

الليل طويل على اللى رايق ************************يابال الى علمة ضايق

[أم أيوب]

سموحة أنا نكتب رد ونطلع نمشي لوضوع تاني نرد عليه

بعدها نعاود هنا

لما نبي نطلع ونرقد حنسلم عليكم قبل

[أمـ ساره]

ماشاء الله الدار عامرة

ان شاء الله ديمة ملمومين عالخير يارب


ايه زهورة وتيت شوي حاجات وغدة ان شاء الله نكمل حاجات بسيطة

لأن العزومة غذاء وتبي كل شيء بكري

[أم أيوب]

سمحة وين هالأغاني اللي تحطي فيهن؟؟؟ :o

[السمحة]

سموحة أنا نكتب رد ونطلع نمشي لوضوع تاني نرد عليه

بعدها نعاود هنا

لما نبي نطلع ونرقد حنسلم عليكم قبل
اة حبيبتى تربحى عدى وتعالى

[أم أيوب]

ماشاء الله الدار عامرة

ان شاء الله ديمة ملمومين عالخير يارب


ايه زهورة وتيت شوي حاجات وغدة ان شاء الله نكمل حاجات بسيطة

لأن العزومة غذاء وتبي كل شيء بكري


ربي يعطيك الصحة

أنا عندي عزومة الغداء أسهل من العشاء

عالأقل تكملي شغلك عالعصر وترتاحي بعدها

لكن العشاء تلقي روحك من الصبح لعند الليل وانتي عالقة

توصلي فراشك تعبااانة ومرات من التعب ما يجيكش نوم

[أمـ ساره]

شنو سموحة دايرتيها على الاشعار ماشاء الله

حلوات هلبة والله عجبوني

[أمـ ساره]

والله الاثنين زي بعض

العصر نكمل وبعدين نخمم في العشاء

يعني حوسة ثانية والله

لكن الحمد لله قسمت الشغل وان شاء الله كل شيء يجي ساهل

وربي يسهل ان شاء الله

[السمحة]

شنو سموحة دايرتيها على الاشعار ماشاء الله




حلوات هلبة والله عجبوني

خيتك مدمنة غناوى علم انحبهم كلماتهم اتجى على الجرح
انزيذك

[السمحة]

يالولاف انريد ونسكم ******************مانى حامل يوم
بعدكم
العين بلاكم يالولاف *********************تحوس وتضايق وتخاف



على بنات المنتدى

[أم أيوب]

حبيبات نخليكم توة ونمشي جنب راجلي روح توة

نشوفكم بكرة على خير انشاء الله

أم سارة جربت بشكوطك متاع الكورة فليكس شوفيه

تصبحوا على خير

[نسمه ليبيه]

ماشاء الله السمحه بدت تطلع فى ابداعاتها

[نسمه ليبيه]

تصبحى على الف خير زهوره وشفتك البسكوت متاعك سلم ايديك

[أمـ ساره]

ماشاء الله السموحة قويات والله

يجوا رسائل نقال



زهورة تلقي الخير يا حبيبة

وان شاء الله نشوفها

[السمحة]

خلونى لولاف بروحى ..... تميت انساهى فى روحي

قرعتم لولاف كبيره ..... حتى لو صارت تقصيره

امرايف بالنظار ارياف ..... على غفوة فيها لولاف

شبت وشب الرأس عليكم ... يالولاف ايش ينسكم

شارب يالولاف غلاكم .... نين انموت وما ننساكم

الى ماعمره دار اولاف .... ايقول سمور الليل اقطاف

غوالى يالولاف الحق ..... انغيبوا عزم العين ايرق

متقاوى لولاف سعدهم ..... فى قلبى زايطين وحدهم

خلونى لولاف بروحى ..... تميت انساهى فى روحي

من لولاف امحصل هزا ..... ماصارت حتى فى غزا

[أمـ ساره]

ماشاااااااااااااااااااااااء الله سموحة

يهبلوا

بس الأخيرة قووووووووووووووووووووووية منك


ربي يحفظك ويخليك يارب

[السمحة]

