[ تطبيق] البريوش السويدي لام ميوسة من مطبخ لوبا

[luba]

السلام عليكم ورحمة الله

http://www.libyan-kitchen.com/gallery/images/breadrxr.gif

البريوش السويدي بأناملي


http://www.libyan-kitchen.com/gallery/images/img000frf.jpg


من مدة شفت طريقة لتشكيل المعجنات في منتدي اجنبي ممكن لغته سويدي او تركي حسب ماقالولي اللي بعتولي رابطه مش عارفه المهم مش انجليزي و العجين ماعرفت شن نستعمل بس نشكر كل من طبق البريوش السويدي لأم ميوسه والشكر الكبير لأم ميووووسه لانها عجينه تحفه وتهبل اخدت العجينه من ام ميوسه وشكلتها من منتدي اجنبي من عضوة اسمها
فالنتينا زوركان بعض العجائن ليس لديها شرح وحبيت يكون التفصيل من تحت ايديا في منتدانا الغالي

عجينه البريوش لام ميوسة اضغط هنا (http://www.libyan-kitchen.com/kitchen/showthread.php?4559-%C7%E1%C8%D1%ED%E6%D4-%C7%E1%D3%E6%ED%CF%ED-%E3%E4-%E3%D8%C8%CE-%C3%E3-%E3%ED%E6%D3%C9)

http://www.libyan-kitchen.com/gallery/images/img0000054.jpg

صورة للعجينة قبل التخمير بعد تخمير العجينه كم من مرة يعني كسرت تخميرها 3 مرات

http://www.libyan-kitchen.com/gallery/images/img0000055.jpg


نقسم العجينه 4 كور او اكتر كانت عجينتي من كوبين دقيق نصف كميه ام ميوسه

http://www.libyan-kitchen.com/gallery/images/img000gvg.jpg

نرش الطاوله بالدقيق ونفرد الكورة الاولي ونضعها في طاجين كبير او صفرة الفرن ندهنها بالزبدة المدابة في دجه حرارة الغرفة

http://www.libyan-kitchen.com/gallery/images/img000yoy.jpg

نفرد الكورة التانيه ونحطها علي الاولي المدهونه وهكدا حتي نكمل الاربع اجزاء واخر طبقه اللي علي الوجه ماندهنها

http://www.libyan-kitchen.com/gallery/images/img0000056.jpg

و ناخد عود خشبي او اي اداة نعلم بيها الشكل بالضغط عليها بسيط

http://www.libyan-kitchen.com/gallery/images/img000kyk.jpg


وناخد سكين حااااااد ونقطعها علي شكل متلتات اللي علمناهم وعلمت الطريقه بالرسم


http://www.libyan-kitchen.com/gallery/images/img000fef.jpg

وكل متلت نقصه بالسكين في الوسط بدون قص القاعده وقمة المتلت وناخد انلف المتلت في داخل الشق كيف ماتحبي سواء لفة او لفتين

http://www.libyan-kitchen.com/gallery/images/img000pwp.jpg

وهني درت بلفة وحدة للتوضيح كيف شكلها بوحده


http://www.libyan-kitchen.com/gallery/images/img000xcx.jpg

والتانيه لفتين

http://www.libyan-kitchen.com/gallery/images/0003.jpg

ولما احني لفينا راس المتلت الي الداخل من خلال الشق تلتف معاك القاعده

http://www.libyan-kitchen.com/gallery/images/img000fqf.jpg

وتجمعيهم جنب بعض في صفرة للخبز وتكون واسعه
http://www.libyan-kitchen.com/gallery/images/000000blb.jpg

http://www.libyan-kitchen.com/gallery/images/img000klk.jpg


http://www.libyan-kitchen.com/gallery/images/img0000057.jpg

نخلوها تتخمر وندهنوها بالحليب المركز و صفار البيض

http://www.libyan-kitchen.com/gallery/images/img000tkt.jpg

بعد ماتخمرت بعصا الاسياخ نزلت بعض منهم بدون مانقطع مجرد حزيتهم حز انتبهوا لشكلهم بعد ايطيبوا كيف محتلفات وحلوات


