[ مشاركة في مهرجان الصيف ] طعمية الحمص من مطبخ لــــوبا

[luba]

السلام عليكم ورحمة الله وبركاته




سندوتشـــــــــــــــــات طعمية الحمص

http://www.libyan-kitchen.com/gallery/images/la007.jpg

يغسل الحمص الحب الجاف وينقع في الماء لمدة اكتر من 16 ساعة

يصفي من الماء ويرحي في فرامة اللحم ( المفضله بالنسبة لي )
او الخلاط العادي ( ست البيت ) ويفرم معه بالبصل والتوم


http://www.libyan-kitchen.com/gallery/images/la002.jpg


لوكانت الكمية كبيرة ناخد جزء منها
والباقي يحفظ في الاكياس بدون اضافات

http://www.libyan-kitchen.com/gallery/images/la001tgt.jpg


ناخد الحمص المفروم مع البصل والتوم ونضيف عليه
مكونات التتبيلة الموضحه في الصورة وهدا حسب كميتك وحبك للبهارات

http://www.libyan-kitchen.com/gallery/images/la003.jpg


نكورها بين ايديا بالحدف من ايد للتانيه بدون ضغط او كبس هكي افضل ليبقي ماؤها والهواء

ونقليها في زيت غزير ساخن ونقص النار متوسطه بعد انضيف الحبات
تتحمر ونطلعها نصفيها علي مناديل المطبخ


http://www.libyan-kitchen.com/gallery/images/la004.jpg


ونحضر السندويتش معه :
هريسة ليبية - اوراق سلطة خضراء - طماطم - خيار - جبنة شرايح
زيتون -

http://www.libyan-kitchen.com/gallery/images/la005.jpg

http://www.libyan-kitchen.com/gallery/images/la006.jpg


وصحتين وعافية وان شاء الله تعجبكم

http://www.libyan-kitchen.com/gallery/images/la008.jpg

http://www.libyan-kitchen.com/gallery/images/la009.jpg

http://www.libyan-kitchen.com/gallery/images/la10.jpg


وصيف منعش للجميع
ودمتم بخــــــــــــــــير

[مغتربة 7]

http://www.libyan-kitchen.com/gallery/images/la008.jpg

يسلالالالالالالالالالالام على الحظ عشي معتبر

بسم الله ماشاء الله
سندوتشات طعمية ايجوا فى الخاطر
نفس طريقتي بس انزيد عليها فى معدنوس وكسبر اخضر وبصل اخضر
تسلم الايادي الى تلتف بالحرير
مشاركة رائعة وتستاهل احلى تقييييييييييييييييييم

[الصابرة]

يعطيك الف صحة وعافية وبالهناء على قلبك ومن اكلها
شكلها روعة وخفيفة سلمت يمناك

[luba]

تسلموا ياحلوات علي المرور وغروبة كنت ندير فيها
زي ماانت قلتي ولكن اتبعت طريقة بعض المطاعم وعندي النتيجة افضل
بس طعمية الفول مش حنقص عليها المعدنوس

[الساجدة لله]

تسلم الايادي ياغالية ساندوتش مميز ماشاءالله

ويستحق التقييم موفقة ياقمر في المسابقة

[المروالوردي]

تسلم الايادي لوبا

أتمنى لك التوفيق في المسابقة

وصحتين وهنا

[ترهونيه حره]

اممممممم سندوتشات حلوه
واكيد طعمتها احلى مشكوره
يالوبا واحلى تقيييييييييييم

[بنت الاشراف]

ماشاء الله سلمت يداك لك تقييمى

[om_adnan]

وعليك السلام لولو......سلم إيديك,فعلا شكلهم سندوتشات مطاعم درجة أولى,ليك أحلى تقييم.

[luba]

شكرا لكل الحبايب اللي مروا من هني وتسلموا علي التقييم
والتشجيع ان شاء الله مانفقدكم يالغاليات

[خدوج]

ماشاء الله
شكلها يشهى
وفكرتك بدون معدنوس احلى
يسلموا ايديك

[luba]

تسلمي خدوج وفرحانين هلبه لوجودك بيناتنا
اهلين بنور العين

[نسمه ليبيه]

ان شاء الله تكون عجبتنا؟؟؟؟؟؟؟؟؟؟؟؟:confused:


اكيد عجبتنا امالا شنوووووووووووووووووووووووو :p






بس الغريب انك ماضفتى بيض او بقدونس
وبنسالك البصل مش اخضر صح؟؟؟؟؟؟

[luba]

عزيزتي نسمه استعملت البصل الابيض الروس
ومااضفت معدنوس لانه يعجبني متاع المطاعم مافيه اي حاجه
وحتي اللي كلوها عجبتهم لدرجه يحسابو شاريه الواتيه اللي تنباع في باكوات
يقولولها فلافل
وجربي واختاري مايناسبكم وقوليلي شن رايك بعدين علي فكرة فرمتها بماكينه
اللحم اللي عيونها متوسطات

[لوتي]

واو سندويتشات منظرهم تحفة تستاهلي عليهم أحلى نجوووم يسلمو

[بنت حواء]

http://im13.gulfup.com/2012-06-17/13399298816410.gif (http://www.gulfup.com/show/Xkvaz7gq508v)

[أم أيوب]

سندويشات من الاخر منظرهم يهبل

وهالوقت أم أيوب جيعاااااااااااااااااااااانة

يسلمو ايديك يالولو

[luba]

لوتي ,بنت حواء , ام ايوب بارك الله فيكم علي الكلام الطيب

[نسيبة]

ماشاء الله سلمت ادياتك حبوبة

[sweet nona]

لبنى النويشطة الحلوة نجيها ياربي ونجي تقديمها الحلو المنظر مممممممم

ولا احلى تسلم ايديك وحصتي خدتها مغتربة تو لما اتجي نتفاهم اني وياها هه

مشاركة حلوة وتقيييييييييييييييييييييم

[أمـ ساره]

ماشاء الله لوبا سلمت ايدياتك الحلوة حبيبة

شكل الطعمية رووووعه ماشاء الله

حتى اني عاجبتني الجاهزة ان شاء الله نجرب طريقتك

مشاركة مميزة حبوبة وموفقة بالمهرجان

أحلى نجيمااااااااااااااااااااات للموضوع الحلو

[أم العبدين]

ماشاء الله سندوتشات عالبال ربي يسلم ايديك

[luba]

نسيبة , سوسو , ام ساره , ام العبدين تسلموا علي الردود ربي مايحرمنا منكن

[المصراتيه]

http://www.libyan-kitchen.com/gallery/images/la008.jpg

بناخد طرف ليا
ياوخييييييتي سلمها وسلم سندويشاتها
يهبلن ماشاءالله وجاري التطبيييق اكيد بادن الله
بارك الله فيك ويعطيك الصحه يارب
تستاهلي احلي نجوووم

[ميرولاكى]

تسلم الاياااااااااااادى الحلوه
طعميه تسهههههههههههههف
صحتين وعافيه