[quote=أمـ ساره;5066]
ماشاااااااااااااااااااااااء الله سموحة



يهبلوا


بس الأخيرة قووووووووووووووووووووووية منك



ربي يحفظك ويخليك يارب

مادام بتحبيهم كل ليلة انزل لكى شوى

[السمحة]

ام سارة هذة من الاشعار اللى تحبة

ماعلينا افداك


ما علينا افداك ... خطاك صار .. انسيتك احملت بلاك

وجعنى ولكن ...ما علينا افداك
موجعه او وجيعه .. ودمعه على دمعه على تدميعه ..
صاعب عليك اشراه ساهل بيعه الخاطر اللى منك جفا بجفاك ..
وين ما تهينع فى شتاك ربيعه .. جا قيض وارياح الخريف وراك
اروى بدمع لاميعاد لا توديعه .. جرر ياس من ياسك ومن فرقاك ..
اختام الحكاية فاجعه مريعة لفراق اريح من بكاى احذاك ..
ما علينا افداك ... خطاك صار .. سامحتك احملت بلاك
وجعنى ولكن ...ما علينا افداك
وما علينا صارت .. لوعه خطاك مع دباير حارت ..
اهتزت معابد صبر فى انهارت تهاوت تهاوى حلم عاش امعاك ..
فيدك وفى ظلك ايام توارت .. عاشن ايامى فى انتظار رجاك
وكان الكفا منك اتقول اختارك .. لقسام تحرمنا ربيع غلاك ..
منك ومى من حد فينا جارت سواياك يالقاسى وسامحناك ..
ما علينا افداك ... خطاك صار .. سامحتك احملت بلاك
وجعنى ولكن ...ما علينا افداك
وماعلينا منا ..خطاك صار وما ظنى اتراجع عنا ..
سامحت فاللى صار موش محنه هذا بيش تعرف انى نهواك ..
وان تما على اللوم ليش اتكنه .. وان نيتك امغير خطاك
صار خطاك ..
وان ودك الخاطر عن دناك انعنه .. وان ودك انعن اخطاى عن خطاك
ما كل ممن تمنى نال ما يتمنى ...لقسام والغلا والرزق من مولاك
ما علينا افداك ... خطاك صار .. سامحتك احملت بلاك
وجعنى ولكن ...ما علينا افداك
وما علينا فضت ...لوعه وتابت بالدموع توظت ..
على قبلة النسيان صلت حظت الخاطر على نسيان صوب غلاك ..
بين النصيحه والاوهام تشظت انجوم غطاهن سواد سماك ..
بيك احتمت من نار ...بيك تلظت نارك نصيبى من دفا دنياك ...
وطوع النصيحة موش قولة غظت عينى الدمعه والنظر ايخطاك ..
بلاك حتى عمرها لو قظت بلاك ما ظنى اتموت بلاك ..
ما علينا افداك ... خطاك صار .. سامحتك احملت بلاك




وجعنى ولكن ...ما علينا افداك

[أمـ ساره]

الله يبارك فيك أختي ويخليك

اني ما نحب الأغاني في حد ذاتها

بس كلامك حلو كرسالة نقال

ربي يحفظك ويخليك يارب

[نسمه ليبيه]

السمحه ماشاء الله 2*1

تكتبى فى غناوى وتنزلى فى الرز المرجع فى نفس الوقت

[أمـ ساره]

ماشاء الله عليك سمووووحة

روووووووووووعه وخيتي صحيتي

[السمحة]

السمحه ماشاء الله 2*1

تكتبى فى غناوى وتنزلى فى الرز المرجع فى نفس الوقت
هههههههههههههههههههههههههههه

الرزالمرجع والغناوى كلهم للاجواد

[نسمه ليبيه]

صدقتى والله

[السمحة]

