'طمنوني علي طرابلس وعلي المنطقة الغربية اعصابي متوترة

[ام ثواب]

كيف حالكن خووووووووووووووووووووواتي العزيزات علي قلبي ان شاءالله امركن تمام دخلت علي غرف البالتوك وجدت فيها غرف لازلام الانظام السابق واتريهم كلهم ماكانو في الجبهات وهربوا لما ضاق الخناق عليهم وقعدو طراطيش بس اللي شككني وخوفني علي طرابلس انهم قاعدين يلموا في بعضهم ويبو يردو ضنا المقبور لليبيا وقاعدين ياناري لانوم لاشي وحتي الاكل ياكلو وهما يتكلمو علي الميك ياناري من كثر راحت اعصابهم وقد ما تقنعيهم لاحول الله مايقتنعوا يبو ضنا الطاغية يشدو البلاد بالسيف اصلا ليبيا مزرعة ولاد معمر وهما الورثة الوحيدين ويحكو ودمهم محروق وبيانات من قياة المقاومة علي قولتهم وقاعد عمك حمزة يغرد وعمك مصطفي وقاعدين قياداتهم في الجبهات مش عارفة كيف لاتو مادروش تعداد حقيقي للسكان علشان يحصروا ها النماذج التافه ياخوفي المجلس دايرهم مفقودين ويعطي في هلهم فلوس ويصرفوعليهم وللعلم هلهم عارفينهم وين بس سجلوهم مفقودين حتي يبعدو عنهم الشك وهم علي اتصال حذر بهلهم داخل طرابلس ونحنا والمجلس واخذتنا الطيبة ونقولو مصالحة وهذوم عيالنا وهما فيك ياودي لديهم جماعات في بن وليد وزليطن وسرت وطرابلس وتاورغاء ومصرين علي تصفية رجال مصراتة وشيوخ واامة مساجد طرابلس اضافة لنخبة الطاهرة و المثقفة والمتعلمة المرشحة للانتخابات ويبثو في القبلية والاشاعات يوم قتلو البراني اشكال ويوم مصطفي عبد الجليل مصاب اصابة خطيرة وقاعد في المانيا المهم توا نكمل بعدين لظروف طارئة

[luba]

فوتيهم ام تواب هدومه كمشه مرضي نفسيين نسمع فيهم مايقدروا يديرو شي وربي معاناالمشكله في ليبيامدينه وحده كان ينظفوها تنظف كلها

[هذيان!]

عشم ابليس في الجنة

كان حلمهم يولوا

اللي يخطط لرجوع المقبور لا يبعبع في البالتوك

هذوما مقاتلين الكيبورد

صنعتهم دوة بلا فعل

ارتاحي وحطي رجليك في مية باردة

ونصيحة لا تسمعيهم ولا تخشي غرفهم

[مسعودة]

ربى يحفظ بلادنا ويحفظنا

(( اللهم اجعل هذا البلد ءامنا وسائر بلاد المسلمين آميـــــــــــــــن

[عهود]

النوعية هذه ماعندها الا الدوة بلا فعل
خليهم يحلمو وكيف مايقول المثل القافلة تسير و...... تنبح

هذه ارادة الله حكم فيها
وهم مواليين لمن كفر واستهزأ بالله واستهزأ بالرسول صلى الله عليه وسلم
فهل سينصرهم الله ؟؟؟؟
ربي يحفظ ليبيا وكل ليبي حر اصيل
واتمنى وادعو الله ان يتم الحكم بالشريعة الاسلامية في بلادنا
وبالنسبة لطرابلس مافيها الا الخير مالاحظت فيها شي