اعلان دورة تدريبية للكروشيه

[الصابرة]

بسم الله الرحمن الرحيم
" لابارك الله في امة اكلت مالا تزرع ولبست مالا تنسج "
وكم رائع ذلك الشعور الذي تشعري به
عندما تزيني بيتك بأشياء صنعتيها من يديك وتعبتي فيها
او عندما ترتدي انتي او احد ابنائك شئ مما نسجت يداك
ياالله كم جميل ذلك الشعور
اعلن عن دورة تعلم الكروشيه الذي سوف يملاء وقت فراغكم ويسليكم
طبعا لست استاذة او خبيرة في الكروشيه ولم اتعلمه دراسة بل عن طريق الخبرة فأستاذتي الوحيدة كانت امي اطال الله في عمرها
ولكن جمعت لكم الخبرات التي استفدت منها وساعدنني على التقدم والتطور
في هذه الدورة بأذن الله سوف اخطي معكم الخطوات نحو الامام
لنثبت ان المرأة الليبية فالحة في كل شئ
ونزين بيوتنا من صنع يدينا
وان شاءالله ربي يوفقني معكم فأنا اعلم واتعلم
وهذه صور لكي ثبت فيكم روح الحماس
وتقول لكم سوف تصنعون مثلي بأذن الله وافضل من ذلك
http://hh7.an3m1.com/Sep/an3m1.com_6e6685ee041.jpg (http://hh7.an3m1.com/)
http://hh7.an3m1.com/Sep/an3m1.com_6e6685ee042.jpg (http://hh7.an3m1.com/)
http://hh7.an3m1.com/Sep/an3m1.com_6e6685ee043.jpg (http://hh7.an3m1.com/)
http://hh7.an3m1.com/Sep/an3m1.com_6e6685ee044.jpg (http://hh7.an3m1.com/)
http://hh7.an3m1.com/Sep/an3m1.com_6e6685ee045.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a1.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a2.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a3.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a4.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a5.jpg (http://hh7.an3m1.com/)

http://hh7.an3m1.com/Sep/an3m1.com_8baed1104f1.jpeg (http://hh7.an3m1.com/)

http://hh7.an3m1.com/Sep/an3m1.com_8baed1104f2.jpeg (http://hh7.an3m1.com/)

http://hh7.an3m1.com/Sep/an3m1.com_8baed1104f3.jpg (http://hh7.an3m1.com/)

http://hh7.an3m1.com/Sep/an3m1.com_8baed1104f4.jpg (http://hh7.an3m1.com/)

http://hh7.an3m1.com/Sep/an3m1.com_8baed1104f5.jpg (http://hh7.an3m1.com/)

http://hh7.an3m1.com/Sep/an3m1.com_cf83e8a5861.jpg (http://hh7.an3m1.com/)

http://hh7.an3m1.com/Sep/an3m1.com_cf83e8a5862.jpg (http://hh7.an3m1.com/)

بعد ان شفتو بعض من الصور نأتي الان للادوات
الادوات
http://hh7.an3m1.com/Sep/an3m1.com_b636c9e8e91.gif (http://hh7.an3m1.com/)

الابر/ وهي انواع : الالمونيوم / البلاستيك / الاستيل / الخشب
طبعا الافضل الالمونيوم ماتتميز به من خفة
الخيوط / طبعا الخيوط اشكال وانواع لاتحصى ولاتعد
لكن سوف احكي على الخيوط التي اجدها متوفرة في ليبيا
الانواع : تونسي / مصري / صيني / تركي
التونسي / خيط رقيق وناعم
المصري / اشكال فيه منها الصوف ومنها القطن ومنها الحرير
ومنها الرقيق في السمك والغليظ
صيني / يتميز الصيني بأنه فيه نسبة نايلو ينفع في شغل المطبخ
تركي / اما هذا النوع فعالمه واسع منه غليظ ورقيق - موهير يعني فيه زي البر - اكرليك وهو فيه
نسبة نايلو خفيف وهو مناسب ايضا وفيه القطيفة واشكال انا نفسي لا اعرف اسمها والله
وهذه مجموعة من خيوطي
هذه خيوط تونسية الصنع

http://hh7.an3m1.com/Sep/an3m1.com_44188ce3c31.jpg (http://hh7.an3m1.com/)
http://hh7.an3m1.com/Sep/an3m1.com_78b38428e42.jpg (http://hh7.an3m1.com/)

http://hh7.an3m1.com/Sep/an3m1.com_78b38428e44.jpg (http://hh7.an3m1.com/)
http://hh7.an3m1.com/Sep/an3m1.com_78b38428e45.jpg (http://hh7.an3m1.com/)


وهذه خيوط تركية الصنع

http://hh7.an3m1.com/Sep/an3m1.com_86d29499751.jpg (http://hh7.an3m1.com/)

وهذه صينية الصنع


http://hh7.an3m1.com/Sep/an3m1.com_99dec3d50a3.jpg (http://hh7.an3m1.com/)

طبعا في الخبيرات الدرجة الاولى تحدد في مقاس الابرة لكل شغل
لكن انا واخذتها بالبركة وننصحكم ديرو زيي
الخيط الرقيق نشتغل بأبرة رقم 1 او 0
الخيط غليظ أبرة رقم 4 او 5
وطبعا المتوسط 2
او اقراء الورقة اللي ملفوف بها كبة الخيط بضم الكاف تجدون عليها مقاس الابرة
الخيوط التونسية وبعض من التركية تأتي مثل الغزل يطلق عليها اسم شيلة
وبعدين تلف او تكور كما لاحظتوا بالصور
الان اللي معاي تقوم بالتسجيل في هذا الموضوع
وتجهز الخيوط
وان شاءالله بعد مااشوف من معي من المشتركات سوف اعمل موضوع لي اماكن بيع الخيوط في ليبيا
طبعا الدورة تبدا بعد شهر رمضان الكريم بأدنه تعالى
وهذا درس للمرحومة السمحة اسكنها الله فسيح جناته لكي تتطلعوا على الموضوع
وتستعدوا لبعد الشهر الكريم
http://www.libyan-kitchen.com/kitchen/showthread.php?1723-%CF%E6%D1%C9-%C7%E1%CF%D1%D3-%C7%E1%C7%E6%E1-%E1%CA%DA%E1%ED%E3-%C7%E1%DF%D1%E6%D4%ED%E5
ونترحم عليها