صدقتى والله
مازال التنور بس نمشى لدرنة اندير مثرودة بالتصوير الكامل من الرمى الى دخول البطن
هههههههههههههههههههههههههههههههههههههههههههههههههه

[السمحة]

شوفى ام سارة جاء مسج الان من ابنت عمتى يقول
يلى على اتسال **انعنك ونس ديما ولى دلال* ما يوم نفقدك
طاف طاف

لولالالالالالالالالالالالالالالالالالالالالالالالا لالالالالالالالالالالالالالالا

[أمـ ساره]

ماشاء الله مسج حلو والله

ربي يديم المحبة بينكم يارب

[أمـ ساره]

هي بنات تصبحوا على خير

وراي نوض بكري غدوة وعزومة وحوسة

تصبحوا على خير يارب

وليلتكم سعيدة

[نسمه ليبيه]

السمحه حودى هذين دزيهن لبنت عمتك هههههههههه


جاك ارياف امسك واتقا*******ضمه راه الياس يحقه

ياالعزيز امسك ماجاك******ارياف وشوق ونار غلاك

[السمحة]

السمحه حودى هذين دزيهن لبنت عمتك هههههههههه


جاك ارياف امسك واتقا*******ضمه راه الياس يحقه

ياالعزيز امسك ماجاك******ارياف وشوق ونار غلاك


دزيت لها

يالولاف انريد املاقة *****واحل فى عينى المشتاقة

[السمحة]

كيف اليوم غياب ابريكة وفضاوى وليبيا قلبى والتائبة للة والساجدة للة والباقى وين بديت نحفظ فى البنات

[السمحة]

هي بنات تصبحوا على خير



وراي نوض بكري غدوة وعزومة وحوسة


تصبحوا على خير يارب



وليلتكم سعيدة

وانتى من اهل الخير ويعطيك الصحة

[نسمه ليبيه]

السمحه انت نايضه الساعه كم اليوم؟

[السمحة]

السمحه انت نايضه الساعه كم اليوم؟
والله النوم متقطع وكان قعدت امخمرة نقعد الى العشرة فقط وطول الليل نوعة ونرقد


وتوا تصبحى على خير ظهرى خلاص

[السمحة]

تصبحوا على خير وليلتكم سعيدة
فى امان الله

[ღ¸¸حرة فوق راس حر¸¸ღ]

السلام عليكم خيركم مكسدين العفو ودنيا مسكتة
حنان بس موجودة
هيا تعااالو

[ليبيا قلبى]

يسعد صباحكم
انشاء الله يومكم سعيد

[أم أيوب]

صباح الخيرات والليرات

كيف الحال جميعا دون اسثناء

[السمحة]

خير ياغوالى كيفكم

[التا ئبه لله]

السلام عليكم
كيف حالكم حبيبات قلبى
صباحكم عسل مع رب مع عصيده
وانتم خلطو خخخخخخخخخخخخخخ

[الساجدة لله]

اليوم عندنا ضيوف جدد جبتلكم الشاهي ومعاه الحلاوات من تحت ايدين ماما الاء الله يذكرها بالخير

http://www.libyan-kitchen.com/gallery/images/untitledq3.jpg

http://www.libyan-kitchen.com/gallery/images/untitleda2.jpg

[السمحة]

[QUOTE=الساجدة لله;5342]اليوم عندنا ضيوف جدد جبتلكم الشاهي ومعاه الحلاوات من تحت ايدين ماما الاء الله يذكرها بالخير

http://www.libyan-kitchen.com/gallery/images/untitledq3.jpg

[IMG]http://www.libyan-kitchen.com/gallery/images/untitleda2.jpg


مشكورة ساجدة جت فى وقتها
انحب المقروض واجد
سلمك جيابة

[التا ئبه لله]

السلام عليكم
شن مقيلين يا عويله نوم العوافى

[أم أيوب]

السلام عليكم

كيف حالك توبة؟؟

صحت ايديك عالحلويات وطويسة الشاهي

[أم أيوب]

