[خاص] بالاستفسارات عن العجانات الكهربائيه

[دوعي]

بسم الله الرحمن الرحيم


اللي تعرف خلاط كينوود الكامل وين يبيعو فيه وبكم تقولي

[ام صهيب]

والله ما نعرف وين بس فى بريطانيا حوالى 300 جنى ليبى

[الساجدة لله]

وووووه في بريطانيا هكي سعرها ؟

شكلي بنقولك جيبهالي ههههههههههه اهني في حدود 700 دينار في محل في غوت الشعال اسمه الدلتا او في المهاري

[ام رواسي]

معليش سامحينى اختى دوعى انتى تسالى على سعر العجانة والا الخلاط

[دوعي]

وووووه في بريطانيا هكي سعرها ؟

شكلي بنقولك جيبهالي ههههههههههه اهني في حدود 700 دينار في محل في غوت الشعال اسمه الدلتا او في المهاري

وين المحل بالزبط لان المهاري مافيشي:) شكرا سجودة

[دوعي]

معليش سامحينى اختى دوعى انتى تسالى على سعر العجانة والا الخلاط

نبيه كامل الخلاط والعجانة وباقي القطع شكرا اختي ام رواسي انشاء الله فهمتيني لاني مش متعودة علي الكتابة ومعرفتش انوصل طلبي بالزبط:)

[دوعي]

والله ما نعرف وين بس فى بريطانيا حوالى 300 جنى ليبى

حسسسسسك صدمتيني فرق كبير في السعر علي العمووووووووووووووم شكرا بالله وين نوصله في بريطانيا حتى ال700 باهية:)

[ام رواسي]

نبيه كامل الخلاط والعجانة وباقي القطع شكرا اختي ام رواسي انشاء الله فهمتيني لاني مش متعودة علي الكتابة ومعرفتش انوصل طلبي بالزبط:)

لالا عادى حبوبة ولا يهمك والله حتى انى من سنة ريتها العجانة فى سوق المهارى لكن عجانة فقط بدون خلاط ولا قطع تانية والسعر والله نسيتة سامحينى

[ام ليبيه حره]

ياربي تحصليه و بالارخص الاثمان

[الساجدة لله]

حبوبة نصيحتى ليك انك تاخدي عجانة لوحدها فقط وتخليها فقط للعجن

عشان مايتعب المحرك وخصوصا اذا شغلتي قطعة المفرمة وانتي تعرفي توا الظروف معنها الحاجة بحسابها

شوفي انا شن مدايرة العجانة متع الخبز بروحها المضرب متع البيض والكيك لوحدة المفرمة لوحدها وهكدا

عشان تعيش لاكتر وقت عندي الا اذا كنتي مصرة تاخديها كاملة

المحل اسمه الدلتا ويجي في بعد الصالات متع غوت الشعال في الصفة المقابلة ليها وهو محل متع مواد منزلية

وبجنبه محلات تانية متع اماعين ومتع تجهيز مطاعم بريله لاكن السعر حيكون كبير جدا لان العجانة لوحدها وهي

كينوود مابين 750 و 1000 دينار وانتي شوفي كل قطعة بحسابها وبثمنها .

[دوعي]

حبوبة نصيحتى ليك انك تاخدي عجانة لوحدها فقط وتخليها فقط للعجن

عشان مايتعب المحرك وخصوصا اذا شغلتي قطعة المفرمة وانتي تعرفي توا الظروف معنها الحاجة بحسابها

شوفي انا شن مدايرة العجانة متع الخبز بروحها المضرب متع البيض والكيك لوحدة المفرمة لوحدها وهكدا

عشان تعيش لاكتر وقت عندي الا اذا كنتي مصرة تاخديها كاملة

المحل اسمه الدلتا ويجي في بعد الصالات متع غوت الشعال في الصفة المقابلة ليها وهو محل متع مواد منزلية

وبجنبه محلات تانية متع اماعين ومتع تجهيز مطاعم بريله لاكن السعر حيكون كبير جدا لان العجانة لوحدها وهي

كينوود مابين 750 و 1000 دينار وانتي شوفي كل قطعة بحسابها وبثمنها .

شكرا وخيتي رايك عجبني لكن شنو الماركة اللي تنصحيني بيها وسامحيني حبوبة كاني كترت عليك اني نبي ناخد اي حاجة كهربائية تكون استالستين بش تمشي مع ديكور مطبخي :)

[نعومي نت]

حبيبتي في محل في شارع عمر المختار ما عنداش اسم لكن اول ما تخشي لعمر المختار المحل يجيك ثالت عمارة عاليسار في الكورنر عنده ماركة كينوود سعرها 700 دينار و حاجاته كلها ماركة يعني زي ما نقولوا حاجة العمر بس المحل زايدها حبتين ...

