باركولي جهازي الجديد

[الصابرة]

هذه شاشتي جت امس و حبيت تشاركوني فرحتي بيها لان التلفزيون
هو صديقي المفضل مؤنس وحدتي ففرحتي كانت كبيرة بها
حجمه 42 بوصة ماركة بناسونيك

http://hh7.an3m1.com/Sep/an3m1.com_a9d74481ec1.jpg (http://hh7.an3m1.com/)

[om_adnan]

ألف مبروك الصابرة,صدقينى والايام بينا,تمتعى بالفراغ اللى عندك الان,وديره اى حاجة الصابرة اتحبها لانه بعدين خلاص أنسى حتكونى مشغولة وعندك أولويات تانية.

[عهود]

مشاءالله تبارك الرحمن ان شاءالله تبيديها بالهني

هما محلاهم فيهم صورة والوان مش عادية

[أم أسيل]

مبروك عليك وانشاء الله بالزيادة

لاكن تعالى مش انتى متع الفازوات ودلع الثلاجات خلتينى انطير ونطير محلهم اهــــــــــــــ هكى مش معاملة درينا حل ولا جيبى وبيعيلنا سلم ايديتك على الشعل الروعة ـــــــ مش بصاره راه

[لوتي]

ألف مبروك تتهني بيه يارب لكن بكم شريتيه

[القلب الصافي]

مبروك عليك إن شاء الله

[luba]

تبيديه بالهني والصحه و عقبال ماتشري 100 بوصه
وان شاء الله ماتشوفي الوحدة يااارب يناولك اللي في بالك ياااارب

[الساجدة لله]

بعيد السو عليك من الوحدة واحنى وين مشينا ؟؟؟

هكي نزعل مننك حبيبة تعودي من الشيطان وربي يونسك بكل احبابك وان شاء الله نكونو احني منهم يااارب

ومبروك عليك ياغالية عقبال مندير زيه في المطبخ كبيييييير زيه اللي عندي صغنون وتوا نبي هدا هههههه

[لبنى]

بالهني عليك والعافية ياااااااااااااااااارب

[Om Amory]

ألف ألف مبرووووك حبيبه

[الصابرة]

الله يبارك فيكم جميعا ويخليكم
والله صدقتي ام عدنان وانا هذا اللي اندير فيه مستمتعة بكل لحظة فراغ {نت / مسلسلات / مطبخ / كروشيه / خياطة / قراءة / نوم طبعا }
والله فعلا عهود وضوح والوان مش عادية
منورة ام اسيل ايه انا بتاعت الشغل وقريبا انديرلكم دورة
مشكورة اختي لوتي
الله يبارك فيك ماي هارت ليبيا
ان شاءالله يالوبا يسمع منك ربي في الدعوتين
الله يخليك حبيبتي الساجدة لله لا والله زعلك عندي يضايقني والله انتم الخير والبركة مانحس بالفرحة الا لما انكون بينكم
وان شاءالله اديري اكبر منها يارب زي مادرتها مش بعيد عليك اديريها
الله يعافيك يا لبنى ويخليك
الله يبارك فيك ام عموري

[خدوج]

مبروك عليك يالصابرة
وربى يونسك بمحبيك
ويرزقك اللى فى بالك

[الصابرة]

​الله يبارك فيك .... ويخليك وامين يارب ياوخيتي خدوج

[المروالوردي]

مبروك ياالصابرة تتهني بيه

وربي يعطيك ما في بالك

[الصابرة]

​الله يبارك فيك .... ويعطيك مافي بالك يارب

[ام نعيمة]

ان شاء الله بالزيادة وتعيشي وتجيبي اللي خاطرك فيه

[الصابرة]

ان شاءالله ام نعيمة واسعدني مرورك

[ام طيوبة]

السلام عليكم ورحمة الله وبركاته

مبارك عليك الشاشة الجديدة ويارب تكون ليك عون على طاعة الله
وانك تشوفي فيها مايرضي الله

وليش تقولي وحدتي ربي يعطيك اللي في بالك ويرزقك اللهم امين
وربي يونسك باللي تحبيهم اللهم امين

[الصابرة]

ان شاءالله وخيتي مانشوف فيها غير مايرضي الله
امين يارب عاجل غير اجل وربي يحفظك ويعطيك ماتتمني

[تعزيز]

مبروك مبروك تشوفي فيه الخير انشاء الله

[الصابرة]

الله يا بارك فيك
وان شاء الله يارب

[نسيبة]

مبروككككككككككككك وخيتنا ان شاء الله بالزيادة

[الصابرة]

ااااااااااااااااااااااامين يارب
مشكورة وخيتي نسيبة

[المصراتيه]

الف الف الف مبروووووووك وتبيديه بالهني ان شاءالله
وان شاءالله ربي يعطيك كل ماتتمني يارب ويفتحها قدامك

[الصابرة]

ااااااااااااااااااااااامين ااااااااااااااااااامين يارب
وبارك الله فيك

[Om Saga]

مبروك إن شاء الله تتهني بيه

[الصابرة]

الله يبارك فيك
وان شاءالله ربي يهنيك