ماشااااااء الله عليك بيتزا توبة

سلم ايديك يا حبيبة

[التا ئبه لله]

زهوره الله ايبارك فيك
مش مكانها اتلخبطت والله يا زهوره احلى بيتزا
والله طلعت زيها بزبط

[فضااوي]

شنو حلوياات وبيتزااا وانا قاطعني الصقع واللقع

ههههههههههههههههههههههه

نامسيتكم كوحلي يالغوالي

[أمـ ساره]

السلام عليكم

كيف حالكم يا بنات بلادي

وشنو احوالكم اليوم

[أم أيوب]

شنو حلوياات وبيتزااا وانا قاطعني الصقع واللقع

ههههههههههههههههههههههه

نامسيتكم كوحلي يالغوالي


تفضلي فضاوي على ماجيتي

[أم أيوب]

السلام عليكم

كيف حالكم يا بنات بلادي

وشنو احوالكم اليوم




مرحبتين بأم سرورة

كيف حالك اليوم

وكيف كانت العزومة أكيد ماشاء الله أبدعتي

يعطيك صحيحتك يا رب

[السمحة]

السلام عليكم



كيف حالكم يا بنات بلادي


وشنو احوالكم اليوم


اهلا ام سارةكيف كانت العزومة

[أم أيوب]

صبايا شوية ونجيكم

ننزل نطل على حماتي مريضة واخدة برد

[اريناس]

صباااااااح الخير


كيف الحااال

وشن الاخبار يااحلوات

[أمـ ساره]

أهلين سموحة

اسكتي بالله كيف تمت والله

فرحت بالاول كل شيء كان واتي الساعة 1:30

وحطيت الغذي 2:30

وبعد العصر النسكافيه والحلو والفاكهة

واهو النهار تم كل في عزومة غذي

بصراحة نحب عزايم العشي أكثر

[اريناس]

ام ساره يعطيك الصحه

هاتى المنيو


شن درتى يااسمحه

فى العزومهـ

[اريناس]

شن طلعتواااااااااااااا

[guidona]

السلام عليكم تكيف الحال وشن الاخبار جميعا
اريناس كيف البيبي شن اخبارك ليك وحشه ياسمحه

[أم إيناس3]

السلام عليكم كيف حالكم اليوم يابنات شن اخباركم

[سحابه صيف]

سلامات يا حبو بات

[اريناس]

السلام عليكم تكيف الحال وشن الاخبار جميعا
اريناس كيف البيبي شن اخبارك ليك وحشه ياسمحه


وعليكم السلام

اهلين ومرحبتين ;)كويس الحمدالله وااخبارى صقع وكسسسسسسسسسسسودى :(

لاجديد

وانتى وين غايبه علينااااااا :rolleyes:


وشن اخبارك ؟

[السمحة]

أهلين سموحة



اسكتي بالله كيف تمت والله


فرحت بالاول كل شيء كان واتي الساعة 1:30


وحطيت الغذي 2:30


وبعد العصر النسكافيه والحلو والفاكهة


واهو النهار تم كل في عزومة غذي



بصراحة نحب عزايم العشي أكثر



الحمد لله تمت على خيلا وربى ايعون

[ليبيا قلبى]

اهلين ياحلوين

[السمحة]

بما ان برد تفضاوا يابنات السحلب وصل
http://barhoumadel.files.wordpress.com/2009/11/080306145932xrts.jpg

[اريناس]

بما ان برد تفضاوا يابنات السحلب وصل
http://barhoumadel.files.wordpress.com/2009/11/080306145932xrts.jpg


ههههههههههههه لالا سبقت المره هذاااااااا:p

درته فى الصبح فطرناا عليهـ

صحه صحه

[أم إيناس3]

صحيتى على السحلب شن اخبارك اريناس

[اريناس]

الله يسلمك سمحينى ماارديت عليك

عديت انجيب فى العيال من الباص

الحمد الله تمام اخبارى

كيفك انتى وبنات ؟؟

[أم إيناس3]