[خدوج]

ان شاء الله تحصلى طلبك
انى خديتها فى الاحدات من محل فى شارع عمر المختار
غالية شوى بس تستاهل
ماركتها كينود

[الساجدة لله]

عليك بكينوود الصراحة ممتازة وحتى الكتشن ايد ايضا ممتازة

[دوعي]

شكرا سجودة على النصائح تعبتك امعاي بادن الله بناخد ماركة كينوود

[ansam ali]

السلام عليكم أخواتى

أمس فى السوق ندور على عجانة لقيت وحدة أسمها manomann ألمانية ياريت اللى عندها عليها فكرة والا جربتها تقولى كويسة والا لا

والسؤال الثانى عن الكوب المعيارى هل يصلح نستعمل الأداة اللى تشبه الكوب وتجى مع الفرامات تغلق بيها فتحة إضافة المواد أثناء الفرم ونضيفوا بيه المواد السائلة صلبة للفرامة بدون فتحها يعنى وهى تشتغل

نتمنى تكونوا فهمتونى وشكرا

[om_adnan]

عليكم السلام أنسام ,بصفة عامة الماركة الالمانية كويسة,تأكدى أنها صنع ألمانى وليس أستايل ألمانى,كم قوتها بالوات ,قارنى بعجانة ماركة ثانية,الاعلى رقم الافضل,وعلى ما أعتقد مش متأكدة وخصوصا اذا كانت غالية معها ضمان,بالنسبة للكوب لو على مقاس الفتحة مافيش مشكلة,أكيد لو واحدة من الاخوات عندها معلومة مش حتقصر.

[الساجدة لله]

حبيتي نسومة بالنسبة لسؤال الاول متع العجانة اعتقد لو تتاكدي من الصنع وشوفي قوتها بالوات اما السؤال التاني فاانا مافهمتش قصدك سامحيني

[ansam ali]

شكرا أم عدنان على الرد والاهتمام
شكرا حبيبتى الساجدة لله
بالنسبة للكوب المعيارى اللى نقصده اللى يجى مع الفرامات زى المولينكس ييكون مدرج باللمللتر وبالكوب هل نقدر نعتمده كمكيال للزصفات اللى بتكون مقاديرها بالكوب المعيارى و حاولت نصوره ونحط صورته ما عرفتش الطريقة فنزلته بالمرفقات يار ريت يكون طلعت الصورة وشكرا حبوباتى عللى الاهتمام وياريت لو أى عضوة بتكتب وصفة تصور لنا الكوب المستخدم فى المعايير ونكون مشكورة ليها هلبة لأن فيه وصفا تعجبنى فى المعجنات والحلويات ونخاف نديرها ما تنجحش معاا:(

[مغتربة 7]

وعليكم السلام حبيبة

بالنسبة لسؤالك الاول اني والله ماعندي اي فكرة على العجانة هذه بس زي ماقالت ام عدنان البضاعة الالمانية كويسة لواصلية

اني عندي عجانة كيتشن ايد ماشاء الله عليها روعة

وبالنسبة لسؤالك الثاني اني عندي خلاط وفيه نفس الفكرة مرة قست عليه مقدار الكوب الى عندي طلع مش نفسه والحاجة الثاني متعي فيه نقبة صغيرة

وان شاء الله انكون افدتك حبيبة

[ansam ali]

اختى مغتربة 7
شكرا على الرد وانشاء الله فى ميزان حسناتك

[om_adnan]

أهلين أنسام ,توا سؤالك واضح ,لو الكوب حتى للمعايير حتلقى عليه شرطات وممكن يكون بالكوب أو أونسة ,حتلقى أختصار للكلمة ,أناعندي نفس الكوب فيه المقياس ولكن عيبه فتحته ضيقة وخصوصا للدقيق.من الاخير تقدرى تستعمليه,لو مكتوب عليه قريب من الفوهة ٨ أونسة .250 mlتعنى كوب.l

[سمراء الصحراء]

مساء الخير لكل الاخوات المتواجدات والغير متواجدات:oارجو الرد على طلبى

:اريد معرفة مكان بيع عجانة كيتشن ايد فى مدينة طرابلس؟ فارجو منكن الرد ضروري:)

[مغتربة 7]

ان شاء الله البنات يفيدوك

[om_adnan]

مساء الخير عليك سمراء...أختى فى ليبيا فى عجانات بماركات مختلفة وفى نفس جودة الماركة هذة وأحسن,اللى يميز عجانة على التانية هو مدى قوتها ,انا شفت عجانة فى ليبيا قوتها ٨٠٠ وهذا ما شفتش فى هذة الماركة,وان شاء الله البنات ايقولوا لك على الاماكن اللى يبعيوا فيها العجانة اللى خاطرك فيها

[سمراء الصحراء]

749 أخواتى هذه صورة العجانة فياريت اللى عندها معلومة عن مكان بيعها فى طرابلس تقولى عليه,ومشكورات سلفا:o:o

[آمال]

السلام عليكم ورحمة الله
قررت ان اشتري ماكينة عجن للمعجنات

من يعرف أفضل عجانة يساعدني وبكم واين اجدها


وجزاك الله خيرا

[om_adnan]

وعليك السلام أختى,قصدك فى طرابلس أكيد؟ انشاركك بمعلومات عامة,شوفى القوة امتاع العجانة كم وات,قارنى بين العجانات المتوفرة,فيه ماركات معاها ضمان ولازم تحتفظى بفاتورة الشراء,ننصحك فى انواع ممكن فى المستقبل اتضيف لها قطع زيادة خوذى هذا بعين الاعتبار.مبروك مقدما.

