[خيار مخلل] من مطبخ الصابرة

[الصابرة]

http://i1263.photobucket.com/albums/ii635/jijiy1985/42.gif



السلام عليكم
اليوم حبيت اقدم لكم التجهيز الثاني للشهر الكريم
وهو الخيار المخلل لا ني استخدم فيه مع البيتزا
ومعظم السلطات
الطريقة .....
اغسل الخيار ويفضل يكون الخيار طويل ورقيق
نزيل جزء بسيط من اطرافه
ونعمل به 3 او 4 شقوق بواسطة سكين
نضعهم في فازو انا مستخدمة فازوا نسكافيه حجم كبير ياخذ 4 ملاعق كبيرة ملح
ونسكب عليه ماء ثم نغلق ونرج الفازو
ونغطيه بكيس نايلو اسود او اي لون معتم
ونضعه في مكان دافئ انا عادتا اضعه فوق الثلاجة وبعد اول اسبوع اتفحصه
اذا تغير لونه معناه نضج
نغير الماء بماء عادي ونضعه في الثلاجة
ونستخدمه { فترة النضج تعتمد على الحرارة التي في المطبخ }
اترككم مع الصور

http://im20.gulfup.com/2012-06-15/1339736508841.jpg (http://www.gulfup.com/show/X53tzur11h9)

http://im20.gulfup.com/2012-06-15/1339736508292.jpg (http://www.gulfup.com/show/X6t33lfldzmu7)

http://im20.gulfup.com/2012-06-15/1339736509723.jpg (http://www.gulfup.com/show/X6t3505gbi8dj)

http://im20.gulfup.com/2012-06-15/1339736509594.jpg (http://www.gulfup.com/show/X6t36r5abmgir)

http://im20.gulfup.com/2012-06-15/1339736509575.jpg (http://www.gulfup.com/show/X1p9td1hixi3)

http://im20.gulfup.com/2012-06-15/1339736509506.jpg (http://www.gulfup.com/show/Xkf9wvj80qb0)

http://im20.gulfup.com/2012-06-15/1339736509237.jpg (http://www.gulfup.com/show/X6t3djxrm82dt)

http://im20.gulfup.com/2012-06-15/1339736509858.jpg (http://www.gulfup.com/show/X29p4yaoba57o4)

http://im20.gulfup.com/2012-06-15/1339736509259.jpg (http://www.gulfup.com/show/X1p9vcc5j4o1)

وضعت فازو خارج الثلاجة لينضج بسرعة وارويه ليكم اخذ اسبوع في النضج لان المطبخ عندي
صغير وساخن
وهذا الشكل بعد النضج
ملاحظة ......يجب التأكد ان الخيار كله مغطى بالماء في الفزو وخصوصا من اعلى
لاني مرات اقع في الخطاء ولا اركز ان الماء مغطي الخيار كله فيصاب بالعفن

http://www.allibya.me/uploads/hawaly_13406352951.jpg

http://www.allibya.me/uploads/hawaly_13406352962.jpg

هذا الرد قامت به الاخت ام عدنان في الموضوع الذي حذف وحبيت انزله في الموضوع عشان فيه معلومة مفيدة
شكله إيسهف,خذيت صحن لصغارى حيعجبهم,عند وضع الفازو بالمقلوب يقلل نسبة الاصابة بالعفن طبعا يجب أحكام الغطاء,سلم إيديك.
مشكورة ام عدنان على هذه المعلومة

[بنت الاشراف]

ماشاء الله يسلموا ايدياتك تاكلوه بالهنى

[لوتي]

سبقتيني ياصابرة كيف بنسألك كيف اتديري فيه لكن الأيام اللي فاتت معنديش كتر تقعميز علي النت ماشاء الله تبارك الرحمن تسلم إيدك تستاهلي أحلى نجوووم لكن عندي سؤالين الأول المية اللي نقعتيه فيها مع الملح عادية والا ساخنة والتاني قديش يقعد في الثلاجة كويس

[om_adnan]

وعليك السلام الصابرة.....سلم إيديك ,حتى الخيار شكله طازة ايسهف,نحن عندنا مشكلة الطازة مش متوفر بسهولة,لما ايجهز او حتى فى رمضان صوريه ينا,بعد أذنك انزيد نصيحة على كلامك,يعرف مقدار الملح فى الماء مزبوط,لمااتحطى بيضة نية تنزل تحت.