http://www.libyan-kitchen.com/gallery/images/img0000058.jpg

وندخلوها لفرن حامي في الوسط علي حرارة 180 درجه مئوية وهدا شكلها بعد طلعتها

http://www.libyan-kitchen.com/gallery/images/img000sos.jpg

شوفوا اللي نزلت عليهم بالعصا كيف مختلفات وتحصلي تشكيله جديده

http://www.libyan-kitchen.com/gallery/images/img0000059.jpg


http://www.libyan-kitchen.com/gallery/images/img000mkm.jpg

وهدا صحن لام ميوسة

http://www.libyan-kitchen.com/gallery/images/img000yiy.jpg

وهدا لكل من طبق عجينة ام ميوسه وشجعنا عليها وكل من يطبق وطريقة التشكيل


http://www.libyan-kitchen.com/gallery/images/img000zqz.jpg

http://www.libyan-kitchen.com/gallery/images/img000ywy.jpg

ملاحظاتي :

يفضل تخدمي بيها والزبدة بدرجه حرارة الغرفه يعني مش مدوبه عدلي في ملامحها بعد التشكيل يعني لمساتك اضيفي السكر المحبب بين الطبقات او اي نكهه واني مااضفت شي لانه مانبوها فيها حلاوة اعتقد والله اعلم تشتغل فيهم وهما متخمرين وبعدين تخمرهم تاني هده اول مرة نديرها ان شاء الله نجربها بالتخمير وبشكل تاتي انتظروني

يارب تعجبكم

[المروالوردي]

http://www.libyan-kitchen.com/gallery/images/img0000059.jpg


سبقتك يا مغتربة ههههههههههه

تسلم ايديك لوبا

وصحتين

[أم خديجه]

ما شاء الله لاقوة الا بالله
http://www.libyan-kitchen.com/gallery/images/img000frf.jpg

تسلم ايدياتك
الشكل روعه
ربي يعطيك الصحه

لك احلي تقييم
وينك يا مغتربه فاتي البريوش

ما شاء الله علي لوبا مكثره منه

[حاملة الورد]

تسلم إيديكي برويوش ايهبل وخطواته بسيطة وسهلة وواضحة
تستهالي التقيييم بجدارة

[لوتي]

بريوش تحفة وتشكيلته روووعة تسلم الأيادي وليك أحلى نجوم

[om_adnan]

بصراحة موضوع صاحبة الانامل بذله فيه مجهود,والله لولو ما قصرتى فى الشرح, ماشاءالله عجبتنى الفكرة,هل فى الامكان وضع الرابط اللى حكيتى عليه,جزاك الله خيرا لوبا.

[luba]

شكرا للجميع علي المرور وبارك الله فيكم
وان شاء الله تجربوها
ام عدنان تو نبعته علي الخاص مش عارفة ان كان مسموح اولا

[مغتربة 7]

http://www.libyan-kitchen.com/gallery/images/img000yiy.jpg

غير شن ها الرعايش يالوبا لحقت على الطرف السمين ماهو المروالوردي خدت الصونية كلها يالطيف خايفين من مغتربة كلهم

بسم الله ماشاء الله
بريوش يهبببببببببببببببل الصراحة ابدعتي يالوبا
والمنظر ياولدييييييييي يجنن
تسلم الايادي الى تلتف بالحير
طبعا طبعا تستاهلي احلى تقييييييييييييييييييم

[luba]

شكراللمرور والتقييم وبارك الله في الجميع

[بنت حواء]

ماشاااااااااااء الله بريوش يشهي والمنظر تحفة بجد وطريقتك في الشرح بالصور واضحة جدا
سلم يدياتك........... وصحتين عليكم

[أم ميوسة]

ما شاء الله لوبا

بريوش تحفة ياخد العقل روعة

لكن ريتي مغتربة لما محصلتش الصحن الأول ولت على صحني

ما دخلنيش فيك كلميها نبيها حصتي ههههههههه

تسلم ايدياتك ابدعتي الشكل رهيب تحفة

والصور ممتازات والشرح واضح بصراحة كل شئ ممتاز

احلى تقييم ليك

وصحتين وعافية

[عهود]

