[ مشاركة في مهرجان الصيف ] لحم راس خروف في الفرن من مطبخ لـــوبــــا

[luba]

السلام عليكم ورحمة الله


http://www.libyan-kitchen.com/gallery/images/pyppyp.gif

لحم رأس الخروف في الفرن

http://www.libyan-kitchen.com/gallery/images/la230.jpg


خطراته عليا زينب محمد بس البالطه اللي بنقطع بيها واصله ليها يومين
عبر البريد وهيا نفضت عليا شويةالكسل من تنزيلها لموضوعها

الطريقة سهله جدا ولذيذة جداجدا وهدي تعلمتها من امي الغالية
ربي يعطيها الصحة وطول العمر

نقطع راس الخروف المشفشف بالنار ( اني سلخته بسبب عدم مقدرتي علي
تشفشيفة الصنه وماعنديش كيف ووين )
المشفشف تعني ( راس الخروف نحطوه علي النار او بي مسدس النار يستخدم
في الورش السيارات ونحرق كل الشعر حتي يصبح املس علي الجلد ونغسله جيدا بالماءوالليفة
والصابون والجهات التي بها شعر كتيف متل اخر الراس نقصه بالمقص تم استعمال النار )

http://www.libyan-kitchen.com/gallery/images/la222.jpg


المهم نغسلوه بالصابون والليفة ونقطعوه انفك في الحنك اللي فوق عن اللي
تحت باليد مجرد انعلم بالسكين ونفتحهم بقوة ونفرقهم علي بعض يطلع العظام اللي من الفك اللي فوق
والباقي الراس بالبالطه ( الشيته ) زيدي تشريح وتمشي معاكم واللسان نرمي فيه

ناخد نغسلهم كويس حتي بعد التقطيع و نحطهم في طنجرة تغلي فيها زيت و ماء وملح وبزار ( كركم ) كتروا منه
ونخليهم حوالي ساعه او اكتر حسب حجم الراس

http://www.libyan-kitchen.com/gallery/images/la225.jpg

ونرفع الريم اللي يتكون كل مرة

http://www.libyan-kitchen.com/gallery/images/la223.jpg

ونجهز طاجين فيه بطاطا مقطعه دوائر

http://www.libyan-kitchen.com/gallery/images/la224.jpg

ونحط عليها اللحم و3 او4 سواقم من المرقه بحيت تغطي البطاطا ونصبها علي اللحم

http://www.libyan-kitchen.com/gallery/images/la226.jpg

وندخلهم الفرن علي الرف السفلي والنار قويه ونخليها لين البطاطا اطيب
بعدين نرفعه فوق ونحمر الراس
وان شاء الله ماتصير عركة علي البطاطا بنتها تهبل

http://www.libyan-kitchen.com/gallery/images/la227.jpg

http://www.libyan-kitchen.com/gallery/images/la228.jpg

http://www.libyan-kitchen.com/gallery/images/la229.jpg


وان شاء الله يعجبكم

[الصابرة]

يعطيك الصحة والعفية.....ماشاءالله عليك .....تعرفي تقطعي رأس ....تبارك الرحمن ...قصدي رأس خروف

[حبيبتهم]

صحتين

[أم أيوب]

ماشاء الله يا لولو فالحة

وين حصلتيه راس الخروف في كندا؟؟؟

ربي يحفظك ويسلم ايديك يارب

بس ليش رميتيه اللسان هدا الجزء الوحيد اللي ناكله من راس الخروف

تستحقي التقييم يا لولو صحتين على قلوبكم

[om_adnan]

لا مش معقول لولو وراس خروف فى كندا,صحتين وعافية وسلم إيديك طالع منك صح,الوالدة تفخر انها علمتك ,ربى ايخليها ليكم.

[luba]

الصابرة شكرا لمرورك والتقطيع بطريقة سهله امي علمتهلي
كنت نتمني تكون يالصور غير ماعنديش من يصور واني شارقه
واكيد مش كل شويه نغسل ونقطع هي حرب صغيرة صحيتي عزيزتي

[luba]

جبيبتهم الله يسلمك ومشكورة لمرورك

[luba]

ام ايوب نجيها هيا وهدرزتها الحلوة بين فترةواخري ندبحوا1 او2علي خاطرالعصبان
ولحمهم قريب من متاعنامش كيف بريطانيا لاصنه لابنه

[luba]

ام عدنان نعم لولو و الذئب قصدي وراس الحولي ربي يسلمك ويخليك ويحفظلك غواليك

[بنت حواء]

ماشاء الله يالوبا وجبة تشهي نموت في لحم الراس وبالذات اللسان :p
سلم يدياتك وتستاهلي أحلى نجوم

[آمال]

ماشاااء الله عليك
وبارك الله فيك
قوللي هل هذا الذي يسمى المَصْلِيِ

واضحكتني راس الخروف المشفشف
اضحك الله سنك

[luba]

بنوته شكرا لمرورك واني اللسان مانحبه بس انت زي ام ايوب
نحب فيه الحنك فقط وعندي اختي تحب تاكل العين اطلع منها في الخرزة
وتاكل في الباقي لاحول و لا قوة الا بالله الليبيين ماخلينا حاجه

[luba]

ام رميصاء اهلين بيك وشكرا لمرورك
اني مانعرفش شنو هو المصلي
اول مرة نسمعها اسألي زينب ممكن تعرف
وربي يجعل كل ايامك ضحك وفرح

[بنت الاشراف]

يسلموا إيديك لكى تقييمى

[الساجدة لله]

راس حروف مميز ياغالية ماشاء الله

[luba]

بنت الاشراف شكرا لمرورك والتقييم
سجودة شكرا لمرورك وربي يخليك