[luba]

بارك الله فيك ورحم الله للسمحه ويغفر لهايدخلها فسيح جناته ويجعل اعمالكم في موازين حسناتكم
و اكيد حنشارك ومقدمتك ومقدمة السمحة اكتر من رائعه واستفدت منها للشراء وان شاء الله حنزلك ادواتي اول مانشريهم

لتعطيني رايك

[الصابرة]

منورة لوبا ياغالية وفكرتك حلوة
ان كل وحدة تنزل ادواتها اللي خذتهن انتظرك ان شاءالله

لكن كيف يا وخياتي مافيش غير لوبا بس تبي اتعلم

[om_adnan]

كيف الصابرة ,اللى ما جا ليبى فاته الجو,نحن هذا حالنا انقولا نبوا نبوا وبعدين وانا أول وحدة نأخذو وقت ,طبعا معك وكيف ما قالت لولو انجيبوا الادوات ,موضوع رائع بس بصراحة ياريت المعلومات فى الدرس ما تكونش واجدة مرة وحدة,ان شاء الله بطولت عمرك,حسيت معلومات السمحة ,الله يرحمها,طويلة فى مرة وحدة,توقيتك ممتاز.
الله يرحم السمحة ويتغمدها برحمته ويسكنها فسيح جناته.

[الصابرة]

اهلين ام عدنان ماتخافيش ان شاءالله معاكم وحدة وحدة
انشربه لكم بالملعقة ماتخفيش
زي ما انا شربته

[مغتربة 7]

بارك الله فيك صابرة وجعله فى ميزان حسناتك
الله يرحم السمحة ويغفرلها ويجعل مواضيعها فى ميزان حسناتها

ان شاء الله معاكم بس ادواتي مش راح اعرضها الان لان معاش عندي وقت
ان شاء الله لما ارجع راح اعرض ادواتي

موفقة حبيبة

[آمال]

بارك الله فيك يا صابرة على تفقدك زميلة كانت معكن غفر الله لها واسكنها فسيح جناته
لكن من يقول لي كيف توفت سمحة المنتدى من يخبرني

أما بالنسبة للتعلم حقيقة أخية حتى لو كنت مقابلتني مستحيل أتعلمها
الله المستعان
وفقك الله سبحانه
موضوع قيم أفضل من الفراغ المميت
جاري التقييم أخيه

[لوتي]

راجو راجو خودوني معاكم حتى أني نبي نتعلم

مشكورة هلبة ياصابرة قديش ليا خاطري في دورة من لما كنت صغيرة كانت عمتي تصنع بالكروشيه حاجات حلوة وتوا لما كبرت قلت نبي نتعلم منها لكن لأن كل واحد مشغول والكروشيه يبي واحد قدامك ديما متعلمتش منها لما فتحت النت عندي تعلمت من المواقع نص نص وبديت نصنع مثلا صنعت حذاء ليا ولما شافوه الناس وعجبهم حسيت روحي فرحانة هلبا وصنعت طاقية هذي بداياتي وتوا نبي نتعلم أكثر وأحسن حاجة إني نقدر نسأل ونفهم مش زي لما نتعلم بروحي من النت ومرات الغرز تكون مش واضحة عندي ياربي يكون في ميزان حسناتك ويفرح قلبك زي مافرحتيني ويشرفني إنك تكوني أبلتي بس نبي نسألك تعرفي في التريكو خاطري نتعلمه
أم رميصاء تعلمي معانا وحاولي لأن شغل الكروشيه حلو وخاصتا لما تصنعي حاجة وتهديها لحد وتدخلي الفرحة علي قلبه
أسأل الله العظيم أن يغفر للسمحة ويوسع قبرها ويدخلها الجنة اللهم أمين
معليشي علي الإطالة

[لوتي]

نسيت انقولك إن لي عودة بيش إنزل الأدوات إللي عندي هما صح شوية لكن بنصورهم ونزلهم إن شاء الله تعالى

[أم أسيل]

رك تنسى حتى انا بنخش معاكم لاكن اناء وسعت البال معنديش وان شاء الله نصبر ونتعلم واهو بشوية بديت نتعلم كيف انخش على المنتدى وكيف نقراء الرسائل زى الصف الاول واالفضل لام ميوسة كنهدا منعرف كيف نخش ونطلع فى الموقع ( وبعدين قولى شن هــــــا رعايش تبى النوم معاش ايجينا الصور روعة وشكرا على الرد وتو نكلمك

[ام هيموني]

اختي الصابرة من حلمي ان اشتغل بالكروشي فهو حلمي ان اتقن هذه الهواية تعلمت البداية فقط و لكن صار الموضوع صعب بالنسبة لي
حتى انني هنا في الغربة حاولت ان ابحث عن مدارس لتعليمه
و لكن معك انتي و مع صديقات المنتدى حا يكون اروع بصراحة ...
سوف اشتري المتطلبات و نبدأ معكن بأذن الله
جزاك الله كل الخير

[الصابرة]

اسعدني انضمامك غروبة وخوذي راحتك معاك لبعد شهر رمضان
انستيني اختي ام رميصاء وياريت تحاولي وتنظمي معانا
اما بالنسبة لوفاةالسمحة رحمها الله وغفر لها والله مانعلم
انا سمعت عنها من صديقة لي كانت صديقة لها ولكن لم اسئلها عن سبب الوفاة لانها تتاثر جدا عندما يفتح موضوعها
تمام بكل لوتي يعني فيه خبرة طالما قدرتي اديري حذاء وياريتي اتنزلي صورته
ومايهمك في شئ اللي مانقدرش عليه انديرلك فيه راي لاني والحمدلله اعرف خبيرات مما ساعدني في تطوير شغلي
حتى وصلت للملابس
ونزلي ادواتك حتى لو كانن ابرة وخيط واحد
آنستي ام اسيل ماتخفيش مافيش حد جي من بطن امه متعلم
وبشوي بشوي توصلي
مرحبا ام هيموني طالما عرفتي البداية مافيش حاجة صعبة مع بعض نعمل المستحيل باذن الله
والكروشيه عبارة عن شنو { سلسلة / عمود / منزلقة }