يالطيف خايفين من مغتربة كلهم

وانا اولهم كل موضوع ندعي ان شاءالله ماتلحقش مغتربة ع الصونية وتلحسها كلها بروحها
ووووك فرحت لما مالقيتكش الرد الاول دورة طلعتيلي طلعتيلي ههههههههه


ياعيني عليك يالوبا مشاءالله عليك شكلتي العجينة تشكيلة تهبل وكان اني نقعد عام بيش نشكل نصها
ربي يعطيك الخير والصحة حبيبة

[مغتربة 7]

باهي باهي ياعهود انتي وام ميوسة

كان مازال حصلتوا حاجة معاي اها:mad:

[عهود]

الحكاية فيها عناد اهااا
بنبدا نبات ع باب المنتدى كل موضوع اكل ينزل نلقفه اني الاولى :p

صحتين والف عافية علي قلبك

[مغتربة 7]

عهود اني وين نقدرك بنستسلم المهم تقسمي عليا

[luba]

شكرا طبعا لكل من مرت من هنا واضافت كلماتها الحلوة

وفي الاخير استسلمت غروبه خوفا انها ماعاد تحصل علي شي
وااااك ياكبيرة البطن

صحتين ليكن وعاد نبوا تطبيقات احلي من هدي
ساهلة ياعهود صح مش فنايات كيف مولاتها لكن طلعت باهيه
يالله ماعاد في سبل ورينا الحاجات من الكتشن الجديد

[عهود]

غروبة شورها تبصر والله اني لي مانقدهاش ديما محصلة ع الكرسي الاول من الدرجة الاولى :cool:
لاكن تستاهل الحق


الكيتشن الجديد غير يوصل اثاثها الجديد ومن عيوني تو تشوفو احلى الوصفات لي غلبت بيها منال العالم وزينب محمد هههههه

توا الكيتشن قاعدة ع الزليز ان شاءالله رمضان نبدا في الوصفات والوجبات الشهية

مشاءالله عليك بريوشك مجوعني وعيوني يرعشو

[الصابرة]

روعة روعة روعة يالوبا سلم دياتك
وفعلا شكله مش عادي ويستحق التعب وشجعتيني اني انطبقه
ربي يحفظك ويخليك
قبل بناخذ حصتي لكن البنات سقوني
لكن ماتعرفيش مرات ناكلها من ايدك حق
ولك تقيييمي

[luba]

عهود موتيني ضحك الله يحفظك وان شاء الله بيت عامر بأهله الطيبين
وياصبورة ماتعلمي علي الدنيا راهي صغيرة مرات تصير
ان شاء الله وادلعي مش بريوش بس كل اللي نفسك فيه الا العصيدة مانحبها ومانعرف نديرها

[luba]

غي غي فيسع اعطي لام ميوسه صونيتها كان اديري تطبيق نعطوك الصنيه كلها شن رايك العرض مغري اكيد

[ترهونيه حره]

يسلموووووو الايادى يالوبا
بريوش رهيب يستاهل التقييم

[luba]

شكرا ترهونية حرة وبارك الله فيك علي التقييم والمرور

[الساجدة لله]

تسلم الايادي ياغالية ماشاء الله بريوش مميز ولفة اروع ماشاء الله لاقوة الابالله

[luba]

Thanks sajooda we missing you

[أم عدى]

ماشاء الله

بريوش مميز

تسلم الأيادى

[أم عبادة الليبية]

ماشاء الله تبارك الله لوبا شغل احترافي ربي يحفظك وان شاء الله انجرب الطريقة .




http://www.libyan-kitchen.com/gallery/images/img000sos.jpg
د

[luba]

اهلين ام عدي وامولة نورتوا المنتدي والموضوع جربي وحتستمتعي وانت تشكلي فيه

[نسمه ليبيه]

وين الابداع ها كله ياشيف لوبا

ابداع ولااروع ولااجمل

يسلموا ايديك وماشيه للتقييم