الحمد لله شن اخبارك انتى

[السمحة]

اهلا ياصبايا كيفكم

[اريناس]

ققاعدين حال الصقع

كاااااااااااارسين ههههههههههههه

[السمحة]

ققاعدين حال الصقع

كاااااااااااارسين ههههههههههههه
اليوم بس جاء صقع خفيف مازال الجو دافئ هنا

[اريناس]

اليوم بس جاء صقع خفيف مازال الجو دافئ هنا


[]يعوينكم اندزلك اشويه ههههههههههههههه


عرفه يبى كانون فحم وهذاا اوشق

وتحت البطنيه وهذيك العاااااااااله قدمك تركرك:

[السمحة]

[center]يعوينكم اندزلك اشويه ههههههههههههههه


عرفه يبى كانون فحم وهذاا اوشق

وتحت البطنيه وهذيك العاااااااااله قدمك تركرك:rolleyes[/center:]

لالا كويس هك
قولى انتى من وين فى ليبيا

[اريناس]

ههههههههههههانصار سااااااد

يااحنه من بنغازى

[السمحة]

ههههههههههههانصار سااااااد

يااحنه من بنغازى
مرحبتين بيك

[اريناس]

وبيك يااسمحه

[السمحة]

قاعدة
بينكم بين الياهو

[السمحة]

اهلا نسمة شرفتى الدويرة

[اريناس]

هياا خروج انااا

نحط الغدااااااااء

[أمـ ساره]

السلام عليكم

معليشي يا حلوات مبكري اضطريت نطلع والله سامحوني

السمحة الحمد لله فاتت على خير غر دارها فيا الحمص ما بي يطيب


ارنوسه يا حلوة القائمة طلبها زوجي

بيتزا وطاجين جبن ورز مسقي وسلاطة خضراء وسلاطة مشكلة ( جزر - طماطم-زيتون-خيار-حبق معدنوس)

والحلو كريم كراميل وبسكويت فضاوي متاع الكورن فليكس

وطبعا الفاكهة

[السمحة]

السلام عليكم



معليشي يا حلوات مبكري اضطريت نطلع والله سامحوني


السمحة الحمد لله فاتت على خير غر دارها فيا الحمص ما بي يطيب



ارنوسه يا حلوة القائمة طلبها زوجي


بيتزا وطاجين جبن ورز مسقي وسلاطة خضراء وسلاطة مشكلة ( جزر - طماطم-زيتون-خيار-حبق معدنوس)


والحلو كريم كراميل وبسكويت فضاوي متاع الكورن فليكس



وطبعا الفاكهة

تسلم ايديك وربى يعطيك الصحة والعافية

[أمـ ساره]

الله يسلمك سموحة ويبارك فيك وخيتي

[أم أيوب]

مساء الخيرات لكل الغاليات

الحاضرات منهم والغايبات

كيف حالكم؟؟؟؟

[اريناس]

السلام عليكم

معليشي يا حلوات مبكري اضطريت نطلع والله سامحوني

السمحة الحمد لله فاتت على خير غر دارها فيا الحمص ما بي يطيب


ارنوسه يا حلوة القائمة طلبها زوجي

بيتزا وطاجين جبن ورز مسقي وسلاطة خضراء وسلاطة مشكلة ( جزر - طماطم-زيتون-خيار-حبق معدنوس)

والحلو كريم كراميل وبسكويت فضاوي متاع الكورن فليكس

وطبعا الفاكهة

ماشاء الله

وان شاء الله ديمه مستوره باذنهـ

[اريناس]

مساء النور

زهووووووووره

شن الاحوال عندك

[ليبيا قلبى]

اهلين
بجميع

[أم أيوب]

كيف حالك اريناس؟؟؟

اليوم الجو عندنا صقع

بس أكيد مش زيكم في أمريكا

دفيت لما درت كانون فحم وحطيت شوي وشقة وبخورة ولبان

شنبيري عجبه الجو ما طلعش

توة رقدته وفضيتلكم

[ليبيا قلبى]