[الصابرة]

وهذه صور اخرى لرفع درجة الحماس اكثر

هذا الطقم عملت زيه
http://hh7.an3m1.com/Sep/an3m1.com_fbb579fe2d1.jpg (http://hh7.an3m1.com/)



http://hh7.an3m1.com/Sep/an3m1.com_74e2ebc1b52.jpg (http://hh7.an3m1.com/)

http://hh7.an3m1.com/Sep/an3m1.com_74e2ebc1b53.jpg (http://hh7.an3m1.com/)

http://hh7.an3m1.com/Sep/an3m1.com_74e2ebc1b54.jpg (http://hh7.an3m1.com/)

[/URL]http://hh7.an3m1.com/Sep/an3m1.com_74e2ebc1b55.jpg

وهذه ليست كروشيه بل شغل معمول من كور الصوف ومجرد تزين لكن شوفوا ما احلاه

[URL="http://hh7.an3m1.com/"]http://hh7.an3m1.com/Sep/an3m1.com_d014a63a451.jpg (http://hh7.an3m1.com/)

[مغتربة 7]

الله يسعدك حبيبتي الصابرة عجبني هذا هلبة خاطري اندير زيه طبعا فى الاحلام ههههه



http://hh7.an3m1.com/Sep/an3m1.com_74e2ebc1b53.jpg

[آمال]

السلام عليكم

ماشااااء الله
خلص اتفقنا انتم اعملوا مثلها في الدورة وأنا جاهزة لأشتري
لاني بصراحة مستحيل اعمل مثلها

[الصابرة]

غروبة معاي ماتفكري في شئ ان شاءالله وبأذنه تعالى اديره
فكري بس انك بديره وتلقي روحك اديري فيه
اختي ام رميصاء ولا يهمك اللي يريحك انديروه ليك

[luba]

نبي نسال علي اللي في الصورة اولا لانهم ساهلين ويعجبني الحجم هدا من السلك تتوقعي رقمه كام وشن نوعه
ورقم الابرة المستعمله فيه http://hh7.an3m1.com/Sep/an3m1.com_6e6685ee044.jpg (http://hh7.an3m1.com/)
http://hh7.an3m1.com/Sep/an3m1.com_6e6685ee045.jpg (http://hh7.an3m1.com/)

http://hh7.an3m1.com/Sep/an3m1.com_e88b15f04a1.jpg (http://hh7.an3m1.com/)




والسؤال علي هدا هل تلقينا ليه باترون اعتقد هكي تقولوا صححيلي كان غالطه
( الخريطه ) لانه تحفه وتتوقعي كم حجم السلك والابرة وشن نوعه السلك
تو بتقولي من الاول لبني مكترة اسئله يالطيف تو نقولك ليش
علي خاطر بيش نشري كيفهم سلك وا برة مانبي في بداياتي نكتر مواد وسلوك لين نعرف قدراتي
نبي نشري ابرتين ولونين من الاسلاك وانواعهم مختلفه ساعديني لانه بنشريهم من مدينه تانيه قريبه مني مالقيتهم بحداي


http://hh7.an3m1.com/Sep/an3m1.com_74e2ebc1b53.jpg (http://hh7.an3m1.com/)

http://hh7.an3m1.com/Sep/an3m1.com_74e2ebc1b54.jpg (http://hh7.an3m1.com/)

[خدوج]

ماشاء الله تبارك الرحمن
شوفوا السمح وشن يطلع
ربى يحفظك ويسلمك
وسبحان الله كل مانشوف اشغالك ياصابرة
مايخطر فى بالى الا السمحة
ربى يرحمها ويسكنها فسيح جناته
كانت تحب الكروشيه زيك
الصابرة مانوعدك بالاشتراك لانى ظروفى صعبة شوى بس ان شاء الله حنكون من الموجودات فى مقاعد الدروس للاستفادة
وان شاء الله نستفيدوا ويكون لك الخير الكثير
موفقة باذن الله وعلى بركة الله

[الصابرة]

لوبا ولا يهمك اصلا لازم تسالوا عشان تعرفوا لان السؤال نصف المعرفة
بالنسبة لتلبيسة البراد وعلبة الصابون خيط غليظ فيه نسبة نايلو كبيرة وانا انصحك تاخذي خيط غليظ عشان
الشغل يكبر بسرعة ويبان اكثر ويشجع هلبةفي اللي يتعلموا
ورقم الابرة 5 ومرات انا اشتغل ب4
وصح حبيبة باترون اسمه اكيد عندي ليه باترون والخيط لاطقم الحمام دائما غليظ وابرة رقم 5 وكل مايكون الخيط غليظ كل مايكون افضل
طبعا في ليبيا ما فيش خيط غليظ هلبة اغلظ خيط لقيته التركي اللي منزله صورته لكن اصبروا انعلمكم خيط تصنعوه بطريقة ساهلة لصنع اطقم الحمام ضد البلل
واسئلي حبيبة ولا يهمك
نقول موضوعي منور خيرا تاريت خدوج الغالية مشاركة فيه ولايهمك حبيبة المهم الاستفادة ومشكورة على الكلام اللي يرفع المعنويات
هي ومستنية مشاركات

[أم ميوسة]

السلام عليكم

الصابرة ربي يجعل الللي بتعلميه لينا في ميزان حسناتك

وربي يفتح عليك وينولك ما في بالك

وربي يغفر للسمحة ويرحمها

انا معاكم في الدورة بس نبي نسالك

من وينحبيبة نلقى أدوات الكروشية لأني ماعنديش فكرةعلى الخياطة

نخيط البطمة هادي حدود امكانياتي للأسف

بس عندي استعداد نتعلم ونبدأ من تحت الصفر

حبيبة وسعي بالك معانا وسامحينا من توه

وبصراحة اصور اللي عرضتيهم فتحوا نفسي للتعلم

خاطري نخدم حاجات حوشي بايدي

شكرا يا الصابرة وبارك الله فيك

[الصابرة]

مافيش مشكلة ام ميوسة معاك من تحت الصفر
لكن قوليلي انت من اي مدينة عشان نعرف اندلك على العنوان وياريت تطلعي من مدينة نعرف وين يبيعوا فيهن

