[أفكار رمضانية] شنو الفطور اليوم?

[أم لينه]

السلام عليكم ورحمة الله وبركاته

رمضان على الأبواب
كل عام وأنتم بخير
وكل عام وبلادنا طيبة بخير و متهنية
اللهم بلغنا رمضان
طبعا زي ما تعرفوا رمضان شهر عبادة وشهر الكوجينة وأغلب البنات تعلمو الطبخ في رمضان
فياريت كل وحدة
تكتبلنا شن أهم شي موجود في سفرة الفطور
وشن هي اكلاتها الجديدة بالتفصيل

طبع من حار و حلو وبارد وسخون كل شي كل شي
أنا كل يوم نبدأ انفكر شن بنطيب اليوم ونسال الجميع شن دارو بصراحة الروتين ممل وانفكر في عمل جدول شن رايكم عسولات نبي تفاعلكم معاي

[om_adnan]

وعليك السلام أم لينة...شكرا على كلامك اللى زى العسل,كأنك تتحدثى بلسانى,طبعا أولا كلنا نتفق على شربتنا ,تاج سفرتنا-انقول نصيحة صحية بسيطة بس على المدى البعيد لها مفعول,حاولوا تنقيص كمية الحبوب حتى ولو ملعقة ,فى بيتى البراك مهم,نفس الشئ حاولوا تنقيص الرز,بعدين على الجو وعدد افراد الاسرة كل ما يزيد العدد تزيد الطلبات,احب الحلويات الى فى رمضان لقمة القاضى-نسميها السهل الممتنع.

[حبيبتهم]

السلام عليكم

كل عام وانتم بخير
وان شاء الله ينعاد علينا رمضان بالامن والامان

الشئ الضروري في سفرة رمضان كل يوم هو الشربة

والباقي يتغير مافي شئ ثابت يوميا

الحلويات اللي نحبها في رمضان الحاجات المعسلة زي لقمة القاضي وبلح الشام والدبلة او الودينة

[luba]

اهلين بام لينه كيف حالك باهي احني نخبروك وانت بتخبرينا وتورينا
زي ماالبنات الحبوبات تشوفي منهم من مطبخهم نتمنوا نشوفوا منك
اكلات من مطبخك عزيزتي
ليا رمضانين معاد حايرة جت هافكرة علي بالي وكانت الورقة مبهدله لانه كل مرة انضيفلها حاجات
وليا كم من يوم مواسيتها ورتبتها واضفت ليها من منتدانا الرائع وحاجات طبقتهم وتمام التمام

وهدي فكرتي

http://www.libyan-kitchen.com/gallery/images/la258.jpg

وان شاء الله تعجبك وتفيدك

[أم لينه]

السلام عليكم ورحمة الله وبركاته
صباح الحب والخيرات والسعادة الدائمة بإذن الله لأحلى أخوات في الله
كيف حالكم اليوم شن أخباركم
يارب تكونوا بخير وصحة وسلامة
مشكورات لتفاعلكم مع الموضوع وردودكم الأكثر من رائعة بارك الله فيكم
ننتظر منكم المزيد
وننتظر في تفاعل بااقي الأخوات

[أمـ ساره]

موضوع حلو ويساعدنا هلبة في رمضان

بارك الله فيك وا شاء الله نشوفوا التفاعل

[مغتربة 7]

ماشاء الله موضوع فى منتهى الروعة
لكن ياام لينة ما قلتيش انتي شن اديري على سفرة رمضان

بالنسبة ليا اني الشربة 30 يوم ضروري منها والبيتزا والباقي يتغير البراك معظم الايام اندير فيه
والحلويات انحب الدبلة ولقمة القاضي

وان شاء الله راح يكون فى فى منتدانا الغالي نشاط ومسابقات على رمضان الكريم
وفى من ضمنهم السفرة الرمضانية وان شاء الله يكون فى تفاعل

رمضان كريم على الجميع

[ام ساره وعبدالعزيز]

موضوع رائع ولى عودة ان شاء الله

[أم لينه]

السلام عليكم ورحمة الله وبركاته
مساء الخيرات و الحب والسعادة الدائمة بإذن الله
كيف حالكم عسسسسسسسولااااااااااات
يارب تكونوا بخيييييييييير
بالنسبة ليا أنا في رمضان ما انديرش في جدول بس نبدا حاطه كراستي قدامي ونختار شن بندير ونقعد انفكر واندور في النت وإلا نتصل بماما ونقوللها معادش عرفت شن بنطيب وتقترح عليا هي متعبتها معاي ربي يحفظها ويديمها لينا ومايحرمناش منها



وبالنسبة للأكلات اللي مانستغنوش عليها ولازم منها 30 يوم هما
أولا =الشربة العربية مع إني اندير معاها في أنواع تانية من الشوربات كنوع من التغيير لكن شربتنا لازم منها
وثانيا =البيتزا
وثالثا =البوريك طبعا الحشوة مش تابتة مرات لحم ومرات بطاطا ومرات جبنه بالأعشاب
والباقي يتغير لكن مانقرر إلا بعد شياط الريق هههههههههههههههه

وسامحوني دوتي هلباااااااااااااااااااااااااااااااااااات
وكل ما نتفكر حاجة من الحاجات الجانبية نكتبها بإذن الله

[نسمه ليبيه]

كل عام وانتوا بخير

انا اهم شى عند زوجى الرز تقريبا شبه يومى
اما البراك فما نديرش فيه الا مرتين او ثلاث
والشربه الاغلبيه شربتنا الليبيه واحيانا البرودو وشربة العدس

والحلوالجبنيه الحلوه(ان شاء الله حننزل طريقتها
والكنافه

ودلوعة المائدة البطاطا المبطنه كل يوم نديرها بطريقه
وسلامتكم

[لوتي]

موضوع تحفة ويخلينا نحصلو أفكار من بعض
أما بالنسبة لينا فالتابت عندنا الشربة الليبية كل يوم والبيتزا ووجبة هكي أهلي إيحبو والباقي يختلف حسب
على فكرة فكرة لوبا تحفة

[الصابرة]

السلام عليكم
الموضوع حلو سلمتي يا دانية
اما بالنسبة ليا اني نفطر في حوش اهل راجلي
لكن اندير كل يوم نوع حلو ونوع حار نرفع فيهم معاي ليهم
ومرات اندير في وجبات يكون واحد من اخوة راجلي نيته فيه
واكثر حاجة انواع كثيرة من الارز هذا اكثر طلب يطلبوا فيه مني
واني عاد انتفنن

[أمـ ساره]

مبارك عليكم رمضان وخياتي

وتقبل الله منا ومنكم


بالنسبة لي فطور لازم من الشربة الليبية المقومة

والبيتزا نحبها مع الشربة وما ناكل معاها خبزة

ونتمنى كل يوم ندير بوريك حسب لو كان متوفر او لا

والباقي يختلف حسب رغبتي في التطيب وحسب الموجود

لكن لو بخلوني براحتي ما نطلع من الكوجينة



واليوم نفكر ندير

الشربة والبيتزا والبوريك ولو لحقت امبطن

والحلو مازال نفكر فيه نبي حاجة سريعة وحلوة