المساعد الشخصي الرقمي

مشاهدة النسخة كاملة : [ مشاركة في مهرجان الصيف ] اكليــــوة من مطبخ لـــوبــــا



luba
06-07-2012, 11:30 PM
السلام عليكم ورحمة الله وبركاته

http://www.libyan-kitchen.com/gallery/images/jyj.gif


اكليـــــــــــــــــوة

http://www.libyan-kitchen.com/gallery/images/la98.jpg


المقادير :

2 كوب زبدة - 1 كوب سكر ناعم - ملعقة صغيرة بيكنج بودر
بيضة - فانيليا - دقيق

http://www.libyan-kitchen.com/gallery/images/la90.jpg


الحشو : حبوب لوز مزلط

التغليف : شكولاته خام مضاف لها قليل من الزبدة مدابة في حمام مائي
ومنكه روح اللوز

http://www.libyan-kitchen.com/gallery/images/la94.jpg


العجن :

توضع الزبدة والسكر الناعم والفانيليا والبيكنج بودر تخلط باليد حتي تصير زي الكريمة
نضيف عليها البيضه ونحرك ونضيف الدقيق

http://www.libyan-kitchen.com/gallery/images/la91.jpg

هدا المقدار ليس كبير يطلعلك حوالي 30 حبة اكليوة

http://www.libyan-kitchen.com/gallery/images/la92.jpg

ونشكلها باليد زي الكعك نبرمها عمود ونرص فيه حبات اللوز الجهات المتلته للحبات
علي الخارج كما في الصورة ونبرمها برمة تسكر ونشكلها كلوة

http://www.libyan-kitchen.com/gallery/images/la93.jpg


ندخلها للفرن من تحت في الرف الاوسط علي نار 175 او 180 درجه
وتبقي في رفها ونفتحوا عليها التحمير

http://www.libyan-kitchen.com/gallery/images/la95.jpg

نخليهم يبردوا ونغلفهم بالتغطيس في الشكولاته

http://www.libyan-kitchen.com/gallery/images/la97.jpg

http://www.libyan-kitchen.com/gallery/images/la96.jpg


وندخلهم للتلاجه وتمتعوا بمداق رااائع بنكهة اللوز
وهده الاكله ردتني لايام العيد زمااان

http://www.libyan-kitchen.com/gallery/images/la99lxl.jpg

http://www.libyan-kitchen.com/gallery/images/la100.jpg

ودمتــــــــــــــــــم بخــــــــــــير

ترهونيه حره
06-07-2012, 11:46 PM
والله عندك حق دكرتينا بحلوات زمان
لكن بصراحه طعمتهم غير ومن فتره
اختى دور فى طريقه مضمونه للكليوه
والحمد لله لقيت الطريقه عند لوبا
يسلموووووووو الايادى كليوه تستاهل احلى تقييم

om_adnan
06-08-2012, 12:05 AM
http://www.libyan-kitchen.com/gallery/images/la100.jpgوعليك السلام لولو.....ماشاء الله موضوعك يا سلام,شكل ومنظر وأكيد طعم هايل,سلم إيديك ,جارى التقيم,ان شاء الله حتكون من حلويات العيد فى بيتى.

نسمه ليبيه
06-08-2012, 01:15 AM
يسلموا لوبا كليوه عالكيف

الصابرة
06-08-2012, 01:28 AM
الله يسلم دياتك ويذكرك بالخير
ذكرتينا بأيام العيد الايام اللي كان كل حاجة ليها بنة وطعمة غير
الله يعطيك الصحة منظرها يهبل ومشهي

مغتربة 7
06-08-2012, 03:30 AM
http://www.libyan-kitchen.com/gallery/images/la98.jpg

يسلالالالالام سلم على الكليوة :):)

يميييييييييييييييييييييي
بسم الله ماشاء الله
تهبل تهبل ومنظرها ايجي فى الخاطر
تسلم الايادي الى تلتف بالحرير
حتى اني ادكرت ايام ليبيا ايام اللمة والعيد والحلويات
مشاركة فى غاية الروعة وتستحق عشرة نجمات

luba
06-08-2012, 04:58 AM
بارك الله فيكم علي التشجيع والمرور تعرفي فرحت بيها هلبه
انحس في روحي قاعدة في ليبيا ترهونيه حرة ديريها وانت
مطمنه وام عدنان بعد العيد لازم ادوقينا من حلاواتك وشكرا لكل من مرت من هنا