[أم ميوسة]

الصابرة انا نسكن في طرابلس

بس زي ما قتلك مانعرفش وين يبعوا فيهم الادوات

[الصابرة]

اختي ام ميوسة انا انجيب من طرابلس من محل اسمه دازة اصبري نين يجي راجلي وناخذلك منه العنوان بالمزبوط

[الصابرة]

اختي ام ميوسة ولكل الاخوات اللي في طرابلس
عنوان المحل او بمعنى اصح اقرب وصف له
اسمه دازة
جامع مولاي محمد من عند باب دخول المصلين بجانبه الخطوط الليبية ومحل اخر
اسئليهم يدلوك على العنوان او بعد ماتوفتيهم على ايديك اليمين منعطف تجديه
ان شاءالله الوصف سهل وواضح

[بنت الاشراف]

بارك الله فيك أريد الإنضمام إلى الدورة

[الصابرة]

مرحبا بك وخيتي بنت الاشراف
وتي الادوات وصوريهن ونزليهن
انتظر صورك وصور الجميع

[الكتومه]

بارك الله فيك اختى الصابرهوالله يرحم السمحه ويغفرلها الصراحه خاطري من زمان انتعلم والله
وان شاء الله على ايديك انتعلموا يارب وندعولك بالخير
بس حددي لنا موعد بدء الدوره من قبلها بفتره علشان نلتزموا بالموعد وفهمينا شن نشروا

[الكتومه]

يا اختى هنا في بنغازي وين نلقاهم الأدوات

[الصابرة]

اختي الكتومة ان شاءالله ربي يسترني معاكم
واكيد حبيبة قبلها بفترة بنبلغ على الموعد
والاعلان توا عشان كل واحد يجهز الادوات اقري بداية الموضوع تو تعرفي شنو المطلوب
بالنسبة لبنغازي اذا ماتغيرش نعرف مكانين
1 / سوق المصرية تقريبا تخشي من عند الباب الثامن او تخشي من جهة الباب اللي مقابل السوق اكبير
و تسألي يوروه لك
2 / سوق الجريد من عند شارع الشريف المحلات اللي برا تلقيه محلين بس يبعوا فيهن تقريبا محل بينه وبين محل يبيع في الذهب حوالي 3 محلات برا ماتخشيش للسوق من داخل
لكن هذا اغلى ام بتاعين سوق المصرية اسعارهم اقل شوي
هذا على حد علمي ليا هلبة ماجيتش بنغازي وان شاءالله اكون افدتك ومرحبا بك معاي

[ام تغريد]

ما شاء الله صابرة افكار وابداع ان شاء الله الكل يستفيد من الدورة وان شاء الله نحاول نشارك لو فيه وقت

وبارك الله في مجهوداتك

[الصابرة]

​مرحبتين ام تغريد وقت ماتحبي

[بنت حواء]

مع أني خشيت من قبل ونسحاب روحي كتبت لكن شكلي نسيت :o
أنا نعرف نشتغل على الكروشيه بس مفارش لكن هالديكورات
والحاجات اللي تجننننننن مادرتهاش الحق
ماشاء الله عليك وربي يحفظك ويعطيك ماتتمني ويبارك فيك

[الصابرة]

مع أني خشيت من قبل ونسحاب روحي كتبت لكن شكلي نسيت :o
أنا نعرف نشتغل على الكروشيه بس مفارش لكن هالديكورات
والحاجات اللي تجننننننن مادرتهاش الحق
ماشاء الله عليك وربي يحفظك ويعطيك ماتتمني ويبارك فيك
خلا ص بنت حواء معناها انتي الحكاية ساهلة عندك والديكورات اللي تحكي عليهن اسهل من المفارش
وان شاءالله بعد مانكملوا الدورة اكيد حنديروا ورشات عمل وحتكون على الديكورات فتابعي معانا
ومعناها مرات نستحق مساعدة نلقى حد معاي وهو انتي اكيد شنو رايك

[الصابرة]

ياوخياتي اللي بيشاركو معاي في الدورة التدريبية بتاعت الكروشيه
وين صور مشتراياتكم بتاعت الادوات راهو قريب انحدد موعد الدورة التدريبية

[luba]

اهلين بالصابرة هيا من زمان انراجي عيييت

وشريت الحاجات من اسبوع بعد اعلان عن المسابقة

وكل يوم نقول اليوم بنزلهم وننسي

شريت هدومه بس قلت خليني نشوف قبل لوحالي باهي فيه

بنزيد بنشري ونشكل ابر واسلاك

الابر ارقامهم

الحديد 1.75

والالومنيوم 3.25

والسلك رقمة 4

http://www.libyan-kitchen.com/gallery/images/la681.jpg


http://www.libyan-kitchen.com/gallery/images/la682.jpg

[الصابرة]

اهلين حبيبتي لوبا ولايهمك حبيبة الدورة بنديرها حتى لو معاي انتي بس
مشترياتك كلها تمام لكن لو نوع الابرة تاخذيه المونيوم اخف في الاستعنال
ونوع السلك مش عادي
خسارة لقيت منه مرة وحدة بس في ليبيا درت بيه فستان بيبي وبعدها معاش حصلته
وبداية جيدة حبيبة في المشتريات
ومازلت نستنى في الاخرات

[barney]

حتى اني نبي نتعلم يا الصاااااااااااااااااااااااابرة
راجيني لين نشري حتى اني العدة
لكن ماعنديش طلعه قبل اسبوعين لان زوجي امسافر
ل هونولولو عنده مؤتمر اصبروا عليا
وتقدري تبدي ماتستنينيش ان شاء الله توا انلحق عليكم
الله امي واختي كانوا ايديروا فيه ايهبل
اختي دارت سجادة اتهبل
اااااااااه ذكرتوني باحلى ايامات

[الصابرة]

خوذي راحتك بارني
اني مازالت ماقررتش امتى نبدا فيها بالزبط لكن قلت خليني انذكر العضوات بيهن
وخصوصا لوبا تستنى فيا ليها فترة
وان شاءالله مانطولش

[المصراتيه]

