المساعد الشخصي الرقمي

مشاهدة النسخة كاملة : [ تطبيق] تجفيف الكسبر الاخضر في الفرن لي مارتا ستيوارات من مطبخ لوبا



luba
07-08-2012, 08:33 PM
السلام عليكم ورحمة الله


http://www.libyan-kitchen.com/gallery/images/2fef.gif

تجفيف المعدنوس او الكسبر الاخضر تطبيق من مارتا


http://www.libyan-kitchen.com/gallery/images/la273.jpg

هدي اول مرة انديرها وقلت لازم نجربها وادا نجحت انزلها في هدا المنتدي المعطاء

طبعا نوع كسبر ليبيا هنا بالنسبة لي زي الحلم لما نلقاه و كسبرهم لابنه ولاصنه ويوجد
نوع ايطالي اكتر من راااائع ولكنه غالي ومايجيبوه هنا هلبه بعد مرااات بعيدة بيش نلقاه
وامس لقيت الكسبر اللي زي في ليبيا الكميه قليله هدا ماوجدت

قلت عشان مايضيع قطعت الجدور وزرعتهم في اصيص
والاوراق غسلتها كويس


http://www.libyan-kitchen.com/gallery/images/la268.jpg


قطعت الاوراق علي فوطه ونشرتها عليه ليجف تماما في تيار هواء او حتي بدون لكن
لاينشر في الشمس

http://www.libyan-kitchen.com/gallery/images/la269.jpg


وبعد جفت الاوراق طرحتها علي سلفر ( عادي بدون سلفر ) في طاجين
وفتحت النار في الاول علي درجه 180 لحد سخن شويه
وبعدين نقصتها علي اخر درجه في الفرن كانت 65 درجة مئوية

http://www.libyan-kitchen.com/gallery/images/la270.jpg

بنات اني واجهتني بعض الاخطاء ممكن لانه ماريت صور او حكي مفصل للموضوع
الا قرأت عنه قليل جدا

كل فترة قليله لما بنحركوا الكسبر وهو في الفرن انحركوه بي شوكة افضل او عود خشبي

http://www.libyan-kitchen.com/gallery/images/la271.jpg

ماتخافوش لما بتدبل الاوراق احدروا من تحريكها بقوة

http://www.libyan-kitchen.com/gallery/images/la272.jpg

بعد شويه تلقوها جفت وتسمعوا صوت الخرخشه

http://www.libyan-kitchen.com/gallery/images/la272twt.jpg


وخلوها لين تبرد واطحنوها بين ايديكم ولو بقي قليل منه لم يجف نعيده تاني في الفرن ونرحيه بين اليدين
وتمتعوا بطريقه سهلة جدا وخاصة للنعناع وكان نفسي نلقي نعناع

بالنسبة للوقت لايهم المهم انك تسمعي صوت الخرخشه وتحسي بجفافه بين يديك


http://www.libyan-kitchen.com/gallery/images/la274.jpg

om_adnan
07-08-2012, 08:41 PM
وعليك السلام لولو....جزاك الله خيرا.موضوع مهم للمغتربين,وفعلا دايرة الموضوع بقلب ورب,فكرتك مية المية حلوة وخصوصا بالنسبة لى مرات للاسف يفسد الكسبر قبل ما نستعمله ولكن النكهه تختلف بين الطازة والمجفف, لولو بس النعناع صعب شويه,جربته بجميع الطرق ولكن ليس مثل نعناعنا..

luba
07-08-2012, 08:43 PM
شكرا ام عدنان وتسلمي علي المرور
مازال لم اعرف البنه ولكن اني نشتري في المجفف من المحلات عادي ريحته مش قويه
بس هدا اللي درته ريحته ماشاء الله قاعدة قوية وكانه اخضر وقلت ماعاد بنشري الواتي

الساجدة لله
07-08-2012, 10:44 PM
تسلم الايادي ياغالية طريقة مميزة

الصابرة
07-08-2012, 11:46 PM
ماشاءالله عليها الفالحة .... تبارك الرحمن وسلمت يداك فعلا فكرة تنفع للي مايستخدمش في الاعشاب على طول...
اني نفعتني السنة الماضية ايام قطع الكهرباء باستمرار ماما زارعته وتبعتلي في كمية كبيرة فكنت نجفف فيه بالطريقة بتاعتك
ودارت حل هلبة وحتى طاجين الجبن نستخدم فيه ويعطيك نفس الطعمة والبنة زي الطازج
معليش طولت عليكم
لك تقيييييييييييييييمي

luba
07-09-2012, 01:08 AM
الساجدة شكرا لمرورك وتسلمي يارب
الصابرة شكرا لمرورك والتقييم وتأكيد علي نجاح الفكرة

نسمه ليبيه
07-09-2012, 01:53 AM
يسلموا ايديك فكره محلاها


بس كم مدة تعريض الكسبر للهواء فى نفس اليوم والا عدة ايام

luba
07-09-2012, 02:20 AM
نسومة اهلين بيك

تعريض الهواء او بدون هواء يقعد علي المفرش حتي يجف الماء
بدون وقت مرات تاخد ساعتين او اقل

نسمه ليبيه
07-09-2012, 02:22 AM
اه هكى معناها ساهله انا تخيلتها تاخذ ايام يعنى كل يوم نطلع ونرد.......... مشكوره على ردك

ترهونيه حره
07-09-2012, 07:12 AM
فكره رائعه
وانى مجربتها حتى مع المعدنوس والشبت
مشكوررره

آمال
07-09-2012, 01:30 PM
بارك الله فيك

أمـ ساره
07-09-2012, 01:52 PM
اشاء الله لوبا موضوع مميز وسهل ويوفر الوقت

وخاصة النعناع المجفف لأنه مهم في رمضان


تستحقي التقيييييييم

بنت الاشراف
07-09-2012, 03:21 PM
بارك الله فيك

ريكا
07-18-2012, 08:36 PM
فكرتك حلوة وانى مجربتها مع النعناع وكانت ناجحة شكرا لوبا

luba
11-19-2012, 09:07 PM
شكرا لمروركم وبارك الله فيكن