اريناس
السمحه
ام ساره
زهوره
ومن موجود اخر
كيف حالكم

[أم أيوب]

اهلين
بجميع


مرحبتين ليبيا كيف حالك اليوم

بدري لقيت رسالتك وخشيت المنتدى

لقيت لازم تسجيل

سجلت لكن الرسالو متاع تفعيل الاشتراك ما وصلتش ايميلي

[نسمه ليبيه]

كيف حالك اريناس؟؟؟

اليوم الجو عندنا صقع

بس أكيد مش زيكم في أمريكا

دفيت لما درت كانون فحم وحطيت شوي وشقة وبخورة ولبان

شنبيري عجبه الجو ما طلعش

توة رقدته وفضيتلكم

ههههههههههههه حلوه رقدته ختى انا راجلى قالى انت خلاص وصلتى لمرحلة الادمان على النت مع انى والله مانقعدش عليه واجد

[ليبيا قلبى]

مرحبتين ليبيا كيف حالك اليوم



بدري لقيت رسالتك وخشيت المنتدى


لقيت لازم تسجيل



سجلت لكن الرسالو متاع تفعيل الاشتراك ما وصلتش ايميلي



اهلين زهوره
والله اليوم مريضه شويه
واخذه برد
شكله خذيته من راجلى

وياحنا المنتدى فيه حاجات حلوه على التجهيزات البيبي
قلت بلكى تستفيدى منه

[السمحة]

نحن هنا
كيفكم وايش فى من جديد

[أم أيوب]

ههههههههههههه حلوه رقدته ختى انا راجلى قالى انت خلاص وصلتى لمرحلة الادمان على النت مع انى والله مانقعدش عليه واجد


أهلين نسمة

هو من زمان معترف بالحاجة هذي

بس اليوم درت خطة عشان هو قاعد

قعدت جنب راسه ونقول

أكيد الدويرة عامرة توة والبنات يدردشن

يقولي عادي افتحي واحكي معاهم

أنا نقول معقولة نسيبك بروحك

حسيته قصر الطريق ورقد

قلت يلللللللا الى النت

[السمحة]

اهلين زهوره
والله اليوم مريضه شويه
واخذه برد
شكله خذيته من راجلى

وياحنا المنتدى فيه حاجات حلوه على التجهيزات البيبي
قلت بلكى تستفيدى منه

بعيد السوء عليك ليبيا قلبى ماتشوفى شر

[ليبيا قلبى]

كيف حالك اريناس؟؟؟

اليوم الجو عندنا صقع

بس أكيد مش زيكم في أمريكا

دفيت لما درت كانون فحم وحطيت شوي وشقة وبخورة ولبان

شنبيري عجبه الجو ما طلعش

توة رقدته وفضيتلكم


هاهااهاهاهاهاها
والله ضحكتينى
صار رقدتيه
وانتى ياحنا من يرقدك
انا ياحنا راجلى مزال ساهر
يتفرج على فيلم
وانا قاعده جنبه
بس لما يتفرج على فيلم
لاحياة لمن تنادى
يقعد فى عالم تانى

[اريناس]

كيف حالك اريناس؟؟؟

اليوم الجو عندنا صقع

بس أكيد مش زيكم في أمريكا

دفيت لما درت كانون فحم وحطيت شوي وشقة وبخورة ولبان

شنبيري عجبه الجو ما طلعش

توة رقدته وفضيتلكم

ممممممممممممممممم تسهفينااا بجوووو

نحن هناا تحطى اشويه بخور جهااز الانظار يعيط ههههههههههههه

معاااقده لياااا كان تحقينى كيف نبخر بسرقه عليهاا هههههههههههه ونحط عليهاافى نايلو بيش ماايشم

[نسمه ليبيه]