الله محلاها
توا كيف سمعت بيها الدوره
من زمان خاطري نتعلم لاني نحب الخياطه لكن نحس في روحي مستحيل نقدر
وان شاءالله حنبدا معاكم كان عرفت الادوات وووو
بارك الله فيك ياصبوره وان شاءالله اجرك حاصل يارب ويحققلك كل ماتتمني


بارني خيرك ماجيتيش معاه راجلك اني قاعده في هونولولوووووووووووووو
لكن مافيش موتمرات توا هههههه غريبه ماسمعناش بحد ليبي جاي
يوصله ربي بسلامه ان شاءالله

لوبا ماشاءالله عليك وعلي شريك مستعده عاد معناها نبو حاجه حلوه

[الصابرة]

مازلنا فيها وخيتي المصراتية
عدي اقري الموضوع من البداية بالتركيز حبيبة
عشان تعرفي الادوات المطلوبة شنو
وعدي اشريهن بيش تعلمي معاي ولا يهمك
مازلنا مابدينا

[لوتي]

السلام عليكم جميعا



من فترة نبي انزل أدواتي لكن أني مرات انتنبل واليوم لما شوفت النشاط قلت حتى أني بنزل
هدي صور أدواتي المتواضعة
http://i1163.photobucket.com/albums/q559/Lotte2012/1-24.jpg


هذي الخيوط إللي عندي لما بديت نتعلم خديت أرق إبرة وخيط وكان لونه موف اللي في الصورة يكره في الكروشيه ويعصب فقريت إنه اللي بيتعلم ياخد خيط غليظ فخديت وردي وغليظ وابرة كبيرة والحمد لله مشي الحال طبعا تعلمت كل شي من النت


http://i1163.photobucket.com/albums/q559/Lotte2012/2-23.jpg


هدي الابر معاهم وحدة صغيرة دورتها ملقيتهاش واليوم لقيتها وصورتها والحجم 4ونص و3 ونص لكن متع 3 ساعدتني أكتر



http://i1163.photobucket.com/albums/q559/Lotte2012/4-20.jpg



وهدي الابرة الصغيرةالمسمومة اللي تعصب هههه ومعاها ابر تريكو منعرف فيه شي ومعرفتش فيه شي علمتني عمتي البداية وعندي صعبة طبعا اني طاهقة نبي نتعلم كل شي تريكو كروشيه وفي الأخير شريتهم وقعدو مركونين علي جهة قاعدة حبة حبة في الكروشيه
نسيت الصغيرة حجم 1و45

http://i1163.photobucket.com/albums/q559/Lotte2012/3-24.jpg



هدا أول حداء ليا نبي تشجيع كبير ورفع للروح المعنوية


ها شني رايك يا أبلة

[ام ميرال]

ماشاء الله عليك ما يجي منك الا اللي يسر
ربي يوفقك في الدورة ويعطيك ما في بالك
بصراحه انا من هواة الكروشيه تعلمت الاساسيات من مرة خوى وبنت خالي
وطورت نفسي في الغربة من النت طبعا من الكساد
اشتغلت جوارب وبطانيات اطفال وشالين انشاء الله انزل صورهن
وانا باذن الله معاكم وكلي حماس
وبالنسبه للادوات عندي كل شي بكرا انزلهن باذن الله

[لوتي]

نسيت انقول شكر كبير للوبا

[الصابرة]

ماشاءالله لوتي استاذة
ربي يحفظك يارب
خلاص معناها اذا غلبت في حاجة نرجعلك يالوتي
وبالنسبة للحذاء رائع يالوتي لوحدة تعلمت ليها فترة ماشاءالله عليك وعلى الاصرار اللي عندك

http://i1163.photobucket.com/albums/q559/Lotte2012/3-24.jpg


ام ميرال اسعدني وجودك حبيبة وماشاءالله عليك مبدعة صار
معناها انتي معانا وبتساعديني ها مش تهربي

[luba]

بنقول لي لوتي لا شكر علي واجب بس مانعرفش عليش تشكر فيا هههه

صحيتي يا دلوعة يا حنونه

شنو بنقول حاجات حلوة وتهبل والكندرة تمنيتها في رجليا مش لي البيبي

ماشاء الله لا حول ولا قوة الا بالله

وطبعا مني ليك بوسه اممممموااااه لانك رفعتي معنوياتنا

الهمه توا علي الكروشيه بنافسوا لوتي في يوم وليله هههه

واهلين ام ميرال والله فرحتينا بكلامك

ورفعتي المعنويات ونبوا حاجاتك ونراجوا فيك

وساعدينا الصابرة تو بننهالوا عليها بالاسئلة

فرحااانه بيكن هلبه هلبه

[المصراتيه]

هلا وغلا بالجميع
صبوره نبي نوريك الابرات اللي شريتهم دروحه احسن نوعيه خديتها ولكن نحس فيهن مش اوي
ايبيعو بالطرف نفسهن ولكن خديتهن مره وحده وخلاص
وان شاءالله يطلعلي باهيات

http://up.arabseyes.com/uploads/06_10_1213495179112.jpg (http://up.arabseyes.com/)

وهدا السلك اللي خديته وان شاءالله كل مره نزيد

http://up.arabseyes.com/uploads/06_10_1213495179111.jpg (http://up.arabseyes.com/)

[حبيبتهم]

ماشاء الله عليكن يا فالحات وخيوطكن شكلها حلوة

ولكن بنعطيكن نصيحة لازم توسعن بالكن بالذات انكن بتتعلمن من النت مش كيف تشوفي قدامك مباشرة

اني نعرف مشتغل كروشيه لكن من زمان بطلت منه ماعاد في وسعة بال واكثر شئ اشتغلته مفارش صغيرات

ربي يوفقكن

[الصابرة]

هلا وغلا بالجميع
صبوره نبي نوريك الابرات اللي شريتهم دروحه احسن نوعيه خديتها ولكن نحس فيهن مش اوي
ايبيعو بالطرف نفسهن ولكن خديتهن مره وحده وخلاص
وان شاءالله يطلعلي باهيات

http://up.arabseyes.com/uploads/06_10_1213495179112.jpg (http://up.arabseyes.com/)

وهدا السلك اللي خديته وان شاءالله كل مره نزيد

http://up.arabseyes.com/uploads/06_10_1213495179111.jpg (http://up.arabseyes.com/)