[آمال]

بارك الله فيك ام عدنان

سوف انتظر احد الاخوات الذين يسكنون طرابلس لعلها تفيدني عن النوعية والمكان وبكم
وعقبالك اختاه / ام عدنان

[بنت الاشراف]

السلام عليكم ورحمة الله وبركاته
أحسن ماركة كينوود استفسرى من الاخت زينب اين تجديها





http://hh7.an3m1.com/Sep/an3m1.com_690bbde0f41.gif

[آمال]

بارك الله فيك
نعم اخيه هذه التي ابحث عنها

عسى احد يجيبوني قبل حلول شهر رمضان
وخاصة ان يدي مفكوكة لا استطيع أن أعجن

[زينب محمد]

ام رميصاء فيه اكثر من موضوع في الركن عن العجانات

شوفيهم ممكن يفيدوك

[سديم الفجر]

اختى ام رميصاء بالنسبة لعجانة كينوود فعلا ماركة مليحة ومجربة كويسة كويسة
وتلقيها ان شاء الله فى محل متاع مواد منزلية فى طريق صلاح الدين مش بعيد على كلية الاسنان ( ابن منظور) بعدة بشوية اخر مرة القيتها عندة ب 600 دينار
عموما فى ماركة ثانية هيا عملية وتمشي اسمها جرينير GReeneR تقريبا ب 250 دينار
وان شاء الله لاباس على ايديك

[الساجدة لله]

حبيبة بري لمحل الدلتا في غوط الشعال وهو وكيل الكينوود رح تلقيها عنده ان شاء الله , والاسعار ليا فترة طويلة معش مشيت للمحل

[آمال]

جزاكن الله خيرا

[anhr]

اهلين حبوبات,والله استفدت منكم هلبه ربى يحفظكم,نبى نسئلكم عن العجنات الكهربائيه فى ليبيا,انواعهم واسعارهم وشنو احسن نوع,انى خاطرى فى كتشن ايد ,هل فيه منها فى ليبيا ,لانى مغتربه,وحاجات كندا ميخدموش فى ليبيا,وفى حاجه ثانيه ,هل في اخت فى كندا ولا امريكيا واخده مكوه شعراو استريت ويخدم فى ليبيا اتقوله عليها وشكرا

[barney]

مرحبتين اوخيتي حتى اني نفس المشكله كل الاجهزة ماتخدمش في ليبيا والمشكله هنا كل شيء رخيص بالنسبه للاجهزة لكن جارتي شرت مكواة شعر من موقع اسمه قروب ان group on والموقع هذا ايجيب في حاجات يخدمن في ليبيا وهيا خدت مكواة اللي قلتي عليها وتخدم في ليبيا وبالتخفيض يعني ارخص من الامازون والايبي amazon & ebey لكن ضروري تتصلي بيهم بيش تتاكدي انها تخدم في ليبيا يعني مش اي منتج تشريه منهم او يكتبولك عليه لو يخدم برة من اميركا او كندا ورخيص جدا وبالتوفيق
انشالله انكون افدتك

[زينب محمد]

وعليكم السلام ورحمة الله وبركاته

يرجى استعمال خاصية البحث قبل الطلب

توجد عدة مواضيع عن العجانات في الركن ممكن تستفيدي منه

لذلك يقفل الموضوع

[أم أبرار]

نبي نشري عجانة ووجدت في محل عجانةماركة ktc من عندها والا سامعة عليعا تفيدني ولها الشكر

[om_adnan]

http://di110.shoppingshadow.com/images/di/68/42/6b/57466c7a694645364b6b437659434371773341-149x149-0-0.jpg?p=hXC4Vf4K5l&a=1&c=36&l=7001106&t=07%2F06%2F12 06%3A41%3A10 AM&r=1&d=685.0&rt=mrأختى أم ابرار هل تقصدى هذة العجانة ماركة ktc kenwood ,أعتقد فى موضوع عليها من أخت كانت مقيمة فى بريطانيا,وتشكر فيها أكيد,العجانة هذه ممتازة وفيه عدة انواع تحت نفس الاسم والافضل فيهم اذا كنتى حتستعمليها واجد ,أعلاهم رقم فى القوة,ان شاء الله البنات يجابوا على استفسارك,لو كان فيه صورة ايكون أسهل.

[زينب محمد]

يرجى استعمال خاصية البحث قبل الطلب

يوجد عدة مواضيع عن العجانات في الركن يمكنك الاستفادة منها

ولذلك سيقفل الموضوع