[تطبيق ] عصير الخوخ لزينب محمد من مطبخ لوبا

[luba]

http://www.libyan-kitchen.com/gallery/images/salad.gif



السلام عليكم ورحمة الله
عصير الخوخ

http://www.libyan-kitchen.com/gallery/images/la156.jpg

من يوم مانزلت ابلة زينب عصير الخوخ واني كل يوم نحلم بيه
ونراجي في المحلات يجيبوا زي خوخنا اللي في ليبيا لانه عندهم انواع
مش حلوة قشرتها كيف التفاحه واني نهبل عليه

وجاني شكله وقوامه كيف عصير المانجا السيزر اللي في فازووات الزجاج قوامه تقيل
واني ماصفيتاش كله و اللي صفيته ناااعم وبنته حلوة رديته كله اللي صفيته
شن بنقوللكم ياناس علي البنه و حتي في فندق 7 نجوم مانكم لاقيينه
يهبل يجنن
ربي يعطيك الصحه وطول العمر وراحة البال وكل ماتتمني في الدنيا والاخرة ويرحم والديك
ياابلة زينب
وهدا الرابط

(http://www.libyan-kitchen.com/kitchen/showthread.php?5736-%E3%D4%C7%D1%DF%C9-%CA%D4%CC%ED%DA%ED%C9-%DD%ED-%E3%E5%D1%CC%C7%E4-%C7%E1%D5%ED%DD-%DA%D5%ED%D1-%C7%E1%CE%E6%CE-%E3%E4-%C7%E1%E3%D8%C8%CE-%C7%E1%E1%ED%C8%ED-%E1%D2%ED%E4%C8-%E3%CD%E3%CF)http://www.libyan-kitchen.com/gallery/images/la152.jpg

http://www.libyan-kitchen.com/gallery/images/la153.jpg

http://www.libyan-kitchen.com/gallery/images/la154.jpg

http://www.libyan-kitchen.com/gallery/images/la155.jpg

وجربوه حاجة صح

[أم ميوسة]

ما شاء الله شكله روعة

المفروض في المنتدى هادا نكتبوا ممنوع دخول الحوامل هههههههه

تسلم ايديات لوبا تطبيق مش عادي

المفروض دخلتيه في المسابقة

موفقة حبيبة

[عهود]

المفروض في المنتدى هادا نكتبوا ممنوع دخول الحوامل


اسكتي ساكتة ياام ميوسة اني نتفرج من هنا ونمشي ندور ماناكل علي قد ماانا واكلة نوللي ناكل ثاني
وكان كوجينتي واتية مش عارفة شني درت بيها بوصفاتكم
ناخذ الوصفة ونمشي بيها للكوجينة طووول
المفروض ناخذ اجازة من النت طويلة معاش نخش للمطبخ لن تبدا عندي الماكلة كيف صباح الخير ;)



لووبا
مشكورة حبيبة ويسلموو ايديك الحلوات
جبتيلي نية في عصير خوخ فريش تووا تووااا :D:eek:;)

[زينب محمد]

اجمعين اللهم آمين

الله يسلم ايديك ويعطيك الصحة والعافية حبوبة

صحة وهناء على قلوبكم

[Om Amory]

عصير يهبلللللللللللل

بإدن الله نجربه وانزله

اليومين الجايات عندى خووخ يهبل

يسلموا ايديك

[luba]

ام ميوسة ربي يقومك بالسلامه ويرزق كل وحدة ماتبي
وشكرا للمرور والتقييم اني ماكنتش نعلم انه التطبيقات تدخل في المسابقات

[luba]

عهوده ربي يكون في عونك وتقومي بالسلامه يارب ويرزقك الخلفه الصالحه
السليمة انت وام ميوسة كل الحوامل وان شاء الله اتمي بيتك وتورينا مش بعدين
تسبلي وتقولي البيبي مش لاهيه و مارقدتش زين وتعبانه الخ رانا اراجوا فيك
شكرا لمرورك

[luba]

ابلة زينب اسعدني تواجدك وبارك الله فيك وربي يعطيك الصحه

[luba]

اهلين ام عموري واعطي منه لي عموري مفيد وبدون مواد حافظه
وشكرا لمرورك وانراجوا في تطبيقك

[الصابرة]

الله الله سبققتيني ليا يومين نقول لراجلي جيبلي خوخ وينسى
من يوم مانزلته زوبة وانا نبي انديرها
سلم دياتك ودياتها يارب
ولك تقيييمي

[luba]

ماتسبليش بيا ايوه نبو نشوفي التطبيق بالخطوات
ربي يالصابرة يرزقك االطفل السليم المعافي يارب

[om_adnan]

http://www.libyan-kitchen.com/gallery/images/la156.jpgوعليك السلام لولو...يابنت تنفعى تفتحى مكتب دعاية,دوختينا فى جرتك,سلم إيديك,صحتين على قلوبكم,وانقول امين على دعائك الحلو لزوبة.شنو الحظ الحلو ,بعد كل هذه الردود,انحصل كباية,شكله ضرب فى سر حبيبتى مغتربة

[luba]

اهلين ام عدنان تسلمي انت ومغتربه والله فرحانين بيك
من ريحتها ودكرينا بيها ان شاء الله ربي يسعدها وترجع لبيتها ومنتداها

[المروالوردي]

نموت على الخوخ وطعمته نفضله على كل العصائر

يسلمو لوبا

[بنت الاشراف]

سلمت يداك لوبا يستحق التقييم

[luba]

اهلين بالمرو وبنت الاشراف نورتن الصفحه

[الساجدة لله]

ماشاء الله تطبيق فى غاية الروعة
تسلم ايدياتك وايديات زوبة

[luba]

بارك الله فيكم اسعدني مروركم وحضوركم

[نسمه ليبيه]

يسلموا ايديك احلى شي العصير الفريش

[زوبة الطيوبة الحبوبة]

ماشاء الله ... شكله قنين عالاخر

[لوتي]

ما شاء الله

شوفتيني فيه لبون

تسلم ايدياتك وإيديات زينب

5نجيمات