اهلين مصراتية
ماشاءالله موفقة في الاختيار
بالنسبة للابر عليش قلتي عليهن مش اوي
اني عندي من هذه النوعية ابرتين ليهن ممكن 4 سنوات
وخفاف في الشغل اختيار موفق
ام الخيط اللي لوكان تلوحيلي هلي لونه غامق ياسلام لو نلقى زيه في ليبيا
نشري اللي في المحل كلهن
امتى قلتي بتروحي ميمي هههههههههه

[الصابرة]

ماشاء الله عليكن يا فالحات وخيوطكن شكلها حلوة

ولكن بنعطيكن نصيحة لازم توسعن بالكن بالذات انكن بتتعلمن من النت مش كيف تشوفي قدامك مباشرة

اني نعرف مشتغل كروشيه لكن من زمان بطلت منه ماعاد في وسعة بال واكثر شئ اشتغلته مفارش صغيرات

ربي يوفقكن

مشكورة حبيبتهم على المرور وعلى النصيحة اللي جت في وقتها
وطالما عندك خلفية ياريت دوري شوي وسعت بال وتردي تشتغلي بيها لانها والله ممتعة وضيع الوقت رغم تعبها

[الصابرة]

بنقول لي لوتي لا شكر علي واجب بس مانعرفش عليش تشكر فيا هههه

صحيتي يا دلوعة يا حنونه

شنو بنقول حاجات حلوة وتهبل والكندرة تمنيتها في رجليا مش لي البيبي

ماشاء الله لا حول ولا قوة الا بالله

وطبعا مني ليك بوسه اممممموااااه لانك رفعتي معنوياتنا

الهمه توا علي الكروشيه بنافسوا لوتي في يوم وليله هههه

واهلين ام ميرال والله فرحتينا بكلامك

ورفعتي المعنويات ونبوا حاجاتك ونراجوا فيك

وساعدينا الصابرة تو بننهالوا عليها بالاسئلة

فرحااانه بيكن هلبه هلبه




انهالي ولايهمك لوبا لانها ليش اسمها دورة تدريبية
ولوتي تشكر فيك حبيبة عشان لما نزلتي ادواتك ذكرتيهن بالموضوع بعد مانسنه عرفتي عليش حبيبة

[ام ميرال]

عدت والعود احمد

صبورة هذين ادواتي وبعض من اشغالي

http://im13.gulfup.com/15mL3.jpg (http://www.gulfup.com/?OOe97l)


http://im30.gulfup.com/fAUn1.jpg (http://www.gulfup.com/?2J3PK7)



http://im13.gulfup.com/UUgZ2.jpg (http://www.gulfup.com/?FXMbrM)


http://im30.gulfup.com/ReZN2.jpg (http://www.gulfup.com/?UssaYL)



http://im30.gulfup.com/hIMC3.jpg (http://www.gulfup.com/?hoQ9XQ)

http://im13.gulfup.com/L1Cc1.jpg (http://www.gulfup.com/?oNkF39)


هيا صبورة حددي الموعد ع شان البنات يهتمو اكثر
ويشدو الهمه

[luba]

رووووعة ياميمي ادواتك وخاصة الابر الملونه تشوف الواحد في الشغل

صارلي كيف الصغار اللي يدوروا في الكتب الملونه بيش يقروا

وسلكك يهبل باهي ياصبورة عندنا منه هددا ولما ريته قلت شن بندير بيه غليط نبيك تخبريني

سلك ميمي لشنو يطلع حلو في الشغل متلا قبعات او شنو

شكرا علي التوضيح يا صبورة

[الصابرة]

ماشاءالله ام ميرال تبارك الرحمن
مشغولاتك روعة حبيبة
وان شاءالله قريب نبدا

[المصراتيه]

http://im13.gulfup.com/UUgZ2.jpg

هدا بناااااااخده
اعطيهلي يا ام ميرال
يهبببببببل ماشاءالله لا قوه الا بالله
يعطيك الصحه والله فرحتينا خليتوني بنتعلم بسيف خخخخخ

لبونه تسلمي يا حلو والابر والسلك قاعدات في ول مارت اكيد تلقيهن غير تعلمي بس هههههههه

[luba]

ام ميرال

مش معقووووووووووووولة

شغلك رووووعة يا بختك اخ كان نلقي في يوم وليله نبدي

اسطي فيهم

ماشاء الله تبارك الرحمان ربي يعطيك الصحة

اماله الشال فضيع

واللي معبيات كل الالوان غير ان شاء الله انلايم علي

واحد عليش خديته السلك ملون مع بعضه في مرة ههههههه

من الاول طول نبيه الشغل ملون

بصراحة شجعتني مشاركتك وفرحت بيها

وجاري رفع الهمم في الكروشيه بارك الله فيك

[المصراتيه]

حتي اني زيك يا لوبا نتخيل في روحي مدايره زي طاقم الحمام اللي حاطتهنا صبوره وقفطان لي بنتي وشال زي متع ام ميرال ومفارش ووووووو حاجات واجداااااااااات منخبركش هههههههههه
ربي يوفقنا ان شاءالله ونلقو روحنا....
صبوره اني توا كيف مروحه من ليبيا ولكن ولا يهمك بادن الله سلللللللللللللك نجيبهلك غير وتي الشال بس:p

[الصابرة]

لوبا بالنسبة لخيط المصراتية يجي منه شالات وبلوفرات مش عادي لان شكل الغرزة تجي متموجة
باهي ميمي فهمتي قصدي
ولا يهمك تعالي تلقي الشال واتي وكان تبي فستان حتى لمنونة ولا يهمك قولي شنو الالوان اللي تبيهم بس

الله يابنات قديش عاجبني حماسكم لكن بتصبروا عليا شوي
عشان اندور ليكم في فيديو شرحه يهبل وواضح جدا ودرت وين شفته
لان الصور بس صعبة شوي اتعلمي منها فنبي ندعمه بفيديو
بس خايفة مع اول سلسلة ينطفي حماسكم

[luba]