أهلين نسمة

هو من زمان معترف بالحاجة هذي

بس اليوم درت خطة عشان هو قاعد

قعدت جنب راسه ونقول

أكيد الدويرة عامرة توة والبنات يدردشن

يقولي عادي افتحي واحكي معاهم

أنا نقول معقولة نسيبك بروحك

حسيته قصر الطريق ورقد

قلت يلللللللا الى النت
ههههههههههههه كيدهن عظيم

[أم أيوب]

اهلين زهوره
والله اليوم مريضه شويه
واخذه برد
شكله خذيته من راجلى

وياحنا المنتدى فيه حاجات حلوه على التجهيزات البيبي
قلت بلكى تستفيدى منه


ألف لاباس عليك

ردي بالك من روحك لأن البرد مع الحمل يقولوا واعر

بلكي توصلني رسالة المنتدى بكرة

سهفتيني عليه

كيف حاله زوجك انشالله اليوم أحسن

[السمحة]

معليش انا كنت انغطى فى حبيبى واطمنت انة رقد طلعت
وجيت انسهرى

[ليبيا قلبى]

اهلين بسمحه
الله يسلمك ياغاليه
شكلى خذيت المرض من راجلى
اصلآ حتى هوا مريض

[أم أيوب]

نحن هنا
كيفكم وايش فى من جديد


مرحبتين سموحة كيف حالك

[اريناس]

أهلين نسمة

هو من زمان معترف بالحاجة هذي

بس اليوم درت خطة عشان هو قاعد

قعدت جنب راسه ونقول

أكيد الدويرة عامرة توة والبنات يدردشن

يقولي عادي افتحي واحكي معاهم

أنا نقول معقولة نسيبك بروحك

حسيته قصر الطريق ورقد

قلت يلللللللا الى النت


هههههههههههانصار ماصدقتى

نوم العوااافى

[نسمه ليبيه]

زهوره كان تضحكى عليا اليوم صقعت بكل والضى طافى مشيت جبت دفاية القاز والقاز من البدرون ووشغاتها وبخرت عليها


جو لاقوة الابالله

[السمحة]

اهلا زهور كيفيك وكيف البيبى
اهلا ليبيا بعيد الشر عليك لبيبا تمرض نمرضو كلنا

[ليبيا قلبى]

اريناس
شنو الجووووو
انشاء الله تمام

[نسمه ليبيه]

لاباس عليك ياليبيا ردى بالك من روحك

[أم أيوب]

ممممممممممممممممم تسهفينااا بجوووو

نحن هناا تحطى اشويه بخور جهااز الانظار يعيط ههههههههههههه

معاااقده لياااا كان تحقينى كيف نبخر بسرقه عليهاا هههههههههههه ونحط عليهاافى نايلو بيش ماايشم


حتى خالتي في سويسرا تشكي من النقطة هذي

بس فكرة تديري كمامات لجهاز الانذار

انشالله تروحوا بالسلامة وتبخري 24 ساعة

[السمحة]

زهوره كان تضحكى عليا اليوم صقعت بكل والضى طافى مشيت جبت دفاية القاز والقاز من البدرون ووشغاتها وبخرت عليها


جو لاقوة الابالله
جاكم الصقع ياعوينكم
تعرفوا درت شخشير صوف ومازال الصقع ماجاء

[ليبيا قلبى]

ياعوينك ياعرب البيضاء
شكله صقع عندك
واحنا امتى ايجى عندنا

[اريناس]

لابااس ليبيااا

وردى باالك من روحك

واى منتدى هذاا ابعثيه لياا ع مسنجر


بيش نتعلمواااااااااا


نسومه شن الاخباااار عندك

[ليبيا قلبى]

لاباس عليك ياليبيا ردى بالك من روحك


الله لايوريك باس ياغاليه
مش عارفه كيف مرضت لا فيه صقع لاشى

[أمـ ساره]

ارنوسه الله يسلمك حبية وربي يسترنا جميعا ان شاء الله


زهورة الحبوبة كيف حالك وخيتي وشنو احوالك اليوم

وربي يحفظلك راجلك ان شاء الله



ليبيا قلبي مرحبتين بيك يا غالية كيف حالك اليوم


نسمه يا غالية كيف حالك وشنو احوالك


شنو رقدتوا رجالتكم حتي انتم والا مازال هههههههههههههههههه

[اريناس]

