[ تطبيق] المرفهه لماريا شو من مطبخ لوبا

[luba]

http://i1263.photobucket.com/albums/ii635/jijiy1985/salad.gif



السلام عليكم ورحمة الله وبركاته

هدا تطبيقي للمرفهه

http://www.libyan-kitchen.com/gallery/images/la150prp.jpg

http://www.libyan-kitchen.com/gallery/images/la151.jpg


اني درتها مرتين والمرة الاولي تعلمت من اخطائي ممكن البعض يراها
اخطاء عاديه لكن اني مش ماهرة هلبه في المطبخ

لازم اطلعوا الجبنه من التلاجه بوقت طويل قبل استعمالها حتي
يسهل عليك لفها وتتبت علي بعضها تلصق
وطبعا زي ماقالتنا اختنا ماريا غطستها مرتين
ولما قليت قلبتها علي الجهتين وطلعتها اول ماتغير اللون والمفروم طلعته
من التلاجه اول مابديت نشتغل لكن الجبنه لازم تكون رطبه لانها بهدلتني المرة الاولي تكسرت مني
وماتبي تلصق علي بعضها

وهدا رابط الاخت ماري شو (http://www.libyan-kitchen.com/kitchen/showthread.php?5388-%C7%E1%E3%D1%DD%E5%C9-%E3%E4-%E3%D8%C8%CE-%E3%C7%D1%ED-%D4%E6)

[المروالوردي]

تطبيق متقن

ما شاء الله عليك في المطبخ لوبا

كل حاجاتك حلوة

تسلم الايادي

[بنت الاشراف]

وعليكم السلام ورحمة الله وبركاته
تطبيق متقن سلمت يداك لك تقييمى

[أم ميوسة]

تطبيق روعة حبوبة

تتستحقي التقييم

وانا مجربتها قبل فعلا الجبنة لا زم تطلع من الثلاجة بفترة

وتغلبك شوي في الشغل

انا حشيتها من داخل مفروم وصنوبر
ش
بصراحة عجبتني هلبة

تسلم ايياتك وايديات ماري شو

[luba]

المرو الوردي شكرا علي كلامك الحلو المشجع وحتي انت حاجاتك كلها
تعجبني وان شاء الله عندي ليك تطبيق من اكلاتك س

[luba]

بنت الاشراف الله يسلمك وصحيتي علي المرور والتقييم

[luba]

ام ميوسه تسلمي علي المرور والتشجيع والتقييم لك تحياتي

[آمال]

تطبيق متقن

ما شاء الله عليك في المطبخ لوبا

كل حاجاتك حلوة

تسلم الايادي

[الصابرة]

ماشاءالله عليها النويشطة الفالحة
خايفة على روحها من العين تقول مش فالحة هلبة هههههه
امنا اللي نشوفي فيه شنو تشري فيه {انبصر }
ربي يحفظك ويخليك واحلى تقيييم
اه تعرفي اول مرة انديرها طحت في جبنة بعيد عنك ماتنفع بكل
تعرفي شنو درت لما قعدت تتكسر لميتها بايدي ودرتها زي عبود الزميطة المهم ماتضحكش عليا عقاب جبنة { حاش نعمتها } وكملت الخطوات وجت ماشاءالله عليها
تعرفي يا لوبا درتها في عرسي
تقولي خيرها ترغي هلبة
خطرن عليا الايام الحلوة
سلم دياتك

[om_adnan]

وعليك السلام لولى....تطبيق متقن,شكرا على المعلومات عن الاخطاء الممكن تفاديها,بصراحة يا سعد اهل بيتك بيك ,الحق إنويشطة.

[luba]

شكرا ام رميصاء علي المرور بارك الله فيك

[luba]

الصابرة

هههه ضحكتيني اكيد صاروكيف عبابيد العمود الفقري والله مجازفه في عرس اديريها واكيد نشري فيهم من الكنديين يدوق

في اكلنا بيهبلوا عليه حشاك ايكالهم تمزريط مايتاكل وتسلمي علي المرور والمشاركه الحلوة واني رغايه اكتر منك

[luba]

ا م عدنان شكرا لتعليقك واطراءك الحسن بارك الله فيك

[Om Amory]

ماشاءالله عليك تطبيق متقن

[luba]

شكرا لمرورك ام عموري ربي مايحرمنا من هالطله

[ماري شو]

ماشاالله وتبارك الله لوبا بجد ابدعتي وربي يوفقك وينجيك ويحفظك

[luba]

شكرا لمرورك غاليتي وبارك الله فيك علي هالاكله

[خدوج]

يسلم ايديك
تطبيق متقن
ماشاء ربى يسلم هاليديات

[barney]

ماشالله عليك فعلا تطبيق متقن واللي مايغلطش مايتعلمش ونبي انقول للصابرة مقنينتك ومقنينت هدرزتك انشالله ربي يحفظك ويحفظ لوبا من العين

[luba]

خدوج الله يسلمك ونور موضوعي شكرا لمرورك

[luba]

اهلين بارني ربي يسلمك ويحفظك ونورتينا بمشاركتك

[الساجدة لله]

ماشاء الله تطبيق فى غاية الروعة
تسلم ايدياتك وايديات ماري شو

[أم أيوب]

ماشاء الله عليك يالولو الباين انك فالحة درجة اولى

ربي يحفظك

نحن نسمو في هالنوع أصابع الباشا المرة الجاية لفيها في مربع ورقة جلاش عشان ما تغلبكش في اللف

بعدين غطسيها في الدحي والخبزة واقليها

[نسمه ليبيه]

اه ياسلام

من اللى مش فالحه فى المطبخ؟؟؟؟؟؟؟ معناها نحن شنووووووووووو

ياعينى عالتواضع

يسلموا شكلها روعه

وننصحكم بجبنة برزيدان من النوع هذا ماشاء الله عليها

[luba]

سجودة وام ايوبي ونسومة شكرا لمروركم ومعلوماتكم
القيمة واطرائكم الحسن اللي يسعدني
نورتن الصفحة

[بنت حواء]

ماشاء الله تطبيق راااااائع
مشكورة على الملاحظات المهمة وسلمت يداك

[مغتربة 7]

ماشاء الله عليك يالوبا
تطبيق احترافي
تسلم ايديات وايديات ماري شو
احلى تقييييييم لعيونك

[نسيبة]

تسلم ادياتك وخيتنا الحبوبة لوبا تقييمي

[ترهونيه حره]

تطبيق راااااااائع تسلم ايدك
وشكرا عالملاحظات المفيده
لك تقييمى

[أم عبد الله]

تسفه.........اممممم تسلم ايدك على التطبيق

[luba]

بارك الله فيكم علي المرور والتشجيع

ربي يعطيكن الصحة وراحة البال يارب