ميمي زي حالاتك نتخيل في الحوش كله كروشيه

حتي مانيليت الباب مغطيه بالكروشيه في السقع

اليوم عديت لي مهرجان وكله اشغال يدويه قريب متت من روعتهم

تو بنحطلكم كم من صورة في شغل بشكارة الخيشة يديروا منها في فرشات

سواء بي اقمشة قديمة او خيوط صوف غليظه ويديروا في ورغانات

بي اقمشة ملابس قديمة ومش كبير الورغان يبيعوا فيه بي 300 دولار لكن الشغل واجد

ودقيق تو انزل في يوم صور وشريت قبعه من الكروشيه لي بنتي ساعتين نتفرج عليها

مانحكيلكم قداش عندهم مهم الريسايكل يعني ؟؟؟؟نسيت شنو

اعتقد تعني اعادة تدوير للاشياء ايه هكي صح

وويصنعوا من اللاشئ في شئ

قولي صبورة شن معناها بلوفرات ماتضحكيش وتقولي من اولها

[الصابرة]

لا حبيبة ولا يهمك اصلا هذا واجبي
وبعدين كثر الاسئلة هنا اللي يخلنك اتعلمي اسرع نصيحة مجرب

بلوفرات = فانيليات الصوف

تتهني بطلعتك حبيبة الحمدلله غيرتي جو

[ام ميرال]

لوبا والمصراتيه والله جوكم يهبل وكلامكم عسل
والشال ما يغلى عليك ميمي والله كان فيه كيف يوصلك ما يكون الا ليك
وحاجه ثانيه كلام صبورة صح راهو الشغل مش صعب بس يبي صبر واصرار لان في الاول تحسي روحك بطيئة واااااااااااجد وتلخبطي وتغلطي ويوجعك راسك فخليه شويا ريحي وولي
مع الوقت والممارسة تزيد الخبرة والسرعه
لاكن والله بجد ننصحكم بيه ممتع ويقصر الوقت

[المصراتيه]

الله حسك شجعتيني يا ام ميرال علي فكره عجبني اسم ميرال واجد ربي يخليها ليك
وانتي اللي عسل بارك الله فيك والشال كانه وصلني
تسلمي

[لوتي]

توا مش فاضية وعندي هدرزة في الموضوع بإذن الله تعالى انولي


استنوني

[sweet nona]

نبى انخش معاكم خاطى فىهم انموت عليها

بس مستحيييييل

بسس كان لبنى تعلمت اكيد حنتعلم ولا مغتربة وين؟؟؟

هيا شن نشرى صبورة قولى حسنى نشطت ههه

تصبحو على الف خير

[حبيبتهم]

يا الصابرة توا نشوف روحي كان قدرت نخش معاكم
ويا ام ميرال محلاهن اشغالك ماشاء الله عليك وربي يوفقك
ويا سويتي خشي معاهن كانك فاضية راهو الكروشيه ايفوت في الوقت مش عادي ولما تتعودي عليه تلقي روحك ماعاد قدرتي تتركيه لوين اتكملي اللي بديتيه

وموفقات

[الصابرة]

ان شاءالله حبيبتهم تشاركي معانا
سويت ياحلوةة شوفي بداية الموضوع تعرفي شنو تشري
وهيا انشطي معانا وتعلمي

[غصون الورد]

الكروشيه ابداع صراحة وفن لا نهاية ليه وكل ما تشغلي حاجة جديدة تحسي انك درتي انجاز

انا الصراحة تعلمت الكروشيه في فترة الثورة لما كنت انشوف في صور مسيرات بنغازي شفت مرة وحدة امدايرة صوابعها ( علامة النصر والاستشهاد ) بالكروشيه بالوان علم الاستقلال فعجبتني الفكرة ولما قلت علييها لماما علمتنى عندها الطي وعندنا لانة بس صح من الوان علم الاستقلال فقعدت نتعلم فيها وبعد الانتصار فتحت المحلات وخديتها بالوان علم الحرية واشتغلت حاجات تو انزلها وبعدها خلاص عجبنى الموضوع وقعدت نتعلم ومازال نبي نتعلم و بعدها فكرت اني اندير شال شتوى وخديت لونين لانة ودرت 2 بس تمت عليا اللانة وقعدو في النص حتى هما تو انزل صورتهم كان كملتهم هاليومين والا توا انزل صورتهم حتى قبل ما انكملهم وتعطوني رايكم


طولت عليكم بس حكيت قصتي مع الكروشيه

نصيحتى ليكم صح في البداية صعب بس حلو وابداع واكيد حنتاعبع دروسك اختى الصابرة وحنكون من المتابعين وتحياتي ليك وبارك الله فيك على مجهودك

[غصون الورد]

بالتوفيق والابداع للجميع

[الصابرة]

مشكورة غصون الورد واسعدني اصرارك وحبك للتعلم
وخلاص نستنوا اشغالك

[luba]

كيف حال الكل هيا انشطوا واشروا خلاص صبورة لو انك فاضيه
حددي الموعد صبورة مش مهم انت اللي تشتغليهم جمعي لينا حاجات من اليوتيوب زي طريقة اليوتيوب الامين
متاع ام رميصاء و مقاطع صور مرسومه
توضيحية لو الحنه مازال ماتبي اطير ههههه فضحتك
ونبي نعترف اعتراف مهم مدام هيا خبرت علي روحها
اني نعرف السلسله وغرزة العمود من حبيبة قلبي حبيبتهم علمتني
اندير بيهم مفرش ماتميتاش و غطاية بريمس
بس منو الباترون متاعي ؟؟؟
حبيبتهم كنت انط عليها مرات في القوايل هههههه لانه الباترون في راسها
اني نبي نكمل الشغل من كتر ما متشوقة نشوفه كيف يطلع وهيا يانويرتي ما قصرت بكل
وامي فرحت هلبه بغطاية البريمس
فنقوللها شكرا وبارك الله فيك
ونبي نتعلم اكتر وياريت ترجعي للشغل
ياريت حد يساعد الصابرة وحدة تنزل الشرح ووحدة الصور عاونوها
وابحتولها علي الصوروخاصه اللي تعلموا من النت
سوسو ولا يهمك والله ماهو صاعب غير يبي عزيمه واصرار تخيلي هاليومين درت
شوز لي بيبي بس فردة وحدة ههههه
علي خاطر جارتي قريب تولد قلت نتعلم فيهم هههه عارفتني نتعلم مش اسطي
اهلين بي غصون و ام ميرال ربي يخليك والله شغلك مش عادي ومن يوم
قلتي تعلمتي من النت واني بالي مشغول نبي نعرف
هيااا يالصابرة وينك
نبوا اديري درس وتطبيقات وكان لقيتينا شاطرات كل درسين جميع