[luba]

بارك الله فيك عزيزتي تعرفي ليا اكتر من سنه ماشفت خيارصغير لو صادفني
حنقبض عليه عشان خاطر نجرب مخللات الصابرة الفالحة وشكرا لام عدنان علي المعلومه

[خدوج]

خيار مخلل
الله الله
يجى فى الخاطر
وتسلم يدك
انى نقصه جراير ونخلله
صحتين وعافية على قلوبكم

[المروالوردي]

http://kll2.com/upfiles/8hS66840.gif

[عهود]

تسلم ايديك الصابرة مخلل الخيار نحبه هلبة
لاكن يطيب بسرعة وانتي بديتيه من تو لرمضان
ع رمضان تلقيه مرخرخ ومجربته ليمون وملح ونحط في الثلاجة باش تقل ترخريخته مع الوقت
وطريقتك بنجربها متع كيس النايلون الاسود

مشكورة حبيبة

[الساجدة لله]

ماشاء الله مخلل غاية في الروعة تسلم ايدياتك

[أوركيدا]

تسلم الايادي
وتاكليه بالهنا يا رب

[الصابرة]

​مشكورة بنت الاشراف على مرورك

[الصابرة]

مشكورة على النجمات
الاول مياه عادية
الثاني والله ماني عارفة ياخذ وقت طويل ممكن اسبوعين وممكن اكثر لاني نعرف في نضجه من تغير اللون واني حطيت فازو برا عشان يطيب بسرعة بيش انوريه ليكم

[الصابرة]

بارك الله فيك ام عدنان اكيد زي ما قلت للولتي خليت فازو برا بيش يطيب بسرعة
ومعلومتك مهمة اول مرة نعرفها لاني اضع في الملح بعيني ميزاني وخلاص
وبعدين حبيبة محد يستأذن لما يبي يعطي الافادة لغيره بارك الله فيك

[الصابرة]

​مشكورة وخيتي لوبا وان شاءالله تلقيه

[الصابرة]

ايه النور خدوج هنا
الله يعطيك العافية
لما انديره جراير علي قولتك وقولتي دواير انحط فيه مع الامسير لكن لما انديره بروحه نحب انخليه هكي

[الصابرة]

الله يعافيك المروالوردي

[الصابرة]

الله يسلمك عهود
لا وخيتي الطريقةاللي اندير فيها كان حطيتيه في الثلاجة ياخذ وقت لكن اذا خليتيه برا يطيب بسرعة ممكن اسبوع اني اندير في مجموعات مجموعة لرمضان ومجموعة لتوا نستمتعوا بيه
والليمون مانديرش فيه معاه لكن فكرة كويسة لو رخرخ

[الصابرة]

الله يسلمك الساجدة لله
واسعدني مرورك اختي اوركيدا

[بنت حواء]

ماشاء الله خيار يشههههههي
تسلم يديك وصحة وهنا
ولك أحلى نجووووووم

[نسيبة]

بارك الله فيك

[الصابرة]

مشكورات وخياتي واسعدني مروركن
وبارك الله فيكن

[ميرولاكى]

مخلل روووووووووووووووعه
الله يسلم دياتك وخطرتيه عليا بما انه رمضان قررررررررررب
صحتين

[المصراتيه]

ماشاءالله لا قوة إلا بالله
الله محلاااااه يهبل يعطيك الصحه
تسلم الايادي

[ام شذر]

فكرة ساهلة وحلوة بارك الله فيك

[أم خديجه]

تسلم ايديك

وبارك الله فيك
اللهم بلغنا رمضان ارزقنا حسن عبادتك امين

[الصابرة]

امين يارب
مشكورات وخياتي وبارك الله فيكم