حتى خالتي في سويسرا تشكي من النقطة هذي

بس فكرة تديري كمامات لجهاز الانذار

انشالله تروحوا بالسلامة وتبخري 24 ساعة


راجلى قالى ان شاءالله يشوفوك يشيطوك بمخالفه

هههههههههههه


ليبياا الله يسلمك بخير

[أم أيوب]

زهوره كان تضحكى عليا اليوم صقعت بكل والضى طافى مشيت جبت دفاية القاز والقاز من البدرون ووشغاتها وبخرت عليها


جو لاقوة الابالله


أنا دفاية القاز في الشتاء عندي بيها جو مش عادي

تعرفي الشتاء اللي فات سمنت أنا وزوجي سمنة مش عادية

من وراء دفاية القاز

طرحتلها مفرش في دار المعيشة

وخوديلك بطاطا حلوة مشوية عليها

على قسطل

على حليب وشاهي

وخبيزة وجبنة مبشمطات عليها

طول الليل من بعد المغرب لأمتى

بس الشتاء هذا خايفة منها يقولوا مش كويسة عالحامل

تعرفي مرات نطيب عليها تطييب

البراك والقلاية محلاهم عليها

[أمـ ساره]

ليبيا حبوبة

لاباس عليك وخيتي وردي بالك على روحك وما تاخذي اي دواء لين تسألي الدكتورة

وشنو حالها راجلك اليوم ان شاء الله أحسن من قبل

[السمحة]

اهلا ام سارة كيف سامرة اليوم

[أم أيوب]

ياعوينك ياعرب البيضاء
شكله صقع عندك
واحنا امتى ايجى عندنا


حتى ماما متسهفة عالشتاء

قالت نحن الجو يصقع شوية في الليل

اليوم من الصبح عندنا فالبيضاء الشمس ما طلعتش

مغيمة

[اريناس]

أنا دفاية القاز في الشتاء عندي بيها جو مش عادي

تعرفي الشتاء اللي فات سمنت أنا وزوجي سمنة مش عادية

من وراء دفاية القاز

طرحتلها مفرش في دار المعيشة

وخوديلك بطاطا حلوة مشوية عليها

على قسطل

على حليب وشاهي

وخبيزة وجبنة مبشمطات عليها

طول الليل من بعد المغرب لأمتى

بس الشتاء هذا خايفة منها يقولوا مش كويسة عالحامل

تعرفي مرات نطيب عليها تطييب

البراك والقلاية محلاهم عليها


يااعينى عجوووووووووووو الشااعرى

خطرتى ع القسطل ههههههههههههههه

البطاطاا الحلوه هنااااا لونه حمر ياابنات فى ليبيا شن لونهاا نسيتهاااوالله

[أم أيوب]

زهورة الحبوبة كيف حالك وخيتي وشنو احوالك اليوم

وربي يحفظلك راجلك ان شاء الله




أهليييييين أم سارة

كيف حالك اليوم؟؟؟

[أم أيوب]

يااعينى عجوووووووووووو الشااعرى

خطرتى ع القسطل ههههههههههههههه

البطاطاا الحلوه هنااااا لونه حمر ياابنات فى ليبيا شن لونهاا نسيتهاااوالله


حتى هنا حمراء

زي لون الفجل بس أغمق شوية

وشن رايك في جو الدببة

حتى الدببة في الشتاء يقعدوا كارسين وياكلو

[أمـ ساره]

السموحة

توا الحمد لله نحس في روحي ارتحت شوي من مبكري واني على اعصابي


زهورة

ان شاء الله باهية بس متعصبة هلبة والله كيف رقت شوي


ارنوسة يا حلوة بطاطتنا بيضاء ابعثيلي الحمراء ونبعثلك بيضاء شن رايك