[خبزة ] من مطبخ لوبـــــا

[luba]

السلام عليكم ورحمة الله وبركاته


http://www.libyan-kitchen.com/gallery/images/hbhmgh.gif

هدي التشكيله التانيه ومحرفة عن الاصلية

http://www.libyan-kitchen.com/gallery/images/img000xix.jpg


العجينة :

2ونصف كوب دقيق - 3\4 كوب ماء دافي مداب فيه ملعقه كبيرة خميرة وسكر

شويه ملح - شويه حليب باكو

http://www.libyan-kitchen.com/gallery/images/img0000060.jpg


http://www.libyan-kitchen.com/gallery/images/img000qmq.jpg



الدهن : حليب مركز مخلط بصفار البيض

الخطوات :

نقسم العجينه 4 كور متساوية

نرش الطاولة بالدقيق ونفرد وكل دائرة نحطها في صفرة الفرن وندهنها بزبدة
مدابة في درجه حرارة الغرفة

http://www.libyan-kitchen.com/gallery/images/img000tyt.jpg

http://www.libyan-kitchen.com/gallery/images/img000hhh.jpg

نكمل 4 طبقات جربت نخليها ترتاح الشغل كان مع عجينة الخبز صعب
ويبي وسعة بال

والافضل الشغل عليها وهيا غير مرتاحه

ونعلم بعود خشبي او سكين علامات للقص بسكين حاد

http://www.libyan-kitchen.com/gallery/images/img000ncn.jpg

نقصوا متلتات بدون الوصول الي المركز

http://www.libyan-kitchen.com/gallery/images/img000ese.jpg

وكل متلت نقصوه من الداخل بدون الوصول الي الاطراف

نلف القاعدة الي الداخل ونبرمها للقدام كيف ماتحبي سواء لفة وحده او اتنين
انا هني درت اتنين لانه العجينه رطبة هلبه وبلفة وحدة جربت شكلها مش باين

http://www.libyan-kitchen.com/gallery/images/img000iti.jpg


وبعد نكمل ندخل زوايا قواعد المتلتات الي الداخل وتتكون وردة

http://www.libyan-kitchen.com/gallery/images/img0000061.jpg

نخلوها تتخمر حتي تلصق في بعضها

ندهنها بالحليب والبيض

http://www.libyan-kitchen.com/gallery/images/img000bgb.jpg


http://www.libyan-kitchen.com/gallery/images/img000cic.jpg


وندخلها لفرن حامي في الوسط علي درجه 180

http://www.libyan-kitchen.com/gallery/images/img000ono.jpg

وبعدين نحمروها ونطلعوها ونغطوها بمنديل عشان تصيح رطبة

http://www.libyan-kitchen.com/gallery/images/img000lll.jpg


http://www.libyan-kitchen.com/gallery/images/img000rxr.jpg

وان شاء الله تعجبكم

ملاحظاتي :
مع عجينة الخبز صعب التعامل لازم تكون العجينه متماسكه
في العجينه للشكل الاول اسهل بس يفضل تغلظي الطبقات ليظهر شكلها افضل

[بنت الاشراف]

ماشاء الله سلمت يداك لك تقييمى

[ترهونيه حره]

ماشاء الله يسلمووووووووو
الايادى خبزه حلوه ومنظرها
احلى وجااااااااارى التقييم

http://www.libyan-kitchen.com/gallery/images/img000xix.jpg

[om_adnan]

وعليك السلام لولو..شنو الحركات الحلوة,ماشاء الله,حنحاول نأخد صحن,سلم إيديك وصحتين عليكم.

[om_adnan]

ماعرفتش كيف نأخد,انشوف مغتربة انقولها احسبنى معاك.

[luba]

بنات شكرالمروركم السمح والتقييم.
ام عدنان يارب يخليلك سلفتك ويخليك ليها احباب اقراب

[مغتربة 7]

http://www.libyan-kitchen.com/gallery/images/img000bgb.jpg

معليشي تو انطيبها فى كوشتي المهم انلحقققققققققققققققق :p عيوني طلعووووو:rolleyes:

بسم الله ماشاء الله عليك يالوبا وعلى ايدياتك
طلعة معاك اللفة هذه مش عااااااااادية
ا ب د ا ع ت ي الصراااحة
تسلم الايادي الى تلتف بالحرير
تستاهلي عشرة نجمات مش خمسة

[luba]

العفو يا غي غي مانبوش نتعبوك اني مكترة الصواني والا مستسلمه لعهود

[مغتربة 7]

لولو لالا ماهو نبيها سخوووووونة انتي مش فاهمة

استسلمت اه اه شن قولتي اس غمي يامراة :eek:

[المروالوردي]

تسلم أناملك يا لوبا المبدعة

وأحلى تقييم لعيونك

[بنت حواء]

ماشاء الله يالوبا خبيزة طالعة تجنن بس نبي نسألك:
أنا العجائن هذي اللي تقعد مدهونة بالزبدة وملفوفة هلبة لفات وبعدين مدهونة بالحليب
تتحمر قبل ماطيب كويس نخليها نين نحسها بتنحرق لكن ماطيبليش باهي
فياريت تقولي كيف اطيبيها بالزبط وهل يوصل النضج للطبقات الملفوفة في بعض؟؟؟؟؟
المهم معجناتك تشهي............ وسلللللللللم يدياتك

[الصابرة]

الله يبارك في دياتك شكلي بنوض انديرها
ربي يحفظك يارب
لك تقييييييييييييييييمي

[luba]

شكرا لمروركم واهتمامكم بارك الله فيكم
هيا ياالصابرة نوضي وجربي وورينا اكيد من ايديك اروع
بنت حواء كلامك صحيح في الاول كانت النار 180 وبعدين نقصت عليها شويه لحد ما طابت من تحت
في التحمير خليتها في نفس الرف والنار ضعيفة عشان اطيب بالحرارة قبل التحمير
وسعيدة لسؤالك الدقيق والملاحظة القوية

[عهود]

اني لي استسلمت لمغتربة خلاص عليا ;)
تلحق وتلهف مني في الطروف الملاح وتقول استسلمت بععع بع منها

خبزة رووعة يسلموو ايديك الحلوات ربي يعطيك كل الخير

[luba]

بارك الله فيك عهوده وفي كل البنات علي مروركم الرائع

[luba]

للرفع

[زوبة الطيوبة الحبوبة]

ماشاء الله .. خبزة غاية في الروعة .. يسلموا ايديك

[نسمه ليبيه]

يسلموا جبتيها لوبا ماشاء الله عليك

[نسيبة]

http://www.7elm3aber.com/vb/imgcache/18/71991-image.jpg