باركولى غسالة صحون

[ليبيا قلبى]

الحمد الله

واخيرآ شريتها
من زمان وخاطرنى فيها
وشريتها الحمد الله
مريحه بشكل غريب
المطبخ مسرع ماينظف
ويطلعوو الموعين ايلمعووو
منها

http://www6.0zz0.com/2012/05/27/21/453974729.jpg

ماشاء الله

[مغتربة 7]

بسم الله ماشاء الله

الف مبروووووووووووك حبيبة
ان شاء الله تبيديها بالهني يارب وتتهني بيها
وربي يرزقك خيرها وخير ما صنع لها

منورة ياليبيا ليك وحشة
عودا حميدا

[كيمو 2010]

اللف مبروك اكيد راح اتريحك في رمضان

[ترهونيه حره]

الف مبروك تبيديها بالهناء

[om_adnan]

مباركين ليبيا قلبى ,واحدة على الغسالة والثانية لان حاجة كان خاطرك فيها وصار منها.

[ليبيا قلبى]

مغتربه

وانتى اكثر ياغاليه

والله يبارك فيكن ياغاليات

[وصال]

مبارك عليك ليبيا قلبي
أن شاء الله بالخير عليك
والحمد لله أللي حصلتي اللي خاطرك فيه

[Om Amory]

ألف ألف مبروووووك حبيبه

العقباليا ههههه

حتى انى بناخدها قريبا إن شاءالله

[عهود]

مبروك ليبيا قلبي تبيديها بالهني
ياوخيتي عمري مااستعملتها واول مرة من شوفتها في الصورة وشكرتيها حببتيني فيها وع السوق طوووول
لاكن قوليلي تغسل حتي الطناجر والدهون الى فيها ؟؟

[barney]

ماشالله انشالله مبروكه عليك وانشالله اتبيديها بالهني الف الف مبروك

[الصابرة]

الف الف مبروك تبيديها بالهناء يارب
وجت في وقتها رمضان على الباب
ان شاءالله يارب تحققي ماتتمني

[الساجدة لله]

حبيبة ياريت تزيدي تفاصيل عليها

زي الثمن واسم المحل وكدلك تفاصيل التشغيل متعها

باانتظار التفاصيل

[ليبيا قلبى]

بارك الله فيكم على المرور الجميل

عهود

ايه حبيبتى تغسل الطناجر والدهون انا انمصمص فيهن باماء وبعدها انحطهم
وسمعت انا التيفال لا مش عارفه انا اصلا غيرت طناجرى كلهن سالاستيل

الساجده

انشاء الله حبيبتى توه انحط

[Om Amory]

ايه ياليبو يااااريت تزيدينا تفاصيل

لانى بنشريها قريبااااااااااااااا هههه

[ام لبنتين وولد]

الف مبروك حبيبتي ونبي نسالك
كيف تاخد المية متاعها شيشمة بروحها والا اعلقي علي شيشمة اللوندينو اشرحيلي بالله عليك
وبالنسبة للصابون نسمع بان صابونها خاص هل صح او لا
وبالنسبة للطناجر تغسلهم
واخيرا سعرها كم وحجمها شنو
ومية الف مبروك حبيبتي وتبيدي بالهنا