[الصابرة]

الله يسترك يالوبا
خلاص توا عندي صور مجهزتهن وباحتة عليهن
نبدا انزلهن هن وفيديوات ولا يهمكن
خلاص يالوبا طالما تعرفي السلسة والعمود مافيش حاجة صعبة
ونزلي ليا صورة فردة الحذاء عشان انشوفها

[المصراتيه]

صار امدايره فرده حداء وماتبيش تعترفي
ياناري منك
صوريها وريهنا ولا خايفه نعينوك خخخخخ
زيدي شجعينا
واني راني نراجي فييييييييييييييييييكم ومصررررررره

[luba]

هادي اخر مشترياتي لدورة الكروشيه

ماهو ميمي عجبوني خيوطها جري للبحت عليهم

وكلهم مخططتلهم

الاحمر والابيض شال مربع لي بنتي ان شاء الله

و المخلط ابيض واسود قبعة لي ولدي وشال

وزيهم لي بوه

و البودري بندير هيد باند توكات الراس زي الكارونه

ليا ولي بنتي ان شاء الله بعد نطلع عيون الصابرة من الدورة ههههههههه

ربي مايحرمنا منك يالغاليه

http://www.libyan-kitchen.com/gallery/images/l4.jpg

[الصابرة]

مشتريات يهبلوا يالوبا والاسود والابيض حلو هلبة

وعادي طلعي حتى ادماغي انتي ادللي
المهم انك اتعلمي وكل ماتشتغلي حاجة تدعيلي هذا اللي نبيه
واني معاكم مش اديروا طاقية وشال بس اني معاكم لعند ماديروا احلى الاطقم لحماماتكم اجلكم الله
ومطابخكم واطفالكم
وكان مازال عندكم صبر وجهد حتى انديروا حاجات ليكن

[luba]

صبورة ربي يسلمك وينجيك

ويعطيك ماتتمني انت وزوجك

لالا دماغك وكلك نبوك كيف بنتعلموا اههم شي الدماغ

هدا معبي هلبه باترونااات ههههههههههه

ربي يسلمك يارب

وياريت نوصلوا خاطري بندير بدله رقص

بالكرووووشيه ووااااااااااااااااه امته

[الصابرة]

الله عليك يالوبا عليك ماتمنيتي
ان شاءالله يارب اديريها ولا يهمك بس هاااااااااا الرقص لراجلك بس مافيش رقص في افراح راهو

[حبيبتهم]

السلام عليكم

هذا شغلي
كروشيه فيليه يعتمد عالسلسلة والبريد


http://im14.gulfup.com/BTi82.jpg


هذا فيه غرزة الفيشارة (شكل عناقيد العنب ) وفي من يسميها اعتقد غرزة الاناناسة


http://im14.gulfup.com/DLiO1.jpg


هذا الاخير يعتمد عالسلسلة والبريد والحشو

http://im20.gulfup.com/upGL1.jpg

[الصابرة]

ماشاءالله حبيبتهم ربي يحفظك ويسلم دياتك
اللي قلتي عليه في من يقوله غرزة الاناناسة
هاذي الغرزة مش هكي
لكن يقولوله زي ماقلتي عناقيد العنب وماما كانت تقوله حبات الحمص

[الصابرة]

http://up.arabseyes.com/uploads/19_10_1213506505241.jpg




http://up.arabseyes.com/uploads/19_10_1213506505242.jpg



صبوره نبي نسالك علي الادوات هدينا هل مهمات وكويسات في الكروشيه او مانستحقوهنش
اليوم شبحتهن في المحل وعجبني بس قلت نسالك الاول مرات تقوليلي مافيش داعي منهن او شي فصورتهن وقلت خليني ناخد رايك قبل
وبارك الله فيك



المصراتية
ردا على سؤالك
هذه الادوات تستخدم في شئ اسمه النول وهو شبيه لنفس الادات اللي جداتنا ايديورا بيها في العباية والجرد بتاعت الصوف
وهذا النوع الدائري وفيه المستطيل والمربع
وبالنسبة لشغلنا لايلزمنا لانه عالم ثاني من الكروشيه
شوفي عندك الصورة هذه مشغولة بنفس النول اللي منزلة صورته

http://www.loomknitting.com/large_images/TPCozy.jpg


http://i28.tinypic.com/2lc7793.jpg http://i27.tinypic.com/28clmwo.jpg


واني بصراحة لم اتعلمه لان ادواته هنا في ليبيا سعرهن خيالي وفي نفس الوقت
مش متوفرات لازم اتوصي عليهن

[المصراتيه]

بارك الله فيك صبوره
علي قولت لوبا غير نتعلم هدا الاول ههههه
والله امس خديتهن ورديتهن قلت خليني نسالها قبل
طيب فيا رجعتهن ههههههه

[الصابرة]

تمام بكل
ديمة اسئلي على الحاجة قبل ماتشريها بيش ماتحصليش فيها
واني جاهزة انجاوبك

[المصراتيه]

بارك الله فيك وربي يكتر من امتالك

[الصابرة]

صحيتي حبيبتي ميمي

[نوارة ليبيا]

السلام عليكم

بارك الله فيك على الفكرة الحلوة والموضوع أعجبني جدا

والكروشيه حلو حلو اني تعلمته من النت لأن رغبتي نتعلمه

وبالتوفيق لك ولكل المشاركات ^_^

وان شاء الله نكون من المتابعين معاك

ولك احلى تقييم

[الصابرة]

سررت كثيرا بردك على موضوعي واسعدتني عودتك
وياريت تورينا شئ من الكروشيه من صنع ايديك وخصوصا اذا كانت حاجات للمطبخ

[نوارة ليبيا]

سلمك حبوبة ^_^

للمطبخ ماعنديش الا نجاصة مرة درتها وفي كوجينة حوش اهلي
هههه
ان شاء الله نصورها ونحطها

[الصابرة]

ان شاءالله