المروالوردي
06-08-2012, 08:03 AM
يسلمو ايدياتك لوبا

http://www.althkra.net/pic/ep/ebe.gif

خدوج
06-08-2012, 08:48 AM
ماشاء الله
يسلم يدياتك
فعلا ذكرتينا بايام زمان
سلمت يمناك

آمال
06-08-2012, 02:19 PM
تسلم ايديك
ماشاااء الله

lolo1971
06-08-2012, 04:47 PM
تسلم الايادى منظرها ايسهف

عهود
06-08-2012, 04:50 PM
حلوة الطريقة كنت ندور فيها نفسها و بنمشي نسئل عليها جيران حوش بوي
مشكورة حبيبة عليها بارك الله فيك

luba
06-08-2012, 07:37 PM
بارك الله فيكم علي المرور وان شاء الله تعجبكم

لوتي
06-08-2012, 08:42 PM
فعلا زي ماقالو الأخوات رديتينا لأيام زمان تسلم إيدك عجبتني فكرة إضافة روح اللوز تستاهلي أحلى تقيييم

أم خديجه
06-09-2012, 08:18 PM
ما شاء الله تسلم يداكي
زمان جت فتره الكليوه من الحلويات المهمه في المناسبات
طعمتها رائعه عن نفسي انحبها

تم التقييم

luba
06-10-2012, 04:41 AM
لوتي وام خديجه شكرا علي المرور والتقييم واسعدنس تواجدكم
وخطرت عليا واني انلف في مدكرتي لاني لازم ندير اي حلويات
مع الشاهي مانشرب فيه هكي بدون حاجه ان شاء الله فتاتة خبزة

الساجدة لله
06-11-2012, 12:56 PM
تسلم الايادي ياقمر

ماشاءالله لاقوة الابالله ياقمر

كليوة مش عادية ماشاء الله

luba
06-19-2012, 01:10 AM
سجودة شكرا لمرورك نورتي موضوعي

بنت حواء
07-03-2012, 06:48 PM
الله الله ليا زمان عليها نموووت فيها الكليوة نديرو فيها بالبندق بس حتى فكرة اللوز حلوة
ماشاء الله عليك سلم يدياتك.... وأححححلى تقيييييم

نسيبة
07-04-2012, 09:36 PM
http://akhawat.islamway.com/forum/uploads/post-19496-1155500579.gif

أم أيوب
07-08-2012, 10:08 PM
الله الله يالولو دكرتيني بايام زمان

عندي معاها موقف الكليوة زمان كانت كيف طالعة الحلويات اللي تغلف بالشوكولاته

ماما تبي تهدي صديقتها على فرح خوها نوع حلويات

اختارت الكليوة ودرنا منها مقدار فرح اااااااااااااااااااه من التعب

بس بجد نوع حلويات مميز وطالعة من ايديك تهبل ماشاء الله

يسلمو وربي يحفظك

luba
07-09-2012, 01:12 AM
بنت حواء
شكرا لمروروك والاضافة واول مرة نعرف بالبندق تو نجربها

نسيبة
بارك الله فيك علي المرور

ام ايوب
شكرا لمرورك وان شاء الله ماندكروك الا بالفرح وايامه

المصراتيه
01-31-2013, 12:11 PM
الله الله الله
دكرتيني ب عشره سنين فاتن لما كنت نعيط لي امي نبي ندير معاها
ماشاءالله محلاها طالعه من يديك
يعطييييك الصحه يارب وان شاءالله ربي يفتح عليك
تستاهلي احلي تقيــــم

بنت الاشراف
04-20-2013, 10:33 AM
ماشاء الله تسلم إيديك

luba
11-27-2013, 03:34 PM
الله يسلمكم واسعدني تواجدكم اسعد الله اوقاتكم

زوبة الطيوبة الحبوبة
12-08-2013, 01:31 PM
ماشاء الله .. غاية في الروعة .. يسلموا ايديك

luba
02-09-2014, 12:55 AM
اسعدني مرورك بارك الله فيك زوبة